福丸水產 鉄板燒 日本料理 (已結業)

之前同朋友黎都食過一次，印象十分好！上次主要食浜燒，而今次黎到個waiter就推薦我地食omakase，每位$800，唔算貴，menu又有我地想食既甲羅燒，所以就決定一試前菜，好decent，包括鰻魚蛋卷，燒春筍， 山芋蛋白蒸等，精緻美味，最鐘意香甜既鰻魚蛋卷～刺身質素唔錯，全部都有落調味，所以唔需要蘸太多醬油，特別欣賞個赤身醬油漬！赤蝦上面放上海葡萄，鮮味突出而且口感十足，幾有趣既配搭海膽壽司一絕，味道甘香到不得了！燒活鰻魚，魚脂香爆登，燒到外脆內軟，配上清爽漬物有助解膩。炸蟹腳，呢個覺得一般，油味過重毛蟹米茄子煮，同前一個菜式相比，相對上比較清淡，蟹既鮮甜若隱若現～每次黎都一定叫既活鮑魚同蟹蓋，鮑魚一如以往咁新鮮，燒果時仲係到掙扎，而蟹蓋甲羅燒亦同記憶中一樣非常足料，如果omakase menu無我都一定會單點！野菜烏冬，雖然看似迷你，但食完勁飽！好甜既菜味甜品有三款，賣相一如既往地精緻，可惜有小小過甜，所以男朋友塞哂比我食，飽到我🙄飲品方面，今晚叫左兩杯。首先係接骨木花啤酒，好濃既花香相對上好易入口～另一杯無影到相，係柚子酒，太甜要等冰融一陣先飲到。整體黎講，$800既omaka

之前聽朋友介紹荃灣有一間性價比十分高嘅Omakase 所以今日經過荃灣就同男朋友去入到去好有居酒屋嘅格調 成個氣氛都好適合成班朋友喺度傾計之後就有個經理嚟㗎介紹俾我哋聽我哋今日會食咩 首先就食咗個前菜鰻魚蛋卷 山芋蛋白蒸 燒春荀個鰻魚同蛋超夾 而山芋蛋白就有一種清新嘅感覺之後就到刺身有啲依佐目 池魚同埋拖羅本身以為拖羅先係最吸引 點知其他兩個刺身都好出色之後就有活北寄貝 吞拿魚赤身 日本和牛壽司三件都好有水準之後就嚟咗個燒魚燒鮎配一個叫蓼葉酢嘅汁本身唔鍾意燒魚嘅我都覺得好好食因為佢笑得香香脆脆咁而且同個汁好夾之後就嚟咗燒蠔好大隻 而且加左青酒煮有一陣淡淡的酒香之後就係炸松葉蟹腳 唔會太油香口之後就到毛蟹米茄子煮唔到個蟹同埋茄子會有咁得意嘅口感而且仲有啲金箔係上面勁高貴之後就到浜燒鮑魚 同埋甲羅燒個鮑魚嚟到勁生猛係咁郁有店員幫我地燒 唔使自己做個甲羅燒我諗係食過全香港最似日本嘅一個甲羅燒同男朋友一直都想搵番日本嘅感覺 終於搵到最後嘅主食係一個野菜烏冬清清淡淡幾好而且最後仲有甜品作結係一啲黃豆餅同埋呢一個和果子我想講呢間野真係勁高質佢上菜唔會好快可以俾你同朋友慢慢傾計而且都有店員介紹翻俾你

周年紀念 男友一早預備左驚喜 帶我食廚師推介既日本餐 每位800好貴 不過真係幾好味首先前菜係鰻魚蛋卷，山芋蛋白蒸 同埋 燒春荀 個蛋卷好好味 蛋香包住舊鰻魚肉食 正個荀都好中意 第一次食燒荀 好爽之後刺身係深海池魚，金目鯛 同埋 金線鯛池魚都分左背部同腩部 啖啖肉 大滿足 不過我最中意都係金線鯛 佢層外皮燒過好香 食落去好厚肉一定要食壽司就係北寄貝，鰹魚 同埋 日本和牛我最中意係北寄貝 係生既 同出面熟既唔同 夠鮮夠爽 就咁點醬油都超正日本和牛都係入口即溶 同想像中一樣燒物係燒鮎配蓼葉酥 好特別既魚 配既醬料都係魚生活既地方既植物（經理每上一道菜都會介紹） 成條食好多魚肉 醬料都好香 不過唔識食魚既我比埋男朋友食鐵板燒係赤穗蠔 燒得好香 隻蠔分開左兩舊 食起來燒味醬料味 蠔既鮮味再慢慢淡出 鮮甜又香唔使加檸檬都好食揚物係松葉蟹腳及米茄子 蟹腳好香 每啖都係蟹肉 好珍貴既感覺 煮物係毛蟹米茄子煮 又係一大啖蟹肉係上面 仲有小小蟹膏 同揚物既材料一樣 煮法唔同 唔同味道同感覺我比較中意揚物既煮法 食起來香口啲浜燒係我等左好耐既戲肉 鮑魚 同埋 甲羅燒燒完好香啊 好多蟹子卜卜脆 撈埋蛋同蟹

