福岡漢堡扒 (厚福街) (已結業)

要提尖沙咀坐爆曬既漢堡扒店一定係食厚福街呢間，之前食過lunch set都好好味，今晚食埋真漢堡扒，原個和牛波波加埋芝士 同香葱灑係面，煎扒既時候可以溝埋一齊仲有拉芝效果添，爆一爆啲香葱又更加好食，和牛仲有混左啲蒜蓉所以再惹味啲，鋪底既有芝士滑蛋，前菜則有韓國泡菜食，醒醒胃，酸辣度啱啱好，佢每張枱都有抽油煙管，唔會食到成間餐廳都油煙味，非常貼心既設計，朋友叫左個墨西哥辣椒和牛漢堡，有青椒紅椒等配料，整個組合都好合佢心水，因為佢中意食辣個種刺激既味道，唔夠飽仲有大大碗和牛乒乒乓拌飯，用韓式辣醬將生菜、太陽蛋、肉碎、珍珠飯撈埋一齊食，材料非常新鮮啲生菜好爽甜，飲品推薦蜂蜜柚子茶，冬天飲完成個人暖笠笠而且十分潤喉👍👍

琴晚同朋友去左呢間，出名食漢堡扒嘅餐廳食飯，一入到去見到全餐廳坐滿人，都已經知道呢間餐廳應該唔錯，睇一睇餐牌見到有各式各樣嘅漢堡扒選擇，我哋就選擇左個2人餐ver2，因為我鍾意食辣，呢個餐有墨西哥辣椒岩哂我口味，重有和牛漢堡扒同埋芝士蛋蒜和牛漢堡扒再加多個和牛乒乒乓拌飯，另外兩杯野飲，主菜未到，就已經有沙律菜同泡菜，重有麵豉湯黎做前菜，個麵豉湯非常濃郁，之後佢好快就上埋主角，呢個漢堡扒我都係第一次食，原來佢係用一舊加熱左嘅石頭，放喺鐵板之上，俾我哋自己去煎漢堡扒，初時完全唔識控制火候，好彩有侍應提示，先無煎燶啲漢堡扒，煎熟之後，一放落口，牛味十足肉質鮮嫩而且非常新鮮，重加左辣椒，非常開胃，而且職員都好貼心，見我地食左咁上下，舊石頭開始冇咁熱，就幫我哋換一舊熱嘅石頭，不過溫馨提示，如果換上新嘅石頭，唔好即刻放漢堡扒上去煎，因為熱力過高，會好容易煎燶，另外佢個和牛乒乒乓拌飯，撈埋佢個辣醬食，辣得過癮得來又非常好食，而且有啲生菜係入面，可以中和返食咗咁多肉嘅油膩，野飲方面，我飲咗佢嗰個巨峰提子特飲，提子同梳打水嘅比例啱啱好，唔會太甜，拎嚟解辣非常有用，總括而言，呢間餐廳，性價比好高，而且佢用

再忙都要食飯嘅嘢，所以又過嚟附近嘅尖沙咀搵嘢食，我哋今次就黎試吓呢一間韓國開到過嚟嘅食燒漢堡扒。我哋叫咗一個二人餐，份量夠晒大！有大大碗嘅泡菜芝士岩漿飯，仲有一人一塊石板，隔離仲有生嘅漢堡扒同埋菠蘿，或者煙肉呢啲配料。我哋就可以自助咁將啲漢堡扒放上去石板上面燒，好過癮㗎仲有一個抽油煙機俾你對準塊石板，吸晒啲油煙，咁就唔驚整到成身都有煙味啦，真係夠貼心！漢堡扒夠晒大份，而且調味足夠，配埋個泡菜芝士飯真係冇得頂。有得食，又有得玩多而且呢度地方都算闊落，可以行朋友坐得舒舒服服傾吓計，真係好地方。

