祥仔辣辣 (雅蘭中心) (已結業)

新開位於旺角雅蘭中心嘅祥仔辣辣🌶為鍾意食辣野嘅朋友提供左一個好地方兩個人唔想諗於是就叫左呢個辣到噴火二人套餐前菜惹火山木耳🥒木耳清爽脆口辣得來亦都有啲酸酸地作為開胃前菜一流川味口水雞🐥好鍾意呢個口水雞嘅調味有少少麻醬亦都唔會過辣口水雞雞肉嫩滑主菜祥仔招牌酸菜魚🐟呢個酸菜魚真係超好食啲魚肉嫩滑無骨唔在講湯底亦都好正飲多幾啖都唔會口渴而且酸菜亦都唔會過酸湯底有大量嘅芽菜 萵筍 同埋蓮藕特色菜品噴火小籠包🔥呢個小籠包真係有驚喜一咬落去之後有麻辣嘅味道湧上嚟呢個竟然係成個餐最辣嘅餸菜干扁四季豆🥬又係另外一個好好食嘅菜四季豆炒得好乾身而且好惹味香芹豬肉水餃🐷最後仲有兩隻水餃俾大家飽飽肚甜品黃金南瓜露🍨呢個真係解辣一流而且南瓜露好滑忍唔住又食多兩啖呢個二人餐性價比真係超高食到超飽要捧住個肚行出去🤰

Ricky's Spicy Kitchen🍽 🌶🌶🌶 So hot🔥..(文末有優惠喔❣️🤗🤗🥳）.由香港星級主廚👨🏻‍🍳 張錦祥，全力打造既新餐廳。以惹味香辣元素🌶🌶🌶，作主題既中菜廳正式登陸旺角啦💨。餐廳以百菜百味「川辣」為基礎，再揉合不同地方既特色香料，做出蜀菜：香、鮮、麻、辣既層次口感，讓食客身在香港都嚐到味覺享受，重新定義「辣」味饗宴既豪華體驗。.新辣概念：以辣到噴火精選套餐 + 招牌菜，以全日供應。而家推出左✨辣到噴火精選套餐($388 /兩位) ✨，份量唔少 讓你一個餐嚐盡多款菜式呢。.______________________________ll惹火山木耳 & 川味口水雞ll水煮牛肉 / 祥仔招牌酸菜魚 (選其一）ll噴火小籠包 & 乾煸四季豆 & 香芹豬肉水餃l[甜品]l黃金南瓜露.ll水晶酸辣粉、紅油大豆芽.川味雞🐥，以自家調制既紅油 淋上片片口感冰涼又帶甜既雞肉，入口細嫩彈牙，又吸盡紅油既辛香惹味，層次豐富。.招牌酸菜魚🐟，以自家醃制既酸菜入饌，打造出酸香撲鼻 又帶有獨特芳香、可口惹味既感覺。主廚仲特意挑選魚鮮肉嫩既深海鱸魚💙，魚塊肉質爽滑彈牙，令味道更融和，層次

<祥仔辣辣>講起辣，小編唸起當年做dse 中文 past paper嗰篇《第九味》，篇文話「辣之於味最高最純，不與他味相混，是王者氣象」，小編好認同呢個講法，因為當你辣到噴火既時候條脷已經感受唔到其他味道😂.今次來到由星級大廚張錦祥新開既川菜餐廳，小編感受到原來辣都可以好多變👍大家都可以來挑戰自己食辣既程度😎.小編食咗佢地既水晶酸辣粉，味道酸酸辣辣好開胃而且水晶粉好煙韌，辣度中上，食唔到辣既唔好試😂另外我地試咗佢既口水雞同大豆芽，口水雞辣度係beginner😎雞肉索咗紅油之後都幾香口，大豆芽係呢三樣之中最辣🥵亦係小編最推薦，佢偏麻辣，食落好上癮，小編一路噴火一路繼續夾，三款既辣都唔一樣，唔駛擔心味道單一🤩.小編仲試咗佢既酸菜魚🐟好開心係佢地係用鱸魚，小編係香港食過有啲酸菜魚都用其他魚，又鞋又多骨🤨鱸魚完全冇呢個問題，食落口真係滑嘟嘟，如果佢個酸菜魚有埋啲薯粉就仲好啦🤔.最後大家要記得試佢個南瓜露，賣相雖然普通，但係好creamy同好香南瓜味，飯後甜品解辣剛剛好🥰

