神虎麺商店

营业中

休息中

上次食日式拉麵已經是九月份的事，近排手頭緊，短期內又不會去日本旅行，唯有在香港過下口癮～ 朋友剛好在灣仔放工，決定在附近找間地道日式拉麵食😚未到七點，餐廳已經坐滿一半客人，朋友希望看到廚師煮食，就坐近bar台～聽聞廚師是來自大阪，相信質素會有所保證😋——————————🔹海老虎精選 $136這麼久沒有食拉麵，當然叫一個最貴的拉麵試試🍜這個海老虎精選比普通海老虎會多些配料，包括豚腩肉、溏心蛋、味付筍和紫菜。其中最驚喜莫過於一大嚿厚身腩肉，店家煮得很軟身，非常腍和入味，肥瘦比例均勻，食起來就不會很油膩😍 溏心蛋裏有很漂亮的半生熟蛋黃👍🏼👍🏼正！而湯未食已經聞到好香蝦味，飲一口真的有濃濃的鮮蝦味，對於重口味的朋友，這個一定很對胃口。-🔸黑虎 $93這個黑虎份量相對少一些，女孩子食會剛剛好😋湯底是黑蒜油豚骨味，食起來不會過鹹，蒜味也不會搶去豚骨的香，的確不錯～麵條就算浸耐，都不會變到軟淋淋，不知道店家如何做到🤨豚肩肉也不是細細一塊，就算食到最後都夠飽～-🔹神虎餃子 $42餃子是店家每朝自己包，果然與平時食到的急凍餃子有分別，餃子皮彈牙有嚼口，裏面有椰菜、豬肉和韭菜餡，調味剛好又大粒，必叫🥰

師傅係日本人 係大阪過黎開分店由製作到服務 真係好夠誠意的小店.《神虎餃子🥟》每日新鮮自家包 好大隻咬一口 勁多肉汁流出黎.《神虎🐯 🍜》奶白色豬骨 好濃郁《海老虎🦐🍜》橙紅色蝦湯蝦油 好濃郁too兩款湯底都好食 海老虎係香港限定 專為喜愛櫻花蝦的香港人而設.男朋友大食嗌「精選」我就點左普通版 但之後後悔了🙈😋原來「精選」有爆多料: 豚腩肉、豚肩肉、豚肉丸、溏心蛋、味付荀、紫菜.....豚腩肉係西班牙豬 勁肥美 煮到入哂味 夠哂冧身豚肉丸係每日新鮮打 有啲似鯪魚球 好鬆軟溏心蛋一啲都唔孤寒 係成集俾你.總結: 小店有小店好誠懇製作 誠摯招待👍🏿

我諗每個人對「過江龍」呢三個字都有啲情意結，我都係一樣🤪所以當我聽到呢間位於灣仔嘅《神虎麺商店》係嚟自大阪嘅過江龍之後，就決心要嚟試下🤪天寒地凍，食碗熱辣辣嘅拉麵就最適合不過啦！同其他拉麵店一樣，神虎麺商店裝修都係走簡約風，環境光猛；設開放式拉麵廚房，有一排吧檯，亦有少量二人枱。服務好貼心，賓至如歸，用餐experience相當好🥰舖頭有日本籍師傅坐鎮，主打豚骨湯底拉麵。提供嘅五款拉麵包括：元虎、神虎、黑虎、赤虎同海老虎。另外每個星期佢哋都會有一款沾麵，呢個禮拜嘅係蟹沾麵🦀湯底、麵條、配搭，全部都係師傅自己精心設計嘅，非常有心；而且都十分有水準。海老虎精選 ($136)呢到嘅豬採用嚟自西班牙嘅豬肉，有質素保證💯 最值得一提係佢嘅豚腩肉，厚身得黎又唔韌，亦都好有肉汁。舊豬肉之所以咁入味，聽侍應講原來係因為佢地既日本主廚花咗好多個鐘去醃同煮，講到呢度真係覺得佢地好有心機同好用心❤️湯底加入櫻花蝦同蝦油，蝦味相當濃郁，飲落去好滑口，但油膩感又唔重，相當出色。除咗豚腩肉，呢款精選仲包咗豚肩肉、豚肉丸、溏心蛋、味付筍、紫菜、木耳、青蔥、紫洋蔥，非常非常豐富，大胃王嚟挑戰下啦！🤪神虎 ($98)呢一

係灣仔食過幾間拉麵，覺得衣間最好食。有時午飯時間要等廿分鐘先有位，今日等一陣就有。今日都係食元虎拉麵。湯底濃郁好味，麵是粗個隻，幾彈牙。有一塊薄叉燒，兩粒豬肉丸及雲耳，足夠送麵。往時如肚餓就叫神虎拉麵，多一隻蛋。

