秘 (享成街)

营业中

休息中

星期六既下午2點幾去到都幾多人等緊但好彩唔係等左好耐叫左個吉列牛同和牛set落單後大約15分鐘內就有得食除左主食 重有飯同糖心蛋2個黎講比較中意吉列牛多d因為中意脆口同有咬口既感覺👍🏼

呢間舖頭成日門口都好多人排隊，今次6:00左右去到，反而門口冇乜人，所以就好快入咗去坐低食飯。今次試咗佢嘅黑松露吉列牛，同普通嘅燒牛肉唔同，呢一個牛肉嘅熟程度可以自己控制，你可以一夠全熟，一件半熟，一件少少熟，都得。而且你燒完之後黑松露嘅香味10分濃郁，配合埋佢嘅飯配白飯一齊食，可以話係好夾。本人比較鍾意食啲冇咁熟嘅牛肉，因為可以食到牛肉嘅鮮味，食得出嘅呢個牛係比較新鮮嘅，而唔係放咗喺雪櫃好耐先再拎出嚟俾人食嘅牛肉。燒完之後，已經聞到好大浸牛肉嘅香味，當你放入口嘅時候牛既油慢慢咁樣流出嚟，好似有入口即溶嘅感覺，再配合埋佢上面嘅吉列鬆脆皮，令到口感更加豐富，配合埋牛肉嘅鬆軟程度亦都啱啱好，呢碟牛肉我會比滿分。

係荃灣好多黃店選擇☺️今次決定試下新餐廳係元朗都有分店我哋大概下午三點到 等左大概20分鐘就入座今次叫左吉列牛，炸蝦球，鰻魚飯，雞泡魚干同芥末八爪魚吉列牛色香味俱全 有得玩有得食👍🏻炸蝦球私心覺得好好食鰻魚飯份量好足 不過鰻魚加熱會比較好食雞泡魚干好特別 一流小食芥末八爪魚可以解膩整體非常推薦 有得玩服務又好不過燒烤店唯一唔好處就係油煙味會重d😂

今日嚟到荃灣食日本最人氣嘅吉列牛，好彩排隊唔係等咗好耐咋，我哋叫咗一份吉列牛（$128）同一份安格斯牛（$138），有糖心蛋，牛肉嘅份量又多，最緊要係日本飯上面鋪滿飯素，好開胃！  🤤食物嚟到嘅時候，有一舊牛脂肪喺板上面，就係用呢啲油燒美味嘅牛肉，每邊煎幾秒就可以啦XD。燒完即刻擺落口，正！食落口唔會覺得好韌 ，唔錯。個人來講，我比較鍾意食安格斯牛多過吉列牛，因為安格斯牛比較薄，加上由於喺日本食過吉列牛，所以覺得味道差少少。  呢間餐廳嘅服務好好，店員留意我哋嘅爐幫我地換火，真係好細心。極力推薦大家嚟試吓呢間良心店，！真係值得去試吓呀！😛

今天來到隱世卻又盛名的{秘}！嘗一嘗它的「燒吉列牛」定食！來之前已經大概知道它的午市和晚市都會大排長龍，所以特意挑了下午五時多這個時間來到，排隊大約十分鐘，入坐！可能是由於滿座的關係，感覺店內環境較擠湧狹窄。燈光方面較為昏暗，不過這似乎能讓客人更專注於桌上的精美料理。從店內外裝潢，也能感覺到其日式風格。由於我一向喜歡有多重口感的食物，所以選了能嘗到牛肉原味的，外層又脆脆的「燒吉列牛」($108)，再加配湯、糖心蛋和飯成為定食套餐(+$38)。定食上桌，感覺餐盤上格局簡單美美的，吉列牛肉片和飯的色澤都讓人食指大動。先嘗了一口湯，感覺是一碗普通淡淡帶咸味的湯，後來才發現它的作用。用料理上桌時已放在石板上的牛肉膏在石板上沾滿牛肉的香油，然後開始逐塊逐塊石燒牛肉，頓時香氣撲鼻，滿是期待。吃上一口，薄切牛肉口感柔軟，外層吉列皮酥脆，口腔內滿滿的肉油香，同時又能嗅到石板上幾塊快要燒好的吉列牛片。後來幾塊沾上配備的醬汁，增加味道層次，色香味美。別少看那碗加配的白飯，這裡用的米粒是我喜歡的珍珠米，口感煙韌，配著白飯上的紫菜幼條、各種香料碎和醬油，味道有驚喜！平時只吃半豌飯的我，也願