麻辣癮發作，見到新開所以一試，其實原本吾想寫，但因為太難食，所以食到一半先影相，所以張相影得比較差，有怪莫怪。 叫左個麻辣口水雞米線，香酥豬排酸辣米線，個口水雞係最正常(不等同好食)，香酥豬排係又薄又無豬排味，吾知咬緊咩！2個米線個湯底，酸辣如清湯，麻辣不麻也不辣，米線又硬硬地，吾係想抵食係想好食，何況佢價錢吾係平。 最後值得一讚係佢椅好好坐，如果吾介意味道，環境係值得一讚

自己係一個好喜愛川菜既人 今次係旺角咁就腳既地方 搵到間開左無耐既四川菜 一定要試下環境而言行緊當然就係中國風 啲擺設都古色古香 而且坐得好闊落 幾舒服 我哋叫咗一個二人套餐 做緊優惠 只需要$288 原價係388前菜方面會有口水雞同埋麻辣云耳 口水雞真係好鮮嫩 絕對唔會鞋口 而且辣味十足 云耳亦都好惹味香口 簡單嘅小食已經令我覺得 佢哋嘅主菜應該相當驚喜先嚟到會係酸菜魚 酸菜魚並唔係魚柳 而且薄切 令魚塊吸收晒香濃嘅湯 加上有芽菜 酸菜 蓮藕片等等嘅配菜 配上白飯都幾好食 可惜裏面冇紅薯粉 如果有埋更加滿足主食方面仲有回鍋肉同埋四季豆 肉碎炒四季豆好出色 肉碎吸滿川式醬汁 配上白飯真係飲唔到口回鍋肉炒得比較乾身 不過勝在分量十足 而且入面嘅辣椒 顏色好鮮艷 令人胃口大開。最後就係要推薦佢哋嘅糖水 黃金南瓜糖水 椰汁同埋南瓜蓉配合得天衣無縫 而且入邊一啲渣都冇 加上甜冬瓜 成個組合都好令人滿足！

香港有好多川菜餐館五花八門，好多時都唔知點選擇好，而呢一間開張左一個月，主打香辣川菜為主題嘅祥仔辣辣Ricky’s Spicy Kitchen🌶🌶，由香港星級廚師張錦祥打造，亦係一個好選擇🤗。餐廳環境都好大，坐得都幾舒服。.🌶紅油大豆芽大豆芽咬落去非常爽脆，再拌紅油就有陣陣嘅麻辣香味，辣度唔太強勁，作為頭菜就岩岩好.🌶水晶酸辣粉水晶粉嘅口感彈牙，另外仲配好香脆嘅豌豆，味道酸爽香辣但又不膩， 亦都係作為開胃菜嘅好選擇.🌶川味口水雞冰涼嘅雞肉入口嫩滑啖啖肉，再配埋自家製嘅紅油醬汁，食落去有好香濃嘅麻辣味.🌶乾煸四季豆四季豆炸到表面微焦，非常酥脆，本身豆帶有嘅鮮甜拌上肉碎同辣椒，微辣香口.🌶招牌祥仔酸菜魚🐟呢道餸一黎就聞到好香啦！魚肉爽滑口感十足，冇骨冇腥味，湯汁濃厚，酸辣鮮香，有爽口嘅芽菜、蓮藕片、自家醃製嘅酸菜作配搭，所有食材都吸收晒湯底嘅精華，非常惹味.🎃黃金南瓜露作為成個晚飯既結尾，呢個咁清甜既糖水就最適合啦，有淡淡既南瓜香，再配搭一粒甜甜地既泰國亞塔子，食落去香甜可口.🍹飲品：酸梅湯，竹蔗茅根食到中途覺得好辣，就黎左d飲品，酸梅湯味道酸酸甜甜，竹蔗茅根味道偏清淡，但用黎解辣就岩岩好