2020年1月15日 星期三又到左要正常返工嘅日子，返左成日工真係好攰，所以收工之後就同女朋友，仲有同事兩夫婦一齊去到灣仔食嘢今次揀咗呢一間拉麵店喺日本過江龍，之前喺日本食嘅時候覺得好好味，但今次係第一次喺香港試，唔知水準可唔可以保持住呢入到去坐低左就見到餐牌，見到同日本差唔多，拉麵嘅款式唔算太多，不過有啲係香港限定嘅，當然都有招牌拉麵 - 神虎啦，最後我哋每人叫咗一個拉麵再加兩款小食先來既係神虎餃子，即係日式煎餃子，餃子好大舊，煎到外皮好脆，而裏面熱辣辣，仲有好多餡料添跟住就有我叫嘅神虎沾麵，一般食嘅沾麵湯底會比較鹹，但呢一個調味啱啱好，而且麵質比較硬身，較有咬口，岩晒我心水女朋友就叫黑虎，即係黑蒜油拉麵，一嚟到嘅時候已經好重黑蒜味，不過同樣地成個湯底都唔會太過鹹，而蒜味又唔會太搶，啱啱拎到平衡最後仲有炸雞塊，炸得好脆口得黎炸漿唔會太厚，側邊仲有檸檬同沙律醬可以點，令到雞塊冇咁熱氣，不過每人得一舊其實好想再繼續食多啲雖然叫嘅食物唔係好多，不過食完之後真係好飽，期待下一次係返日本幫襯

今日去咗灣仔一間幾有日本特色嘅拉麵店，廚師佢喺大阪請回來的，唔知係咪呢個原因所以質素非常之好。平日615 pm到去到餐廳,餐廳都已經坐左好多人。我老婆揀咗一支日本山梨縣直送嘅白桃碳酸飲品，味道非常唔錯又唔會太甜。日本嘅汽水雖然係貴一啲但真係物有所值。小食我就揀咗一份煎餃子，餃子非常足料煎得外脆內軟。10分香口。如果唔係食完拉麵太飽一定會再追加多一份老婆揀咗神虎拉麵我就揀咗刻黑虎拉麵再加一隻糖心蛋。味道唔錯唔會太鹹適合香港人嘅口味。拉麵也煮得非常好食，10分彈牙。我個碗拉麵加咗黑蒜油非常好味又唔會太咸。我最怕食太鹹嘅拉麵，呢一碗嘅味道啱啱好。

📍神虎麺商店 (灣仔)灣仔大王東街6-16號安東大廈地舖-----有一段時間冇去🇯🇵日本 思「鄉」感甚濃 朋友就提議帶我去一個好地方 以解我思鄉之情 呢間拉麵喺灣仔嘅一條巷仔入面 本身仲以為係本地人開嘅拉麵小店 點知去到先發現原來呢間拉麵店係黎自大阪 仲喺大阪市中心地方有好幾間分店😆-#神虎（$98）呢個神虎🐯係佢哋嘅招牌 其實就係豚骨湯拉麵 湯底色白 飲落極為濃厚 但又唔會太鹹太油膩 麵底無得揀選粗幼度同軟硬度 但好彩佢地嘅麵度軟硬度控制得恰到好處 細軟感同彈牙感並存 而且係少有完全無鹼水味嘅中華拉麵🍜而除左拉麵之外 其他配料亦甚為出色 豬肉丸扎實味鮮 豚肉採用西班牙黑豚 食落肉嫩得黎 脂肪位唔多 屬健康之選 整體出色🥰但係由於湯底極致濃郁嘅關係 食到後面真係飽到不得了 個人覺得其實一個拉麵加底 已經夠兩個人食😂-#黑虎精選（$131）呢款🐯黑虎精選除左同神虎湯底味道唔同之外 仲多左溏心蛋 筍 紫菜 同豚腩肉 黑虎湯底比神虎多左重重嘅蒜味 食落鹹香味較重 不過個人都係更愛濃郁豚脂味嘅豚骨白湯 配料方面 溏心蛋甜而不膩 筍條爽口無根 豚腩肉則軟腍入味 肥瘦均勻 大大舊 好啱嗜肉者黎大快

