神輿日本料理 (已結業)

同家人食放題，終於搵到間環境舒適既放題。環境舒適，服務周到，夠禮貌，夠快手，一交菜單，不久食物就送到。高質素刺身，肥美可口，三文魚、鮮蝦、八爪魚樣樣鮮味十足壽司種類較多，份量細細，還有空間食其他，不會食幾件就滯肚。榴槤炸彈，富有特色，唔錯薯蓉帆立貝，有焗芝士，雖然薯蓉水份多，煮熟時落多左水，但都幼滑。帆立貝，口感彈牙，唔錯。稻庭烏冬同醬油拉麵，烏冬爽口微彈，拉麵富有水份而且不太淋，仍有韌性最後甜品，和菓子，餡料係紅豆，飯後一點甜。

對付大食積，一定係揀食放題！今次就揀左旺角創興廣場嘅「神輿日本料理」！門口裝橫十足日本嘅鳥居，絕對係影相位！我同友人七點半到達，盛惠每位$228，另收加一！旺角放題以呢個鐘數黎講，價錢唔算貴！環境寛闊，空間感十足，一d都唔逼。如果4-6人嚟，仲有卡位坐，自成一格。同友人一坐低就見到成尺厚嘅「神輿」menu，好多野食揀喎⋯好似！果然食物款式頗豐富，同友人每張點餐紙都各自點左D！先嚟蟹籽沙律、芝麻豆腐同壽司！沙律青瓜絲切得幾幼身，混入沙律醬同脆脆蟹籽粒，fresh!豆腐係百福豆腐，入口滑溜！和牛壽司有驚喜，牛味濃之餘，富焦香，必叫！再嚟炸生蠔同芝麻脆雞翼！前者炸粉唔算多，咬落依舊保留住蠔鮮；雞翼就有小小over cook ，但口感仲係脆卜卜帶芝麻香！刺身終於出場啦！最好味係象拔蚌、馬刀貝同帶子！夠鮮夠爽口！甜蝦其實都唔錯，都幾肥美！仲有同樣鮮味十足，帶creamy嘅海膽壽司最後嗌左粒煙韌和菓子（紅豆餡）同綠茶味雪糕！我比較推介綠茶雪糕，茶味十足帶回甘，！

今天老公來到旺角外勸咁辛苦，當然要帶佢食好野補返數啦！今次高帶佢來創興廣場5樓的<神輿日本料理>食放題，因為之前聽朋友講話質素不錯喔！出左𨋢未入到店，被它的門面嚇了一跳！怎麼會咁<揼本>整到成個日本神舍咁啦價錢屬中價放題路線，一試無防！店內坐得比其他同類放題店舒適，坐位比較寬敞，而且枱都比較大，即使二人枱亦不怕食物一窩蜂咁出場時無位放。你知啦，食放題第一轉永遠是最貪心，乜都叫，結果唔夠位放由於最近腸胃有點不適，所以生的剌身和壽司都要忍痛不點。唯獨是見到海膽壽司真的忍不住，冒著再肚痛的危險都吃了兩件海膽雖然份量只屬適中，但非常香滑creamy，而且很鮮甜味美，不枉我為它而冒死接下來都是燒物等熟食的天下，先來個烤羊架！羊架燒到熱辣辣香噴噴，肉質結實而不韌，而且獨有的羊香味香而不羶，感覺非常飽足而芝麻脆皮雞翼亦是必點推介之一！雞翼外層燒得又香又脆，加上炒過的芝麻粒，淨係計香味都已經攞滿分！咬開香脆的外皮後，內裡的雞肉又滑又嫩，一點也不柴，而且沒有雪味，雞味十足燒海老亦是高水準之作，海老燒到全隻都脆卜卜，再撒上小許鹽，惹味無窮！肉質爽脆彈牙，鮮味滿分，叫一轉又怎

聽朋友講旺角開左間新既放題, 環境同D 野食都好得下, 見出巡到旺角個頭, 又加上好耐都無食過放題, 就不妨黎拜訪下啦~上到黎見到個環境又真係唔錯喎, 裝修感覺好日式, 又夠空間感, 無其他放題餐廳甘有壓迫感, 我地食平日7-9點, 最貴時段都只係HK$228加一, 都算係幾低食喎~呢度既放題選擇都唔少喎, 刺身, 壽司, 小食, 炸物, 燒物, 一品料理, 甜品等全部齊全~~呢度既刺身都好新鮮同有光澤, 特別喜歡食帶子同紅蝦兩者都好鮮甜, 還有象拔蚌不但鮮甜仲好爽口tim~~超邪惡既芝士焗虎蝦又夠大隻, 芝士味又夠香濃, 真係食左長肉肉都低呀~~燒海老都好大隻呀, 又帶鹹香, 肉質又夠爽口彈呀~~燒冬菇不但無燒到乾晒身, 仲保持到菇身既汁, 食落又夠香口, 正~~燒物中我幾喜歡燒牛舌, 燒得啱啱好, 好爽脆~~最正的就係一口牛, 食落肉質超級鮮嫩, 牛肉汁滿滿又夠香濃, 絕對要Encore....薯蓉帆立貝超大隻呀, 食落鮮甜又夠香口, 真料實料落足本的~~仲有和菓子同綠茶雪糕食, 真係唔係間間有得食, 超正呀!! 同樣汽水任食的, 如果想飲啤酒或清酒既, 每位就要加多HK$28,

