神輿日本料理 (已結業)

一向都少吃放題, 覺得環境太迫, 質素又不是太好.但今天放工朋友想吃, 就選了這間.來到這裡覺得環境很寬闊, 裝修很靚位與位之間有很大空間感放題當然什麼都要吃, 這裡有很多款式.首先來個刺身. 北寄貝, 甜蝦, 帶子, 魷魚. 全部都很新鮮, 鮮甜再來是壽司, 還有軟殼蟹, 海膽手卷壽司很不錯, 飯不會一夾就散. 粒粒分明. 再來就是熟食. 熟食都有很多款式, 多到吃不完薯蓉帆立具秋刀魚芝士焗虎蝦清酒煮扇貝串燒只要每人加$28就可以任飲啤酒同清酒整體來說相當不錯呀, 價錢中等, 款式多, 不會走單, 食物亦都很快送上.而且環境舒服乾淨, 值得再來十分有水準的一間放題

食後感想是食物普通， 重要的是我叫了油金魚刺身發覺佢的size係一般普通油金魚刺身的5份之一，於是我問侍應這是一片的size嗎？他說是...我腦海中突然覺得自己好像在乞食一樣,難道我不用付錢嗎？ 最後我只説我不會再來。

響Facebook見到朋友去食好似好正咁，跟住又去試吓食。一早book咗枱所以去到即刻有位坐唔使等，原來呢間野新開左無幾耐。今次我坐位置坐到最入，但服務員都好醒目一見到你舉手都好快埋到位收單。啲食物好精緻細細粒咁😝，最鍾意食佢個海膽壽司，個海膽好新鮮，叫完再叫。另外佢啲熟悉都好好食，唔會因為放題而水準變差。個海虎蝦我又係食咗好多隻。會因為佢個海膽壽司再去食😋👍🏻

好耐冇食放題，心思思！於是放工約埋老公一齊食返餐，甘多間選邊間好？突然想起我是和田日本料理的VIP，有九折，之前佢大裝修，冇去一段時間，今天專程去看看，到步後，眼前一亮，原來裝修後已改名，名叫神輿日本料理，佈置和擺設與和田完全不同，日式化很多！刺身拼盤：第一時間梗係落單叫我至愛的刺身，刺身新鮮，食多幾轉已回本！芝士焗蠔：金黃色的芝士非常濃郁，蠔夠新鮮，令人食不停口！芝士焗虎蝦：芝士加沙律醬焗的虎蝦，夠大隻又惹味，令人回味無窮！芝麻脆皮雞翼：皮脆肉嫩又入味，好味！天婦羅海蝦：外層酥脆，海蝦彈牙，十分美味！自製雪糕：有紅豆、芝麻、綠茶，我至愛就是紅豆雪糕，我由以前和田食到現在神輿，真的一樣好味，食不停囗！多款壽司，款款都想試，但一次肯定試吾曬，下次再來食！所有飲品任飲，但酒精類的就要每位加28元才可任飲！

鳥居日式放題旺角創興廣場餐廳多就眾所周知，早前知道廣場裝修後一於到這裡覓食一下，發現了一間新開的日式放題，被店面一個個紅色的鳥居、牆身掛滿許願木牌所吸引。放題總共提供十大類飲食品，有刺身、壽司、小食、炸物、天婦羅、鍋物、爐端燒、一品料理、煮食、甜品、飲品和卷物手卷。刺身尚算新鮮，厚度適中，不過不失。壽司種類繁多，特別有提供海膽壽司和吞拿魚腩壽司，而且每件份量小小的，可以每種也試試。炸物有吉列炸蠔、芝麻脆皮雞翼、芝士年糕，當中不得不提是紫薯餅，是吉列的脆外皮，內裏是紫薯泥定包裹着黃番薯蓉，必試！天婦羅類覺得炸粉不太鬆脆，而且提供的醬汁分量非常少。鍋物點了辣味豬骨餃子鍋及壽喜燒牛肉鍋，辣味豬骨餃子鍋有點像泡菜的湯底，非常惹味，而壽喜燒牛肉鍋不會太甜又加了生雞蛋，牛肉非常滑及入味。爐端燒必試是粟米、日本番薯和菠蘿，前兩者非常多汁清甜，燒菠蘿外皮燒得脆脆並且酸酸的，非常開胃。當中不少得很多種類的一品料理，芝士焗虎蝦佈滿芝士蝦肉又彈牙，豚角煮有點像中式的梅菜扣肉肥瘦的肉梅花間竹排列，炆煮得非常入味和淋身，豚肉生薑燒採用豬頸肉，肉質非常好醬汁非常濃烈，最後的章魚小丸子也大大粒，用料非常足。飯桶的我

