神輿日本料理 (已結業)

早前見到朋友去了旺角一間放題新開張無耐的日式放題, 最近又為慶祝朋友生日, 一於決定去呢間 – 神輿日本料理。我地星期日食最早的一論, 就係6點前, 因為食得飽後大把時間消化。價錢亦好平$178+10%。我地4點到達, 真係好少人, 門面好大, 難以想像會用這麼大的地方做門口。仲有木牌比你寫野祈福, 裝修充滿日風, 裝修了一個神舍, 令你置身在日本當中。我地幾個影左一輪相先進入餐廳。餐廳都好大, 好多卡位。離遠見到有一個好大的廚師位置, 整體好舒服, 好乾淨。我地都係坐卡位, 然後好快點食物, 食物選擇都好多, 飲品汽水選擇也不少。雖然唔係全部食物有影相, 刺身好新鮮, 喜出望外係有中吞拿魚腩刺身, 壽司醋味足, 選擇多, 推介係海膽壽司。焗蠔, 燒羊架, 燒粟米, 蒜香茄子等等皆不錯, 特別係有榴槤球, 入面有好濃的榴槤蓉, 好味 ! 限時兩小時, 大家都不停食,不停傾計, 以$178價錢真係不錯, 而且發現4點開始食, 到晚上9點都未肚餓。

今天去食肆林立的創興廣場食放題，商場人流很多，有些餐廳門口已經有人排隊。我們來到這間日本餐廳，也有約10人在等位。在門外的木櫈上等了一會，便可以入內開餐了。餐廳裝修很有心思，充滿和風味，門口紅色的神社很吸睛。餐廳以日本神社為主題，木製裝飾特別多。我們被安排到一個卡位，卡位外形像小屋子，椅背高身，感覺很有安全感。厚厚一疊落單紙，任君挑選想食的食物。食物選擇很多，壽司手卷，拉麵炒飯，炸物，小食，飲料甜品等等。點餐約10分鐘，店員便陸續送上食物，眨眼間已滿桌美食了。我們點了不同款式的壽司，火灼和牛壽司，加州卷，海膽壽司，黃金魷魚壽司，芥辣八爪魚壽司，鰻魚壽司等等。好在壽司迷你，飯量不多，不會吃幾個便飽，可以多嚐嚐幾種壽司。炸蝦手卷，炸粉不多，蝦肉鮮甜，不過紫菜不夠脆。　鰻魚炒飯，珍珠米飽滿，調味恰當，可以食到鰻魚的鮮美。稻庭烏冬，奶白色湯汁，清淡不油。烏冬嫩滑彈牙。芝麻脆皮雞翼，深啡色的外皮顯示吸收了調味料的精華。雞翼烤至乾身，皮脆肉嫩，香口而不油膩，很惹味。芝士焗虎蝦，蝦肉完全被芝士覆蓋，看著很吸引。軟滑的芝士和鮮甜的蝦肉，十分搭配，味道酸甜開胃。飲品選擇也不少，有汽水，茶類，果汁等。我就

每月一聚既時間又到,，有朋友話旺角有間新開的日本放題性價比高，價錢又中規中矩，就忍不住食放題放縱一下。大家上去前記得拿樓下姐姐派的傳單, 每位可以憑傳單上的coupon平$10架…搭lift上到去差不多接近7點…….=.=, 因為之前打電話查詢時侍應要求645前入座$208的優惠價（比正價平30元），幸好侍應相當識做，收7點前入座的價錢……食放題當然要先來個刺身併盤過下癮先,帶子: 新鮮啖啖肉甜蝦: 中型SIZE, 唔算大,但夠鮮甜三文魚: 夠肥美吞拿魚: UM, 無味, 雪味重, 可以唔洗encore芝士焗蠔: 焗得幾香, 不過略嫌味重, 蠔就未免太細粒吧炸物:前面4個係麥樂雞: 當然係M記好食啦, 不過LI度都唔差, 拍得住, 有70%似中間既係炸雞塊: 又又淡淡肉, 唔洗lur 骨, 啱曬我d懶人.後邊o個2粒炸球係炸榴槤波: 鍾意食榴槤既人, 這個真心推介到戲肉啦, 到戲肉啦, 就係li個海膽軍艦啦, 好新鮮, 好creamy, 今次我要比10個讚.無論大家在點菜紙寫多少件海膽壽司，美中不足的是每次送來的份量均是跟人頭數的。成餐飯我們encore左5次海膽壽司, 現在都仲覺得e