石燒牛扒食過好多次，石燒漢堡扒就第一次食，一直我對漢堡都不大興趣，但和牛漢堡就…即刻加左分，和牛肉質軟嫩、多汁，有分S、M、L size, 可按個人食量去選擇，最岩我呢d食量少既人。晚市座無虛席，每個座位都有獨立小型抽煙機，吾會食到個身一陣味，熱石熱力強勁，要好好控制火喉，一不小心就會燒焦，食到一半時，職員會好貼心咁問你，需吾需換熱石，當時我地覺得仲夠熱就無換到，但我可能食得慢喇！食到餘下1/4，熱石已不夠熱，需要換過一舊，朋友食得快就無呢個問題喇！

在韓國好有名嘅福岡漢堡扒終於喺香港開分店，知道後小編立刻約埋朋友一齊嚟試試。福岡漢堡扒嘅食法好特別，店提供一塊熱石，自己將個和牛球一小塊切開放喺塊熱石上燒，燒幾熟自己話事，不過原來塊熱石好熱，和牛放上去一陣就熟。如果塊熱石燒燶店員會幫手換另一塊新，並且每人亦都有自己嘅煙筒，非常衞生。又有得玩又有得食，香港人就最啱，所以店舖非常受歡迎，當日都見滿坐並且門外都有人排隊等候。小編同朋友選咗兩款和牛漢堡扒，分別係📌雞蛋和牛漢堡扒同📌菠蘿煙肉和牛漢堡扒，兩款都係和牛漢堡做主角，唔同嘅係配搭，一款係雞蛋，而另一款係菠蘿煙肉，不過每款都有麵豉湯同沙律，整體份量亦適中。和牛肉質鮮嫩，燒後更加滋味，配上雞蛋或者菠蘿煙肉更加惹味。📌月見味噌牛丼小編意猶未盡，叫多一個月見味噌牛丼，和牛切成薄片，肉質鮮嫩，配上蛋汁同菇菌，口感豐富味道難忘。📌百香果特飲百香果特飲味道清新又大大杯，必選。

之前曾經起韓國首爾弘大區試過喱間餐廳，但係上次起韓國食覺得無咩特別，所以來到香港都沒有抱太大期望，不過因為太掛住韓國的關係又想食燒肉又唔想排好耐隊，加上平時食韓式燒肉又燒得耐又等得耐又成身燒肉味，想搵間簡單燒肉速食的話喱間非常推介，價錢唔貴之餘食物仲非常好味！係一間可以經常回頭的好吃經濟實惠的餐廳我地叫左個二人套餐芝士蒜蓉漢堡扒二人套餐配牛肉菇飯（月見草牛丼）佢入面包兩杯野飲+牛肉菇（月見草牛丼）飯+中size燒牛肉漢堡牛肉好淋，食落感覺像他他，配埋個甜甜地既燒肉汁，非常入味好食！服務生好好人，食左個半鐘幫我地主動換左3次石，令到石頭溫度保持得好好，而且牛肉份量都唔小，如果想再經濟d，可以單點中size 燒漢堡set,有白飯同湯都係120蚊，晚餐以這個價格來講非常抵食！性價比極高！非常推介

難得星期日放假，和媽媽在尖沙咀行街後，決定到厚福街找間餐廳食晚飯～～之前來過福岡漢堡扒食二人套餐，食物質素和份量都幾滿意，但媽媽比較細食今次就各自叫了兩款漢堡扒🥳——————————🔹雞蛋和牛漢堡扒 (M) $110 雖然是M size，但食完都很飽！一上菜，漢堡扒下的雞蛋呈半生熟，不到1分鐘就已經完全熟透。另外，漢堡扒簡單煎3秒就變熟，如果想要金黃香脆的外皮，就要再煎多幾秒鐘啦！媽媽大讚漢堡扒有很濃的牛味，加上少少的脂肪，完全不鞋口！而外面微脆，配合裏面的油分和嫩滑的肉質，正！🔸芝士蛋和牛漢堡扒 (M) $117我就叫了芝士蛋和牛漢堡扒，整體食起來比沒有芝士的更香！但始終芝士很快熟，所以容易燒到變燶😆可以嘗試先煎漢堡扒，再放上芝士，這樣會有拉絲的效果，好食😋

