秋田浜燒食堂

营业中

休息中

今晚心情麻麻地,老公話帶我食好西，等我心情靚番🤣今次真係有驚喜，我地點完餐，員工俾左一個竹盤，上面大概有10隻好大隻既赤蝦，員工話一手「𢲡」到幾多隻就免費請我地食，結果老公「𢲡」到7隻，我地選擇4隻燒，3隻刺身（結果店員俾左多一隻我地做刺身，即共8隻免費），赤蝦有手掌咁長，蝦肉鮮甜，我建議全做刺身比較好點了兩客套餐，有大扇貝，蠔，七孔鮑魚，蟹，雞泡魚乾，清酒煮蜆，錫紙燒什菇，茶漬飯，海鮮什砍，甜品係雪糕。講一講d海鮮，全部都好新鮮，鮑魚上枱仲郁緊，所有海鮮稍為燒一燒，離殻後，店員會拎海鮮去再清洗及去內臟，再放上爐上再燒向店員了解，所有海鮮皆由日本直送，而且全程唔駛自己動手，400多元一位，我覺得真心抵食另外，我地點了一些串燒，原來逢星期一至四，所有雞類串燒會有買一送一，又係一個抵食選擇今次埋單大概$1100我地見到另外有個700幾蚊（每位）既龍蝦套餐，我同老公打算搵日黎試試

呢間居酒屋真係令我念念不忘，好有日本當地既居酒屋既感覺，而且聽講個廚司仲係相當之出名，我去既時候做緊雞串買一送一，相當抵食啊！中意食刺身既我點都要嗌個刺身做前菜食下先三文魚好肥美，所有刺身都好高質好新鮮隻生蠔係好大隻，好鮮甜，帶有少少海水味^_^串燒既調味岩岩好，唔會太咸而又剛好帶出食物既味道，個人覺得鵝肝雞翼係必點！！超好食，另外佢既牛都好juicy好正平時係日本必定會嗌既燒雞皮，香港好少燒得好食，但呢間就俾到我係日本食到既味道！另外店主仲好好咁送左幾隻大蝦俾我地，係我地面前燒好夾俾我地真係好大隻，啖啖肉，蝦用salt來調味係最香最後仲有雪糕食，有mint chocolate同綠茶味簡，我要左綠茶，唔會太甜唔會太甘，好濃既綠茶味，為個晚畫上完美既句號店內環境都好有日本居酒屋既感覺，睇得出店主既用心

秋田浜燒食堂已經食過1次，上次食完之後仲好想食第二次，一間餐廳如果可以做到二次再食，就證明呢間餐廳係服務同品質都備受肯定。頭盤係清酒煮蜆，蜆肉夠肥美，而清酒味好甜，每一隻蜆肉都好大隻爽口，。同以往一樣，都有一手抓大蝦嘅活動，今次我捉到10隻左右，全部做刺身。雖然係免費，但隻隻都好新鮮同好大隻，絕對冇hea你。然後到生蠔，m size，唔差。係到食有一樣好，就係唔洗自己燒，始終我地唔係專業，我地燒一定會浪費食物，呢到所有要燒嘅食物，都唔洗自己燒，有人幫我地燒。睇下隻鮑魚，超大隻，爽口彈牙。帶子好大隻，亦好好食，連帶子入面啲汁我都想飲埋。整體嚟講，超好食，一流！服務，一流！

