碼頭故事 (已結業)

天氣開始凍就想打邊爐，今次就去咗到位於銅鑼灣嘅👉🏻碼頭故事👈🏻睇下有好唔好食先👅..🗣餐廳裝修好古色古香，環境夠闊落，幾好呢➰ 點咗”牛油鴛鴦鍋” (HK$159)係牛油紅鍋 + 自選湯底 (我就叫咗菌湯鍋) ，要讚下麻辣湯底好夠味，牛油味香，唔算好辣，完全可以接受👍🏻 ..“一米鴨腸”(HK$128) 擺盤好有特色，會用碎冰堆成一個小山形狀，再將鴨腸圍繞着碎冰放上去，見到都覺得澎湃🤪 而且滾一陣鴨腸就會微微卷起，一咬落去湯汁就係唇齒間爆發，口感脆嫩，幾好食架🙆🏻‍♀️..“安格斯肥牛”(HK$182)上枱就見到油脂分布平均，好濃嘅牛味，配上麻辣湯底就更加惹味❗️..“金牌牛黃喉”(HK$113) 店員推介我哋食呢個牛黃喉，果然冇令人失望🤩 雖然比較厚身但食落脆爽，口感唔錯。..“手工青筍片”(HK$55) 份量都算多，而且擺到好細緻咁上台，味道鮮甜👌🏻..“豆皮”(HK$44) 同青筍片一樣擺盤好靚，加人菌湯鍋到煮，完全吸晒菌湯嘅精華，好正呀💯..

天氣變得越嚟越凍又到左打邊爐嘅好時間啦，最近銅鑼灣新開左一間四川火鍋，據聞係試業中關係，所以客人說話好多位置都非常舒服，店員服務非常細心💜_牛油鴛鴦鍋 （蕃茄+麻辣）$159呢度湯底有多款選擇，雜菌、蕃茄、麻辣湯都有，大家可以因應自己選擇嘅辣度_捅蠔 $158非常大隻，食落去都非常鮮甜，鍾意食海鮮嘅朋友仔不妨可以叫黎試吓_一米肥牛 $159店員上枱嘅時候真係嚇咗一驚因為隻碟真係有一米咁長，肥牛嘅份量非常充足，輕輕煮一煮就食得，牛肉味都幾香濃_紅糖糍粑 $55 食落去外脆內有咬口，平時自己去親食四川火鍋都一定會叫嚟食，味道唔錯配上紅糖一齊食好滿足_其他配料：鮮紅薯粉$38白蘿蔔 $35唐山菜 $32

去了鍋鑼灣碼頭故事食四川火鍋，餐廳裝修得有古典氣派，抽風系統做得幾好，唔會大陣味！而且店員服務都幾好！店員介紹正宗成都嘅麻辣火鍋食法加蠔油加蔥之外，再加上麻油可以中和咗麻辣嘅辣度，香味之餘更加令到食物嘅味道更加鮮香！我地就叫左鴛鴦湯底，一邊係麻辣小辣，一邊係蕃茄湯底！ 湯頭幾香濃入味。叫咗份黃金魚片頭， 魚片頭質夠曬得爽彈，而且好入惹味，食完一粒再想繼續再食，非常吸引。麻辣牛肉， 在滾湯上再拖一拖約30秒已經食得， 麻辣牛肉質感嫩滑而且麻辣度辣勁十足！非常過引。蟹子丸一咬開有爆漿嘅感覺！ 入面嘅餡料creamy, 而外層嘅丸非常爽口彈牙。正！

今天在銅鑼灣收工，天氣涼涼地突然間很想食火鍋🍲相約三五知己到澳門逸園中心的碼頭故事食個麻辣火鍋👍入到店內這間店舖是新試業，店員熱情招待，而且環境舒服，大部份都是卡位😌坐低後我們先點了一個牛油鴛鴦鍋及番茄鍋，麻辣味香濃😋安格斯肥牛肥牛大片厚身，色澤紅白相隔、脂肪分佈平均，入口爽口彈牙，牛味香濃。竹筒墨魚滑口感好彈牙，鮮味濃郁，充滿了墨魚本身的鮮味，鮮甜又爽口😋麻辣牛舌牛舌都是這間店舖推薦菜，分量亦不少，牛舌本身已經醃製過，所以熟後不用沾上任何醬汁已經好入味，肉質鮮嫩無比😋手工青笋片師傅刀工一流把青笋片切得好薄，擺盤亦不錯，青笋片爽甜，放在麻辣鍋中不會吸油，爽口又健康。脆炸魚皮魚皮香脆可口😋酸梅湯酸梅湯酸酸甜甜很開胃，食麻辣火鍋必點飲品😋

