碼頭故事 (已結業)

今日去咗海洋公園玩咗成日，之後返出嚟銅鑼灣食晚飯。有人神神秘秘話帶我去澳門逸園中心開餐，原來一早預訂咗呢間人氣火鍋店「碼頭故事」。餐廳嘅佈置好特別，裝潢走復古路線，加上四周的中國風裝飾、天花的大紅燈籠和牆上耀眼嘅霓虹燈，嚟打卡真係一流！先選湯底，揀咗個大骨百味湯鍋 ($136)，唔好睇個湯底好似好清咁，但其實撈起入面都有唔少材料，湯內有大蔥、紅棗、杞子、青瓜片和午餐肉，飲落有好濃嘅豬骨香味，絕對係真材實料。調味料放咗喺外面嘅醬油區，客人可以自行外出拿取。另外每張檯都會有一碟陳皮花生同瓜子供應，花生味道很不錯，脆口得來又帶點佛手柑的清香。至於自助醬料及茶芥費就以人頭計，每位 $30。配料方面，先試下這款一米肥牛 ($159)。碟肥牛賣相好特別，用一塊超長嘅厚身木板盛載，雖然無用尺量度過，但望落應該都有一米長。肥牛色澤鮮豔亮麗，肉質肥瘦適中，每一片都好嫩滑，就算灼耐一點依然軟腍。至於呢碟脆肉鯇魚片 ($88)  水準亦唔錯，又彈牙又滑，肉質結實，清爽脆口、且魚味清香，入口充滿魚鮮味。另外一定要推介下呢兩碟脆炸響鈴 ($67) 同 脆炸魚皮 ($55)，估唔到兩樣都咁出色，響鈴香脆鬆化，夠乾

天氣漸涼加上朋友喜歡嘆火鍋，今晚就到「碼頭故事」請他吃生日飯！一入門，即被飯館內的大紅燈籠高高掛吸引著，非常古色古香！火鍋料貴精不貴多，只得兩頁，啱晒有選擇困難症的我！由於我倆都怕辣，所以湯底就點了真材實料、味道清甜的「菌湯鍋」！麻辣牛肉（$101）牛肉厚切，食到舌頭麻痺！麻辣牛舌（$120）總廚推薦，牛舌勁爽口！蝦滑（$113）蝦膠裡混了些蝦子，正！羊肉卷（$113）肉質新鮮，吃起來沒什麼羶味！精選五花肉（$78）肉紋色澤，一看就知新鮮！最後連茶介每位$30，埋單人均消費$396！

依間火鍋店開業只係兩個月，位於祟光百貨旁邊嘅澳門逸園中心，交通非常方便。我地點左一個鴛鴦鍋，分別係牛油紅鍋同番茄鍋。牛油紅鍋可以揀大、中、小辣，我地叫咗小辣，香濃又惹味，但不會太麻，唔錯。番茄鍋不會太濃，酸酸地，但唔會蓋過食材嘅味道。配料方面非常新鮮，鮑魚($48一隻)同埋蟶子($38一隻)上枱嘅時候仲係好生猛，仲郁緊架，鮑魚大大隻，蟶子爽口, 桶蠔($158/5隻)亦都新鮮肥美。一米肥牛($159)成隻手咁長，相當吸睛，用黎影相一流，牛肉味濃，肉質鮮嫩。總括黎講，相當高質，下次一定會再去。

涼返少少 又係時候打邊爐啦難得約到時間一齊坐底食個飯餐廳裝修帶有中國風 特別係紅色大燈籠有啲前菜⋯湯底首選緊係麻辣鍋啦 另外㨂左豬骨湯不得了少辣都好辣 重要越食越辣食麻辣鍋又點少得我至愛嘅鴨血呢重有趣緻的響鈴同荀 好耐無打邊爐食荀啦特別要推介下呢個肥鵝腸 好爽口而且大大條至於肉方面我地叫左唔少得嘅牛啦 肥瘦均勻 入口牛味香濃 放麻辣湯底個邊更加惹味重有手打墨魚滑 好彈牙食完一輪最尾重加左我至愛嘅糍粑熱辣辣外層香脆 中間煙靱 配上黑糖同豆粉口感特別 而且唔係周圍食到個下先開心最後餐廳邀請我地填問卷再送小禮物原枚係自家品牌嘅碗裝酸辣粉 會唔會太開心

