秘 (享成街)

营业中

休息中

今次係第二次食板燒吉列牛，係上網見到有人推介荃灣呢間「秘」主打食板燒吉列牛嘅餐廳，我地二說不說就去左喇！我地係夜晚六七點時段去，都要排一陣隊先入到去，入面環境比較暗沉，座位比較少，所以如果撞正晚飯時段嘅朋友仔，就預早少少去排隊喇。至於最期待嘅吉列牛就真係好好食佢比起我第一次係旺角食果間真係好食好多，吉列牛嘅外面層脆皮完全唔會好厚粉，放上鐵板上燒到岩岩好，連埋飯食，完全好有滿足感😋😋😋值得一試！

Lunchtime 怕多人提前電話訂座，原來得午市有得訂座，晚市要Walk-in。到場後發現店舖唔大，但午市無限時，同朋友食足個半鐘到店舖落場為止。點左原條鰻魚飯、安格斯牛同吉列牛三個set，原set配白飯，可加$20配飯素同流心蛋或再加唔同價錢配其他set👍🏻CP值，鰻魚飯夠juice、入味、價值抵$78，配飯好一流。吉列牛同安格斯牛就有個小火爐自行板燒。店員見火唔夠會加舊藍磚加大火，板上本身有夠小肥膏等你燒出油再燒牛，非常好👏🏻相比下，安格斯牛較推薦，因為非常嫩，全熟都唔韌。吉列牛就加油煎後偏油，無咁好食，有點可惜，但兩set牛都$108，都ok店內另備廁所，非常乾淨

接上篇，阿叔難得嚟到南豐紗廠，當然要發掘一吓荃灣有咩好嘢食🤔。喺朋友嘅提議下，我哋一行5人就去咗距離紗廠10分鐘步程嘅吉列牛🐮專門店。呢間專門店全港共有2間，可惜荃灣呢間不設訂檯服務，我哋一心諗住食頭輪，所以未夠夜晚6點就嚟到，結果都係大排長龍等開門。😖😖😖.小店咁多人等確係有原因，呢度嘅吉列牛CP值超高，一食難忘，強烈推介!😍.#板燒吉列牛(定食價 : $146) / #板燒安格斯牛 (定食價 : $166)，同樣地兩款牛嘅外層都先以麵包糠包住，再以高溫油炸，鎖住肉汁，之後客人就可按自己個人喜好燒到幾多成熟，有得玩又好食😇。基本上吉列牛已經好好味，不過兩者價錢相差唔多，阿叔就建議你哋叫安格斯牛，因為肉味更香濃，送飯更好味。🤤🤤🤤.#秘燒黑松露吉列牛 (定食價 : $206)，個人另一推介，喺麵包糠上塗上黑松露醬，再拎去炸，做成酥脆外層之餘，亦有濃郁嘅松露味，比起普通吉列牛味道更有層次。😊😊😊.不過有讚亦有彈，既然呢間係吉列牛專門店，阿叔都係建議大家食牛好喇！我哋今次亦叫咗 #浦燒原條鰻魚飯 ($116)，無錯論尺寸，呢條鰻魚好大條，不過肉質未夠實，而且醬汁太甜，怪怪的，麻麻地！😅😅😅

去完日本返嚟好掛住吉列牛所以就周圍搵下邊度有得食吉列牛結果就搵到呢一間見到啲評語好似幾好於是乎就同男朋友一齊去食啦我哋叫咗兩個set一個係黑松露吉列牛另一個就係普通嘅吉列牛另外仲加錢轉左個金魚湯個金魚湯做得好精緻好似金魚果然呢間餐廳冇令到我哋失望吉列牛嘅肉質同埋味道都好好好有牛味 而且佢嘅吉列外皮亦都做得好好好味到食晒成碗飯