自從同朋友食左幾次濱燒之後我好耐就周圍搵濱燒之地一見到福丸係川龍坊開左 我即刻再搵朋友去食 實情將佢變成另一個濱燒發燒友福丸好有日本feel 一入見到成個魚缸好有感覺另外一邊係成日清酒櫃 仲有好多十四代😍黎到食日本野 梗係食刺身先 八點。刺身盛 有油甘魚 吞拿魚 海膽 仲有係塊葉上面既白魚 重點係 配有柚子醬油 提起白魚鮮味黎到濱燒環節 叫左燒鮑魚 鮑魚大大隻咁 一路燒一路仲郁緊證明極新鮮😀😀😀好乾身 咬落又爽 入面仲好新鮮之後就係松葉蟹膏甲羅燒蟹膏加上蛋黃 松葉蟹肉😍😍😍 好香 好甜但一點都唔覺得膩 一啖又一啖仲有當日時令的燒魚 不時不食 外香內軟 仲有魚汁慢慢慘出黎最後食埋個壽喜燒作結😀😀

發現這間新開日本菜，見很多好既食評，就去試試，這間餐廳只做晚市，食物價錢性價比不高，但質素不錯。當晚9點到，全場滿座，我們一行4人企在店外等人招呼入座，等左大概4分鐘，完全無人出來招呼，於是走入店內搵位，侍應見到都沒有理會，個個都忙於幫客人燒烤，於是我主動問有無4人座位，先叫我們在外等等。大概等了五分鐘就可入座。先點了個海鮮丼，刺身肥美新鮮之後點了福丸沙律、牛油果軟殼蟹卷、和牛炒飯、加州卷和一些壽司。各種食物都有質素，味道不錯，燒蟹蓋很香，4個人共食了千幾元，只食一次就夠了

上個月男朋友返新工，話想請我食返餐好嘅！我見之前朋友話食過呢道唔錯，便提議黎依度食晚飯！😍原本想叫餐牌上面既浜燒,刺身同日本料理，但男朋友話不如試下餐牌上面嘅廚師推介因爲可以試不同款項既食物！（佢話有的懷石料理feel) 廚師推介有八樣不同的日本料理同甜品！首先值得一讚係餐廳職員好細心，佢地會先了解我地對什麼食物有敏感同每次上食物時都會講解一下食物既製作方法同食用次序👍🏻👍🏻先講前菜3點，有鰻魚蛋卷，煮海螺同西京海老！鰻魚同蛋卷好夾，蛋卷好重蛋味！海螺好爽甜！但個人覺得西京海老比較遜色，西京味唔夠濃！到刺身，有五點，池魚係用薑汁淹制過的，薑味好成功咁帶出池魚嘅鮮味，唔會太重薑味！而金目鯛就火灸過，魚味香濃！平目海膽卷好鮮味，海膽多小小就更好🤣👍🏻！油甘魚腩都好肥美！😇壽司有三件，侍應教我地由左邊食起，鯒魚-》大溝貝-〉鯖魚！個人覺得大溝貝好鮮甜好爽口！😇😇好正！燒物係岩鹽燒鮎魚，侍應話個汁係用岸邊既海藻整成的！個人好欣賞呢一味，鮎魚燒得好甘香，魚肉好軟滑！雖然有小骨，但都燒得好軟，食左都無事！👍🏻至於揚物佢地有豆喜之次同稚鮎！侍應話豆喜之次係香港好小有，是一種營養價值豐富既魚，我都係第

