秋田浜燒食堂

营业中

休息中

之前去過諾士佛台那間秋田食燒海鮮，味道不錯，今日朋友想食串燒，於是同佢一齊試呢下這間分店。我們沒有點套餐，點了一客藍鮨吞拿魚雜錦魚生丼，都幾足料，價格合理。另外最好玩當然是一手抓蝦活動，只要like and share秋田Facebook專頁就可以玩。我朋友一手抓八隻，一半燒另一半刺身，超新鮮！最好味係串燒秋葵同埋厚切牛舌，仲有七味汁燒和牛筋都非常出色，醬汁非常濃，有少少辣又惹味，燒牛肋肉醃得好好味，反而燒魷魚筒相對失色，好似有啲過咗火。蟹殼蟹膏甲羅燒好鮮味，必試！

工作辛苦，梗係要揾好嘢食慰勞下自己，加上掛念日本嘅濱燒，就相約朋友食衣間餐廳。大家要留意衣間餐廳喺天文臺圍，而唔係喺天文台道，揾得我吖。餐廳有兩邊，都ok 大。睇下個menu 好多選擇，選擇困難症嘅我又想燒果樣又想燒果樣，咁就揀set 喇唔洗煩，但是太天真喇，set 都有幾款，咁睇你揀咩食材價錢就唔同，我地揀左個中間嘅，一個人568，有龍蝦食點菜時侍應好好咁話我地知like & share 餐廳facebook 就會有「一手蝦」玩，即係一手可以拎到幾多隻蝦啲蝦就送比你，咁由於啲蝦有刺，我都唔係幾敢好大力好貪心咁一手𢲡落去，所以得4隻侍應話啲人有6隻㗎。蝦可以揀燒亦都可以揀刺身上，咁我4隻就2隻燒2集刺身，兩種煮法都好食講咁耐都未到食我個二人餐～首先來嘅係龍蝦刺身，龍蝦可以揀濱燒，但是鐘意食生嘢嘅我一定係生食喇，爽口新鮮蝦頭可以交比佢燒熟食👍🏻正佢有落啲面鼔醬一齊燒，好好味之後就係濱燒併盤，睇下有幾多嘢下，有濱燒必食甲羅燒、雞泡魚乾、蟹、蜆有專人幫你燒，唔洗自己燒～好啱懶懶的我，由於只可upload 12張相，不能盡錄所有未食，所以只能重點推介：雞泡魚乾，燒得剛剛好唔會太乾，好好味，送酒

今晚小弟和家人到這家日本餐廳吃晚飯，老婆試過說很好吃，店的裝修很地道，以漁港的設計，配合餐廳的主題，餐廳除了海鮮外，還有不同的肉食串燒以供我這頭食肉獸享用。 赤豚柳泡菜烏冬鍋($128)，賣相和預期有點距離，雖然未見有泡菜，原來那些浮面的泡泡就是泡菜的精粹，這道菜份量足二至三人份量，湯底清甜又帶有豚肉鮮味，得！ 串物，右起：大阪爆汁辛辣腸($25)，一點也不辣，小弟覺得味道未夠突出；厚切利久牛舌($38)，為高端牛舌，有咬勁，肉味十分濃；美國榖飼牛肩柳($48)，牛肉味亦很濃，口感腍又夠多汁。 澳洲頂級和牛厚燒($428/8oz)，這個小弟對之甚有期望，是店員推介的，唯第一口咬下，可能是邊位，肉質帶點靭，不過中間的肉質就較腍身，相比之下，整體上牛舌的味道更超乎水準，且勝價比更高。 這裡的食物質素整體令人滿意，可以再來！