日式放題, 很久沒有吃了, 這次與朋友來旺角行街, 走著走著, 就來到創興廣場. 這裏的日本放題很多, 難以選擇, 就隨意挑了一間來吃。進店, 一個開放式的壽司吧在眼前, 很多職員在裏面工作; 座椅寬敞舒服, 一疊厚的點餐紙, 款款不同, 琳琅滿目, 難以決擇;我們5人點了黃金蟹卷, 芝士焗虎蝦, 清酒煮扇貝, 刺身,羊架, 及鹽燒雞奕等這裏的芝士焗虎蝦, 芝士味濃, 鹹鹹的, 十分入味; 虎蝦大大隻的外表, 咬下去肉少, 芝士多, 芝味無窮;而清酒煮扇貝, 一大隻扇貝浸泡於清酒裏, 洁白的扇貝, 厚厚的, 肉質彈牙, 酒味不濃, 上湯鹹鹹的, 使淡淡的扇貝增添了另一份味感; 黃金蟹卷, 即手卷, 炸後的軟殼蟹, 沒有味道的, 而且紫菜不夠脆, 味道普通;三文魚刺身, 鮮紅色的三文魚肉, 魚紋清晰, 肥美, 十分新鮮, 魚油豐富; 而松葉蟹棒, 長長的蟹棒, 蟹肉厚多汁, 蟹味鮮甜; 而甜蝦, 晶瑩剔透的蝦肉, 蝦味鮮甜, 肉質爽滑彈牙;羊架, 肉嫩質地彈牙, 羊肉味豐富, 羊肉邊有少少肥粒, 肉油美味可口, 齒頰留香;鹽燒雞奕, 一串有2隻雞中奕, 燒得金黃色, 皮脆, 鹹鹹的, 十

今日同老公去旺角食放題，經我精心挑選後選左一間幾靚既日式放題，叫做神輿!一入到大門口，感覺完全唔似係放題，比我既感覺係介紹日本既主題公園， 因為所有擺設都好精緻，好有日本味道! 日本廟宇既感覺大約等咗十分鐘就有位，餐廳內食客非常之多，座無虛席!落單第一樣必點嘅通常都係刺身，我亦都唔例外，呢度嘅刺身選擇好多，刺身無太冰既感覺!蟹子沙律好爽口，無青味海膽壽司係呢個餐廳嘅一大驚奇 海膽好新鮮嘅分量好足，感覺似去左廚師發板既日本餐廳水準呢度除咗日本麒麟啤酒外仲有清酒可以無限任飲帶子大大粒，新鮮之餘又唔韌一口牛柳粒好重牛味，香味十足燒蠔大大隻 芝士味香濃， 完全冇腥味天婦羅值得一讚係佢既炸粉一啲都唔厚，天婦羅蝦特別新鮮，熱辣辣另一款大蝦亦都係出色之作旺角區有咁高質素嘅放題真係好難得

話說同班好友慶祝生日。見呢間野新開(前身好似係和田)， 又有海膽軍艦， 啲刺身尚算正常貨， 咪諗住試下。點知， 接手和田只不過係換殼唔換膽。首先， 當然係無得食/選海膽軍艦啦， 都算， 咪叫刺身， 點知落紙出單係無用既， 因為入咩紙都係俾一細盤人頭數既刺身你， 咁寫紙黎把鬼咩？除左第一轉刺身既數量係可以接受之外， 之後果啲全部少量求@其俾， 食放題食到師傅發板咁， 可唔可以唔好咁度縮?熟食係可以接受既， 天婦羅較出色，但係出現儲單之後突然爆哂啲熟食出黎既情況， 係咪玩實啲客?蘿蔔佢個豆腐花， 浪費左一個晚飯既quota, 真係攞2百蚊去掃街都無咁膶嬲

剛剛食完，的確火都黎！漏單情況嚴重，三個字形容晒，冇......下......次！好多員工好似好忙咁，不過叫都冇人應，連飲品都要等好耐先到，限時2小時，淨係等都等咗啲嘢食加加埋埋成粒鐘，最好第一轉刺身叫定多啲，如果唔係等到埋單都未必有第二轉食，有生之年唔會再去！