灣仔區多拉麵店就係人都知,係得呢區開, 一定對自家味道有番相當自信,話咁快就到門口, 巴士站一落車對面街就已經係,都好方便。仲記得上次食附近另一間差唔多名, 差點去錯, 今次見門口掛著大大個”神虎”燈籠, 無錯, 今晚就決定打老虎!聽個名起初以為係豬骨拉麵為主, 因為印象中日本大阪店都係主打豬骨湯, 點知去到見餐牌寫住香港店限定: 海老神虎, 海老即係蝦, 竟然係主打蝦湯, 有點喜出望外。點解咁講呢, 因為食過幾間主打蝦湯都不太滿意, 一係貴性價比低, 一係平得來唔好食,唔知今次點呢? 決定挑機! 就來個精選海老神虎!(精選版就是特盛多料)唔講咁多, 睇圖啦, 大大碗多多料, 正! 先飲湯, 湯味濃, 濃濃的蝦味, 還不止, 飲到有隱藏味! 不是普通蝦湯! 一問之下, 原來係用數種蝦溝出來,所以有豐富蝦味之如,還有濃厚的味道, 其中當然有我最愛的櫻花蝦!然後就是豬肉! 大大件! 有點像扣肉, 軟身的, 食落唔硬岩岩好! 再加上自加製肉丸,流心蛋, 木耳, 甘荀, 紫菜等配料, 極之滿足。食過幾間蝦湯都唔係咁滿意,難得搵到間蝦湯係正既,神虎既蝦湯真係日本都食唔番。

灣仔利東街附近有唔少高質餐廳，今晚就黎到位於大王東街既神虎麵商店食拉麵🍜。呢間係大阪有成5間分店架，而灣仔呢間亦有日本師傅主理，務求整出正宗日本滋味🤤。1⃣ 海老虎精選💰136（👅: 9/10）香港限定的海老虎拉麵，加入櫻花蝦乾及蝦油，湯式鮮味十足，濃濃香蝦甜味。精選海老虎亦會由薄切义燒升級至厚切極义燒(豚腩肉)，肥瘦均勻，肉質嫩淋；豬肉丸索上湯汁鮮甜爽口，另外仲有味付溏心蛋、味付筍及紫菜等配料，相當豐富🤤🤤🤤。另配秘製辣醬相當喚醒味蕾，嗜辣者好以一戰😚😚。-2⃣ 黑虎拉麵 💰93（👅: 8.5/10）黑虎就加了黑蒜油，蒜油香味濃郁。配料有瘦豚肉，豬肉丸，木耳，香蔥等，雖然冇精選豐富，但係黑蒜濃香，令拉麵香濃爽口，十分爽口。-3⃣ 神虎餃子 💰42（👅: 7.8/10）大大隻餃子🥟，餡料同樣使用西班牙豬肉。外皮煎得幾香脆，而內餡厚實多肉。-🔻整體來講：個人覺得另加$38精選配料相當抵食，而且餐廳免加一，所以以今時今日想食到一碗好食又足料拉麵，呢間都幾高質。

拉麵呀😍係我最鍾意食嘅拉麵呀！喺香港其實我都已經食過唔少出名嘅拉麵店 今次就試下依間先😋分別叫咗香港限定嘅海老虎 🍜✨我最鍾意嘅 神虎沾麵同店舖最出名嘅神虎餃子🥟首先介紹下個拉麵湯底先 兩款麵嘅湯底都好濃郁😛海老虎拉麵裏面有兩粒肉丸 雲耳 櫻花蝦 兩塊叉燒 額外加咗粒溏心蛋🥚配料真係好豐富 每一樣都試到 糖心蛋嘅溏心做得好好好有流心既感覺😍最值得一提就係佢配左一個秘製辣椒醬👍（加分）呢個辣椒醬真係好特別 裏面有辣椒同蝦米 辣辣地嘅感覺刺激一下味覺 係成碗麵嘅精粹！仲要係香港限定呀‼️唔試就損失啦🙈叉燒都好均勻👍手打肉丸夠晒誠意第二就係要介紹下佢嘅神虎沾麵啦 湯底熱辣辣 沾麵既麵質都好彈牙 麵條有少少粗身有咬口 👍我鐘意 如果想開胃少少 可以加少少魚介落個湯底度 小小酸酸地嘅感覺 食落更開胃😆沾麵可以選擇200g /300g ,細胃口嘅女仔可以選擇200g , 如果正常胃口 300g都食得落㗎😋食完成碗麵 仲可以加啲熱湯 將成碗湯底飲埋👍好滿足呀🥰最後要介紹下佢最出名嘅餃子🥟一共有五隻 每隻都幾大隻裏面包左肉同菜 煎得非常均勻好靚 又唔會太乾身配上餃子汁真係好食呀👍必叫！