今日午餐在位於尖沙咀的「福岡漢堡扒」..「福岡漢堡扒」地方簡潔衞生。餐廳主打石燒和牛，選用100%澳洲和牛🤩自己煎，自己控制幾成熟😋每檯也會有一個吸煙口，對準迷你石燒台的位置，所以不覺有油煙味！墨西哥辣椒和牛漢堡扒，和牛漢堡扒是搓成波波全生上檯，肉質鮮嫩；然後雞蛋圍邊慢慢在鐵板上面慢慢煎香，蛋面灑上墨西哥辣椒，辣椒的味道慢慢慢慢滲入蛋中，很香很惹味😋和牛波波要自己放到迷你石燒台上面煎，自己控制每口的厚薄和熟成度😁牛和波波肉質唔錯，肉汁豐富，而且調味剛好，不用添加其他的調味料，都已經好好味🤗金橘檸檬特飲，味道清新又醒胃😁

福崗漢堡扒成日經過門口都聞到好香燒肉味，平時長長人龍，今日唔洗就試佢啦，呢間人氣石燒和牛漢堡扒首先枱每人有抽煙機，所以唔洗驚食完後滿身油煙味除左漢堡扒仲有丼飯、小食、套餐。餐套有和牛漢堡扒，仲已經有白飯、沙律、泡菜、面豉湯仲可以額外加配料枱面有說明書教點燒，其實就取出小量肉放在⽯⾯上輕烤兩⾯，大概幾秒鐘，就可以啦👍🏻漢堡扒係採用澳洲和⽜，令⾁味更香濃，⽽且軟熟多汁圍住燒仲有半熟蛋，記得預先食，唔係最己就好熟🙈

今日去尖沙咀開會，中途有個break 放lunch , 正在覓食時，看到「福岡漢堡扒」於是乎就入去試吓😝芝士蛋蒜和牛漢堡扒，上檯時雞蛋已經熟，雞蛋煎得很香口而且蒜片很多，所以很惹味；鐵板熱度剛剛好，因為就算食完整件和牛漢堡扒時，雞蛋也不會過火，剛剛好👍🏻 和牛漢堡扒上檯時是全生，搓成球狀，加上蒜片和芝士條在上面，自己切一小部份，放上石燒上面自己煎，芝士慢慢溶入牛和入面，很惹味；但不會搶走牛和的味道👍🏻 和牛肉質鮮嫩😋跟餐有麵豉湯，沙律等，而且可以添加🤪

中午時間大約一點唔洗等位一行三人直接有位可以食QR code 落單約5分鐘之後就已經有得食我地三個都叫左午餐set 芝士蛋和牛漢堡 跟餐連白飯同汽水，其他飲品就再加錢芝士蛋和牛漢堡($96)漢堡自己剪可以好好控制熟度脂肪比例夠所以一邊煎一邊出油食落去真係有和牛嘅感覺送飯一流由於蛋係鐵板上，之後會愈食愈熟所以如果中意食滑蛋就要快手少少食到中途侍應有幫手換熱石但換完舊石太熱，好易煎燶漢堡扒Overall都係幾好既體驗可以再戰

今次嚟到尖沙咀呢間人氣漢堡扒專門店 🔥🥰其實想食好耐 今次終於食到 佢嘅特別之處係自己煎自己食 喺廚房企喺度煎炒煮炸試得多 坐喺度舒舒服服煎漢堡扒就真係未試過!👨🏻‍🍳餐牌有套餐同單點 本身諗住叫單點 但係見到佢套餐包兩種唔同嘅漢堡扒set 仲送多個泡菜豚肉飯+2杯嘢飲就即刻叫咗🤤我哋叫咗套餐version 4 包一個菠蘿煙肉和牛漢堡扒🍍🥓同埋一個芝士蛋蒜和牛漢堡扒🧀🍳 一個泡菜豚肉飯同埋兩杯嘢飲 個人加$5叫咗罐啤酒 食煎炸野最好配啤酒 真係爽皮到呢🍺套餐$348+1 兩個人share最尾加埋一就差唔多$200一個人左右 都值嘅 話晒有得玩又有得食😆😆煎得塊漢堡扒靚嘅感覺真係好滿足㗎 同埋佢服務態度真係幾好 有問題都勁有耐性咁答 下次漢堡扒癮起嘅時候再嚟幫襯先🤟🏻