食過福丸水產，一直念念不忘。呢間店可以話係平民恩物，因為唔係處於旺區，可以用較為親民的價錢食到高級日式濱燒。除咗地點唔夠便利之外，其實店內的環境都好優雅，絕對唔俾高級的日式居酒屋輸蝕。食物選擇多，而且整體價格都幾相宜。先點兩客小食醫下肚仔。明太子玉子燒甜甜地好開胃。七味魚翅就最啱配清酒。難得入到荃灣，當然要食豪啲，刺身揀咗高級刺身拼盤外，亦加左一隻龍蝦刺身。整體質素都幾高，新鮮又唔腥。最鍾意拖羅，入口即溶，而且無筋。海鮮濱燒當然係重頭戲啦！帆立貝厚身又大隻，而且洗到白雪雪、好乾淨。大蝦夠晒厚肉，肉質有彈性而且夠鮮味。除咗海鮮以外，燒和牛亦都係當晚的大驚喜。賣相超級靚，和牛用岩鹽版呈上，而且用微火溫熱。牛肉入口即溶，脂油味豐富。配上少少蒜片，簡直係人間美食。銀雪魚西京燒都係我的最愛，魚肉極嫩滑，而且甜甜地，好惹味。臨尾來個壽喜燒，為精彩的晚宴畫下句號。整體食物質素都幾唔錯，環境又舒適，最值得欣賞係價錢比起銅鑼灣同級數的美食起碼平左三份一！

朋友生日，約佢出嚟食好西。咁佢住荃灣，不如就近佢。我都唔知樓下係街市嘅地方居然有咁高級嘅日本菜。一入餐廳就見到一缸缸活海鮮。舖頭好大，座位寬敞，一邊傾偈，一邊享受美食，一流～店員介紹自家品牌sake，$180 300ml試下，幾香幾易入口。食好西食到盡，食個廚師推介。跟足menu介紹下：前菜3點鰻魚蛋卷、山芋蛋白蒸、燒春荀高級菜係唔同啲，材料看似簡單，卻能製作出如此精緻嘅開胃菜刺身槍烏賊、真鯛、平目、赤身醬油漬、鰹魚睇樣就知新鮮，呢啲魚亦唔是度度有得食。壽司真鯛昆布漬、海膽、牡丹蝦都係睇樣就知正，每樣一嚿唔夠喉，好想食多啲呀！燒物燒活鰻魚我朋友食到讚不絕口，燒得好香嘅肥美鰻魚揚物松葉蟹腳、季節時令野菜蟹腳啖啖肉，隻蟹仔都食得架～煮物毛蟹米茄子煮一流嘅配搭，清清哋幾好。浜燒鮑魚2隻、黃金甲蟹甲羅燒重頭戲！鮑魚仲郁架黃金甲蟹就好多蟹膏！真係估唔到香港有咁正嘅浜燒食事野菜稻庭烏冬（熱）之所以咁後上，因為真係食得飽人。最後暖暖肚非常好。甜品同前菜一樣非常精緻，很好的前後呼應。好飽滿的大餐，好高興能俾朋友一個快樂生辰

這餐飯是同朋友餞行，所以希望揀番間好d嘅日本料理餐廳作為送別飯，而在出發前都做咗少少功課，得知福丸水產的食物質素是行中至高水準路線，而且店舖的海產是由日本直送，因此都相信在這裏會食到質素有保證的海產。這間鋪頭不論是門外或者店舖內的裝飾都充滿了春天氣息，門口擺放了一棵櫻花樹，而我哋揀咗卡位坐，卡位算係幾闊落，望上去的天花有一株株的櫻花🌸，很有意境。入座後，店員向我們推介春季廚師推介「Omakase」，價錢約每位$800，客人可以品嚐到春季的時令食品，而且可以一次過食到以不同烹調方法的日本料理，包括刺身、壽司、鐵板燒、浜燒、煮物等等，睇落餐牌都很吸引，而且價錢比起散叫都算是合理。因此，我們決定了這餐飯就交由廚師發辦為我們安排。我們先叫三杯飲品，白桃梳打、抽子梳打、巨桃梳打，每一款梳打入面都有一粒粒的果肉，價錢$23/杯，飲品都算幾平同幾大杯。先來的是前茶，蒸蛋白、鰻魚蛋卷及燒春荀，店員很詳細地講解食的次序是由右至左食起，這個前菜，也就是為春天揭開了序幕。第二道菜是食刺身，而食物的次序是先食牡丹蝦，再食吞拿魚腩，最後是飛魚他他。旁邊的青綠色山葵芥辣是用人手磨成，而深綠色的是蝦醬，味道都較為特

