秘 (享成街)

营业中

休息中

特意來吃裹上麵包糠後經快速高溫油炸而成吉列牛，週五晚上非常多人等位。建議預早訂枱。^放在門外供翻閱的餐牌，選擇不少。^櫻花金魚湯，像真度高、十分精緻的湯品。但味道猶如熱水加豉油般淡，而且金魚餃的餡料過少，像是在吃一整團雲吞皮。^外皮金黃內裡嫣紅，炸得不錯，用牛脂肪在石板上再燒充滿油香。可惜入口沒有肉味牛味，連足夠調味也欠奉，唯有燒後沾上醬汁才可勉強配飯。肉質又韌又多筋，口感味道都不合格。^同事點的餐賣相也很吸引。牛肉蓋著雜菌及味噌醬，放上朴葉上燒。但味噌醬太多牛肉超鹹，需要配飯一起吃，吃完很口渴，而且燒一陣後葉子和菇都焦了，燒焦的葉碎還粘上牛肉，吃得狼狽不堪。另外亦點了手羽先(雞翼)$48，發揮正常，賣相無特別所以沒有拍照。總結，是打卡拍照呃like的好餐廳，但對食物水準不要有太高期望，不明白為何那麼多好評。人均消費算是便宜。

經常回荃灣這個我長大的老地方，同我家兩千金吃喝玩樂一個週日。呢晚仲要有爸爸早收工陪食飯，梗係試下新嘢。之前經過幾次想食，但唔係排長龍就係滿座到叫你唔好等，呢次終於有枱。見好多食評講到個吉列牛噤好食，立即叫兩份先，老公話兩大兩細叫3份餐好啲又可以試多款牛，於是叫咗味噌牛。先講味噌牛，賣相幾特別，但老實，我並不欣賞，用一塊包糯米雞噤大塊嘅葉，裝住細細堆牛肉，仲要菇菇切粒墊底，再放响一個比香薰爐大啲啲嘅爐仔上煮，期間叫你要不停咁撈，唔係就唔熟，個爐上面塊石板得4x4，筷子功夫唔好真係一枱都係……終於等到佢熟，一食落去個口有少少漿住，味噌太濃，蓋過晒啲肉味，嗰舊係牛定豬都無分別，我兩位千金仲即刻吐返出嚟。另一款吉列牛，只可以話不過不失，因同樣用石板熱熟，所以係無咩燒或烤過嘅香味，啲肉就好一般，食唔出牛肉味，最唔掂係下圖中間嗰碗昆布清湯，係凍嘅，可以用非常難飲去評論！至於環境，服務方面還算不錯，唔會坐到好迫，服務員們都nice, 態度ok總括而言，百零蚊個牛肉餐，唔好期望太多。

最鍾意試新餐廳，這間荃灣新開的，成日見有人排隊，今次同老公5:45pm就來排隊食第一輪 5:45pm去到已經有4-5 group人係前面，之後排左5分鐘就有多7-8個人排我們後面，真誇張！店員6:05pm安排入座，都算準時啦。入到去見店內只有12張枱，好彩早d到排隊，第二輪應該要等一個鐘啦⋯⋯我叫左芝心吉列豚肉，老公要吉列牛。因為個個都差不多時間落order, 所以都等左一陣。老公的吉列牛有石爐俾你自己燒，我的吉列豚肉就普通d... 不過豚肉新鮮嫰滑，芝士味creamy, 都好惹味。老公的牛份量好多，佢話好好味，食唔停！建議大家最好5:45pm前來排隊，如果唔係一定要等一個鐘以上。餐牌的價錢其實係單點價錢，連飯都唔包，未加set的價錢，好似有點⋯ 誤導