今晚和家人又到秋田吃晚飯，還記得上次吃它還在諾士佛台，家人對餐廳的食物讚不絶口，今次來到新店，仍保留那些地道日本裝修，感覺比舊店小了點，但店員稱樓上還有三層。 新店加入了不同的串物，小妹至愛的鵝肝，當然要點兩客試試啦，這款綱燒法國鮮鵝肝佐日本脆米通多($88/件)，鵝肝明符其實的外脆內軟，以簡單的調味，味道已經非常出色，油甘香極緻好味，加上脆卜卜熱騰騰的米通，為味蕾增添刺激！ 生燒活鰻丼($118)，小妹很喜愛鰻魚飯，以為是平時食的那種鬆軟質感，怎料放口咬下，激彈！還比平時吃的脆肉鯇還要彈！非常有咬勁，魚肉鮮味不絶！很有誠意的活鰻，小妹完全感受到它的活力～ 串物，左起：美國榖飼牛肩柳($48)，牛肉味濃，口感腍又夠多汁；厚切利久牛舌($38)，非常高質的牛舌，入口鬆軟，有口勁，肉味濃；大阪爆汁辛辣腸($25)，一點也不辣，適合我這些不太吃辣的人士，味道則未見太大驚喜。 人氣漁獲海鮮炒飯($98)，份量足四碗，有不同類型的海鮮包括魷魚、蟹籽、蟹肉及帶子等，用料新鮮，飯粒乾身可口，以帶有胡椒的特製香料調味，很有水準。 這裡水準得以保持，值得繼續支持！

尋晚舉行好友飯局，今次聚會地點係返回尖沙咀這間秋田日式燒海鮮餐廳，之前食過唔錯👍🏻，但地址已改搬左喺舊舖附近，一星期前已Book位，所以去到後，好快就安排入座，新舖現場裝修得依舊好地道日本Feel，環境唔太大，但坐位set得唔擠迫坐得舒適，侍應亦好快為我地斟茶同遞上餐牌，我們選了每位468元的Set餐(叫北海漁港)，等食期間，有一位侍應放低左一大盤赤蝦，只要like facebook page就可一手一次任取赤蝦，最後朋友成功取得10隻，可選燒或刺身，我地選左做刺身作頭盤，跟住食物來到有清酒煮蜆同雞泡魚干，個蜆好食又開胃，然後到主菜出場海鮮有生蠔，松葉蟹，鮑魚，牛肋骨，帆立貝同甲羅燒，(海鮮全部依舊新鮮飽滿，牛肋骨亦非常美味)，燒烤由現場職員代勞，火喉依舊恰到好處，完全食倒海鮮的鮮味，最後再來一客茶漬飯同海鮮粥作結尾，而甜品就係綠茶雪糕tim😋，這裏的侍應服務同食物依然保持倒水準，所以第日一想起燒海鮮一定會繼續選這間秋田的👍🏻👍🏻😋😋

上一次去秋田還是在諾士佛臺的時候，那次是吃磯燒海鮮，得知原來搬了到天文台圍，再相約朋友一起去吃！餐廳裝潢依舊是日本風！不過餐牌多了好多燒物的選擇！所以我們這次決定吃串燒為主！點了一客主食，漁獲海鮮炒飯，幾大碟，飯粒炒得乾身不硬！有很很海鮮配料，蝦、魷魚、蟹籽、還有幾隻頗大的帆立貝！足夠二人吃！性價比好高的炒飯！甜甜的河豚魚干，燒得剛好，不會硬，有好香的魚肉味！大阪爆汁辛辣腸，一咬開真的是爆汁，皮脆，吃到有雞肉味！辛辣味非常惹味！這裡有串燒店比較少見的鴨肉串，鴨肉串是用日本土佐鴨，鴨肉結實不鞋，不會有過多油脂，沾味噌醬好吃！七味汁燒和牛筋很特別，用了七味粉調味，甜甜的燒汁，有點韌度，牛筋帶煙韌的口感！美國頂級牛肋肉，肥瘦適中，很濃郁的牛味！厚切利久牛舌爽爽地，彈牙惹味！厚切也不會過硬！整體來說，燒物也很出色，食物材料很好！