上次吃完的浜燒海鮮實在好味, 於是在這天值得高興的日子再吃一餐好的, 總叫慰勞一下自己。餐廳搬了近天文台道, 環境同樣是令人置身築地中。除了主打浜燒海鮮外, 還有一些特色日本食材串燒呢。餐廳繼續有LIKE FACEBOOK 玩"一手蝦"的活動, 我們當然不會錯過。這次的運氣不錯, 拿了近十隻大蝦。我們決定一半燒一半刺身, 雙重享受。有店員幫手燒可以乖乖的坐享受海鮮真開心!燒赤蝦味道更濃, 更能突出蝦肉的爽甜, 而且蝦頭也不能錯過, 十分香口, 在燒時已聞聞到陣陣磯燒海燒香。這晚我們還點了一客長腳蟹, 肉味細膩鮮甜, 與蝦的感覺很不同。原來燒蟹腳比刺生吃更為好味, 蟹膏燒過後就濃香滿分, 整條蟹肉的啖啖肉真是難忘。雜錦魚生飯賣相漂亮, 用料新鮮, 每款魚材切得厚薄適中, 充滿光澤。咬吃起來很有質感, 配合日本米飯更顯鮮甜, 質素絶對可以媲美海鮮丼專門店, 加上價格合理, 就算只來吃這個海鮮丼也值得。除了浜燒, 最近主打的串燒也很有特色, 加上日本雞肉串燒正有優惠, 難怪每一枱都點了多款串燒。店家很貼心的附上鮮菜條和特製醬料配串燒, 既可增加爽脆口感, 亦減低熱氣。香蔥雞肉配上椰菜片, 肉

今日收工嘅時候，大少突然之間想食日本野，佢又係尖沙咀做完嘢，順理成章我哋就決定喺尖沙咀度食飯啦！搵到呢間又有我想食嘅魚生類又有串燒食，快快手打電話去睇吓仲有冇位，好在今日又係閒日，都仲仲可以即刻訂到枱！入到去，見到周圍嘅佈置以及裝修都好有日本嘅屋台風！感覺真係好似去咗日本咁呀！落左單之後，店員就奉上前菜，都係一啲比較爽口嘅蔬菜類，以及一碟應該係麵豉醬嘅嘢！點嚟食又真係幾惹味喎！每次去食串燒， 雞泡魚乾都係我必點嘅！無論係唔係送酒都一流！呢度可以整到佢小小脆又夠軟身真係好好味！雞腎亦都係我至愛！燒到啱啱好，個汁都好好味！牛脷就係大少嘅最愛，最怕出面嗰啲會燒到乾晒，呢度都仲係好Juicy！唔係間間都可以食到鴨舌，好開心食到呀！之前去日本，食過一個呢啲燒蟹蓋， 超級好味好難忘！所以今次都叫咗一個嚟食，雖然同日本嘅風味唔係好似，佢勝在有個米通嚟俾我配蟹膏食！鹹鹹香香都幾得意！如果再多啲蟹肉就更加Perfect 喇我係超級鍾意食魚生海鮮丼嘅，當然中過好多次伏！但係呢度真係真係好新鮮！啲三文魚子粒粒都好通透，唔會一味死鹹，仲幾甜㖭！連我平時咁唔鍾意食三文魚子都食得晒！甜蝦非常新鮮，個頭仲要有少少膏

好朋友生日, 一定要揀間好餐廳同佢慶祝知佢鍾意日本d燒野, 突登揀依間同佢慶祝下餐廳好日本feel, 同日本居酒屋無咩分別依度主打串燒同燒海鮮, 食物唔止好食連服務都好好,好多野食會有人幫你燒埋我地兩個女仔淨係坐定定等食XD首先黎個主打串燒先, d肉燒得啱啱好, 有口感有雞翼 ，雞串，墨魚都燒到好有汁手打雞肉絞棒會附上醬油同蛋黃, 點埋一齊食好好味我地叫左樣好少食o既河豚魚干,本身都係試下算點知越食越好食, 停唔到口魚干唔會好乾, 點埋沙津醬好開胃依度仲有好多好特別o既菜色, 例如依樣霧島流心玉子釀免治雞肉個名好長, 外形得意, 但食落係好好食!雞肉包住d流心蛋, 再加埋燒汁一齊放落口真係有多重口感, 勁正!飲埋杯野，一邊傾計，一邊食。過一個愉快晚上見有啲餓，叫個湯鳥冬，暖下胃

