秘 (享成街)

营业中

休息中

秘 位置的確係幾神秘 唔係荃灣人都幾難搵到佢係邊🤔🤔不過排左好耐先入到食牛肉的確唔錯 未去到入口即溶 牛味頗濃 個人喜歡燒熟一點😋爐用左一塊石係上面燒 成日好驚燒燒下撩左舊肉落黎 lol.但係成餐飯換左3次燃料 有d唔方便 🙈味漬飯幾有驚喜 味道唔錯

動手燒吉列牛(´・ω・)つ板燒吉列牛定食 $146芝士吉列豚肉定食 $116 最受歡迎一定係吉列牛(๑•̀ㅂ•́)و✧，賣相好靚，先煎牛脂肪，搽勻個鐵板，再放吉列牛肉係鐵板上煎，滋滋滋，非常香口又好香牛味!!!薄薄既酥脆外層，入面既牛肉幾軟腍，牛脂比例好平均，食落好有口感~ 不過我覺得調味有啲咸(•ㅂ•)/ 仲有一隻既溏心蛋同飯素飯，好滿足呀~牛肉未致於入口即溶，但呢個質素都唔差，希望快啲可以去日本食吉列牛!!!唔食牛肉既朋友就揀左豚肉，睇落都唔錯~秘地址:荃灣享成街22號地舖

我地成日去荃灣搵食，呢間係我咁耐以黎最有驚喜一間餐廳，食牛而又未食過呢間餐廳嘅你一定要試！呢間我超級推介！今日星期五，我已經提早過黎，6點已經full哂要等位。我自己都有上openrice睇過下食評。好多朋友仔都話要早啲黎食，因為好快就滿座。而我自己都等左45分鐘先有位。記住自己因時間，因為一定要黎齊人先可以入座。等到位老闆會先幫你落餐先，所以等緊位時可以睇左食乜。每一份牛都跟一碗白飯。如果你想食溏心蛋，可以加錢轉套餐，另外再有一碗湯同碗飯會大碗啲。我地今次叫左4樣野：板燒安格斯牛$108男朋友第一次食都係叫啲最基本嘅野食。牛係較為高質素嘅類型，厚薄適中。我地都食生啲，所以每邊燒幾十秒，舊肉粉紅色已經食得喇。我甚至直接去食用，因為我想試下生牛肉係點，不過係失敗架，因為我咬唔斷，最後都係燒返十幾二十秒先食。黑松露吉列牛$148呢個極度推薦！必食！超有驚喜！本身我係鍾意黑松露，配落吉列牛非常合襯。黑松露圍邊脆卜卜。話係吉列牛，其實中間係生同凍嘅。兩碟牛都做得好出色。我地食左兩個口味，一致覺得黑松露係各位一定要試！基本上我地冇點佢俾嘅醬汁，牛肉本身醃左都夠咸。小食我地叫左個秘風塘軟殼蟹$78

秘我最鍾意就係燒牛前，用佢個舊牛脂肪抹一次塊石板，真係好香好治癒今次我地只係order左一個定食套餐，講講湯先，唔會好咸有鮮味，不過美足不足係唔夠熱。另外溏心蛋，可能係我食過最唔合格嘅溏心蛋。唔入味之餘，仲好乾同少怪個味。好失望😢，大家想飽肚嘅，不過加10幾蚊要個飯算。兩款牛，我比較喜歡安格斯，佢薄d肉質口感各方面好食d，因為佢地其實都係一早處理準好放係冰箱，所以炸過嘅吉列牛放完冰箱再拎出黎會無咁好食。不過無辦法，處理方法一般都係咁☹️

秘·燒黑松露吉列牛 $148配金魚湯定食+$58.位於荃灣有一間主打吉列牛的小店，每天都有很多人在開店前排隊😯這次我大概預留約30mins排隊等待入座🤪但臨到開店前數十分鐘已經有差不多20人在排隊...真的很誇張😵.吉列牛用一塊熱石板及一粒牛脂塗抹，按自己喜好燒到幾多成熟便可😝而且牛肉還有淡淡黑松露香👍🏼.定食：金魚湯+楓糖流心蛋+秘之飯素，份量十足，金魚湯的金魚餃十分精緻😛楓糖流心蛋有淡淡的楓糖味👍🏼飯素配吉列牛一起吃很滿足😋.整體味道不錯，但店內狹窄的空間，加上抽風系統不算太好，所以都幾大油煙😅因為燒吉列牛時不時會被油濺到衣裳，如果有圍裙供應就更好了😕