諾士佛臺附近一向隱藏好多好野食今日揾到呢間，係門口見到幾多人，然後浜燒陣香氣真係好吸引，望一望餐牌，價錢都好似比銅鑼灣個啲合理，毅然走入去試下餐廳有poster寫住一手赤蝦活動有位著住日式廚師服既叔叔走過嚟介紹，係最近既限定活動，只要係你一手拎起既，拎到幾多都係歸你既，我聽完好興奮，梗係叫男朋友呢啲大手掌試啦！果然一手拎到8隻，師傅嗌住今次大蝕啦😂😂😂好軍真，隨即問我想點煮，可以刺身或者鹽燒，我地最後揀一半一半兩款煮法各有千秋，蝦肉大隻幾鮮甜，就完燒完咬落都彈身主食叫左扎幌漁港二人前套餐 $568一位有貝類，蟹腳，龍蝦，蟹蓋等前菜有河豚魚干，呢個幾有驚喜，一啲都唔干仲啖啖肉，配七味粉同沙律醬食，好煙韌又惹味，送酒一流！👍🏻👍🏻伊勢活龍蝦，我地揀左刺身，平時比較少見，龍蝦好結實彈牙，唔駛點豉油都有鮮甜，牙齒有龍蝦獨特既香氣滲透龍蝦頭選擇鹽燒，蝦膏好多呀，少少鹽都好好食帆立貝同牛肉當然揀前者大大粒乒乓球咁大，用食用清酒加少少牛油，個汁非常甜，我地飲哂一滴不漏，貝肉好爽呀甲羅燒係日本都試過，大部分餐廳都配多士佢地就配米通食落口感得意之餘，佢地既米通仲有一陣炒米既香氣，同蟹膏幾夾本來甜品只送雪

我家有個識飲識食o既小朋友, 每逢有好野食, 一定會帶她去試試. 我同阿B搭西鐵到尖東站, 佢已經好興奮問去邊到. 雖然尖東站與秋田有D距離, 一聽到有好野食, 無阻阿B前進速度. 我o地一到步, 侍應見到有小朋友就即刻安排入坐, 很細心地由原本細枱轉了4人枱比我o地.阿B已急不及待睇餐牌, 好攪笑佢見到串燒裡面有腸仔, 就自己舉手叫侍應, 然後指住串燒圖, '要E個腸腸'. 侍應望一望我, 我也Order其他食物來到先知道係辣肉腸, 因為燒得好惹味, 為食B照食, 一路食一路話好味, 服o左佢輪到我o既一手蝦, 都OK多啦因為阿B, 所以揀o左燒烤雖然係免費送, 但侍應亦好有心機燒海鮮炒飯, 炒到粒粒分明, 而且材料都唔少是日主角: 新鮮北寄貝, 甲羅燒, 長腳蟹每種食材, 侍應都好細心地燒到剛剛好熟. 抵讚!!!睇下佢幾專心....食. 之後全部蟹比佢一個食曬.侍應哥哥見佢咁識食, 特登送了一客綠茶雪糕比佢!!!今晚阿B有得玩, 有得食, 好開心呀~~~回家時已經話要再去多次.

摯友話想食燒海鮮，我記得之前係諾士佛臺食過，諗住再去之際，先知佢搬咗..... 本來食過都唔想寫，但係難得我用咗部新機嚟影相又影得幾靚，所以決定post下其實呢度叫餐係好啲嘅，不過見之前無串燒食，但而家有喎，所以我就想試下~ 其實枱面上係有啲醬料，但店員都無向我介紹過其實啲醬係點乜野，所以都可以話係自己諗下點食，或者自己鍾意點食就點食然後就送咗個沙律俾我地，其實我都唔太覺得係沙律，不過係我地食串燒前出現，我就假設店方應該係怕我地熱氣，所以俾地我地中和下啲熱氣。朋友話餓到爆，所以係等我嘅途中叫咗個烏冬打底，呢個赤豚柳泡菜烏冬鍋 $ 128 ，上枱夠熱，赤豚柳不算太多，泡菜已經浸到變返做正常嘅菜~ 不過都仲食到嗰種泡菜嘅甜味。兩個人食都真係啱啱好~  啲菜同烏冬嘅份量差唔多~ 呢塊赤豚柳入口有埋啲軟骨係度，入口其實幾有肉味。呢個鍋用嚟打底都算唔錯~ 而我朋友想阻止我食呢客大阪爆汁辛辣腸$25(兩客，圖下)好彩我無理佢~ 而佢都無理我叫咗客七味汁燒和牛根$25，嚟到就見到我嗰兩條腸吸引好多超級juicy，而且辣嘅程度不高，大約係胡椒味左右啦~ 口感有啲似台灣的黑橋腸。呢粒就係傳說中的七味汁燒