平時收工時間都經常會係荃灣喥搵嘢食，而今晚同朋友就去咗食日式板燒牛。🐂🐂🐂由於餐廳地方唔算大，所以如果唔係早食晚飯嘅話，我諗多數都要等一陣先有得入去。講返今餐食咗啲咩先：板燒吉列牛 $98板燒安格斯牛 $98每款主食都哥以再另加$38 配定食，定食包括咗流心蛋，櫻花昆布湯同一碗飯素。- 流心蛋一向我都好珍而重之，好味！- 湯味道比較清，我就一般般喇～- 飯素大大增加咗我對飯嘅興趣！平時我晚餐都盡量唔會食晒成碗飯，但今次忍唔到口要食晒成碗！😂重點主食，肉嘅份量夠又好食👍🏻👍🏻👍🏻而且兩款牛燒果陣好容易控制。我過往太多自己燒到失敗嘅例子！🤫———————————嚟到荃灣又唔想hea食一餐時，相信「秘」都會係我其中一個會推介再戰嘅選擇。

其實一直都想試lee間，但係聽講要排好耐排，所以一直都未去。今日晏就咁啱係果頭就去碰運氣。點知唔洗排隊😂好好彩。叫左一個吉列牛套餐個吉列牛炸得啱啱好，d牛又夠肥，煎完唔會太老，好好味。最重要嘅係，店員都好有禮貌，而且服務好好，一見到唔夠火就會主動幫你加火。所以下次都一定會再嚟！

看了benja n momo youtuber 片介紹這店，喜歡食日本菜的我當然不會錯過。去到店大約要等30分鐘。這店子只做午市吾和晚市，入到店內大約有50張座位。坐下之後看餐牌。點了秘燒吉列牛。有飯有湯有溏心蛋。吉列牛係半熟的。放在熱鐵板上燒。味道很不錯，飯非常大碗。下次有機會可以試其他。推介。還有其他好似鰻魚飯。其他小食。希望可以下次再試。。。。。。。。

😋😋終於就到時間和朋友試試這間吉烈牛。店內檯子不多，如繁忙時間要有心理等待。我選了平日下午兩時後，不用等。叫了一客鰻魚飯和吉烈牛，小食則叫了炸雞翼💕鰻魚飯$78一客大大條鰻魚，味道又好，十分抵吃😍炸雞翼味道也很好👍外脆內軟多汁，水準很高到主客吉烈牛🌟店員放了一小塊牛脂在石爐上烤，再放上吉烈牛。牛小小一塊很快就煎熟，再配上紫菜飯。味道很配😋😋不得不提糖心蛋也很出色。套餐午飯大約$120-130。吃完此午餐念念不忘，一星期後又來晚餐。但等了一小時，但也值得的🌸

一直知道荃灣開左間石燒吉烈牛既食店，今日終於一試啦！6點半左右去到，已經見有幾個人排緊隊，入去拎飛，好好彩即刻入得，都奇怪問一問，唔係要拎飛排隊咩？侍應哥哥就話我地齊人可以入先，出面等緊啲人未齊架，真係好好彩，因為我入到去坐左5分鐘左右，已經見到開始多人等位啦！講返啲野食先，我同朋友簡左吉烈牛餐同鰻魚飯餐，加$38-58就可以有個飯、湯同糖心蛋，而$38 同$58既唔同就係$38係昆布湯，$58係黃金魚湯（本身都聽試下黃金魚湯，點知話賣哂，唯有下次試啦。）講返個餐先！吉烈牛黎到，個分量一啲都唔少，睇到牛既脂肪比例仲好均勻，2邊燒一燒就食得，放入口係好重牛味，仲有啲似係日本食和牛既味道，依個價錢有依個水準，真係不得之了。個飯都一啲都唔欺場，仲好大碗下，昆布湯味道濃郁，但係絕對唔味精湯，朋友唔鍾意飲湯都飲哂（而我覺得係日本既味道），糖心蛋做得亦出色，惹味又糖心，好食過啲拉面店，絕對感受到個誠意其實鰻魚飯都好好食，鰻魚大條厚肉，一啲都唔腥又無骨，個飯又夠熱，食落口真係無得頂不過我同朋友都覺得個吉烈牛實在太出色，鰻魚飯被比下去左。 我地另外仲叫左個炸雞小食，雖然得4舊，不過上台夠熱，又唔會乾，

第二次食呢間，重保留到水準！今次試左安格斯牛肉，份量足夠之餘，脂肪比例好好，燒到5成熟係入口即溶，正！不過稍為遜色既係個湯，上次食既時候因為條魚賣哂所以試唔到，今次有就叫黎試下，點知中伏...條魚係類似餃子咁，有舊肉係入面，但塊皮勁厚又冇味！放入口咬好似咬緊舊麵團咁，所以下次再食唔洗專登加錢食呢個魚！未試過既朋友建議唔好比佢樣貌吸引到啦～不過整體黎講呢間餐廳都算高質既，下次試埋個吉列牛先～*呢間餐廳只係接受現金，大家食之前記住禁定錢啦!