天文台道附近真係有好多餐廳選擇 如果諗唔到食咩好 不如試下呢間！因為真係非常高質～而且價錢合理👍🏻👍🏻鋪面裝修非常日本風 值得一讚！食物方面因為有燒物 所以餐廳會比份蔬菜 可以配埋個醬食～酸酸甜甜 幾開胃！魚生方面叫左幾件刺生 同埋一個魚生飯～啲魚生都非常新鮮！而且好鮮甜👍🏻仲要係勁厚切 燒物果邊採用左炭燒 有好濃濃既炭香味！同埋無諗過啲貝咁大舊！超正呀～～～入面啲肉都非常大件！串燒方面就叫左不同既串燒！主要都係啲肉類既～另外佢咁岩用緊個promotion 就係like佢地個facebook 就可以用一隻手拎到幾多隻大蝦佢就送哂比你食！ 我地一手拎左8隻😂一半拎黎燒 另一半就拎黎當刺生食～總括黎講呢呢間日本餐廳真係好不錯！又有專人幫你燒野 服務態度很好 食物質素高～～

潮興浜燒，早早已約好了要去浜燒店，可惜喉痛怕熱氣，沒有點浜燒，但整間店都瀰漫著燒海鮮的香氣，真的超吸引。要了個松刺身 ($238)，有三文魚、油甘魚、蠔及凡立貝，三文魚好新鮮好厚切，這個魚生片的厚度有出面的三倍，食得好滿足。生蠔飽满多汁，一啖吸入口，鮮味直達喉嚨。赤豚柳泡菜烏冬鍋 ($128)，很大的一個烏冬鍋，足可三人分享。湯底微辣，加有大量娃娃菜，豚肉片不靭，大小跟肥牛片相似。藍鮨吞拿魚雜錦魚生飯($128)，非一般魚生粒飯，特別用上藍鮨吞拿魚粒，使魚生飯立即升級，飯粒頗黏，有點糯米飯之口感。後記：朋友看錯地址是天文臺道8號，剛好那是一整棟開滿餐廳的大廈，但卻找極都找不到秋田。其實正確地址是天文臺圍8號，在天文台道上斜路後，見到仕德福山景酒店後右轉就是了。

突然好想食日式燒物，之前已經試過秋田鐵板燒，經過見到佢原來都有燒鳥料理，仲話係用上"華味鳥"同"比納地雞"，雖然到咗糧尾嘅時間，都顧唔到咁多啦! 蔬菜配麵豉醬 - 用意係喺每道食品中間清清味蕾，蔬菜新鮮爽口，配上大廚自製嘅麵豉醬，辣辣哋好惹味。人氣蟹味噌甲羅燒 - 蟹膏蟹肉加上鵪鶉蛋，已經係極邪惡組合，米通都會放喺爐上燒一燒，放埋啲燒好嘅蟹膏，真係又香又鮮味。厚切利久牛舌 - 牛舌爽得嚟有油香。蔥雞串 - 雞肉好有彈性，一啲都唔肥，同平時食到嘅雞肉質地好唔同，夾埋燒到香甜嘅大蔥一齊食，增添一份香氣。生燒長崎白鱔 - 白鱔外表燒得香脆，魚肉肥香。房總一日干花魚 - 魚肉經醃製過，食落鹹鹹哋同比較結實，但又不失鮮味同香味，配埋酸酸哋嘅醬汁，進一步提鮮。雞腿串 - 雞肉結實得嚟，又唔會好嚡，唔錯。美國頂級牛肋肉 - 牛肋肉好腍好 juicy。雞軟骨 - 燒完又香又脆，係我嘅至愛，每次必叫。西京麵豉醬燒豬大腸 - 豬大腸外皮燒到脆脆哋，有油香但又無膻味，煙煙韌韌，正! 人氣漁獲海鮮炒飯 - 飯炒得乾身，粒粒分明，配埋魷魚、帶子、魚肉及蟹子，份量亦唔少，飽肚之選。呢餐真係大滿足，食到飽一飽先走~