今晚一心嚟試吓呢間放题,结果有d中伏!先揀刺身菜單,点知種類唔算太多選擇,嚟到先食三文魚刺身,魚身已冇乜味,加上冰底因冇用保鲜纸鋪上,所以好快就溶,冰水浸刺身点食吖!另外我五点就入座,但未到六点就開始甩單,寫咗三次炸雞軟骨,兩次鍋物都冇嚟,之後就同職員追單,结果第一次嚟雞軟骨得五粒,再追多一次後就嚟咗一兜份量都見得吓人,但食咗一粒就要收手,因太咸。鍋物第一煲係什菜鍋,但材料只有一撮金菇菜、幾粒蘿白,同大白菜,但大白菜係未熟晒囉。

同朋友一齊去到一間裝修勁似日本神舍既餐廳食放題～就連餐廳內既裝修都好有feel～坐得唔逼好舒服～呢啲環境最啱我地邊食野邊吹水～～就連食物種類都好多～先講吓最讚既帶子～帶子又大粒又鮮甜～唔會滑跚跚～馬刀貝雖然到而家都唔係好知咩黎～但好爽口～甜蝦唔會梅～好新鮮～見有海膽壽司～老實講～雖然我好鍾意食海膽，而我深知香港海膽質素多數一般～今次都係叫一件試試先～但堅係估佢唔到～無平時香港食海膽既腥臭味～少少甜美～唔算得上好似日本食既質素，但已經好好～章魚小丸子～新鮮熱辣送上黎～入面落足料～～同係出面食既都差唔多～仲有我最愛既一口牛肉粒～～牛味重，因為加咗乾蒜，令成個小食更惹味～個汁可以拎黎送飯～～外脆內嫩既芝麻雞翼～外層唔會油淋淋～入面仲有汁唔會炸得太乾～肉質嫩滑～加埋芝麻更香口～甜品當然唔少得紅豆雪糕～～

日式放題對於港人黎講真係一個偉大"發明", 一次過可以試晒咁多款日本菜式, 呢度價錢最貴都係$238, 莫怪我又再次黎開飯係正門口中間以一係系列日本酒及日式燈籠作為迎賓之用, 加重和式氣氛見到唔同顏色既落單紙醒目搶眼, 種類包括刺身, 壽司, 小食, 炸物, 天婦羅, 一品料理, 爐端燒, 主食, 甜品及飲品, 心心眼開始出現刺身多達十款, 大部份都係我喜愛食既, 帶子有相當厚度, 食起黎都有D口感; 甜蝦都唔細隻, 肉味鮮甜; 而唔係常見既馬刀貝呢度都有, 食起黎相當爽脆, 正呀!蟹籽沙律, 田園沙律及柚子醋蕃茄呢D開胃醒神既凍小食當然好岩呢D炎熱日子食, 尤其係個蕃茄, 食落多汁, 加埋個柚子醋好醒胃!壽司每件的式, 唔怕飽肚, 可以試多幾款, 推介針魚同醬燒蟹柳, 水準拍得住出面壽司店!食完凍就開始熱食, 呢客係清湯煮帆立貝, 味道清淡, 帆立貝肉質有D嚼口食完個淡味既, 呢客芝士薯蓉焗帆立貝就顯得更有味道, 原隻帆立貝連埋芝士薯蓉一齊食, 雙重口感!呢客燒秋刀魚燒得頗有水準, 上枱時仍然熱辣辣, 燒得皮香肉仍保持有汁, 係放題黎講, 呢客燒魚係水準之上!炸物出場啦, 叫左最愛既

服務員態度惡劣，上菜極慢，叫果樣冇果樣，甜品又唔多選擇，基本上食到好谷氣，簡直貼錢買難受冇下次，剌身又5太新鮮，未試過食放題食得咁慢，飲品係沖調，但完全冇味，呢間放題絕對列入黑名單