好耐冇食火鍋啦，秋天一到，即刻好想打邊爐，上網搵左呢間，睇落唔錯，咁我哋就一齊約嚟試吓啦。地方寬敞，乾淨整潔，我地幾滿意，而且今晚人唔多，環境安靜舒適。 呢個大骨百味湯鍋$136真心正呀！非常濃郁的豬骨味，亦好飲，有唔少湯料都食得！安格斯肥牛$182 油脂分布好平均，口感爽滑，而且仲有陣陣香濃牛味，食落有油香，非常突出，仲好juicy添！新鮮雞件$78 好有雞味，雞肉好嫩滑，肉味香濃，份量又多，非常之飽肚！竹篙墨魚滑$98墨魚好足料，肉質厚實，有大大粒嘅墨魚夾係中間，食落好有咬口，好食！另外蔬菜款式多，分別叫左白蘿蔔$35 金針菇$37 同埋唐山菜$32，而且以新鮮見稱，金針菇份量多～紅糖冰粉$23　透明既冰粉當甜品，賣相十分精緻，加埋Ｄ紅糖同埋花生堅果一齊食，滑嘟嘟凍食都幾清涼解熱氣架。打邊爐點少得飲可樂！叫左零係可樂$18同埋金橘檸檬$38，邊食邊飲真的好滿足啊！

今晚朋友陪我去銅鑼灣食晚餐。咁啱比我發現係銅鑼灣新開咗間火鍋店。銅鑼灣 #碼頭故事 ，環境佈置得好特別，坐得舒服；火鍋配料選擇多 🤭又係個鍾意食麻辣既朋友同我去食👩🏻👩🏻 牛油鴛鴦鍋 (雜菌 + 牛油紅鍋 中辣) $159湯底仲有蕃茄湯或豬骨湯揀，我就揀雜菌湯，因為好特別，有唔同類既菇係湯到，個湯清清地，幾好飲。牛油紅鍋中辣，好濃郁既麻辣味，朋友話個麻辣湯底好飲(未開始食已經飲🤭飲哂啲湯啦) 鮑魚 $48 隻 x2好大隻新鮮鮑魚，肉質爽口嫩滑，好正呀新鮮雞件 $78雞件既肉質夠嫩滑，有齊雞胸、雞翼、雞槌羊肉卷150g $113大大塊羊肉，無羊肉既騷味好正呀唐生菜 $32新鮮爽脆又好味手工青笋片 $55呢個打邊爐一定要點，真係又薄又好食正大午餐肉 $48同平時既午餐肉唔同，係爽口好多蝦滑 $113爽口彈牙蝦滑，特別好味 碼頭故事(銅鑼灣店)銅鑼灣軒尼詩道525號澳門逸園中心2樓

今日朋友話請我銅鑼灣食嘢，但冇話食咩嘢，淨係話實有驚喜。咁有驚喜，又有人請實去啦。我哋來咗間新開嘅火鍋店。雖然開咗冇耐，但都有唔少食客聞風而來，聽請話呢度有個特别菜式，就係『一米鴨腸』，就咁睇真係好靚吖，而講真，鵝腸，鴨腸我真係唔係好識分吖，但係處理過的鴨腸完全冇腥味，灼30秒係最好食，又脆又嫩，最尾個轉一個唔小心灼超過咗30秒就差D喇，所以切記切記係30秒。『金牌牛黄喉』亦係喺香港打邊爐少見的食物，佢係牛嘅喉嚨軟骨位，幾矜貴，而且好特别嘅係無論灼嘅時間長短，都keep到爽滑嘅口感，非常之好。其他如肥牛，魷魚，青菜亦超級新鮮。冰粉就係喺貴州第一次食到，之後雲南，四川亦都食過，今晚的冰粉亦沒有令我失望，好好味。

銅鑼灣行完街，係時候食晚餐。有點涼意，打邊邊之意不其然提高了。同朋友揾吓又行吓，發現了這裡。入到去企企理理乾乾靜靜，原來係試業。雖然客人唔多，但店員們服務熱心。點了個鴛鴦鍋，有牛油紅鍋同菌湯鍋，來鍋香氣撲鼻，香辣味十足！吃一口辣湯，沒有鹹與苦，卻有鮮辣同麻香。吃的過程不會有麻卑的難受，反而，我嘗試把其花椒放在舌尖上，是我第一次覺得它在舌尖上留給我陣陣香麻及清甜味，上癮！食物方面屬新鮮，牛肉鮮味重且抵食，魚爽脆好味，蝦滑算抵食，花甲同埋蟶子都新鮮，萵苣也清甜。基本上，拿回來的調味完全唔使用，如果再來一次，我只會取生蒜，配海鮮就已經頂呱呱。不得不提是它的蕎麥茶，完全是喚起味蕾的清新香氣。全班都充滿回香味！試吧！