餐廳喺尖沙咀天文臺圍，唔熟路嘅都要搵一搵地圖，但Google map顯示嘅地址係搬遷前喺諾士佛臺嘅地址，好在諾士佛臺行過去只需3分鐘，所以問題不太。去到天文臺圍好容易就搵到，門頂排滿日式紙燈籠，門係幾sharp嘅橙紅色，而且舖位大，夠晒顯眼。室內就係純日式裝潢，掛咗好多日式紙燈籠同旗幡，仲播住節奏明快嘅日本流行曲，環境氣氛都好配合食浜燒。餐廳不時會推出啲優惠，我地去嗰陣就係雞類串燒買一送一，真係抵到爛。我地就叫咗【雞翅串$28】同【雞腿串$28】各一串，買一送一即係$56 total有4串，呢個價出街邊食都未必得。雞肉都係鮮嫩多汁，當中雞翅就燒到皮脆肉嫩，但我都係鍾意雞腿串多啲，因為冇骨啖啖肉，食落好滿足~【人氣蟹味噌甲羅燒$68/客】我好鍾意食蟹，所以每次食浜燒我都一定會食甲羅燒。甲羅燒有蟹羔、鮮蟹肉、蟹籽、香蔥同生鵪鶉蛋。店員會擺上爐燒，一邊燒一邊攪拌，香味四溢。每客會送兩塊米通，店員亦會稍為燒一燒啲米通，令佢更溫熱鬆脆。蟹羔味道鹹淡適中，真係食到鮮味，落咗生鵪鶉蛋令蟹羔更香滑。可以用匙羹將蟹羔鋪晒上件米通再食，別有一番風味。【人氣漁獲海鮮炒飯$98】海鮮主要有蟹肉、蟹籽同埋帆立貝

之前食過秋田鐵板燒嘅卡通炒飯真係超得意呢間都係秋田系列，主打係食浜燒海鮮不過嚟到發現仲有刺身同串燒食！裝修都好日本風～【Veggie Sticks Dip】係免費嘅前菜雖然唔駛錢，但係都好新鮮爽甜！點嘅係麵豉醬，有種西日 fusion feel 😆【人氣蟹味噌甲羅燒】除咗蟹膏，仲有蟹肉絲、蟹籽同鵪鶉蛋～由專人撈勻同燒埋比我哋食 😂燒完仲見到粒粒蟹籽～呢度係甲羅燒係配米通㗎！咁食好脆口，好特別凡係燒鳥串燒都買一送一，所以又試吓！呢個係【雞翼串】，雞翼切開串起好易食雞皮燒得好香脆 👍🏻【手打雞絞肉棒】有埋雞蛋醬汁個蛋黃勁大又圓！兩款燒鳥串燒都好食 😋【松刺身盛】有四式刺身油甘魚同三文魚刺身都好肥厚 🤤來自兵庫縣嘅生蠔～蠔身超級肥美！口感好 creamy 👍🏻👍🏻👍🏻【藍鰭吞拿雜錦魚生丼】真係好雜錦有好多款唔同嘅魚生丁，而且全部都好大粒！中間隻蝦好鮮甜漿口，我連蝦頭都食埋 😋三種唔同類型嘅食物水準都好好服務亦都好殷勤，店員經常添茶～

真係聽朋友介紹，先識泥依到搵食朋友知我男朋友超鍾意食燒雞軟骨，特登向我介紹依到---雞串燒做緊買一送一，咁計法，先$9 一串超! 抵! 食!  我落左4 串，即8串柯打，店員都再三CONFIRM  而雞串燒並無因為價錢而HEA 整，即使係原價收費都係物超所值。平時唔食雞皮嘅我，都忍唔住食左串，脆卜卜又煙UN仲要環境好日本風，正正隔離就有枱日本人係到聚餐。點解D 外國人咁叻搵到泥? 勁 LOL蟹籽爽脆，蟹肉鮮甜刺身，生蠔都十分新鮮。只喜歡真。新鮮三文魚嘅男朋友食左兩塊 (我得一塊，實在唔夠喉啊!)帶子亦大大粒，鮮甜。最後，依個原桃上，內含桃味濃郁嘅蜜桃芭菲為我地依餐劃上完美嘅句號。

