影片
更多
2016-03-31
467 浏览
親愛嘅冬天逐漸離去，但又仲好想食煲仔飯，港島嘅煲仔飯差不多食過晒，記得報紙介紹過呢度有煲仔飯，今晚就試吓你啦！以為自己好熟筲箕灣嘅路，但點知都搵咗一段時間，希望食物好味啦，咁就難搵啲都值得啦椒鹽鮮魷拼九肚魚 ($85)因為熱氣又通常好油，所以好少食呢道菜，不過店員推薦，咁就試吓啦。一上菜已經哇一聲，首先食物排得好靚，一邊係鮮魷，另一邊係九肚魚，兩種炸物都係炸到金黃色但唔會閃令令，但重點係上面灑滿好多好多炸蒜，已經口水都流啦；先試一口鮮魷，炸粉勁薄而且一啲油味都冇，如果用萬年油炸嘅係一聞就會聞得出，而且炸粉同鮮魷好貼服，貼服得你會覺得佢係鮮魷嘅一部分，唔會一咬就甩咗個殼，而且鮮魷非常新鮮爽口，好易咬得開；九肚魚外脆內軟，有雙重口感，炸粉鹹度足夠，所以就算唔點豉油或醋食都已經味道足夠。呢道菜非常惹味，會令人忍唔住想不停不停食，直到一粒炸蒜都不漏，食到最尾碟上面都係冇乜油㗎！食完都唔會覺得好油膩蒜蓉粉絲蒸娃娃菜 ($65)蒸扇貝就食得多，蒸菜真係第一次。點菜嘅時候講咗要多多多蒜！上菜時又哇一聲，因為蒜嘅數量真係好多 ..... 娃娃菜蒸得啱啱好唔會過老，清新鮮甜；粉絲煙煙韌韌帶啲乾身，就算
椒鹽鮮魷拼九肚魚 ($85)
因為熱氣又通常好油，所以好少食呢道菜，不過店員推薦，咁就試吓啦。一上菜已經哇一聲，首先食物排得好靚，一邊係鮮魷，另一邊係九肚魚，兩種炸物都係炸到金黃色但唔會閃令令，但重點係上面灑滿好多好多炸蒜，已經口水都流啦；先試一口鮮魷，炸粉勁薄而且一啲油味都冇，如果用萬年油炸嘅係一聞就會聞得出，而且炸粉同鮮魷好貼服，貼服得你會覺得佢係鮮魷嘅一部分，唔會一咬就甩咗個殼，而且鮮魷非常新鮮爽口，好易咬得開；九肚魚外脆內軟，有雙重口感，炸粉鹹度足夠，所以就算唔點豉油或醋食都已經味道足夠。呢道菜非常惹味，會令人忍唔住想不停不停食，直到一粒炸蒜都不漏，食到最尾碟上面都係冇乜油㗎！食完都唔會覺得好油膩
蒜蓉粉絲蒸娃娃菜 ($65)
蒸扇貝就食得多，蒸菜真係第一次。點菜嘅時候講咗要多多多蒜！上菜時又哇一聲，因為蒜嘅數量真係好多 ..... 娃娃菜蒸得啱啱好唔會過老，清新鮮甜；粉絲煙煙韌韌帶啲乾身，就算點豉油食都唔會好淋；不過重點都係有多蒜，由於豉油唔算好鹹，所以撈啲鹹鹹哋嘅蒜蓉食就啱啱好；另一樣好欣賞嘅係，啲豉油唔會有一個個油圈，整道菜都唔油膩
土魷肉餅煲仔飯 ($68)
平時嘅土魷會同肉餅打成一片，但呢度嘅土魷同肉餅係分開嘅；靚嘅肉餅肉餅一定要噠，當肉打碎之後會吸入空氣，咁就會鬆散而成唔到餅，噠就係要將空氣唧返出嚟，亦都要噠到夠黏，呈膠狀先可以去蒸，呢個肉餅夠厚身，蒸完都仲好鬆化，而且唔會好鹹，咁就可以食到土魷嘅味道啦，喜歡鹹嘅朋友又可以自己加豉油；原來大廚曾經喺坤記同嚐囍主理過煲仔飯超過20年，怪不得水準有返咁上下啦！先將泰國茉莉香米浸水，喺第一次水滾後，倒晒啲水，咁就可以確保煮好後有飯焦喇。果然一撬起米飯就有好多飯焦喇，咬落脆卜卜，水份啱啱收好，飯粒分明，雖然好飽但都係成窩食晒....
服務
有禮貌而且熱心介紹各類食物
题外话/补充资料：
以小菜館嚟講係好乾淨，少油少鹽，仲要免加一，抵食！
(以上食记乃用户个人意见 , 并不代表OpenRice之观点。)
张贴