祥仔辣辣 (雅蘭中心) (已結業)

呢排又濕又悶熱，最好就係食下開胃辣野。位於旺角雅蘭中心呢間新開既餐廳，裝修好有格調，而且係名廚祥仔全力打造喎，緊係要試下😝😝🌟水晶酸辣粉- 水晶粉晶凝通透，望上去已經好靚。 食落仲好有口質，彈牙惹味😋😋。 仲要提一提上面個啲脆豆，配上水晶粉，超好食。🌟紅油大豆芽- 大豆芽吸哂啲醬汁，真係好入味，不過都相對比較辣。🌟川味口水雞- 涼涼地好啱夏天食，加上雞肉嫩滑，辣味香濃，好快就成碟食哂🌟招牌祥仔酸菜魚- 果然係好正。 啲深海鱸魚片嫩滑又鮮甜，伴著酸菜更加芳香惹味。 除咗魚，仲有蓮藕片及萵筍片，吸哂湯汁，又香又好味。🌟乾煸四季豆- 配上辣辣香料，更能突出四季豆既爽脆清甜。 🌟最後係滑滑黃金南瓜露😋- 好滑但唔太甜，香香南瓜🎃味，仲有位亞塔子咬下🤣🤣整體來講，我覺得餐廳真係好有心，佢地專登就香港人口味，我唔食得辣，但都食得到全部菜。🤗🤗 未試過食辣野食得咁開心😝