秘 (享成街)

营业中

休息中

📍秘 (荃灣)荃灣享成街22號地舖晚市$38加配定食有日式大根湯、飯、楓糖流心蛋。✨黑松露吉列牛 $158油脂分布均勻 ，客人可以自行控制肉的生熟程度，牛肉外層酥脆，肉味濃郁而且肉汁豐富，肉質鮮嫩柔軟，牛肉的品質和烹調技術無可挑剔，略嫌黑松露的味道太淡，在味道上未能與牛肉形成強烈的對比。————————————————————整體用餐體驗✨味道(4/5)✨環境(3/5)✨服務(3/5)✨性價比(4/5)

之前聽到荃灣店執笠嘅消息都嚇親，好彩最後唔洗摺講咗個湯先，個湯冇味的晚市加配定食少貴，吉列牛個質素一睇啲肉嘅花紋就知好食☺️，炸嘅部份就算燒完都咬落香脆，牛舌都係好食，不過嚟到秘當然首選吉列牛-。吉列安格斯牛小排 | $148晚市加配定食(+$38)，秘之飯素,楓糖流心蛋,日式大根湯。黑安格斯牛舌芯 | $108晚市加配定食(+$38)，秘之飯素,楓糖流心蛋,日式大根湯-📌#sorriso_荃灣 #sorriso_荃灣區#sorriso_佐敦 #sorriso_油尖旺區#sorriso_銅鑼灣 #sorriso_灣仔區-👅【秘 secret chefs】📍荃灣享成街22號地舖📍銅鑼灣謝斐道522號地舖📍佐敦偉晴街11號地舖🕑Mon-Sun 12:00-22:00更多食評ig: @sorriso.foodie.hk -#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #荃灣美食 #銅鑼灣美食 #佐敦美食

估唔到荃灣都有吉列牛🥩！荃灣收工搵食，就睇到網上推介呢間吉列牛，即刻過咗嚟試聽人講話食飯時間等位會好耐今日我7點左右去到都唔使排隊～店鋪小小，入面就坐得迫小小但環境乾乾淨淨不過因為石燒食完出嚟都食身油煙味，覺得通風做好小小會好D 叫咗一set招牌石燒吉列牛 🥩跟返自己生熟程度燒，食落外層酥脆，有時自己 overcook 咗食落牛都唔會話好韌！味道幾好！佢配咗 2 汁，一口係芝麻醬一個係燒肉汁我個人鐘意燒肉就配返配燒肉汁多D食差唔多食完先知自助吧有得拎鹽另一set 係野菜牛肉鍋🍲嚟到先發現原來同蘿蔔炆牛腩一樣😂不過牛腩好淋，蘿蔔都入哂味！

秘 （荃灣享成街) 晚市好多人，齊人先入座。服務態度一般，餐廳環境較細，會比較多油煙。🐮板燒吉列牛 $98外層酥脆香口，按返自己想要熟既程度燒，加埋豉油或者麻醬食會有少少遮住牛肉嘅味道，所以我比較鍾意配鹽，不過餐廳冇提供，唯有要點住豉油。🐷芝士吉列豚肉$88有少少驚喜，平時過嚟食都係食吉列牛。無諗過佢個吉列豬扒咁脆，麵包糠令到豬扒更加香脆有咬口。大大啖點芝士汁，滿足我呢啲食肉獸🤭兩個餐都加咗晚市定食（每個加多$38）包秘之飯素、楓糖流心蛋、日式大根湯飯素芝麻好香好撈飯，流心蛋冇特別，日式大根湯去油膩感，微辣。🏠荃灣享成街22號地舖☎️ 23509177

今日放假同男朋友想食燒肉😊咁佢就帶我去荃灣呢間祕😉叫咗一個板燒 吉列牛 同埋板燒安格斯牛小排 好味好有滿足感 又話最鍾意食嘅紫菜飯 ！不過個人認為板燒吉列牛好食過牛小排 可能因為吉列牛外邊脆卜卜裏面嫩滑 😍 價錢唔算貴 ！大約每人150左右 抵食好味