減肥計劃一直無了期地押後，既然這樣還是先滿足一下自己的胃。為食的人身邊都會圍繞著一班志同道合的朋友，因此上星期便相約了三位愛吃日本料理的好友一同前往位於旺角彌敦道593-601號創興廣場5樓的神輿日本料理 。我們是一星期前預約的，因此到達時便無須等候太長的時間就可以入座。門口這一塊給客人留言的祈福板，真的有一種置身日本神社的感覺。神輿日本料理的整體裝潢都以日本神社的設計為主，與一般平日常去的日本放題店的感覺很不一樣。這裡的環境寬敞，而且座位的設計也十分舒適，非常適合一家大小或者三五知己飯聚。卡位的設計是包箱的形式，讓我感到更有私人空間。餐具方面都是採用日式設計的用具，而且整體的擺放著，感覺他們待客如賓的誠意。食物、飲品及甜品的選擇不算非常多，但是每一個種類都有我喜歡吃的。大大話話都有A-J共10版的款式。干日吃放題的餐廳都是重量不重質，相反我覺得如果是好味的幾款已經非常足夠。這裡的刺生十分新鮮，口感鮮甜，且不帶雪藏味。個人來說十分推介甜蝦、三文魚腩及帶子刺生。甜蝦是實於較大隻的一種，鮮甜、美味又多肉。壽司方面，我推介燒牛肉及海膽壽司。燒牛肉的肉質嫩滑，牛肉味十足。另外，海膽鮮甜，沒有腥

是咁的，我和朋友上星期大概八點半左右進場我哋好似其他食家一樣，如常攞起筆不停對餐單係咁畫。第一轉既野食好快就到我地即刻再畫第二轉餐單，我哋惡夢馬上開始了。我哋寫的刺身單，交給侍應已經超過十分鐘我哋再寫第二張，又再等了十幾分鐘。。。我地點既其他熟食，炸物都已經一樣一樣到齊我地又再寫第三張， 然後再交畀侍應我再問侍應： 我哋之前已經交咗兩張刺身單點解等咗咁耐都冇嘅？？？佢回答：我幫你追下。一共我地交了三張刺身單。。。我地最後得到嘅係。。兩隻蝦兩隻帶子兩塊象拔蚌感覺好似打發我哋， 敷衍我哋於是我哋響隔離枱 借用枱號去叫刺身單五分鐘左右，隔離枱order既刺身到了我同朋友立即火都嚟埋有個侍應，想過嚟安撫我哋我地二話不說：叫你經理過嚟。。。經理嚟到我哋問：乜你地公司有限客人叫刺身嘅數量？？點解我地一共點左三張刺身單到最後竟然敷衍我哋每樣刺身兩件。。。佢話：等我去了解下。。。。我响呢度想問下其他食家，有冇遇過上述咁嘅情況？？

比較傳統既放題有特色、菜單選擇較多款式、A-J. 每一選項都有較多選擇、其多熟食一項更要推介、芝士虎蝦、芝士生蠔、不能不吃、一級棒。較為意想不到是海膽炒飯、本以為不會太足料、誰不知起大碗、非常足料、味道一流、建議兩個人分享一碗、實在太多。下一次更會嚐試埋鰻魚炒飯、一定唔會令我失望。魚生類有大件多款、最緊要黎足數量、嗌幾多真係黎幾多、飽！