今次係喺香港第二次食吉列牛，對上一次喺元朗嗰邊。不過其實吸引到我嘅都唔係吉列牛，而係鰻魚飯，之前上網見到有呢間野嘅廣告一直都好想試吓，因為其實我都幾鍾意食鰻魚飯。首先講吓等位先，我記得係星期五夜晚去，到咗門口都發現有幾多人係度等位，等位大概等左45分鐘，拎完張飛就去咗附近嘅廣場行。當就嚟到我嘅時候已經可以落定單一坐入去冇耐就可以有嘢食，而當我一入到去嘅時候覺得油煙好大，食物嘅質素都唔錯，不過我覺得套餐加既飯素多左d，比較鹹。鰻魚飯我覺得好食👍🏻價錢都只不過係$78有一條鰻魚 令到我想食多半碗飯😌總括來講除咗環境差啲之後其他方面都幾好嘅

黎到荃灣行街，順便黎試下食吉列牛。今次係第一次食吉列牛，外層吉列邊好香脆，入面係生既要自己燒，呢種食法都幾得意～加錢有紫菜飯同溏心蛋，味道都唔錯，特別鍾意個飯，有調味料，唔洗食餸都食得落一碗！

好耐無去荃灣無意中發現這間小店就俾個名吸引左舖頭的環境好有格調同朋友試左板燒吉列牛 $108午餐加$20 可以轉定食包括飯同我最愛的糖心蛋平時食韓燒就多喺細細塊石上燒都係第一次～好有日本風味🤣要燒得好味都有技巧先用牛油塗滿石面幾多成熟可以自己話事包住麵包糠的牛脆卜卜真係好好食❤️因為牛肉本身切得薄如果你唔中意食好熟就輕輕燒一陣好食了😋另外試左芝心雞丸子$38有驚喜..芝士味都夠濃整體食落唔會好油👍🏻下次有機會再試埋個金魚昆布湯...打卡位呢🤗CP值高值得encore~👍🏻不過要注意晚市好似唔接受訂位店面唔太大仲布落場時間想試的朋友要留意啊～😊

又是偷懶的一晚，想唔煮飯，但又唔想Hea 食之餘，又唔想太貴 😆 板燒安格斯牛 $108 + 晚市加配定食 $38加配： 秘之飯素、楓糖流心蛋、櫻花昆布湯熱辣辣既石板，有一粒牛既肥糕，等你抺層油，唔洗痴低之餘仲多一份油香，牛肉份量都唔少，而且真係幾香，牛味幾濃，燒到自己鐘意既熟成度，入口雖然唔係即溶，但都好淋板燒吉列牛 $108牛既外層已經有層吉列，燒完外脆內軟，多重口感，好掂🤩糖心蛋都好入味，同埋個飯素有啲紫菜撈飯一流，所以我全部食晒依間舖唔算大，枱與枱都幾近，我地早到唔洗等位，但食完出面已經好多人等位

今天收工早了，大約七点鐘到還好未開始人潮很久沒有吃過這個味道忍不住又點了 吃這個黑松露吉列牛肉坦白說 我蠻喜歡這裏的裝橫工業風格，服務員姐姐也很友善 很helpful今次比上次出餐快了很多，大約等十分鐘 就有得吃了呢個就係我今晚嘅晚餐， 如果要upgrade做櫻花金魚湯要加多58元抵唔抵就見仁見智因為成個set加埋差唔多200元食過好幾間 石板燒牛肉呢間配飯素 覺得特別好味睇下呢個櫻花金魚湯，影相打卡 真係幾別緻，仲有兩朵櫻花帶個湯真係...最精彩梗係個黑松露燒牛肉去買我最愛嘅糖心蛋,真係好好味架我唔客氣喇