唔係朋友介紹都唔知，原來旺角有間水準唔錯又抵食嘅日式放題~ 平時去親放題都係幫襯『大字頭』，價錢通常係二百幾蚊再加一，而呢間神輿只要7點前入座就只係$198加一就OK，星期五六日就貴$10。 睇門面及店內環境，神輿的確唔似其他放題店咁黑媽媽又逼夾，反之呢到仲光猛乾淨，用餐空間又闊落。睇點菜紙上既食物我就覺得同大路既放題店不相伯仲啦，反正我都唔覺得係越多就等於好，食黎食去都係果D嫁姐，食物質素重要D吧。 刺身總共叫左3轉，吞拿、北寄貝同帶子都唔錯而三文魚、蝦刺身&馬刀貝就直情係掂！魚香、蝦甜、貝爽！希靈魚&象拔蚌就麻麻，有D腥。 平時去放題我都好少食海膽，因為10次有8次都係腥臭，但睇其他人食評話呢到D海膽OK，我都一於試下。係幾好喎，唔腥唔臭，仲有少少鮮甜，我都食左兩舊~ 不得不提呢到既炸物係新鮮熱辣的，但時間上就可能要等耐少少喇~ 呢件炸蠔外面脆卜卜，中間依然軟滑又有汁。 其他食物都無咩特別，又無咩出錯咁，屬於正常水平。 不過呢到甜品無咩選擇，得3款雪糕再加和菓子咁大把，同其他有木糠布甸 & 3.6奶凍既放題比起就有啲失色。另外一提，呢到都有漏單既情況出現，但同侍應講聲

呢排胃口超好 好想大肆食一番！醒起之前食過神輿 體驗唔錯 所以決定再幫襯好鍾意門面既裝修 好有日式寺廟既風格 令人有個置身係日本既感覺海膽壽司放題時瘋狂點海膽壽司是常識吧！海膽顏色充滿光澤 味道鮮甜 絕無腥臭 質感細滑係所有食物當中最值得推介！放題餐廳有如此高質素既海膽實在難得烤菠蘿菠蘿只烤過一面 被烘過的那面食落沒有苦澀味！相反味道濃郁 清甜 而且仍能保持一些水份 故相當解渴 章魚小丸子 丸子外皮較乾 應該是經過油炸後既處理！但整體仍不錯 丸子味道濃郁 口感外脆內軟 章魚肉size適中烤日式蕃薯蕃薯皮甜甜的 應該上了蜜糖蕃薯肉味道濃郁 口感鬆軟壽司 刺身刺身顏色有光澤 尤其三放魚刺身油花分佈平均 脂肪紋分佈鮮明 入口即溶 不得不試

嚟到神輿食放題當然要食「芝士焗虎蝦」啦！賣相吸引之餘仲餡料充足，將大大隻嘅虎蝦由中間切開，面頭放有蟹子，入口即滲出香濃嘅芝士味道，食完都再落多次單！「牛油粟米」餐廳係將新鮮粟米切開一半，再塗上鮮牛油，非常好食。並唔係用雪藏粟米粒，睇得出餐廳嘅製作會花心思同選用新鮮食材。「薯蓉芝士焗蠔」份量唔算大份，但都好飽肚，建議最尾先食。裡面嘅薯蓉細軟香滑，而且食落啲蠔非常大隻，仲好有鮮味。「椒鹽雞中翼」唔試就寶啦，外脆內軟，味道帶有少少咸味！「章魚小丸子」估唔到神輿都有，帶俾食客驚喜。小丸子大大粒，裡面餡料豐富，有菜、章魚、粟米等。「日式海鮮拉麵」份量都算大碗，可以倆個share,而麵條就爽口彈牙。壽司款式多，而紫菜都好爽脆

在創興大廈裡，一出𨋢，原來別有洞天，被其神社式裝修吸引著😍外邊是等待區，有足夠的櫈子供給客人，夠窩心😚 背後還有模仿神社的繪馬掛牌，夠精緻。餐廳很大，座位也寬鬆，燈光光猛，所以很舒服。有一般的枱櫈，也有卡位自成一角。這就是點餐紙，如厚厚的一本書，得別緻。有A-I種不同種類的食物及飲品以供選擇👍👍以人頭預份量，惜食👍👍刺身 - 甜蝦，八爪魚，蟹柳，帶子。新鮮而爽口。芝麻八爪魚 - 夠入味，多醬汁，要一件接一件食😈炸紫薯餅 - 紫薯迷必試，內裡也有紫薯粒粒，甜甜的😘炸蠔 - 蠔的大小適中，粉薄，蠔味重。天婦羅蝦 - 薄薄的炸粉包著蝦，再點上醬汁，即時提鮮。新番一口牛 - 正方形的牛牛粒，夠腍，醬汁惹味，又要一囗接一囗了，停不了🙊好重要的飯後甜品，令晚餐錦上添花。芝麻味雪糕 - 超重黑芝麻味，極愛。總結 : 喜歡這放題式的神社!! 還有在我區的侍應，當你高舉點單紙時很快便來收單👏👏