住係荃灣咁耐成日都經過秘由於無窗同好少見食客外賣所以從來都唔知係咩類型餐廳😂撞正食市限罪令擴至6人即刻同屋企人5個一齊幫襯~經過好多次都見到好多人排隊派左屋企人5點30就攞飛可能係星期日嘅關係依個時間都要等兩三張大枱😯而佢地係要人齊先可以入坐(!)之前我都以為係居酒屋直到睇menu先知係食石頭燒定食同日式定食小食等左個幾鐘終於有位~~一坐低急不及待即刻order我地總共叫左4個set餐廳入面好繁忙而上餐時間大概只需10-15分鐘燒黑松露吉列牛+晚市定食一上碟就見到牛肉比滿滿嘅黑松露圍住唔需要額外點醬牛加黑松露已經好夠味👍🏼👍🏼板燒吉列牛+晚市金魚湯定食睇食評先知道原來秘嘅金魚湯係打卡位📸金魚湯定食跟嘅係白金魚比普通定食貴$20可惜當日白金魚賣晒我地為左睇金魚湯真身最後額外再加$20要左黑金魚🤭當然都不負眾望金魚嘅外型好像真比小小想像力就覺得係湯入面嘅金魚好似游緊水咁講返個吉烈牛同黑松露牛係同款牛肉即使燒完攤凍左完全唔會un~蒲燒原條鰻魚飯第一下見到好似一個超巨大嘅鰻魚壽司🍣鰻魚又大條又厚身加埋醬汁一齊食更加提升鰻魚嘅味道燒牛肉野菜鍋+晚市定食望落個湯好深色以為好濃味而湯底落左甘筍、西芹

要食好食嘅吉列牛，呢間一定係冇得走雞嘅，佢有荃灣同佐敦分店，而且得walk-in，日日都咁多人嚟排隊，試過最耐都要等成個鐘，所以強烈建議早啲過嚟拎籌排隊。但係值得排，加錢都只係百幾蚊就食到一個吉列牛set，仲要係好食，cp值高！荃灣分店個鋪頭都幾細，坐得比較迫。唔好嘅地方係嗌杯暖水係一啲都唔暖，仲凍凍地🤣而且店鋪嘅抽油煙機系統都幾差，食到成身都有陣味📍板燒吉列牛晚市加配定食 $138肉質鮮嫩，煎起上嚟非常香口，外皮香脆，吉列牛份量好足，有兩隻溫泉蛋，溝埋啲飯好正，仲有個櫻花昆布湯，湯偏淡口，不過加左少少黑椒，食完真係啱啱好，好飽呀～

晚飯時段等候時間都需要一小時以上，但食完真係好滿足！叫左一個set加一款牛，原味吉列牛同黑松露吉列牛。一上枱超級香🤩，牛既油脂分布好靚，外面層炸衣夠哂脆，一咬入口超級香口！佢附左一個燒汁可以點牛食，但個人認為吉列牛原本已經有啲鹽係上面，味道已經好濃，單食更加食到牛既肉味。我自己就偏好黑松露吉列牛多啲，滿滿既咸香味，送飯真係一流🤤跟set既飯都有啲咸，啱晒鍾意重口味既人。另外不得不提既係佢既溏心蛋！好香好橙既半熟蛋黃，cp值好高！呢個價錢食到好飽肚真係好值得下次繼續encore🥳！

📍 秘-終於食到啦～想食好耐但次次去都大排長龍🥺今次終於係晚市一開門就入到去✌🏻去到嗰陣門口已經有人排緊隊😳-板燒吉列牛吉列牛賣相好靚😍厚薄適中份量亦算多👍🏻牛肉外層上左麵包糠同炸脆左 自己放上石板上輕燒一兩分鐘已經食得😋燒好嘅肉外脆內軟肉質嫩滑🤤油脂分布亦好平均 肉味十足🐮加配既套餐會跟上流心蛋、昆布湯、秘之飯素🍚 流心蛋不過不失有蛋香 流心都做得好好🍳湯有d意想不到 非常清甜好飲🥰飯加左紫菜、芝麻飯素同埋鰻魚汁 食落去非常惹味🤤轉眼都食完碗飯🤣-板燒安格斯牛牛肉質素都係一貫好好油脂分布均勻👍🏻而且切得有一定厚度唔會太薄😍食落都係非常有油香牛味🤤牛肉本身有用少少鹽調過味 唔洗點醬汁都已經好好味😋🥰-🎂🍮🍭🍬🍫🍿🍩🍪🍣🍱🌮🍔🍎人均消費💰: HKD $150Lamlam脷指數🤤: 8.5/10性價比⚖️: 8/10