已經有一年冇去過旅行，每日所發生嘅事都係未知，加上疫情，有時生活真係好忐忑，呢一年我學識咗活在當下，及時行樂。作為一個吃貨，食嘢就係對我最好嘅選擇！一年365日都鍾意打邊爐，每逢新火鍋店開幕，就會好奇😍好朋友話我聽銅鑼灣開咗間裝修好特別嘅火鍋店，霓虹燈設計，入面有小小宮廷感覺。終於搵到一個夜晚嚟試，環境確實幾舒服，抗疫嘅功夫亦都做得唔錯，一入到去侍應就會比膠袋放口罩👏講返嘢食先，餐廳喺銅鑼灣嚟講，價錢算係經濟，食物選擇多，而且仲會有一啲特別嘅選項， 例如鴨腸同麻辣牛舌。我哋揀咗牛油煙鴦鍋，麻辣鍋湯底一睇顏色就知道非常極品，朋友係愛麻辣之人，佢就食到停唔到口；另一個就揀咗蕃茄鍋，感覺健康，味道亦都唔會太淡。食物好快就上到，基本上睇牛肉就知道餐廳食材新唔新鮮。我哋揀咗安格斯肥牛肉脂分佈平均，肉質鮮紅，呢個價錢絕對可接受，而且分量都幾多！魚皮係另外一樣每次打邊爐都必點嘅除咗因為佢快靚正之外，仲的確香口好食！份量比相像中大！蝦滑彈牙，調味恰到好處，3條份量，適合三至四人都冇問題。其他食物例如雞子，脆鯇... 亦都冇令人失望，食材新鮮很重要🤩最後想介紹佢枱面上嘅花生香脆之餘，鹹中帶甜相當特別，一

「碼頭故事」在銅鑼灣開咗新分店，今晚專程黎試試。這裡的衛生做得非常之好，未入餐廳內，店員不但為顧客提供消毒搓手液，也為顧客全身噴上消毒噴霧。食店也為顧客提供口罩套方便食客。為免打邊爐時弄污衣服，食店也設有即用即棄圍裙，供食客使用。在疫情期間，為人為己，做足防疫措施，令大家都食得安心、放心👍至於食物方面，打邊爐的湯㡳最重要。這裡的湯㡳好有水準，我們叫咗鴛鴦湯㡳「大骨百味湯鍋/牛油紅鍋（小辣）」香濃好味，小辣的湯㡳很暖身。而每次加湯（不是加水）也沒減淡湯的味道，這個做得很好！今晚我哋叫咗牛肉、雞、午餐肉、幾類蔬菜、烏冬。食物質素也不錯。

天氣凍又係時候打邊爐, 曾經有一期好興番大陸打邊爐, 香港都有好多麻辣鍋但硬係辣得唔過癮!朋友介紹呢間碼頭故事話辣得好正宗, 上到去已經傳來陣陣麻香味! 好期待!!識食一定係叫鴛鴦鍋, 太辣都可以過下冷河!!湯底果然夠正宗, 大量辣椒同紅油, 好香, 唔會死辣!呢到配料都好多,連黑色既牛柏葉都有, 仲要好爽脆, 無漂白, 浸落辣油真係好正!另外仲有必叫鴨血, 因為麻辣湯係一定要配鴨血, 呢個鴨血勁滑勁新鮮, 唔似平時果D!安格斯牛肉/ 牛丸/ 鵝腸, 全部都好好食, 好新鮮同埋份量都幾多, 值得推介!!!

上個星期銅鑼灣行完街，近來天氣開始轉冷最適合打邊爐，建議間碼頭故事喺鄭崇光隔離，夠晒方便，就去試一試啦，一入到去裝修非常精緻，仲好有我返國內重慶食重慶火鍋的感覺。先來一個火鍋湯底麻辣和蕃茄，麻辣湯底非常之香，再叫了鯇魚片，鮑魚，油麥菜，蟹子丸，金菇，鵝腸。鮑魚非常新鮮，上到枱面都仲識得郁吓郁吓。個鯇魚片立立令亦都係非常新鮮。簡單啲來講所有嘢都好新鮮，打邊爐最緊要就係新鮮。最後整個甜品冰粉都好好味。唯一美中不足就係佢哋飲品選擇太少。呢間火鍋可以再試。