是日休息，行咗1日街到夜晚8點見肚餓，想食放題去到創興，見到呢間好似未去過就試呢間雖然9點後已經有優惠（有啲放題店要9點半）但見仲有成個鐘，所以就唔等啦上到去見到有幅「留言牆」（唔記得影相），旁邊有提供“木版”＆筆俾你寫，都幾靚幾特別，可以影吓相入到店內，唔算多人我哋兩個人可以坐4人枱，枱面可以放好多嘢食，唔駛怕無位放急住食第一樣叫的梗係刺身啦，每樣叫2件試吓先，好快就到刺身：我個人比較喜歡甜蝦、希靈魚、油甘魚、象拔蚌、八爪魚味道比較突出其他都幾好，夠凍之後到壽司：海膽壽司，海膽份量足夠，都有叫海膽手卷，但我覺得食壽司會滿足啲之後係炸物：＊炸榴蓮（必點）超流心＊芝士年糕＊薯餅＊炸雞因為另一半唔食炸物，所以每樣只係叫1件榴蓮2件仲有……：芝士焗蠔芝士虎蝦牛肋骨羊架（有少少肥）蒜片牛粒（菜單唔係呢個名，但好味）豚角煮（有啲似扣肉，味道唔錯，但怕肥嘅要考慮一下）甜品：種類唔多有3款雪糕口味，揀咗抹茶，好味，唔太甜仲有和果子（紅豆）飲品：侍應不斷都有幫我加茶，起碼加咗4、5次仲有啤酒任飲侍應服務整體都好好，態度親切友善讚

從朋友的臉書中看到這間放題的照片，環境和食物都相當吸引，終於搜尋一下資料原來是位於旺角創興廣場的神輿放題！星期一至四晚上7-9時都只是每位$238加一（限時用餐兩小時）。刺身：油甘魚+象拔蚌+帶子+中吞拿魚腩 +馬刀貝+北極貝 ：外間一般差不多收費的放題食物質素都只屬中下，但這裡的剌身卻屬中至中上，味道鮮甜不會只有雪藏味。壽司： 厚燒玉子+鰻魚+龍蝦沙律+針魚+左口魚邊+芥辣八爪魚*火灼和牛+海膽+左口魚邊和少有的針魚。小食： 芝麻八爪魚+柚子醋蕃茄+芝麻醬豆腐開胃惹味，翻點了兩次。炸物、天婦羅、鍋物：吉列炸蠔+榴槤球+芝麻脆皮雞翼+秋葵+日本番薯+牛肉鍋：炸物炸得香脆而不厚、不乾、不油膩，有水準；反而牛肉鍋略太甜。爐端燒：菠蘿+日本蕃薯菠蘿鮮甜多汁，日本蕃薯就清甜可口吃得方便。一品料理：汁燒牛肋骨+蒜香茄子+芝士焗蠔+清酒煮扇貝+京燒鰈魚+羊架+牛油炒雜菇：肉類值得一讚，肉質入味軟身，燒得很平均，絕不馬伕。京燒鰈魚肉質水嫩香滑。清酒煮扇貝的清酒味算濃，配上扇貝令其味道更鮮甜。主食：麵豉湯+稻庭烏冬(熱) +鰻魚炒飯：稻庭烏冬略凋；鰻魚炒飯粒粒分明有嚼感，鰻魚份量亦多，令炒飯更香濃可口