秋田濱燒食堂搬左新鋪！！餐廳食物水準無變過~~仲多左串燒食！！而家幫襯雞類串燒仲有買一送一既優惠！！真係非常抵食。like facebook page and share仲可以有得玩一手抓蝦既遊戲，今次我抓到6大隻！！用黎刺身~味道甘香鮮甜！無得頭~size仲粗過我隻手指呀。超強呢~仲叫左濱燒生蠔和味噌甲羅燒！！有專人幫我地睇火燒海鮮， 確保燒出最佳味道唔會令海鮮過熟而失色！蟹蓋內既蟹膏配上米通~鮮味十足又香口！！非常惹味。燒過既生蠔仲 keep到 juicy既感覺~蠔肚位置脹卜卜夠哂鮮！藍鯨吞拿油甘左口裙邊丼，吞拿魚刺身厚切鮮澤油潤！燒過既左口魚好香好滑~好好味既丼飯。手打雞絞肉捧買一送不，配上日本雞蛋汁好入口，肉質嫩滑味道豐富。麒麟啤酒一係買一送一非常抵飲。

Happy Friday 約左幾個friend 去諾士佛臺飲野傾黎緊既旅行大計，飲野之前總要有野食落一落肚於是一行人就開始搵食，最後選擇左今次既秋田浜燒食堂。入到店內，就即刻聽到好多日文既傾談聲，原來店內坐左幾枱日本人 枱面佈滿海鮮 連日本人都選擇既日本浜燒，未食已經急不及待餐廳有五六種種套餐可以選擇， 例如龍蝦餐， 蟹餐，價錢由五百一位起，選擇亦好多。最後同朋友決定試下佢既濱燒又試下佢啲料理燒雞泡魚乾-- 唔會燒得過硬，表面小許燒焦,好好既小食燒長腳蟹-- 燒完仍然保留到蟹既鮮味跟住到左甲羅燒— 蟹肉蟹膏味道調得相當好媲美到日本當地既版本，難怪咁多日本人光顧燒蠔— 可以選擇生食或燒完先食,黎到浜燒當然要試下燒既蠔。 好有蠔味，肉質肥美！去到meat lover 既主菜, 燒牛肋骨! 牛肉非常腍嫩，香料配合牛肉的香味充滿口腔， 大滿足另外叫左鰻魚飯及雜錦魚生飯,質素不錯,但份量不算多對我呢個鰻魚控黎講唔夠喉!最後送上兩個茶漬飯， 茶飯食落清香,解除燒物的膩十分合適。 套餐仲附有甜品雪糕

上網睇到介紹呢間餐廳好有日本feel就同朋友訂枱黎試吓啦入到去已經俾佢嘅裝修吸引住，好似去咗日本咁，間餐廳乜嘢都有，刺身 串燒 浜燒，可以即刻燒海鮮食仲有專人服侍幫你燒埋添，服務仲好過日本啲鋪頭啊~今日就想黎試佢嘅串燒一坐低店員已經自動送上呢個沙律菜，可以點面鼓醬食，之後再慢慢揀食啲乜~串燒有好多唔同嘅種類，淨係雞都有分唔同嘅部位，仲話係用日本秋田縣嘅雞添叫左雞腎 雞軟骨 雞頸 雞腿肉等等，上到嚟嘅時候已經唔係好分得清邊個打邊個啦哈哈不過全部都好好食，而且重點係落完單嘅時候，店員話俾我哋聽而家做緊優惠，所有雞串燒買一送一，一串自動變為兩串可以同朋友慢慢食，除咗雞之外都有牛肉豬肉等等，都好值得食架。食串燒當然就唔少得叫番杯啤酒啦，麒麟生啤都係買一送一架！除咗串燒之外仲叫左燒魷魚超大隻，啱啱燒好甜甜地咁好好食。最後仲加多左個魚生飯，又係驚喜之作，啲魚生好新鮮，啲吞拿魚粒肥瘦均勻，唔講仲以為食緊拖羅價錢都係百幾蚊咋。總括嚟講今次嘅串燒大餐真係食得好開心呀，咁岩有買一送一，氣氛好好好有feel~