秘 (享成街)

营业中

休息中

早排喺大壩街食飯, 見到新開張的日式餐廳 - 秘, 店員熱情介紹餐廳的食品, 留下深刻印象, 同行朋友都有興趣去試試, 就訂好日期一齊去試 食物選擇其實唔多, 主食共6款 - 4款牛、1款豬、1款魚7:30pm入座...金魚湯賣晒, 都賣晒其實2款wish list內的食物都無得食, 究竟係點玩法呢?  主食唯有改食全牛宴 - 秘.朴葉味噌牛肉 & 板燒吉列牛 秘.朴葉味噌牛肉 - $98本來想食芝心吉到豚肉, 點知極速賣完, 從未試過"朴葉味噌"就一於試下, 朴葉、味噌、牛肉放在小火爐上慢慢烤制, 讓朴葉的香味滲進肉中, 但味噌味道太濃掩過牛的肉香板燒吉列牛 - $98第一次食吉列牛, 又有得落手落腳玩喇! 首先將牛脂塗勻在鐵板上之後就可隨個人喜愛將吉列牛放在鐵板上煎, 炸漿太硬, 但牛肉就算煎至全熟都唔會硬唔到主食加配定食 - $38 (秘之飯素、楓糖流心蛋、櫻花🌸昆布湯), 櫻花🌸昆布湯味道好清, 好似簡單將熱水加鹽漬櫻花的效果手羽先 - $38(4隻)炸雞翼的炸漿太厚太硬P.S. 可預先訂位, 同埋預咗一食完就被埋單

聽聞荃灣開了間新餐廳燒牛好好食，咁就約埋啲食貨去試試，不過我地無訂位，所以都等咗好耐（想試一定要訂定，因為唔多位），講返啲嘢食，每人都點一款試下，真係聞名不如見面，確係唔錯👍🏻👍🏻，牛質彈牙唔um, 想燒幾熟自己選擇，另外個飯撈紫菜又幾好食，價錢嚟講荃灣區算中價，值得再去

一句打埋嚟就話啱啱截止waiting，連等嘅機會都唔比你。莫講話想試佢啲食物好唔好食。就係呢啲態度都飽Yo晒......叫人點再嚟過試你啲食物呀！好日唔打開openrice，一打開就摸門釘！

之前openrice介紹左，真係好吸引，當然要試下啦！黑松露吉列牛 - 先用混左黑松露既麵粉去炸塊牛，再提供小型鐵板供客人自行加熱再燒，決定要幾熟，而鐵板上既油係用牛脂肪，確保左成舊都有牛味。不過黑松露味好弱，食多幾舊無埋陣味添。至於燒時，牛好快熟，但根本未夠熱，加上無乜牛味。。。食法堅有噱頭同特別既。。。燒牛鍋 - 好似好普通，但好有驚喜，牛粒本身好淋，再吸埋鍋底湯都幾juicy，鍋有其他雜菜，例如日本魚旦、烏絲、金菇菜、白蘿蔔等，又係吸晒d湯，好味 (尤其白蘿蔔)！

最近大熱吉列牛，見荃灣開左新舖，餐廳外觀同食物相片都吸引，就諗住去試下！鋪頭位置喺橫街入面，唔係太容易搵到。搵左一陣，終於見到，鋪頭門都幾靚，我哋去到嗰陣大約7:30pm，唔使排隊，可以即刻入去叫嘢食。本身諗住叫鋪頭入面嘅普通吉列牛，但係店員建議我哋叫黑松露吉列牛，聽完佢講咁講，我哋就諗住試吓黑松露吉列牛，因為好似比較有特色。另外，叫咗個牛肉鍋，有啲失望。嘢食嘅擺設同埋個外型都係有心機嘅，但係味到就真係差少少，得個靚字。道菜冇晒任何幻想，總括嚟講唔怕中伏嘅可以試吓。

facebook既力量係一d都可以小覤架!就係因為個櫻花金魚湯吸引左去.....😆8點鐘walkin...去到同我地講話前面仲有30張台等緊🙃​為食既我地梗係會等啦🤗​🤗​🤗​🤗
留低左電話就行左去書店扮文青了​
太多人noshow,唔洗一個鐘就有位!!!🤤兩個人點了4樣🤗
好野櫻花金魚湯又賣哂 佢話一日得30隻T.T
​因為要搭台坐 對面果pair人嚇呆左lol
✴️浦燒原條鰻魚飯素 加配定食 $78 +$20
鰻魚唔係話好特別但大件係唔貴囉～醬汁咸左少少...🤔✴️黑松露吉烈牛 加配定食 ＄148 +$20吉烈左十幾秒上台比我地自己慢慢燒
就算燒到全熟都唔un！😗​
食落有頂級安格斯既級數～
黑松露份量好多😎​
同埋牛既份量比起另一間_ _ 大好多同平幾十蚊🙃✴️秘風塘軟殼蟹（2隻） $58每次食日本野必食❤️
唔夠秘風塘～
不過軟殼蟹就幾大隻同幾juicy～✴️​手羽先（4隻）$48個漿好硬...唔係咁鍾意🤓我諗睇張相都睇得出🙆🏽提一提😎​
呢到係有得訂台
如果想食記得朝咁早打去訂！唔係就好似我咁等左咁耐先有得食🙃