已經有一段日子沒有和朋友食日式放題，所以留意下旺角有沒有些新開的放題可試試，發現了這家在創興廣場5樓的神輿日本料理。來到餐廳，裝修好像日本的神社，環境舒服又光猛，座位非常寬闊，人多也不會有擠擁的感覺，急不及待落單試試看。//刺身//《油甘魚 象拔蚌 帶子 中吞拿魚腩 馬刀貝 北極貝》- 當然是先來刺身，象拔蚌鮮甜爽口在放題餐廳比較少見北寄貝帶子鮮甜彈牙，油甘吞拿厚切。//壽司//《厚燒玉子 鰻魚 龍蝦沙律 針魚 左口魚邊 芥辣八爪魚 火灼和牛 海膽》- 左口魚邊、針魚在放題餐題比較少遇到，口感味道都很特別。還有海膽壽司，質素一點不差，夠鮮甜回甘。其他的壽司都做得非常出色，吃放題我很少會來第2輪，這裡真的不錯，不會有強烈的飽足感，不會膩。//小食//《芝麻八爪魚 柚子醋蕃茄 芝麻醬豆腐》- 三個小食很清新開胃，清凉爽口。//炸物、天婦羅、鍋物//《吉列炸蠔 榴槤球 芝麻脆皮雞翼 秋葵 日本番薯 牛肉鍋》- 個人最鍾意秋葵比較少見又健康、吉列炸蠔和芝麻脆皮雞翼，都好脆口，粉漿好薄炸得好乾身，裡面熱騰騰一點不乾。//爐端燒//《菠蘿 日本蕃薯》- 菠蘿鮮甜多汁不會乾，日本蕃薯甜甜黏口女士最愛

環境唔錯，裝修特別我係食夜晚10:30，好少人，上菜速度正常，都有漏一兩張單10:30入座 每位$178加一，另外可以加錢飲清酒（不過今次無加）。刺身整體質素唔錯，都幾新鮮。 手卷揀左海膽，吞拿魚同炸軟殼蟹 @軟殼蟹最好食 壽司普通 - 點解無得揀火灸左口魚，芥辣八爪魚壽司朋友話好味 串燒烤冬菇 正！超級juicy 鹽燒雞腎係encore item (不過預左咸）芝士焗虎蝦 - 隻蝦好好食，上面鋪面既沙津醬太多，食多一兩隻會好膩。建議可以撥走少少醬再食會開心啲 新番一口牛 - 牛肉夠淋，唔韌（成碟都有幾舊會比較韌）。肉係好食但個汁太甜，同個肉唔夾 芝士焗蠔普通汁燒牛肋骨同羊架都偏咸日式薄餅唔錯 炸物· 天婦羅· 鍋物榴槤球，炸雞，芝麻雞翼都好食天婦羅普通鍋物淨係叫左個 辣味豬骨餃子鍋 都唔差既，個湯都幾辣鰻魚炒飯 - 幾好食既，太飽無食哂甜品- 選擇少，得和菓子同3款雪糕綠茶雪糕好重奶味，無乜綠茶味，當係。牛奶雪糕食係幾好既選擇