去荃灣行街，到左食lunch嘅時間，見成日有人提嘅秘唔算太多人排，決定一試哩間嘅板燒吉列牛。今次係我第2次食板燒吉列牛，第1次唔係喺度食，覺得兩次差唔多，冇話太大驚喜，佢嘅飯有飯素喺上面，同啲牛一齊食好夾，因為啲牛本身嘅調味並唔重。我地仲叫左2枝果汁汽水，推薦個蘋果味！舖頭嘅環境氛圍唔係會令你想坐耐啲嗰種，都係食完啲野就走，所以總捨而言，個人覺得，試過一次就夠了～

之前見到好多人排隊，有興趣然後就去咗試吓，個名幾得意，裝修都非常日式，入面燈光比較昏暗，最緊要佢係一間良心小店！💛所以大家都要支持下啦～一入到去同我嘅朋友一人叫咗一個唔同嘅餐，包括係一個吉列牛定食，同埋一個牛嘅鍋物吉列牛連埋買定食同嘢飲$128，價錢來講可接受，一嚟到一舊牛脂肪已經擺咗上個板上面，啲牛油即刻爆曬出嚟好香🤤一放舊吉列牛落去煎，每邊煎幾秒就已經可以食，食落唔會好韌，肉味都夠嘅，同埋佢個炸皮整得好好，唔會太厚同埋都夠脆～然後又叫咗一個牛嘅鍋物，呢個就平吉列牛少少，但對比起好味程度來講我覺得吉列牛好味啲😋呢個係有驚喜嘅！首先佢啲牛浸落啲湯度好入味，而且咬入去唔會太柴，調味好足，少少辣😋然後佢入面嘅配料都非常之多，有好多菜、金菇、嗚門卷等等，一個人食晒所有配料同埋飯非常之飽🤤佢個湯非常鮮甜，可能因為用咗好多唔同嘅蔬菜一齊煮，所以我連個湯都飲晒💛我特別鍾意食佢個糖心蛋🤤有少少酒味之餘亦做到非常流心嘅效果，總括來講我覺得非常好味10分推介！

昨天在荃灣逛街，發現荃灣廣場附近有間名為「秘」的餐廳就是這個秘字就吸引了我看看餐牌原來是吃日本菜由於是晚飯時段，等候人數眾多不過不用排隊，留電話就可以了～等到你時收到電話就可以入去食飯了，不用企在街上呆等！食物的質素CP值高！吉列牛可因應自己喜好選擇生熟程度，嘗試半生熟的吉列牛卻是另一番風味未試過的朋友仔值得一試～價錢是合理的～較生的牛肉相對較煙韌鰻魚飯的鰻魚非常大條，餐牌與實物一樣味道不錯，喜歡吃鰻魚的朋友仔一定要嘗試因為價錢很便宜另外小編點了一客雞翼，非常香口，脆卜卜至於汽水方面，這牌子汽水不常見，點了青檸味，很多氣，味道較酸整體食評：每樣食物都是即點即做，需要等候一段時間服務亦很好，每位都很親切，價錢公道。有回到日本的感覺推介來荃灣的朋友可以來試一試！💓💓 

今日係我第二次黎食秘因為真係覺得好食 所以黎開荃灣都會想食 😍之前仲成日要排隊咖 係依家疫情先少啲人油煙味都冇咁勁 建議大家得閒就趁機食 😋😋//咁今次我同friend share左黑松露吉列牛定食同埋鰻魚飯定食大致上都好好食不過! 食過原味吉列牛嘅我 覺得都係原味好食因為黑松露味其實唔突出微微得少少味反而仲遮蓋埋牛嘅味道而且貴成40蚊我個人覺得原味抵食而且牛味濃啲 💛💛//咁鰻魚飯呢我覺得算好平$78 仲要係原條鰻魚尤其是對比上次食過第二間舖頭嘅鰻魚飯依間真係好食好多美中不足係佢醬汁咸左啲😌😌//Overall黎講 我下次去開荃灣都係會想再食 😋