試新野，呢间冇乜装修，very simple menu, 全店得28个位，细细间，幾好feel.板烧吉列牛- 好味味噌牛- 呢个最好，牛肉軟滑，味噌好香，不過要自己烧，有D煩炸軟蟹，呢个一般八瓜鱼，surprise 好fresh，彈牙！加支Ginger ale,得啦！唔收加一，

從未在日本以外食過咁好味嘅吉列牛定食，仲要價錢親民，環境又似喺日本嘅小店，十分滿意！另外，牛肉鍋用嘅牛好似牛腩，好嫩滑，鍋內仲有蘿白、金菇、芋絲等配菜。再另加一份炸雞翼都好好味！

雖然鋪頭位置未如理想，正如鋪名一樣"秘"，好隱秘，但食物味道卻超出預期!正所謂一分錢一分貨，呢到你絕對可以話物有所值!呢到主打係食牛，咁就點左個牛鍋試試，個牛鍋平均價大概 90蚊，你去吉野家果 5 片薄過紙嘅牛鍋都差唔多價，不過呢個鍋一定比吉仔足料，啲牛肉起碼 5 片，厚身，似牛仔骨啲肉咁厚身，第一啖擺入口，啲牛味出哂黎，塊牛又夠嫩，可惜無得淨牛肉追加。配菜嘅蘿蔔都好鮮甜無渣，係薄左少少，不過除左蘿蔔仲有兩舊芋絲同椰菜，算係足料喇!另外值得係個原條鰻魚飯，真心抵食到爆啊！炸雞翼，炸軟殼蟹同吉列芝士豬扒都好正，炸得夠脆之餘肉質仲係 juicy 嘅，唯一美中不足嘅係豬扒入面有塊紫蘇葉，我麻麻地呢浸紫蘇葉味，撩左出黎就無野 !

今次搵食在荃灣的一間創意日式店，炸牛炸得牛之餘，當然要食其他炸野又如何啦。因為無預約，去到要得三張枱，留了電話就去隔離廣場走走，約半小時有多就電話到，之後去到坐下，不過廣場到店舖有十分鐘路程，但張枱仲未清理好，真係好忙。唔講咁多，去相。軟殼蟹炸得好，外脆內軟，加上避風塘口味，是喜歡軟殼蟹的朋友必點的選擇。薯絲蝦都炸得幾好，不過比起軟殼蟹就一般左點。主菜來到，主菜加38元可配上定食，芝士味十分重的吉列豬，一定要配上飯，飯上放滿拌飯素，流心蛋十分甜，不過這些重味的食物配上櫻花昆布湯就顯得格外清淡，如果轉做味噌湯就會好點。而吉列牛是對牛肉的另一番感受，加上石燒，可以話一次過實現多個願望，不過黑松露就唔係咁食得出，而且只是普通牛扒，所以有點根和牛味不足。最後結帳446元無加一，三個人都係百幾元是合理，店舖細不過唔多座位，所以十分闊落，不過因為位唔多，所以晚點來要等三四張枱，上菜速度正常，整體都算滿意，如果食物味道可以再改善就更好。

隱秘店舖門外大大只字"秘",簡約得來又有特色,亦反映了此店舖既食物特色.同家人四人同行,叫了三個餐.朴葉味噌牛肉,吉列牛,鰻魚飯,再加了雜菜鍋,炸雞翼,炸軟殼蟹.朴葉味噌牛肉:男士們竟然覺得過咸,但我同媽咪覺得岩岩好(可能食之前刮走了醬料).而且我覺得仲有陣香葉味,唔錯.吉列牛:家人一致覺得好味.而且仲有個熱石,可以自己控制吉列牛既生熟度.推介鰻魚飯:正常好味道.雜菜鍋:一般,湯底清淡.下次反而想試牛肉雜菜鍋,店員話湯底用牛骨煮,與雜菜鍋不同.炸雞翼:香口juice.推介.炸軟殼蟹:外面似避風塘,入面好鮮味.而且我同媽咪覺得第一次食軟殼蟹竟然會有咁多肉,又juice.推介.