一直也很喜歡尋覓不同的日本餐廳，特別是鍾情左口魚，每次也例行必點。是夜，和Hoy先生特地遠程來到荃灣一帶，皆因聽說這間福丸生產也挺不錯，就以浜燒最為有名。這家餐廳在百悅坊，由港鐵荃灣站徒步來其實也要約10分鐘，雖然遠了一點，但覺得是值得一妨的。甫出升降機，門面已設計得非常有心思，可供客人拍照Selfie。一坐下，我倆二話不說，點了廚師發辦Omakase，接着店員細心地問有沒有什麼不吃和想吃，不過我們笑着先介紹一枝Sake先吧。店長就特別推薦店內的自家日本釀造的清酒，聽說這支酒2012年亦曾獲獎。這枝楯野川純米大吟釀是來自美山錦，16度酒精成份，有分300ml及1.8L，小妹點這枝是細支的。味道方面，由於精米步合有50%，就是剛巧是純米大吟釀等級，個人認為這支酒重甜，酸度一般，喝過後味蕾甜滋滋，不過米香豐富，入口清純，喜歡偏甜的酒，大概會愛上，值得一提的是，以這價錢來說，味道可是已非常不錯及性價比高了。先來一人一份前菜，以鰻魚蛋卷，八爪魚油煮，小女子組成，賣相看似一般，但味道也不錯。小妹就喜歡小女子，即是太平洋玉筋魚，醃過後口感黏黏的感覺，送酒一流。刺身就是點了小妹大愛的平目，即左口魚，

在香港想吃日本料理易如反掌， 還有拉麵、壽司、放題、OMAKASE等不同派系， 連帶浜燒店也越開越多。 荃灣川龍街的福丸水產木造裝潢極具日本風味， 卡位座還有布簾隔開， 隱私度高又精緻有格調。 一向喜歡以蟹籽沙律作為前菜， 青瓜絲爽脆清新， 沙律醬微酸開胃。 刺身質素新鮮， 6點盛合可以多嚐不同的鮮味。 當中以魷魚海膽最特別， 魷魚卷著海膽造形就像朵小雛菊， 口感軟滑，味道鮮甜。 天婦羅蝦卷即點即製，仍然脆卜卜。 現在已經很少吃到銀鱈魚了， 銀鱈魚西京燒幾乎成了我的必點餐單XD 細滑的鱈魚肉散發著魚鮨香氣， 配西京燒甜甜的醬汁一點也不會膩。 店員推介下點了鐵板燒龍蝦， 燒龍蝦的火候掌握得當， 肉質結實有嚼勁又不會過老， 伴以龍蝦膏打成的醬汁味道既鮮甜又濃郁， 極速KO這一碟！ 浜燒也是店內特色又怎能錯過？ 點了一客用料最豐富的海膽松葉蟹膏甲羅燒， 看著店員一邊燒一邊將食材拌勻， 蟹膏的濃香隨著熱力四溢， 真令人垂涎欲滴。 因為拌入了鵪鶉蛋所以較濕潤， 加上絲絲松葉蟹肉跟蟹籽，口感豐富。 海膽味道倒是被更濃的蟹膏蓋過了， 有點可惜。 刺身完全遮蓋了飯面的北海道海鮮飯， 厚切刺身片

作為日本菜粉絲，又是海鮮愛好者，一定都有留意近年香港日漸興起的水產浜燒料理。在日文的意思中，「浜」字有中文字「濱」即海邊之意，「浜燒」即是指在海邊燒烤，即捕即燒最鮮的海產，基本上不用添加調味料，盡量讓人吃到最原汁原味的鮮味。對上一次吃浜燒已經是上年在尖沙咀了，今次竟然在荃灣都有發現！荃灣除了掃街之外，愈來愈多選擇啦☺位置靠近荃灣西站，在楊屋道街市後方，不熟荃灣的話可能要預多少少時間搵路，西鐵行過去約8分鐘，地鐵站行過去大約要15分鐘（慢慢行）本身想話食完再行一陣街，誰知一食食了三小時🤣老老實實，福丸座位位置夠闊落而且又安靜，同朋友慢慢食慢慢聊的確適合！▲首先上枱的前菜已經教人驚喜😳每份的的式式，有芥末豆腐、漬墨魚、鹹香魚仔三款，由淡至濃食。除了魚仔味道有點過鹹之外，其他都好味到捨不得吃光！▲六點盛合刺身 ((HKD $268))如果三文魚等香港人最愛刺身已經食到有點厭，想試試特別少少的刺身，推介可以試這款。深海池魚、金目鯛、油甘魚、牡丹蝦、呑拿魚腩、墨魚共六款，上枱時候店員都有介紹由淡味到濃味的先後次序。可能真的不太習慣...深海池魚和金目鯛個人都是比較喜歡燒煮的食法，刺身食的話有鮮味