筆者日式放題吃得多，很少裝潢上放心思，這天朋友介紹試試新開的放題店，說以神社為主題。筆者一出電梯，首先看到兩塊許願牆，餐廳有提供木片，寫好可自行紮上，另有數張木椅，除給顧客等位時坐，也很美觀，是留影snap point！按帶位職員指示進內，是極富日本氣息的裝飾，望進去是長長的一排櫃子，可看到刺身櫃後有師父在主理。門口左右兩邊都有座位，餐廳大多數是以這種神社式搭建的小屋形狀卡位，有4人位及6人位。很有獨立空間，私密性十足，可三五知己暢談而不怕被騷擾或騷擾到別人。坐下第一時間是每款點菜紙都拿一張，看看有什麼吃的。餐廳點菜紙分A至J，食品倒也豐富。先來一盤刺身！吞拿魚很新鮮！象拔蚌也鮮甜，三文魚普普通通，蟹棒是真的蟹棒！很新鮮！甜蝦比一般的大很多！每隻都有成人小指頭那麼粗，而且鮮甜味足，有些更有蝦膏，很甜很好味。來些卷物，全部都很的骰，不怕很快會吃飽，可試多點不同款式。花之戀不錯。上）焗蠔，前右）燒蝦，燒菠蘿，前左）焗牡丹蝦。餐廳爐端燒不會太咸。焗牡丹蝦屬盛意推介，蝦汁都封鎖住，配合芝士味，惹味可口，筆者吃了兩大隻，但因朋友對蝦敏感，所以不便多點，否則還想再吃呢。上）牛肉湯鍋，生蛋趁熱拌勻吃

一向放題食開某集團有點悶，最後搵到呢間放題，一於試新野。由於同朋友都係放早一族，可以食6點前的放題。雖然早到都無得坐卡位，有點失望。入座後立刻劃劃劃。小食：芝麻八爪魚：最怕d汁杰撻撻，這個八爪魚就無呢個問題，由於太好味，所以叫了3轉豆腐：汁怪汁的，不喜歡蟹籽沙律：雪得唔夠凍，醬汁又太小刺身：質數普通，無乜味道，最差象拔蚌，超腥。咁多款較好吃是甜蝦，唔大隻都甜，只是偶有一些蝦帶點腥味。還有，刺身切較薄和細片（如圖）手卷：軟殼蟹炸得唔夠脆又太細隻，一般。壽司：海膽，帶點腥味。最好味芥辣八爪魚和和牛。炸物：芝士年糕:粉太厚又炸得乾，芝士味唔夠濃 芝麻脆皮雞翼:皮夠脆唔會炸得乾 紫薯餅:唔太甜，紫薯味一般 榴槤球:榴槤味香濃爐端燒：海老:肉唔霉，無乜味道 一口牛:牛肉味香濃，唔韌好食 鹽燒雞翼:皮脆，肉無味道 鹽燒雞腎串:唔夠熱整體黎講，鹹小小，如果可減鹽更好一品料理：羊架：有羊味，燒得剛好。 蒜香茄子

黎梗準備考試喇，所以要輕鬆一下，我同我條佬決定食日本放題，順便行埋Living Plaza⋯⋯嘿嘿！一打開lift門就係許願板，真係免費提供俾你寫架！ 我都寫左一塊丫，希望願望成真呢～門口裝修好有特色，係神社！令我突然好掛住京都旅行丫員工安排左坐近門口位置，左手邊係開放式廚房，會見到一排師父企係到架～而且大部分都係卡位，私隱度極高，有別於一般放題密密麻麻既椅桌擺設～總共10張order紙，當然先點刺身先～三文魚腩厚切超級肥美；帶子，北寄貝咬落有口感，好爽口；連松葉蟹棒都有，真係好少放題見到～全部刺身都好新鮮！壽司，卷物，手卷款式蠻多！好中意D壽司係細細件，唔會錦快飽肚，錦樣可以點多D其他食物，而且無一夾就散的情況出現～始終我地得二個人食唔到錦多壽司，所以叫左幾件卷物，要留返D空間食其他野一口牛牛味濃，肉質軟腍，加埋醬汁好和味～雖然我怕熱氣，但都叫左芝麻脆雞翼，炸到好香口，可以用外脆內軟黎形容！芝士焗虎蝦我叫左2 round 喇！將虎蝦開邊，食得好方便，鋪滿厚厚的沙律醬同明太子，肉質彈牙，推介！天婦羅新鮮炸到熱辣辣，外層粉漿不會過厚，沾上醬汁更加滋味！我一向見到紫薯就會雙眼發光，呢度竟然