已經多次回頭再幫襯，每一次都覺得好好食，同埋多次經過因為太多人都冇食到。今次去食五點幾未開門已經排晒長龍，幸好剛剛第一輪入到，如果唔係要等多半小時。仍然諗都冇諗就嗌左最愛嘅吉列牛，貪佢平靚正，加錢可以變套餐，有埋飯、湯同埋糖心蛋。我非常之鍾意食呢個吉列牛，牛味好濃，配上吉列真係外脆內juicy😍，雖然今次肥膏位都多，但整體來講都係好好食，物超所值。唯一缺點就係間舖頭好細，座位非常窄，坐得好迫 基本上坐邊度都係同人搭枱。加上店舖嘅抽油煙機系統非常之差，次次食完會成身好臭。

前排係IG見到呢個鐵板吉列牛定食幾吸引，一直約朋友去食，但遇上疫情遲遲都冇去...等左一排終於解禁有得食喇！！個日都驚多人要排隊，已經叫係附近收工既朋友早d拎位！而家諗起真係好明智，因為我地等到差唔多7:30時d店員已經同d新客講派哂飛,所以話呢間野要食真係要早d拎位！我地等左個幾鐘，終於可以入去喇！！店唔大，加埋都係十張枱左右，出面等位時已經預先落左單，所以一埋位好快有得食🤩D牛切成一小塊一小塊，睇到d肉既紋嗰好靚，間花，燒一塊唔需要好耐就熟可以食，舊牛肉好腍，外圍炸到好脆，真係好好食！可惜嘅係，炸粉本身有調過味，跟餐既飯本身又加左飯素同醬汁，剛開始食會覺得好好食，但到中後期會開始覺得偏咸，呢度就有啲扣分....😔總體而言，其實食物質素唔錯，係味道偏重，對我黎講，應該只此一次....

認真個名冇改錯。荃灣「秘」位，隱世食店，先講環境門面裝修都唔錯有日式感覺。太懷念日本旅行叫左兩種牛試《安格斯牛》賣相唔錯雖然有啲肥但燒完之後都ok既。第二份係《吉烈牛》食完唔記曬d名自己睇番餐牌個人比較喜歡呢隻吉烈牛唔太肥有肉汁，我亂燒都唔un,同埋夾吉烈口味幾過引。因為下午茶食太飽冇選到餐，散叫左個秘飯，呢個飯有小小咸搶左牛味，下次我會選白飯。整體泥講$100到個燒烤牛肉飯係抵既，係呢個連食意大利粉都要成百幾蚊既年代。還有呢到仲要係「良心」🐷飯堂，點都要食有良心既飯。

高質鰻魚飯不一定要到日本才能夠食到，其實香港也有不少上佳有質素的鰻魚飯，價錢還較日本平。👍這家店舖的鰻魚有約20cm x 8cm，非常厚身，面層燒得微焦，帶焦香味。👍魚肉肥美而有肉感，軟腍不散，肉質細嫩，有入口即溶之感，沒有碎骨，帶自然的魚油甘香，魚皮也滑溜帶膠質。👍魚面上灑有紫菜絲及木魚花，非常合襯，木魚花還在翩翩起舞，無比可愛。👍日本米富黏性，圓渾煙韌有咬口，帶米甜，粒粒分明夠飽滿。👌鰻魚汁富醬油香，但味道偏甜 ，略嫌過於膩口。👎個飯能加點配菜就更錦上添花。

想食呢間好耐！係好出名嘅吉列牛！雖然一開始多人排隊，所以已經盡量早少少大約6:00去到排隊，點知最後都要排兩粒鐘去到八點先有得食😶 好彩食物唔差，食物價錢同質素相符，性價比👍🏻 百幾蚊就已經食到吉列牛👍🏻 不過排隊真係排太耐...

油脂均勻秘制板燒吉列牛🐂🥩雖然鋪面唔大，油煙都有啲大，不過食物品質高，值得回訪🥩 板燒吉列牛 $108外層吉列鬆脆，內𥚃肉質鮮嫩最吸引係油花分佈平均😍七成熟肉質都保持軟冧份量足夠男女食客🥩 板燒黑松露吉列牛 $148呢款更為出色外層沾有黑松露肉質散發強烈黑松露郁香食落更為香脆📍秘荃灣享成街22號地舖IG: Mukbanghk_junior