旺角鬧市內人來人往，基本連入到餐廳內都是一樣咁煩囂區內放題很多，但找一間舒適寧靜的真的可遇不可求，好多間都又坐得好逼，張枱又細，為求做多啲生意。不過今次揾到一間好唔一樣--⛩️神輿日式料理⛩️佢既裝潢係好似神舍咁佢既前身係和田放題，唔記得以前有冇食過了大門口望入去就見到日本風既燈籠入面座位既感覺係寬敞，雖然我和男友2人被安排係6人枱同另外2人搭枱，但好彩佢又冇再安排多2人坐我地中間，唔知佢係故意定冇客呢，變左大家唔駛咁親密，空間感係好重要架餓到癲左，黎喇要食喇！先黎刺身，神輿刺身唔算大片同厚身，講口感一定冇得同大x喜呀，極上xxx果啲比架喇，不過佢又唔算好雪藏，不過不失啦之但係，佢地有一點需要改進。就係要跟order出刺身，基本上啲數量入完全唔match，我地係柯打左三文魚x10 (實際：6) 甜蝦 x10 (實際：1)北寄貝x2 (實際：4)希靈魚x1 (實際：2)...... 我好鍾意食甜蝦，但只黎左1隻咁大把.....好sad. 係可以改叫，不過感覺唔好囉左 ：田園沙律右上：柚子醋蕃茄右下：芝麻醬豆腐好滑好有豆腐味左上：芝士焗虎蝦太多醬係上面左下：芝麻雞翼必點呀喂右上：紫薯

講起放題真係有成半年都冇食過啦~朋友約食飯話想食放題，一早就約電話book定位，怕到時要等位呀~呢間放題個門口好吸引，好有日本既氣氛，好喜歡佢地門口的裝飾好似日本的神社。餐廳的座位舒服一D都唔會好迫，簡簡單單的裝飾已經覺得好舒服每次的食放題第一轉一定係刺身先，刺身新鮮，三文魚肥美又大塊，帶子厚身又甜，松葉蟹棒好食，希靈魚爽口花之戀放上滿滿的蟹子和沙律醬，加上新鮮的三文魚，搞到我食完又要再叫最愛既芝麻雞翼，外層炸得香脆唔會好乾身，雞翼的肉汁仲鎖住係裡面羊架，超大的一塊，煎得好香，肉一D都唔韌，最重要係冇羶味~牛肉粒，牛肉夠淋而且好入味，醬汁岩岩好唔會好咸薯蓉帆立貝，薯蓉香滑，口感鬆軟同芝士一齊食好夾，帆立貝唔會話焗得好乾身芝士焗虎蝦，大大隻新鮮的虎蝦配上芝士和沙律醬，面層焗得金黃色，好惹味最後當然唔少得甜品啦~紅豆雪糕同黑芝麻雪糕

為食脆去旺角，朋友多數都一定最中意食放題，所以周圍食下放題，得知餐廳新開，好彩仲未好多人等位。裝修設計 和擺設也相當有心思放題選擇不多，但勝在上菜快，我和朋友幾乎係邊食邊點，哈哈！刺身好鮮，沒有雪藏味！不錯~必食芝麻炸雞翼！和一口牛！！雞翼炸得香脆，滑肉多汁。一口牛肉粒，又大又入味，好好食~牛油雜菌也很好食！份量多！燒羊架 芝士焗虎蝦雜錦壽司卷 細細件多兹味~雜菜鍋甜品有雪糕食，我選了綠茶和黑芝麻綠茶好好味

很久沒有吃日式放題，見雜誌有介紹這間，九點之後只是$198、價錢合理，一於試下。神輿日本料理在創興廣場五樓、地點方便。門口位彷似日本的神社，裡面有好多梳化坐位、闊敞舒適。等位時無聊可看看旁邊的許願板。刺身類松葉蟹棒和北寄貝唔錯、馬刀貝爽口、象拔蚌則有點腥。焗虎蝦上面有厚厚的芝士千島醬，味道剛好，蝦肉厚身啖啖肉。炸蠔味道都唔錯，芝士是起絲那種。南蠻炸雞，雞肉仲係好juicy。吉列炸蠔熱辣辣，挺酥脆。最愛的是這個榴連球，外表炸得鬆脆、裡面是幼滑無比的榴連蓉燒比目魚雖然賣相一般，但好夠味而且魚肉好滑燒冬菇、燒日本蕃薯、燒菠蘿一口牛，蒜香味十足，但吃多幾件後覺得偏鹹。這個麵豉湯很似平平無奇，但味道異常鮮甜。友人一口氣飲了三碗芝麻雞翼，即叫即炸、熱辣辣外皮好香脆、雞肉嫩滑。想再encore !雪糕有綠茶、紅豆同芝麻。最喜歡這個，芝麻味勁香、滿足感up題外話，記得曾經中環某知名日式放題、座位擠迫得像水中鰂魚、連電梯大堂入口都放餐枱。這樣的環境什麼食欲都沒有了。總結，以日本放題來說，神輿環璄非常舒適、食物質素亦不錯、個人認為熱食做得更出色，性價比幾高，值得一試。