最近香港星級大廚張錦祥（Ricky）開左間新餐廳以惹味香辣元素做主題 叫「祥仔辣辣」登陸旺角好難得最近會有新餐廳開幕 當然要黎試下😋.我就試左佢地嘅辣到噴火精選二人套餐 （原價＄388）:前菜包括惹火山木耳同川味口水雞招牌菜有得二選一 水煮牛肉或招牌酸菜魚特色菜品包括噴火小籠包、乾煸四季豆同香芹豬肉水餃甜品就有木瓜糖水🍛.我自己最鐘意個酸菜魚 裏面嘅鱸魚好滑無骨伴自家醃製的酸菜 夠香夠辣湯底好好味 喝多兩啖都不怕口渴 另外個口水雞去哂骨 肉質滑溜沒雪味食落啖啖肉 個醬汁唔只辣 仲有麻香味 層次豐富👍🏿

平時喜歡約朋友食飯吃西餐或韓燒，今次想攪攪新意思，與好友吃四川風味菜！而最近知道由星級大廚張錦祥Ricky打理，開了一間新的四川菜餐廳 — 《祥仔辣辣🌶》，就和好友去試吓！店舖位於旺角，座位寬躺，環境舒適，我們點了「辣到噴火的套餐」，原來嘗辣一定要隊啤，2杯啤酒🍻Thx 😋前菜～川味口水雞🐔雞肉非常嫩滑，又夠冰涼，配上麻辣香油，惹味十足又開胃🌶招牌菜～祥仔酸菜魚🐟張師傅特別推介的招牌菜之一，其實我本身不愛吃魚，但嘗了一口後，原來不腥喔！師傅介紹他們用了深海鱸魚，每一片魚片都很大片，而且十分嫩滑鮮甜，啖啖肉亦沒有魚骨，另外不得不喝的酸菜湯底，酸辣適中，濃而不溜，非常有魚鮮味。招牌菜～水煮牛肉 🐂《祥仔辣辣》另一款招牌菜「水煮安格斯」，一上餐枱，已散發著濃濃麻辣香氣，賣相非常辛辣，配上自家曬乾由成都宜賓出產、辣味花椒，我已經急不吸待搭起筷子品嘗，每一片都是肥美肉嫩的安格斯牛肉，天啊！太嫩滑了，肉質不肥不瘦，辛辣適中！麻辣水晶粉🍜每一條水晶粉都很爽滑彈牙，配搭花生及芝麻，辛辣味十足，這款我真係要一邊吃一邊喝啤酒，停不到口！小菜～乾煸四季豆四季豆配上香濃的肉碎一起炒，非常惹味，在辛辣中找到平衡

在open rice 訂了$198套餐，比堂食每位平$90，都算抵食。餐內食物比一般川菜食店好食，不死鹹！唔會食完要勁飲水。套餐內最好食的竟然不是酸菜魚，是炒四季豆！其次是口水雞。糖水也好食！糖水是南瓜糖水，就算不是餐內有，要單點（$18）也值得叫！最失色是小籠包和餃子，可有可無。另外單點了麻婆豆腐，意料之外的非常好食！不鹹！不似一般食店用豆板醬開！簡直是誠意之作！凍檸檬茶也好飲。唯一不足是侍應不足，成間餐廳最少二十張枱（雖然當時唔滿），但都只得兩個侍應，仲要做埋門口知客果份！男果位侍應忙之中都好醒目！值得一讚！有交流，會問菜色如何，又跟得好足。另外，性價比比k11祥仔高好多倍，值得來試下！