呢間石板燒吉列牛之前都食過幾次㗎啦～咁就一開始嘅時候呢都好多人排隊㗎～食過之後呢幾次之後呢咁就越來越少人排隊～咁去到而家呢就應該唔使排隊～睇返其實都唔使排隊食～牛嘅質素呢就越嚟越差～以前好食啲嘅雖然依家都唔係唔好食，但係就冇以前咁好食啦同埋就係冇乜特別冇乜創新咁如果咁耐都係一模一樣嘅話呢咁冇轉過任何嘢又冇加任何新嘢呢其實食客都會覺得好悶好無聊啊同埋唔係淨係得佢一個選擇咁都有好多選擇亦都好味過佢嘅，咁我覺得佢應該要有啲創新啲嘅菜單推出會比較好

主力畫香港本地小店美食✨燒黑松露吉列牛 $158 每份吉列牛大約有12-14塊附帶半粒番茄仔&椰菜絲沙律🥗平衡油膩感自己動手燒可以控制生熟程度👩🏻‍🍳大概燒十秒就可以翻面～當日食嘅黑松露吉列牛肉質偏韌😢肉味欠奉黑松露麵包糠炸漿食落同普通版差唔多主要靠沾燒汁/芥末醬油調味雖然今次冇叫定食🍱但不得不提秘之飯素+楓糖流心蛋撈飯係無敵！就算無餸都可以直接食一碗～撞正晚市定食飲埋日式大根湯👍🏻清甜解膩不過個人認為加配定食嘅定價偏高🤑自行斟酌啦～評分💫：味道：3/5環境：3/5價錢：3.5/5

秘係一間主打自己燒吉列牛嘅餐廳，位於荃灣嘅店舖，需要步行約10分鐘先可以到達，位置未算特別方便，但燒吉列牛吸引到唔少食客。餐廳內部環境偏暗，帶點工業風，店內約有8-10張枱，座位間比較緊迫，由於餐廳主打燒吉列牛，所以桌面地面上可能會有一啲油漬秘燒黑松露吉列牛自己燒吉列牛，玩味十足。吉列牛切片放在碟上，附上牛脂，自己按自己鍾意嘅程度燒熟吉列牛。吉列牛外層用咗黑松露為吉列牛帶來松露香氣。牛肉份量都足夠，脂肪分布亦均勻，燒熟後配上松露香，層次豐富

應該第3定第4次黎食，佢嘅吉列牛係唔差，今次仲試埋佢嘅蠔豆腐湯，真係好鮮甜同多料！朋友叫左牛舌定食，我就覺得一般，始終呢到係吉列牛出名同好食 。所以我依舊叫吉列牛小排，upgrade左味素飯，睇個份量都真係幾抵食，仲有埋隻糖心蛋 。唯獨美中不足就係呢啲嘅職員姐姐態度不太友善，即使成間餐廳無乜人坐，都要客人坐埋一齊搭格咁，雖然中間有塊膠格版（之前疫情個隻），但佢又有爐，啲野又多，張枱又細，真係肥少少都坐得好辛苦 。最好笑係，有枱問佢野，個姐姐就好似default 左啲人問佢有無得調大枱，但明明個客只係問佢拎餐牌，可想而知有幾多人會問呢條問題，同埋點解會問呢個問題呢？就係因為太迫。同埋主要係個場唔爆，大家都係想坐得鬆動啲 。另外記得帶定啲消臭噴噴，因為每次食完都會成身燒肉味🤭🤭

去咗荃灣一間食燒牛嘅地方， 叫咗一個燒牛肉野菜鍋定食， 叫咗一個燒牛脷套餐， 再加一支澳洲青檸梳打， 首先用牛脂膏 搽塊板， 再放上牛脷慢慢燒， 牛脷唔韌， 都幾爽口， 又有牛味， 而且仲要有好多塊， 抵食 燒牛肉野菜鍋叫咗定食 有蘿蔔湯 明太子味素飯送埋 同埋溏心蛋， 蘿蔔湯好清甜， 蘿蔔香味好重 冇渣，飲落好舒服， 溏心蛋做得唔錯， 糖心裏面冇腥味， 熟到啱啱好， 味素加明太子撈飯一流，正 重點推介牛肉， 佢應該係用咗牛， 估唔到煮得咁好非常淋， 牛筋同牛肉分佈均勻， 而且裏面肉汁豐富， 所以唔會令牛肉乾柴， 最重要係咬落去唔會黐牙， 因為大家都知道如果嗰嚿牛唔夠新鮮或者係隔夜， 你咬落去就會食到黐牙， 而係呢個絕對唔會，有水準， 仲有要介紹嘅係佢個 窩底嘅牛骨湯， 牛味好重 而且唔會油膩 應該冇落味精， 可以飲多幾啖， 食飽飽之後最後飲埋個澳洲青檸梳打， 個青檸 酸味十足， 一來配埋梳打一齊飲好夾， 二來可以解咗牛嘅油膩， 一個咁靚嘅牛， 一碗咁靚嘅湯， 重要價錢唔太貴。 人一世物一世， 點解唔去試一試呢