創興廣場有好多野食，今次揀左食日本放題！門面好日本風店內位置好大，我地大約7點半到，不用等位，直接有位海膽壽司都好鮮味，而且紫菜好脆和牛壽司亦好軟腍不過左口魚有少少腥味有象拔蚌刺身，不過就切得唔夠薄，但味道方面都唔錯，另外刺身選擇亦好多，只是我地只食呢幾樣鹽燒雞翼好好味燒菠蘿超級juicy焗蠔，面頭有層cheese and cream，不過好似厚左d, 所以有點膩既感覺燒蝦，熱辣辣好吸引，不過同樣地又係有層好厚既cheese and cream, 所以好膩燒和牛炸榴槤，呢個超級好味，我不停地encore

在旺角吃放題，多數沒半點私人空間。而這家放題截然不同，環境非常有日式風格，好柔和舒適，不會太迫。說說食物，刺身新鮮，選擇都是基本那幾款，溫度合適，不過切得比較細小，一次過放幾片入口才夠滿足感!壽司選擇不少，細細件的不怕會撐飽，竟有海膽及燒和牛!推介花之戀!三文魚肥美的，配沙律醬很好吃!沙律前菜的味道都不錯!炸榴槤球簡直是當晚重點!連鄰桌的人在吃的時候，我們都能嗅到!味道好香濃!脆皮及煙韌的內皮，口感一流。天婦羅的甜薯及南瓜都好天然清甜。燒菠蘿超級多汁甜美!芝士焗蠔及芝士焗蝦當中，我會選焗蠔，因為蠔上面主要是芝士，而焗蝦上的主要是沙律醬。甜品選擇沒有其他放題的一整個自助櫃多，但貴精不貴多，水晶餅好煙韌，不會因不新鮮而乾硬，多吃幾顆才夠喉!雖然都有漏單、來多了的情況出現，但店員態度很好，要他們添了好幾次茶都沒有面色，換筷子、收碟、拿牙籤等動作亦很迅速，亦不會固意裝作看不見你招手，值得嘉許!

創興廣場5樓裝修後改左名做"神輿日本料理", 同樣都係日式放題, 任飲任食兩個鐘。一打開lift門, 門面裝修擺設跟日本神殿有點相似, 別具日系感。店內座位比之前多了不少, 更設部份卡位。所有野食同野飲都係自行click order紙落單, 我地可以安坐座位等食。野飲方面以罐裝汽水為主, 如果想飲酒, 每位加HK$28更設無限任飲。野食款式包括刺身、卷物、手卷、壽司、一品料理、炸物、天婦羅、鍋物、主食、小食、爐端燒同埋甜品...野食都黎得幾快, 可以密密食~先來一盤刺身, 刺身款式多達12款, 刺身以冰墊底, 所有刺身都很新鮮, 沒有腥味, 特別是馬刀貝, 超級爽口; 帶子很肥美; 不過唯獨覺得三文魚有點薄, 沒什麼爽口感。壽司既更有花之戀、卷物、手卷軍艦即叫即整, 紫菜還是脆的, 必點的一定是海膽軍艦, 海膽鮮甜, 入口即溶冷盤小食 螺肉、八爪魚 兩款口感都好爽蝦----分別有串燒蝦同埋芝士焗虎蝦芝士焗虎蝦芝士味什濃, 芝士厚厚的, 入口軟棉, 當中夾集沙律醬, 整隻蝦味道較濃, 隻蝦略帶點爽令我地忍不住再Encorn!!薯蓉帆立貝 - 帆立貝焗後都唔會太乾身,面層有少少芝士, 仲可

和兄弟吃生日飯，與小的一樣同好和風的他要品嚐日式美食。連鎖壽司店咱們吃得膩了，這一陣子香港卻興起了一片放題熱。日韓放題店開到成行成市，在旺角佐敦等人流𣈱旺的區域，一棟番新轉營變做食肆之商業大廈，少則有兩家店經營日式放題，若連韓風與港產火煱混合放題也計算在內，一棟大廈幾乎便有五六家，而這樣改建的商業大廈在旺角佐敦一帶實是比比皆是。百家爭鳴底下造就了接近完全式的競爭，於是這些放題店的價格亦變得不相上下，所題供之食品類別與質素也都很是平均。食客可根據地理上的方便，與及絲絲的個人喜好在大同裡找不同，繼而選擇餐廳。 一日途經旺角兆萬中心的時候發現許多食店放題店，由於當夜需做端午節，沒有機會試一試。這回兄弟生日，小的可以選擇來到老伴最討厭的旺角一帶，遂提意在兆萬眾多放題店裡選一家。然而，在確認時間地點的時候，兄弟卻說於創興商場見。小的心內存疑，但因自己鮮有在旺角出沒，不似兄弟這位蒲精終日流連忘返。於是便信他在創興找一找。發現原來創興商場也有著相類的食肆，於是二樓與五樓兩家都同時訂了檯。 然而約會當日，兄弟也是例行地遲到。遲到這回事，要是一次半次的意外自不為過，但慣性遲到卻很有問題矣！在小的之角度