荃灣簡直係一個美食天堂😆由平到貴😆什麼菜都應有盡有🤤最近荃灣百悅坊新開咗間日本餐廳叫福丸水產😍仲有我最愛嘅浜燒海產🤤我梗係要去試吓啦！💃🏻💃🏻💃🏻🎉🎉🎉去到福丸水產已經好興奮，因為裝修以和式設計，仲要有我最愛嘅櫻花🌸做裝飾，感覺自己好似去咗日本🇯🇵咁啊！入門口嘅右手邊有幾個水缸養住啲海鮮🦀🦐🦑🐚🐟保證一定新鮮👍🏻仲有個開放式廚房😆可以睇住啲師傅切刺身真係大飽眼福😻坐低咗之後，有位經理介紹吓今日嘅新鮮食材和同我哋推介 Omakase真係廚師發板😻同老公相量後覺得幾好喎又唔使諗食咩又可以好有驚喜嘅期待每一道餸菜嘅來臨😆所以決定咗叫Omakase😆第一道係前菜，嚟到嘅時候經理會為我哋介紹和教我哋點食法，蛋捲好特別好鮮甜，經理話係用蝦和海膽嚟做嘅，所以超級好味，還有用豆做嘅豆腐，好滑好香濃嘅豆味，同埋咸咸地嘅魚仔乾🐟我覺得成個前菜好似一份藝術品咁😻擺設得好靚好精緻👍🏻第二道菜係六點盛盒🐟係用今日最新鮮嘅食材做嘅刺身，刺身包括有帶子，三文魚，甜蝦，油金魚，魷魚捲海膽和好矜貴嘅金目鯛樣樣刺身都好新鮮肥美，特別係甜蝦勁大隻，同埋魷魚捲住啲海膽都好特別😻第三道菜係牛油炒象拔蚌，象拔蚌鮮甜嫩滑又Juic

今晚約咗媽咪去荃灣食日本野，之前同男朋友黎過覺得幾好媽咪又有興趣試下原來餐廳開業冇1年，上次黎都冇爆場，今次爆曬，好彩有一早訂位仲有卡位坐！！雖然價錢貴小小，不過勝在夠新鮮，款式又多，好似去咗日本咁先來個頭盤有已起肉既螺肉好彈牙，唔會好難咬，左邊有蟹肉&醃咗既茄子係底，又幾開胃wooo~生蠔好新鮮，再加埋上面幾粒魚子，口感更豐富，咸咸地又可以增加生蠔味道鯛魚刺身好有口鮮甜有口感，醃深海池魚就有小小偏咸，不過夠新鮮之後叫咗三款都係我中意既壽司，先食活北寄貝，之後到牡丹蝦，最後呑拿魚拖羅海膽，由淡到濃咁食活北寄貝好小地方有很食，而且keep到新鮮，爽口又唔會韌，三款壽司都好有水準嚟到呢度緊係叫番啲海鮮嚟燒吓啦鮑魚非常新鮮，燒到佢哋係咁郁嚟郁去，食落夠軟林，邊邊位置燒得好香仲要左餐廳推介嘅黃金蟹膏甲羅燒好足料好都蟹膏，味道控制得啱啱好，唔會太鹹或太淡，而且落咗好多蟹籽&蟹肉，增加口感A4和牛超級嫩口嘅牛肉，咬落好多肉汁，中間包住啲蔬菜，減少油膩感，旁邊仲有日本小茄子喺香港第一次食蕪菁，口感好似蘿蔔，廚師喺上面切左一刀刀，令個計更加深入蕪菁，更入味中間仲放咗魚子同小小金箔，令成道菜更加高級真鯛