秘 (享成街)

营业中

休息中

其實秘啲都唔神秘，好多人知，好多人食，次次都要排隊，但值得的，而且都算排得快，食咗幾次，男朋友次次都會叫吉列牛，而我每次都會叫板燒安格斯牛，我哋兩個都覺得份量幾多，多到有啲太飽嘅感覺，但閣樓好有牛味，冇乜雪藏味，係好食的。而佢個飯加咗好多飯素，所以好好送飯，味增湯同糖心蛋不過不失，千祈唔好加錢叫櫻花金魚湯，雖然好靚，好適合打卡，但真心好難食。另外不得不提呢度嘅小食雞翼，係非常出色，炸得剛剛好，脆身！而且大大隻，好香芝麻味，每次食都必定會叫。而不得不提嘅係店員都幾好服務，會留意你個爐，有需要就會同你換火引。