去完日本食過當地既吉列牛，真係有啲難返轉頭，身為一個荃灣人又喜歡嘗鮮，當然試下呢間幾出名吉列牛的日本餐廳😊秘 位置在荃灣廣場附近，由荃灣西鐵站行過去大概8-10分鐘，附近都有不少餐廳，但就相對地沒秘咁多人排隊，而地方算是易搵Ⓜ 裝修風格襯餐廳名，帶點神秘既氣息同味道💭大概7點半到達拎飛等位，又撞正Happy Friday， 所以等左差不多一個鐘先能入座😩不過目標好明確😈 板燒吉列牛同蒲燒鰻魚飯當然是重點之中的重點!由點餐到上菜時間都好快，大概10分鐘，所有餐都是不包餐飲，所以侍應都會推介我地另加，不過我地都沒太大興趣，侍應就會比水，我覺得係加分位👍板燒吉列牛份量不算太大，但絕對是性價比高 ，份量對一個女仔黎講算是岩岩好，男仔既話 我建議另加定食$38 內容包括秘之飯素🍙，楓糖流心蛋🍳及櫻花昆布湯🍜 吉列牛外皮很脆身，同平日吉列豬排的皮一樣脆，不會好像麥樂雞皮咁淋，值得一讚✔的是其他配備跟我在日本食既相若蒲燒鰻魚飯亦是另一樣我好想試，因為好少在香港食到不貴又無骨的鰻魚飯🍱，從賣相評價算是不錯分數，飯既份量相對地算是少，而鰻魚係原條鋪在飯素既上面，感覺大滿足，味道都幾好，可惜稍欠鰻魚汁，如

網上不停有人介紹，心庠庠想試好耐，本身鐘意食牛，又鐘意黑松露，見到呢個組合即刻黎試，係今次食之前曾經試過夜晚7點幾去等位，但太多人，都係失望而回，今次特登揀星期六一開門就去排隊食lunch,12點左右唔算太多人但要人齊先入得，因為枱與枱空間較大，唔會同隔離枱坐得好近，所以坐得好舒服，但店舖座位較少所以好快就滿，午餐加$20轉套餐晚餐轉套餐好似有d唔同黑松露吉列牛吉列牛兩款吉列牛都好正，好林，不過相比下黑松露有點失色，如果黑松露味再濃d會更好，芝心吉列豚肉豚肉換左做做芝士淋面，豚肉厚身不過依然好滑，但係呢款菜色無乜特色，所以比較推介食吉列牛另外可以一試味噌牛肉，見隔離枱食都幾吸引食到點幾出面開始多人等位，所以建議大家早d黎等

近排hit爆既吉列牛熱潮仲未退 間間小店依舊大排長龍原來一直有一間「秘」店係附近 襯lunch time少人即去潮拜一下先秘既吉列牛有兩款口味 ＄98 板燒吉列牛 同 ＄148 秘·燒黑松露吉列牛（lunch送汽水）今次試了入門級普通版好快炭火爐熱石板同一碟被吉列雪花仍然紅色既生牛塊一齊上台 好日本FEEL呀 未食已經好吸引先用牛脂抺一抺熱石板 見到㷫烚烚就放塊牛肉上去 反一反兩面肉再㷫一㷫個吉列脆皮就搞掂食得 聽到乍乍聲已經好想食啦一啖一口 牛肉少筋有嚼口 肉質都算嫩既 點埋個燒肉汁 味道更強烈更惹味內軟既牛肉加外脆既吉列皮口感特別好夾 建議吉列邊燒多陣先夠香脆自己控制生熟度煎熟塊肉 試過半熟至煎到全熟 都仍然好軟熟 好玩又好食除左主打板燒吉列牛 仲有朴葉味噌牛 鰻魚飯 鋪頭係大壩街內街 門口一大個「秘」字 一d都唔神秘 坐位方面唔算好多但坐得舒服 食左一陣好快又滿座了

一直聽說荃灣有家小店吉列牛非常有名但基本晚上都超多人都沒機會試今天！！終於去午市！！非常幸運的不用等位！店內座位不多就差不多只有10桌左右所以座位難求呀！！！我們3人進去就決定點一份板燒吉列牛一份燒黑松露吉列牛一份芝心吉列豚肉不過店員說豚肉芝士會換成淋在上面有點可惜午市加$20可轉套餐多了一個飯（晚市$38會再多一個櫻花昆布湯）然後還點了檸檬梳打消暑！等了10分鐘左右吧吉列牛都上了各自有個黑色石板爐很有質感吉列牛的賣相也非常好板上會有一小片肥肉讓你把鐵板全沾上油再慢慢燒牛肉吉列牛味道比較濃！肉質超嫩相對下黑松露雖然也好吃但因為松露味道並不突出有點少失望呢至於豚肉我真的不太推介除非大班朋友可以點一份試試但我覺得豚肉沒牛嫩而且吃下就像一般炸豬扒不算特色味道也是普通外面能吃到的水準所以還是吉列牛最無敵推介！總體我超級喜歡這家價錢以午餐來說雖貴但值得！不過我更希望能少三分一的飯多兩塊吉列牛呢！哈哈哈哈