Lunch時間在尖沙咀覓食就想起呢間人氣韓國過江龍石燒和牛漢堡扒店，聽聞呢間晚上時間成日要排隊等位，趁閒日時間尚早冇乜人就入去試吓……入到來被彎形鐵罐所吸引，完全唔知咩嚟🤣後來先知道原來是專屬抽風機，以對準熱石抽油煙，抽力強勁，令整間店舖冇乜油煙味值得一讚👍🏻唔洗驚食完成身油煙味。Set lunch:菠蘿煙肉和牛漢堡扒(s)$110Set有埋罐裝飲品，來到見和牛漢堡扒整到成粒波好新奇又吸睛😍份量也可以加錢轉中或大。以蛋醬墊底，蛋帶微脆香口，很惹味。首先切少少份量平鋪在石上燒，一放上去就已經好大煙，熱力很夠。第一份壓得太大力關係同燒咗10多秒就已經濃咗🤪應該大概幾秒就可以反一反，煎到自己喜歡的生熟度就可享用，煎到金黃微脆😍整個過程都覺得好好玩好有趣😆牛扒伴飯一流，比想像中更好味😋，好有驚喜，旁邊仲有調味醬和鹽，不過個人覺得本身肉嘅調味已經好足夠。菠蘿食落好甜好Juicy，中和返漢堡扒嘅油膩感，而且仲好開胃添，而煎一煎煙肉之後超香😋😋😋不用擔心熱石唔夠熱，店員會主動幫忙換熱石。❤️當自己一個人享受美食時光，好滿足之餘，當刻就會想下次要帶埋屋企人一起來試吓，一起享受美食🥰

福崗漢堡扒依間係韓國好出名的石燒漢堡扒，係遍地美食既厚福街開業啦，點都要試下。講明唔多唔少都有少少偏心😛因為小編朋友係入做裝修係日式裝修，一人一個抽煙所以店內唔會好大煙好臭一於試下佢二人餐🙈餐套有和牛漢堡扒，仲已經有丼飯、沙律、泡菜、面豉湯、飲品餐廳用左100%澳洲和⽜，食落牛肉juicy ⾁味濃郁，同埋每次煎攞少少漢堡扒唔好太貪心放在⽯⾯上輕輕煎兩⾯就可以。同埋依度店員keep住幫你換熱石👍🏻另外推介一下店小食炸雞，香口有肉汁鮮嫩👍🏻👍🏻由於太飽結果食唔晒個飯，但撈埋蛋汁牛肉飯更香滑。整體來講性格比都高可以去一試👍🏻

我聽到「福岡漢堡扒」以為係日本餐廳，點知原來係韓國過江龍🤣。餐廳開左咁耐仍然人氣不減，我地排隊排左15分鐘先入到去。我地叫左一份二人套餐，套餐包括兩份芝士蛋蒜和牛漢堡扒同一份月見味噌牛丼飯。上餐既時候職員會將吸油煙既管道對準燒漢堡扒既熱石，所以食完之後我身上一啲油煙味都無👍🏻- 芝士蛋蒜和牛漢堡扒餐廳採用澳洲和牛，一試便知龍與鳳。當我將漢堡扒放係熱石上面巳經聽到嗞嗞聲，證明油脂非常豐富😍。而且入口軟稔，肉汁非常多。漢堡扒同蛋上面都有炸蒜片，炸蒜片唔會炸到好苦😝溫馨提示和牛漢堡扒煎3至4秒就要反面😝- 月見味噌牛丼飯牛肉有少少韌，但調味唔錯🤔。入面仲有蘑菇同金針菇，蛋黃撈飯幾惹味。和牛漢堡扒值得一試，而二人套餐幾抵食，每人仲有沙律、湯同飲品！