祥囍煲仔小廚

营业中

休息中

近期聽朋友推介，係筲箕灣試左間新野，啲野食都幾出眾，值得介紹一下嫁。叫左幾樣野，其中以煲仔飯同埋煎封龍脷魚最出色。 白鱔煲仔飯 ($70)我好鐘意食魚，當中鱔可以話係我最愛。一見到有白鱔煲仔飯，當然要叫黎試下啦👍🏻。整體份量都ok，滿滿嘅白鱔舖哂成個飯面，感覺好抵食。調味就用左豆豉同蔥，可以話同白鱔係絕配，鮮味十足。喱度嘅白鱔好新鮮，咬落爽滑彈牙有口感，無雪味亦都唔會腥。醬油味甘香，配埋有豆豉味同埋有淡淡果皮香氣，個飯底吸收哂所有精華，正呀。 飯焦超香！太正了。 煎封龍脷魚同樣非常出色。外皮煎得香脆，魚肉依然保持嫩滑。調味不花巧，簡單配上蒸魚豉油，已經好美味。