呢排又濕又悶熱，最好就係食下開胃辣野。位於旺角雅蘭中心呢間新開既餐廳，裝修好有格調，而且係名廚祥仔全力打造喎，緊係要試下😝😝🌟水晶酸辣粉- 水晶粉晶凝通透，望上去已經好靚。 食落仲好有口質，彈牙惹味😋😋。 仲要提一提上面個啲脆豆，配上水晶粉，超好食。🌟紅油大豆芽- 大豆芽吸哂啲醬汁，真係好入味，不過都相對比較辣。🌟川味口水雞- 涼涼地好啱夏天食，加上雞肉嫩滑，辣味香濃，好快就成碟食哂🌟招牌祥仔酸菜魚- 果然係好正。 啲深海鱸魚片嫩滑又鮮甜，伴著酸菜更加芳香惹味。 除咗魚，仲有蓮藕片及萵筍片，吸哂湯汁，又香又好味。🌟乾煸四季豆- 配上辣辣香料，更能突出四季豆既爽脆清甜。 🌟最後係滑滑黃金南瓜露😋- 好滑但唔太甜，香香南瓜🎃味，仲有位亞塔子咬下🤣🤣整體來講，我覺得餐廳真係好有心，佢地專登就香港人口味，我唔食得辣，但都食得到全部菜。🤗🤗 未試過食辣野食得咁開心😝

今晚我同友人一起化身做真正的辣媽🌶️👯一起拋夫棄子🤣去吃好有四川風味的【祥仔辣辣】，好舒適的環境，其實我已經很久沒有去吃辣了，今次品嚐到辣到噴火的套餐，而且花椒材料由成東宜賓出產，加上由星級廚師張錦祥加上找來有20多年經驗的川菜師傅一起合作，那我不用去旅行，也能吃到高級四川菜的風味，享受味蕾上的麻辣刺激！有時辣到飆汗也不願意停口👅，而且價錢吾貴，真的非常超值，🎉🎉💵記得用我第2張圖優惠，就最抵！ 🐟由星級星廚張錦祥推薦的招牌菜色叫「招牌祥仔酸菜魚」，大大片的無骨鱸魚，肉質非常鮮美又彈口，配上自家製的酸菜，我更喜歡喝酸菜魚的湯，用上豬骨和雞骨去熬製，比起我很久之前在廣州最多人吃的酸菜魚更有鮮味，湯底也有濃厚的花椒味，而且絕又不油膩！ 🐔第二味我至愛是「川味口水雞」，我首次嘗試到這麼滑嫩的雞，連雞胸也這麼滑溜，雞皮也滑得像啫喱一樣(我很少吃雞皮的，也忍吾住)，配上麻辣香油，我和友人也讚不絕口 ! 🐮「水煮牛肉」這道不太辣的菜，即使你不能吃得辣也可以吃，我覺得牛肉非常厚實又肥美，好有牛鮮味，不用太多咀嚼，肉質軟腍，麻香撲鼻 ! 🌱吃得這麼多辣是時候要弄個不辣小菜了，那麼「乾煸四季豆」最合適，我

祥仔辣辣 #旺角❗️中菜都有tasting menu $198食到七個菜式❗️喺網上留意到呢間新開嘅川菜雖然做緊 tasting menu $198🤩平時淨係兜酸菜魚都已經唔止呢個價，見佢咁抵食即刻book位試✨我係經OpenRice book位買呢一個優惠，上面寫明每日限量發售20套，所以有興趣就快啲買啦🙈！辣到噴火精選套餐$198/1🔥最少兩人起。雖然個名係辣到噴火，但係整體辣度唔高🙈平時食開譚仔三小辣嘅我覺得濕濕碎，唔係太食得辣嘅人都應該接受到，而且有啲仲要係唔辣㗎🤣！1️⃣蔥火山木耳味道: 3.5/52️⃣川味口水雞 味道: 3.6/5前菜先有經典嘅酸辣木耳，同嫩滑鹹辣嘅口水雞，做到一般四川菜嘅水準，冇太大驚喜但係冇失望。3️⃣祥仔招牌酸菜魚 味道: 3.6/5嚟到最期待嘅主菜🐟酸味幾突出，而且魚片都滑，但就冇想像中咁辣，而且份量唔多，大部份都係酸菜芽菜等配菜🙈不過欣賞酸菜酸味恰到好處，又唔會鹹得制👍🏻係好味酸菜呀！4️⃣噴火小籠包 味道: 4/55️⃣乾煽四季豆 味道: 4.2/56️⃣香芹豬肉水餃 味道: 3/5仲有三款小菜😆小籠包超有驚喜✨第一次品嚐到川辣嘅小籠包，鹹鹹香香又多汁，皮唔會太厚，值得一