呢間秘以前係人龍店，永遠都勁多人等位，星期六6點幾黎到直入，入面仲有幾張吉枱，睇嚟熱潮已減退🫠🫠🫠黑安格斯牛舌芯+晚市定食$148牛舌好薄身，口感都幾好，但唔算有太濃既牛味，不過不失🫠🫠🫠板燒吉列安格斯牛小排+晚市定食$186個吉列牛有幾舊肥膏覺得多左d，吉列牛本身油再加上自己燒，食落覺得好似成口油咁🫨🫨炸手羽$48，熱辣辣脆卜卜，正常發揮。成間鋪油煙都比較大，食完覺得成身好大陣味🫠

自費‼️一直想來的這家秘餐廳，總係有好多食客排隊，真係香港超人氣的美食聖地。今次終於可以食到！值得一提的是，這家餐廳雖然細小，但設施齊全，服務員非常到位，令人印象深刻。👏 佢哋會隨時關心燃料使用情況，只要燃料用完就會馬上幫你補充，服務真係一流！🌟吉列牛份量充足，外面有一層酥脆的吉列炸粉包住，牛肉係粉紅色的約3成熟，食板燒吉列牛的好處就係生熟程度可以自己控制，可以喺石板上慢慢燒。🥩 咬落去外脆內嫩，真係鬆化到不得了！😋 配埋白飯食一流，白飯上面已經加咗飯素，份量都唔手軟。不過我比較鍾意分開上，咁可以自己控制口味。🍚總括嚟講，呢間秘餐廳真係值得一試，無論係食物定係服務都係一流，絕對會想再來！✨🍽️

母親節飯今年我哋一家三口帶埋工人姐姐同嫲嫲慶祝母親節，揀咗呢間荃灣吉列牛名店秘。以前每晚都必定大排長龍，但係出奇地今晚完全唔使排隊仲空位餐廳生意真係差咗好多不過好彩地食物質素冇乜大改變，我哋叫咗四份吉列牛，一份牛小排。肉嘅份量大概係八至十塊，份量絕不馬虎，每分套餐都會跟有白飯。吉列牛的話，店家會先把牛肉沾上麵包糠炸好再切件，然後我哋就可以跟着講自己嘅口味放上去已經預熱嘅石板去將牛肉加熱整熟。食完肉之後，仲可以用肉汁同牛油去炒更餐嘅蔬菜。食石板燒，其實最主要都係食食材嘅質量，呢一方面店家做得相當好，牛肉新鮮，油脂分布好平均，我哋都相當滿意。P.S. 屋企人冇幫吉列牛影相🫣

今日晚餐嗌咗兩樣唔同嘅嘢食一：吉列牛🥩呢個係一人份嘅燒肉，首先佢會比油脂，咁之後就可以將啲肉擺上去自己一個一個咁樣燒，大概呢就會有七至八舊牛肉🐮我覺得牛肉嘅味道都OK嘅，不過肉汁就偏，腍，如果可以硬身少少🤏就好啲呢個係一個套餐set啦，會有埋個飯，上面有啲飯素🍚喺度都幾好食😋二：鰻魚飯🐠推介呢個鰻魚飯啊鰻魚都好大嚿同埋都好大份啲飯撈埋啲汁都係幾好食嘅味道，唔會話腥會再encore呢個鰻魚飯🐠環境方面：通常都係二人枱比較多嘅，個位有少少迫，如果可以多啲位就好啲如果係平時夜市就比較多人需要排隊總結：推介鰻魚飯，好好食唔腥❤️

板燒吉列牛吉列牛外層酥炸外皮,但唔會遮左牛本身既肉香。小型火爐去燒返適合自己既生熟度就更易入口。可以加配套餐會在飯上面加上味素鋪面,撈埋點牛既汁醬就好香,以及蘿蔔清湯可以解油膩感。和風薯條配芝士醬香脆可口薯條配上味素點綴，令到口感更加豐富！再加上芝士醬可以增添更加層次味道！