本身都知有呢間野，想試好耐，今日終於有得一嘗😋😋😋環境都好整潔，已經急不及待想食。佢地有個promotion就係一手拿蝦，拎到幾多隻就免費俾你食，有2種選擇，一係鹽燒，一係就刺身咁食，我就揀左鹽燒，都已經好夠味，另外就係所有燒烤都係佢地幫你燒，好好服務👍🏻👍🏻👍🏻值得一讚。d蝦都算大隻。啖啖肉😋😋之後叫左呢個set。呢個set叫(盛)，568$一位，2位起計，望到感覺好新鮮好想快d燒黎食。佢地會幫你有次序咁邊d燒先，邊d燒後，d帆立貝都好大隻，北寄貝都係，一樣好鮮甜，根本都唔洗任何調味料都已經好夠味。呢個係清酒煮蜆，個清酒味好濃烈，但又唔會蓋過個蜆既鮮味。甲羅燒，我最喜愛的，蟹膏正到爆，唔需要多講👍🏻👍🏻😋燒魚干，不過我覺得硬身左少少，但味道可以的。燒長腳蟹，一樣都係好鮮味，佢地幫你燒個時間控制得好好。黎到最尾既重頭戲，龍蝦😍😍😍佢燒到個肉質好軟身，唔會overtime，再淋埋佢個蝦膏上去直頭perfect👍🏻👍🏻食完所有燒海鮮之後，就黎個明太子茶漬飯同海鮮粥，茶漬飯我覺得好好味，淋上d熱茶，成碗飯即刻好好味，個海鮮粥好入味，海鮮好鮮👍🏻👍🏻👍🏻最尾附上個菠蘿味雪巴，酸酸地既味令到個飽

提早和爸爸過冬至，是但來到天文台道食串燒秋田有個激安之三重奏Kirin ichiban 生啤買一送一，仲有雞串燒也是買一送一.......超抵食生啤$48～平均$24一杯，真系平絕全香港沙律前菜～爽口清甜雞翼串燒$48～買一送一有四隻，啖啖肉，皮脆爆汁雞軟骨$18有兩串，軟骨有咬口，有點黑椒味好惹味雞頸串$25～第一次食，口感好特別，肉質嫩滑脂肪較少燒鱔$45～爸爸大讚好好味，外皮脆口而且肥美美國頂級牛肋肉$38～五成熟好有牛味紐西蘭草羊架$78～五成熟的半架也是恰當的做法，一點氈味也沒有，肉與骨也有羊獨特的味道，推介燒煙薫果飼赤豚腩$25～呢個是我最喜歡的，高質素的豚肉更勝一籌，間肥間瘦好香口北海道魷魚筒$88～原隻魷魚筒好抵食，火喉控制得啱啱好，一點也不韌，有淡淡的焦香味，配啤酒一流藍鰭吞拿魚生丼$128～真系嘩一聲·好好味呀切角的魚生新鮮肥美，份量足鋪滿整個碗，好滿足吖，$128好抵食食滿$600，再like & share 秋田浜焼專頁就可以玩一手蝦，哈哈哈我們有八隻的收穫，half-half一半刺身，一半浜焼