神虎麺商店 是由大阪開到來香港的拉麵店🍜🍜 濃厚湯底加上自家配方的拉麵條，已經相當吸引，還有這家的配料超級大份，一定夠飽啊😀😀😀🔹海老虎精選 $158 一上枱已經好香蝦湯味，還是香港限定版的。其實是中櫻花蝦拉麵。湯底呈橙紅色，入口蝦味極香濃，鮮味十足！辣櫻花蝦也非常惹味，重點是重料🥚🥩🥩🥩🍜帶一件重磅五花腩，肥美嫩滑，超入味😀幾片日式叉燒，師傅手打肉丸，入口彈牙，。拉麵硬度適中，掛湯力高，加埋木耳、洋蔥同味付溏心蛋，超級精選👍👍👍👍🔹蟹沾麵 $158 我真心覺得蟹肉多過麵🦀🦀🍜蟹肉看圖已經知道相當大份，不是蟹肉碎，有一大舊蟹肉，好有誠意！麵和湯都不錯，喜歡蟹肉的朋友可一試😋😋😋神虎麺商店地址：灣仔大王東街 6-16 號安東大廈地舖營業時間：星期一至日　11:30-15:30 18:00-22:00電話號碼：28110338

灣仔都算係一個美食天堂，想食咩菜式都有，連日式拉麵店都有好多間，想係呢頭站得住腳都要有番咁上下😂😂 呢間拉麵店位置都算方便，係地鐵站行5分鐘就到～蟹肉沾麵 （$158）✨見到有呢個期間限定嘅蟹肉沾麵，感覺幾特別而賣相又幾吸引，就忍唔住想試下～ ✨蟹肉份量比我相像中多，蟹肉凍凍地又幾有鮮味～ 仲有兩片豚肉，幾軟腍～✨麵條偏粗身，係我中意嘅煙韌口感，可以揀200g或者300g嘅麵量...我提議女仔都係揀200g...我自問都算大食...但食300g真係會好飽好飽...要朋友幫手食先食得哂 （唔想做大嘥鬼👻👻）✨沾麵湯底味道濃厚得來又唔會死鹹，都幾有鮮味，唔錯～神虎精選 （$124）✨呢款拉麵有勁多配料，當中我最中意佢嘅叉燒（豚腩肉），係用西班牙豬肉，肉質厚得來又好軟腍，好味😋✨湯底係豚骨湯底，味道濃郁得來有鮮味，感覺應該煲左好耐先會咁濃厚～✨呢款拉麵嘅麵條明顯比沾麵幼身，口感亦偏淋，我個人都係中意沾麵嘅質感多啲🤣

今天和舊同事相約在灣仔聚餐，剛好看到這家在網紅店旁邊的拉麵店，看到門外等候的不多就決定吃這家了。拉麵共有五款，另可加購小食，不收加一。門外等候的時候，店員會提早派餐紙下單。今天點的是香港地區限定的海老虎，原以為會是大大隻的海蝦，但原本是小小的櫻花蝦。拉麵湯底非常濃郁，蝦味香濃但有少少偏油，豬肉是西班牙豚肉，入口嫩滑，除了櫻花蝦、豬肉和木耳外還有手打豬肉丸。加點的神虎餃子，充滿肉汁，有意外驚喜。味道和價位比同區另一家拉麵店突出和親民。

灣仔有唔少日本拉麺店，呢間神虎麺商店係大阪有好幾間分店，上年進駐灣仔，Lunch經常比門面既大燈籠吸引，今晚就醒起佢。拉麺有5款湯底選擇, 神虎、黑虎、赤虎、海老虎、元虎。而精選就有多Ｄ配料（包括蛋、腩肉、紫菜、筍)由於唔太餓，決定試主打神虎！神虎有兩塊叉燒、兩粒手打豬肉丸、幾塊黑木耳同一隻溏心蛋。兩塊叉燒好薄好薄；豬肉丸係賣點，手打豬肉餡內有蓮藕粒，細細粒幾好食；溏心蛋細細隻普通貨色，覺得豚王隻蛋比較出色。豬骨湯底非常濃，青蔥同紫洋蔥好夾個麺，麺質ＯＫ，但呢到無得選擇麺軟硬度。愈食愈覺得個湯底好濃好咸，全程飲左好多水，返到家都仲好口渴．由於無特色，灣仔銅鑼灣有更多更好既選擇，短期內無下次．

週末嚟到灣仔區，行下行下就嚟咗位於大王東街嘅神虎拉麵 中。唔使點等位就已經入咗去。嗌咗一個黑虎拉麵試下。黑虎拉麵，顧名思義，係用咗黑蒜油嘅豬骨拉麵。咁除咗面同湯之外，佢就有洋蔥黑木耳，同兩粒肉丸。大家睇睇圖就知道湯底有幾濃。我食拉面特別鍾意比較濃嘅湯。食拉麵仲要食得清淡，不如唔好食。食拉麵就係要佢夠濃，夠油，夠肥，而依碗野完全滿足到我呢個要求。再講講佢兩粒肉丸，相對地比較少見，咁同我哋平時食嘅豬肉丸，梗係唔同喇。質感係冇咁實淨，散散地 但佢落咗啲馬蹄喺裏面，就會好爽口。