放工同朋友食放題，黎試下呢間新開的放題店，裝修幾靚喎，感覺幾乾淨。九點入坐$198一位，加$28可任飲酒添，朋友好想加，但諗起聽日仲要返工就算了。等入坐嘅位置，幾有feel的。坐低後送上熱茶，餐具各樣很新淨，果然係新開希望keep到落去。先來盤刺身，朋友豪氣地每樣都點十件，應有嘅大路野都有，三文魚，吞拿魚，油甘魚，帶子等，很新鮮無雪味，而且刺身厚切一點都不吝嗇。冷盤有菜沙律，蟹籽沙律等，仲有簡單又好味的麻醬豆腐。卷物先試少少，朋友一心只吃刺身，哈哈。細細的size很好，飯軟綿，餡料多。焗蠔香噴噴，芝士白汁焗，幾肥美的。多式串燒亦不錯，冬菇，蕃薯仔，牛柳粒等，每樣食物自己放一碟的，醬汁不過亂下。火炙壽司系列，三文魚肥美，但左口魚裙邊不好吃，沒有燒過口感像海綿。呢個蒜香冷茄子雖然賣相麻麻，但意外地好味，甜甜地的冷麵汁淨到啲茄子好爽甜。口痕又試下小丸子，好大粒章魚腳喎，有沙律醬有木魚，係差咁啲章魚燒嘅甜醬啫。飲品方面除左罐裝汽水，仲可以叫凍麥茶，夠凍又解渴，最好係佢無糖。甜品款式唔多，得和果子同雪糕，但雪糕又有驚喜喎，好濃綠茶味，芝麻雪糕濃到芝麻糊咁味，紅豆就偏甜少少。仲食左好多好味野，但唔

很久無食日式放題，本嚟有食開一間，但因時段唔岩，那就試試另一間吧，可能會有驚喜，點知這間第一次食，環境好靚，坐得很舒服，因大部分放題都很迫，好唔方便，這間環境絕對非常好但款式真是很小，很普通，不過都入左去，無計，就試試吧。點菜紙散收收，又不齊，起初以為飲品自己去拎，點知原來要用紙寫，但又發現完全無點飲野紙，太失敗，飲品款式不多，食品款式不多。其實真係無咩特別推介，連基本刺身都不是很可觀，如果同區好多都比它好，價錢又差不多，完全無賣點，除左坐得舒適，我一定唔會再去食，如果舒服日式東西，既然不多款式，不放題也多的是。服務態度也一般，我諗需要有賣點才值得我再去。

我倆今日早收工，作為放題控當然唔可以放過任何機會，黎到美食集中營既創興中心搵美食，呢度有無數既放題及美食，而今日我倆公婆決定試間未食過既新放題呢間神輿放題位放5樓，一睇就知道係全新裝修，因為無論係裝飾及設計都別樹一格，一入門口就覺得好似入左日本既寺廟感覺!今日我們趕到6點前入座，所以可以享有超優惠價168蚊，超吸引的價格入去可能早的源故，仲有唔少吉位，但都算有人，因為好似下午4點幾就開!我們首先點左些開胃前菜，柚子沙律幾新鮮，酸酸地夠開胃，個彊超辣幾過癮， 蕃茄亦算新鮮食放題第一件事一定係點過刺身拼盤，呢个刺身賣相已經夠晒靚，以前食過好多間，呢間我覺得係頭三甲，因佢最特別係可以淨點三文魚腩，而且超肥美，一咬入就入口即溶蝦都幾大隻同鮮甜無雪味，整體滿意!籌司一黎我覺得自己去左日本，因為佢既籌司好精緻，賣相無得輸,味道更係好味， 好少放題有海膽壽司食，而且仲有咁高嘅質素太太話唔想食得太油膩， 所以點做過什菜窩，佢激讚話啲湯一啲油都冇，而且可以保持賽嘅鮮甜味羊架佢燒得夠乾身，而且超大件一啲香酥 味都冇!呢度嘅天婦羅，粉一啲都唔厚， 而且仲有我最愛嘅秋葵食， 高質呢個芝士焗虎蝦超大隻有驚喜，芝