之前食過浜燒, 質量同味道都好唔錯, 所以佢話想再去~一 search 之下, 原來佢搬咗啊, 好在都就腳嘅 而且仲加咗串燒, 所以我地就黎喇~裝修感覺依舊日本風~响佢點嘢食之時, 我又梗係先自拍幾張先啦負責... XD我地今次想食串燒, 因為比浜燒再抵啲... XD等食喇我~店員好好, 介紹我地醬料點法~先黎杯 pear soda 先~嗯, 清清地 微甜, 幾好飲呀~店員再放菜同味噌比我地食肉間清清味, 好貼心喎~我地唔係特別食虾, 所以無特別玩~見其他客人玩都開心, 成績又 ok, haha~先黎 茄子伴木魚絲 同秋葵~雞翼串 (是日 雞類買一送一, 所以有 2串呀)咸香嘅 唔錯嘅~前起: 澳洲和牛 .  厚燒利久牛舌 . 美國穀鉰牛肩柳和牛 over grill 咗, 連鍾意 10成熟嘅我都覺得乾同鞋咗啲, 其他唔錯嘅就~霧島流心玉子釀免治雞柳呢個佢食得好開心仔, 肉味中 keep 得到蛋香, 剛好~南瓜角嘩! 呢個炭燒菠蘿真係全晚最正!!!初時都唔明點解一串仔菠蘿有信心賣我 $32蚊再加一, 叫一串試試先~嗯嗯, 好味呀!有薄薄焦糖脆 coating 包住, 口感好好呀!菠蘿靚

又去左尖沙咀覓食既時候～朋友book 左秋田浜燒食堂，但原來附近有幾間都叫秋田嫁…我地個時都入錯舖頭…秋田浜燒食堂，位於尖沙咀天文臺圍8號地下，主要食刺身，串燒同肉扒…點餐後會奉上餐前小食：新鮮蔬菜比內雞翅釀法國鮮鵝肝($58)，雞翅內釀有鵝肝， 但因為鵝肝似係攪碎咗之後嘅肉碎，同平時食到嘅入口即溶有所不同，所以有點失望…生燒長崎白鱔($48)，白鱔肉彈牙，食落去有啲似燒秋刀魚既味道。鹿兒島黑豚肋部柳($32)，剛燒起有超香濃豚肉味同豚肉汁，而且一舊舊好易咬開，連唔多食豬既朋友都大讚～主食點左人氣漁獲海鮮炒飯($98)，有帶子，飯量多，2個人食都夠。不過如果去除海鮮，似係一個普通蛋炒飯～另外仲點左藍鮨吞拿雜錦魚生丼($128)，一人份量，同人氣漁獲海鮮炒飯係兩極既相反，滿滿既魚生，大滿足！

秋田既浜燒就出曬名，而家仲有串燒食！師傅來自串燒名店南蠻亭雞肉大蔥係食日式串燒唔可以錯過架，蔥新鮮無比，索索聲，雞肉嫩滑多汁，醬汁好好味！原來而家所有雞肉類🐔串燒買一送一，所以$28有兩串，真係抵到爛。呢隻係我最鍾意既雞肉串，秋田既雞肉棒🐥🐥應該係自己手打，食落有少少軟骨，咬落去索索聲😘！質素唔錯！雞皮最考師傅功力，雞皮燒到好多油，但係又脆脆地，高質素攘大菇，將溫泉半熟蛋放到菇上,切出黎仲係流心架！好味除左雞仲有幾種唔同種類既串燒!

之前聽朋友話呢間秋田好出名, 去到原來有3間, 左右鋪及樓上鋪, 我見佢好多熟客都自己揀鋪&地方坐。刺身盛之松 $238 有三件三文魚刺身, 3件油甘魚, 2隻兵庫縣活播磨牡蠣及2件北海道凡立貝! 三文魚好肥美, 幾好食; 油甘魚油脂分佈均勻, 一睇油花都知好食, 肥美香口! 牡蠣好肥, 加左少少日式醬油, 夠晒味, 又唔腥, 必食!北海道凡立貝都好新鮮, 好厚肉, 絕非流料!藍鰭吞拿魚雜錦魚生飯 $128 有好多刺身!!! 三文魚粒、吞拿魚粒、牡丹蝦等等, 樣樣都好新鮮, 抵食!人氣漁獲海鮮炒飯$98, 有蟹肉及魷魚炒飯, 我個人覺得太淡味了, 一般般。免治雞串$28 - 買一送一, 抵到冇朋友! 將蛋及醬油撈混, 再點免治雞串, 好好食, 好滑!!!