友人介紹這兒新開張，我最鍾意留腳毛，儲印仔架喇....哈哈....我們三人六點抵達，一大個。秘。字喺門口，而入口就瑟縮在一旁，真的有探秘感覺。先在門口睇餐牌...如果個餐牌高返少少就好喇....（可能我生得太高）食物款式不算琳琅滿目，但這也足夠選擇。最緊要食到佢嘅招牌野嘛！步入店內有如探秘一樣尋找廚師嘅真身。燈光柔和，座位舒適。我們先來兩個小吃，炸軟殼蟹同埋炸芝心雞丸。軟殼蟹出奇驚喜，名符其實，因為佢特別在用左避風塘嘅煮法黎整。我唔係好食得辣都食到，恰到好處。就好似日式咖哩咁，都無其他國家咁辣。佢真係無改錯名，叫秘 風塘軟殼蟹 --日式避風塘煮法。至於芝心雞丸就很普通，我嫌丸內很少芝士，如果有爆芝又拉絲嘅感覺就好喇....我們點了招牌嘅 秘 燒黑松露吉列牛，這類吉列牛我在元朗後街都有食過，但欣賞它升呢左，混埋名貴黑松露醬炸果件牛，完全提高左個檔次！亦非常吸引人細嚐。整塊放入口，黑松露味迴盪著整個口腔，很滿足的感覺。這個套餐要加多$38，有飯素，溫泉蛋同昆布湯。再來一客芝心吉列豚肉，這塊豬扒肉嘅比例多，又有熔岩芝，很滿足！賣相十足但改善芝味要待續...接著這個牛肉鍋，真的沒甚特別，雖然吃

被個秘字吸引左入去，間野雖然主打係牛肉，不過朋友叫左佢個味噌牛我就試下第d啦。本黎想叫吉列豬扒，不過好似好大份呀，晚餐唔想食咁飽之下。。。最後叫左鰻魚飯，真係估唔到會成條鰻魚咁上，鰻魚又好入味呀，除左燒汁之外，飯加左飯素都好香呀，最後成個飯食晒，哈哈哈哈！friend游說之下，加左薯條share一齊食， d 芝士汁真係好creamy呀！食到好飽都忍唔到口呀！最後好滿足咁離開了！下次會再encore 的！

荃灣新食力日本吉列牛 🔥🐮🔥食牛既朋友真係唔好錯過，大眾化價錢食倒高質素牛肉！真心推薦！👍🏻板燒吉列牛🔥🐮🔥$ 98定食追加《昆布櫻花湯、楓糖心蛋、櫻花飯素》+  $ 38  轉櫻花金魚湯 + $ 20生熟程度可以自己控制 🔥🔥🔥又可以玩又好食！浦燒原條鰻魚飯 🔥🐟🔥定食追加《昆布櫻花湯、楓糖心蛋、櫻花素飯》+  $ 38 昆布湯轉櫻花金魚湯 + $20又厚又大既原條鰻魚飯又一驚喜之作，估唔倒哩個價錢可以有哩個享受 👍🏻櫻花金魚湯 🌸🐟🌸 $ 38咬入估唔倒裡面有櫻花蝦仔，賣相確實非常吸引，差啲唔捨得食，不過提提大家，個湯真係襯熱飲，始終昆布湯凍左都係有少少腥味，如果唔係大家最後飲以為本身個湯好腥 😆😆😆秘·燒牛肉鍋 🔥🐮🔥$ 98牛肉真係軟化 👍🏻 個湯好正好甜，朋友專登叫多碗白飯當湯飯食晒！真係好勁 😆👍🏻芝心吉列豚肉 🧀🐷🧀 $ 78定食追加《昆布櫻花湯、楓糖心蛋、櫻花素飯》+  38  轉櫻花金魚湯+  20炸得剛好，冇過熟同太硬！👍🏻秘風塘軟殼蟹 🦀🦀 $ 58有2隻原隻軟殼蟹上碟，比想像中好食！不錯！野菜鍋 🥕🌱🥕 $ 38湯底清甜，哩個價錢相比出面嘅野菜鍋，份量都多日式炸

一班朋友歡聚晚餐，食物美味有水準，職員服務態度友善，小店誠意可加。雖然餐牌內食物選擇不多，但各款食品皆為店主精心炮製，做出非一般大眾化的和式風格，提供的飲品選擇，亦以綠茶汽水、日式薑啤等（因暫未有酒牌）配合店舖日式主題