之前睇食評話未開門就排好多人有d擔心，但12.1（二）中午12點半左右黎無咩人順利即刻入座。因為媽媽黑松露敏感唔食得，所以叫左一個吉列牛定食（$128）同安格斯牛定食（$138）一齊share食，安格斯牛好快熟，但因很薄，口感無吉列牛咁好，同埋味度比吉列牛咁淡；吉列牛比較咸。飯本身加左好多調味粉同醬汁，好咸，撈雲左都好咸。餐跟汽水，有可樂忌廉zero簡。整體唔錯，吉列牛定食比較好食，仲平安格斯牛10蚊，建議大家都係食吉列牛。如果想share食叫唔同野，我都覺得可以唔叫安格斯牛。同埋waiter好好態度，唔係西口西面仲好人性化，值得繼續再去食

其實秘啲都唔神秘，好多人知，好多人食，次次都要排隊，但值得的，而且都算排得快，食咗幾次，男朋友次次都會叫吉列牛，而我每次都會叫板燒安格斯牛，我哋兩個都覺得份量幾多，多到有啲太飽嘅感覺，但閣樓好有牛味，冇乜雪藏味，係好食的。而佢個飯加咗好多飯素，所以好好送飯，味增湯同糖心蛋不過不失，千祈唔好加錢叫櫻花金魚湯，雖然好靚，好適合打卡，但真心好難食。另外不得不提呢度嘅小食雞翼，係非常出色，炸得剛剛好，脆身！而且大大隻，好香芝麻味，每次食都必定會叫。而不得不提嘅係店員都幾好服務，會留意你個爐，有需要就會同你換火引。

去唔到日本食唔緊要好彩香港有’秘‘估唔到開左咁耐大家對佢嘅熱情依然無減每次都係晚飯時間即興去食 每次都要等好耐 下次真係要早d去每次必食吉列牛定食通常都唔會加錢要佢個湯同飯素一來飯素唔值呢個價 二來個湯唔好飲但佢嘅吉列牛的確冇得輸唔洗點佢個汁都已經好夠味次次食完都覺得唔夠喉 如果份牛肉再大份啲就好😂

於假想去荃灣行下南豐紗廠 記得之前有朋友極力推介荃灣呢間日式燒肉就決定嚟試下😆下晏一點半去到 都要排一陣先入到去食排隊嘅時候有menu比你睇 差唔多到你嘅時候就可以落定order所以一入到去坐冇幾耐就好快可以食得👍🏻👍🏻叫左呢個午市定食 都幾抵 咁多塊牛加糖心蛋再連飯都係120蚊左右👏🏻啲牛放上石板燒 可以自己控制生熟呢個吉列牛我最欣賞嘅地方係佢個邊邊炸得好脆！性價比超高！

呢間「秘」，成日都好想食，但次次都勁多人排隊😔今次！終於食到啦！真係好開心。今次食左板燒吉列牛定食 $146芝士吉列豚肉定食 $116賣相真係好好呀！而且仲好好味！又有得自己燒，好玩好味一次過滿足左我三個願望！幫襯嘅人都知道間鋪真係好細，所以大家食完都盡量快啲離坐啦🙏🏻雖然鋪仔細細，但係一應俱全，侍應嘅服務更加係一百分💯因為燃料係會燒完，佢一見到你熄火就會馬上幫你補返！呢間餐廳真係會食完會想再幫襯👍🏻👍🏻

最近好鍾意食石燒牛，今次搵到荃灣嘅另一間熱門石燒牛，見到網上好多好評，食物賣相又吸引。星期日晚上7時來到，門口已有一堆人在等侯。大部份是年輕人為主。等到8時15分，終於到我地入去。店員會先幫你落單，然後有位再叫你入去，減省等侯的時間。入到去第一感覺係排煙系統做得不太好，隔住口罩都聞到好大陣油煙味。坐低冇耐食物就立即為你送上。哇！賣相真係令人垂涎三尺！我地點左兩個定食。第一個係蒲燒原條鰻魚飯定食，鰻魚勁大條，又有醬汁再配上秘之飯素食落好惹味，鰻魚冇骨冇腥味，甜甜地，勁好味。第二個定食係好多人必叫的板燒吉列牛。賣相都係好掂，就甘擺上石上燒十至二十秒再點少少醬油以經超正。第一次食石燒吉列牛的我，冇諗過係咁好味。有吉列外脆的口感、又同時有軟熟的牛的口感！難以形容的舌尖上的滿足感！另外，雖然荃灣的分店比較細，我地2人係搭枱坐，沒有多餘的空間移動，但無阻我地品嚐食物的快樂。總括而言，是值得回頭的餐廳！極度推薦大家去試！