黑松露吉列牛 $148黑松露味吾太濃 但係都食得出黑松露味嘅 牛方面半肥瘦吾錯配一個白飯 啲飯好有咬頭😙但係就太多🤣值得一試可能熱潮過咗就算係食飯時間都唔係太多人唔使等位🕵🏻‍♀️：秘

上網見到依間新開嘅秘神神秘秘究竟係食咩架呢？見到d相以為係黑椒牛，原來係黑松露牛，當一黎到會有個磚俾d牛脂你搽暈個塊，咁就可以開始燒la。我每邊燒30秒，medium rare 根本唔需要點任何醬汁就已經好好味。一放入口成口都係黑松露味，加上牛肉好好味一d都唔un唔痴牙。飯上面有櫻花牙乾芝麻紫菜，所以撈埋飯真係perfect。我地仲試左板燒牛添，你問我邊個好食d，兩個都一樣咁好食，但係黑松露牛應該係街無咁容易食到了。但係板燒牛嘅脆皮都好令人喜愛。之後我地再叫左蒲燒饅魚飯當然遜色好多，因為同平時其他日式餐廳差唔多，所以無特別驚喜。飲品方面我地飲左日式薑啤，襯返依餐飯真係一流總括黎講黑松露牛同板燒牛都好好味，價錢仲好扺食，我地食左3個餐2支飲品都係$444蚊。不過依間小店坐位只得30個，無得訂位，6點開始已經排長龍，要注意喔！

近期發現荃灣多咗間日本料理，今日相約咗幾位飲腳一齊去試吓！主餐牌選擇唔多，有牛、有豚肉同鰻魚比我哋選擇，唔吃牛嘅我選擇咗鰻魚飯。其實真心覺得一間日本餐廳，如果佢嘅鰻魚燒得好的話，其他嘢都唔會差得去邊果然有驚喜真心覺得好有水準，性價比非常高！無腥味之餘連小魚骨都感覺唔到，以呢個價錢嚟講，真係好難得啦！本身無諗過寫呢篇食評，所以無影太多相.........但係食完之後真心覺得呢間餐廳無論服務、環境、食物質素都非常好，值得向大家推介一下

荃灣是我自少長大的地方外家亦當然紮根於此，記得細時要買排吉X利朱古力(士多不賣貴價貨)要行15min才能買上，皆因住家附近並有大商店，近年西鐵開通後連帶享和街，大壩街這兩條車房街都熱鬧起來！ 正因為熱鬧所以亦吸納到一間神秘的日本料理進駐此地名字叫秘 ！門口有種祕而不宣的感覺。 行入餐廳內不超過十張檯座位緊拙！好彩跟車爸爸早到一埗在沒有訂檯的情況下也可吃一場 不錯的午餐。 午餐提供六款主食！有四款都是牛的菜式相信牛魔王絕對興奮，而我亦都選到了我喜愛的鰻魚所以也沒有因此失望呢，而所有主食都會配上珍珠飯一碗，如果喜歡豐富點可加＄38配成定食，內裏包括秘之飯素，楓糖流心蛋及櫻花昆布湯，如果想再吃得精緻一點再額外加多＄20，可將定食的昆布湯轉為櫻花金魚湯呢！ 第一趟來吃的我倆信心不大就只點了各一份主食一試虛實先，車爸爸愛牛選了秘·燒牛肉鍋＄98。 用上小火爐來保持溫度的牛肉鍋，內有不少的金菇，娃娃菜，冬菇，芋絲及主角牛肉件。 湯頭除了用上牛骨牛肉外還加入了甘筍，西芹，洋蔥等蔬菜淆製而成所以看上去湯色十分清澈，不吃牛的我當然沒辦法試味！但根據這爸爸的評語牛肉滿戴肉香，炆得透徹鬆化又入味， 那口湯更