見到社交平台有推介，見🌶辣🌶辣🌶辣發哂癲，即時上openrice訂位有開業優惠😍7:50到達，門口人山人海，但係入到去大約只有六七台客，1/4人都冇，原來只係隔離燒烤店嘅人潮🤪，心諗冇人食嘅，會唔會中伏🤨因為已經喺OpenRice度買咗個套餐，所以直接揀要幾辣就可以😁😁前菜先上：木耳唔夠爽，雞肉尚算OK，但味道一般，連最期待嘅辣度都唔夠，中辣都只係 譚X嘅5小辣程度😓終於主角出場，樣子吸引，先飲啖湯，湯唔熱腥到不得了，又唔酸又唔辣，再食下啲魚雖然都算滑但係一啲味都無，干扁四季豆都係凍嘅，唔辣不特止仲覺得好甜添，之後嘅餃子小籠包完全冇期待😩其實佢嘅宣傳做得好成功，介紹講到好吸引，又惹火噴火又招牌又層次，又話星級名廚😤令到連一個唔食得辣嘅我我覺得嘥咗個quota，完全中伏🤬🤬🤬🤬不過都有值得一讚嘅地方，全間店得兩個樓面員工，已經負責門口接待、帶位入座、茶水、落單、傳菜、埋單，一腳踢冇停過，想要一壺茶都等咗30分鐘，雖然俾客人不斷催促，但係禮貌服務一流全程冇黑面，最後仲細心問我哋菜式啱唔啱心水，經理值得一讚，係咁艱難嘅時間都盡心盡力，仲要係星期六週末黃金時間，咁大間鋪竟然會得兩個人做晒樓面所

見到Ricky cheung主理嘅餐廳就試試佢，仲要係我鍾意嘅辣嘢四川菜兩個女仔食完下午菜再食晚餐，仲係飽飽地，所以無點佢嗰個套餐，只係點咗三樣比較想食嘅嘢：口水雞、酸菜魚、酸辣湯酸菜魚：不得不點嘅菜！啲魚夠滑，唔知係咪用咗特別嘅香料，食起上嚟同平時出街食嗰啲酸菜魚有啲唔同，無嗰陣大陸假香料味，酸菜好味，可惜飽得濟無叫飯，因為佢咸咸哋送飯一流haha口水雞：正正常常，我食開譚仔麻三小辣都覺有啲辣酸辣湯：雖然細細碗，但覺得兩個人（女仔）飲剛剛好，而且都算有誠意，足料，開胃，唔係罐頭湯味，28蚊一碗值得叫嚟試試佢，但佢入面有啲香料好吉口，我以為係隻碗甩漆，所以飲嗰陣就住就住餐廳唔知係咪新開，無咩客人，所以環境靜好適合傾計，下次會再嚟食佢個套餐

Ricky 生 主理的新開川菜食店剛剛收到新開張電郵故特別過去雅蘭中心試試之前食過長沙灣及尖沙咀的「祥仔」味道都好得，故對「祥仔辣辣」抱祈望。由於新開關係，只提供「初體驗」套餐。由前菜至甜品，樣樣都好好味！套餐主菜可二選一，有水煮安格斯牛肉或祥仔招牌酸菜魚。我選擇了後者。個人最喜歡酸菜魚，暫時算是在香港食過之最好食的酸菜魚、D鱸魚好滑好滑好滑，湯底也真材實料，冇味精。但配料少咗D。另外水餃也是即做的，非常有「趙」頭。推薦一試！