原本唸住熱潮過後先去試但真係等唔切就係第二場開始前去排隊門面有個好大既秘字1800開舖後，著埋燈更加靚😍黎度，當然要叫板燒吉列牛啦之後再叫好多人推薦既芝心吉列豚肉原以為個價錢只係包吉列牛要另外加配原來唔係，加配係係白飯上面加飯素、流心蛋同昆布湯昆布湯加多20蚊就可轉櫻花金魚湯呢個係板燒吉列牛再加配左中間個金魚湯其實好淡金魚係一種類似魚蛋既食物全個湯無咩特別係板上有一個小油要靠呢個小油黎燒熟啲牛但旁邊既一位，擦擦下飛左落街好彩啲吉列牛有少少肥膏建議唔好燒太耐，會好食啲落單後，職員都有同我地講芝心吉列豚肉宜家變左只係將芝士倒係面所以呢個已經唔係叫芝心啦因為呢個無加配所以淨係得白飯🙈🙈豚肉唔嫩有點過熟，不是太好食😢我見人地個條魚好靚咖唔知點解呢條魚對眼係咁😫😫總的，板燒吉列牛好食我見隔離枱，4個男既都點吉列牛😂😂😂後話:如果洗手間對門可以關上會比較好因為我地張枱係對住廁所有點似係廁所食既感覺😓😓😓

一間營業於車房聚集，而且門面不太顥眼的日式食店。之前已經經過多次，見到門前餐牌上主食的選擇不多，而且門面的而且確比較神秘，所以一路以來都沒有光顧。這這天假期，剛剛路過就光顧一次。等了大約廿十分鐘，一早在門口已經選定食物。選了浦燒鰻魚飯、芝心吉列豚肉兩個主食跟飯，不過落單時店員已經通知豚肉改為炸完後淋上芝士汁；亦點了芝心雞丸子及手羽先和一支啤酒。食物味道很好，鰻魚很大條，很抵食。豚肉雖然不是芝心，但炸得很好食不會很乾，而且芝士汁也很稠和美味。雞翼也炸得外脆嫩，雞丸子就普普通通。地方雖然不大，但坐得舒服，環境整潔，店員有禮，上菜很快。不過食物種類不多，而且多煎炸物。我個人就滿意今次用膳，下次會試下它以牛為主的主餐。最後提提大家，"秘"暫時只收現金。

🔥🍖🍯穿過橫街窄巷終於試到荃灣呢間新開＂秘＂8:30去到已經超多人，排隊排左半個鐘🙂店鋪細細但裝修都好舒服💓主打＂板燒吉列牛＂選用美國安格斯牛肉，香但肉味唔濃，雖然味道未到你會＂嘩＂一聲，但勝在價錢公道😎👍🏻$128自己落手玩下燒下，係幾過癮😝🐮🥘🔥燒黑松露吉列牛外表份外吸引，食落。。冇乜松露味😝😝都係正常吉列牛好食👍🏻呢個經店員介紹炸軟殼蟹係最驚喜嘅，軟殼蟹厚肉又有肉汁出邊炸到吹卜卜又好香口食完會上癮！嘢飲就試咗綠茶汽水同櫻花汽水配合炸嘢就一流！溫馨提示：9:30 last order，但8:30之前好黎排隊😎

特登黎到荃灣試下呢間吉列牛專門店。大約八點到，拎左飛，等左45分鐘入得。兩個人叫左 一個吉列牛定食，一個芝心吉列豚肉定食，一客炸軟殻蟹。首先講下個吉列牛啦🐄石板上面有粒脂肪，掃匀係石板上面，先好放吉列牛。炸得幾鬆脆，放係石板上面燒一陣就食得😝入口同時有兩種口感，係好好食既。我地兩個女仔都算正常食量，但點知食到一半都覺得好飽，個定食都幾大份。價錢都算合理，個定食仲有碗湯，咸咸地都ok既講下個芝心吉列豚肉🐷依個就普通 不過不失。吉列牛好食啲到炸軟殻蟹🦀因為店員推薦，所以啊左黎試！果然無介紹錯啊！！炸到啱啱好，又唔會太乾，食到蟹肉又有肉汁！係可以再點之選！覺得好好食，值得一試！