好耐無食麻辣火鍋，所以黎呢度食麻辣火鍋😋😋🌟牛油鴛鴦鍋（$159）正宗嘅麻辣火鍋會加上牛油，令湯底更加香😋😋雜菌湯底菇味濃郁，而且清甜😋😋🌟 一米鴨腸 （$128）鴨腸新鮮，而且份量多，無肥膏，仲有一大盤冰保持新鮮😋😋🌟 安格斯肥牛 （$182）牛肉唔太肥，油脂同牛肉分佈得好好，食落牛味重，牛肉好新鮮😋😋🌟 精選五花腩 150g ($78)五花腩新鮮，切得薄好快熟，食落口唔會太油膩😋😋🌟鮮鴨血 （$58）鴨血係麻辣火鍋必點既餸菜，鴨血同麻辣係好夾，而且唔會散開，價錢唔貴😋😋🌟 油麥菜（$37）油麥菜本身打邊爐係好夾，但再加落雜菌湯煲，令到菜既鮮味更加突出👍🏻👍🏻🌟 紅糖糍粑 （$55）食完麻辣火鍋，必點甜品，紅糖糍粑，一來可以解辣，而且唔係間間既火鍋店可以食到，加上即叫即整，外皮香脆，內裡軟熟，再加黃豆粉同黑糖一齊食😋😋

秋風起，又係打邊爐🍲嘅時候，天氣涼涼地🥶，最岩就係食麻辣火鍋🌶，叫左個牛油鴛鴦鍋，係有牛油紅鍋🌶拼大骨百味湯鍋🦴，牛油紅鍋我叫左小辣，都覺得夠辣喇，因為之後會越煲越辣🥵紅油仲好香添.食麻辣火鍋又點少得紅薯粉、鴨血、手工青笋片同養生豆花呢四樣最夾嘅嘢🤗🤗，呢四樣都好食，推介要叫呀👍🏻.另外牛叫左安格斯肥牛🥩，價錢平🤑，但係份量多，牛嘅質素仲唔錯😋，我地兩個人最後仲飽到食唔哂添

澳門逸園呢度一向都多嘢食。未諗到食乜嚟呢度行吓就最啱。見到碼頭火鍋呢間好似新開就嚟試吓。裝修襯返個店名枱面有特色香油湯底揀咗一邊雜菌湯一邊小辣爭扎後放棄咗特色一米肥牛，都係要安格斯牛今日人多啲可以叫碟羊食吓，都好香羊味一米鵝腸，真係好腸麻辣鍋要有吸味餸店家煎過啲午餐肉，倍添香口招牌豆花，可以慢慢煲豪一豪佢叫咗幾隻鮑魚，盛惠$58 隻，隻隻都郁架鴨血係近嚟火鍋必食之一魷魚片萵苣片，切到好薄好薄。。。。。整體環境舒適，食物正常

放工落到銅記搵食，發現原來sogo附近有間樓上嘅火鍋店。呢間嘅環境闊落，我地就坐卡位，所以感覺都好好坐。今次叫左個牛油鴛鴦鍋，一邊辣湯底，另一邊係菇湯，有個平衡。＋調配醬料時，加埋一罐香油，令到成件事昇華左咁。紅蕃粉真係食得辣湯底時嘅絕配，因為佢好吸到湯汁，不得了。羊肉片都唔錯，因為食辣配羊肉片係另一番風味。養生豆花又係吸湯汁嘅恩物，都唔錯架。墨魚滑唔錯呀，份量夠，有三條，而且好貼心地配埋一支木棒。安格斯牛肉真係不得了，份量係多，岩哂鍾意食肉嘅朋友仔，落埋辣湯底度仲正。呢間店啲野都黎得幾快，店員會好快幫你收好野，服務ok架，下次黎要試下其他湯底先，今次個辣度都算唔錯，過癮嘅。位置黎講呢間算方便，地鐵站出黎行一兩分鐘就到。

步入十一月中，秋意漸濃，正式步入享用火鍋的好時節。最近有朋友推介了一間火鍋新店，一於相約好友試試。火鍋新店「碼頭故事」開業於食肆臨立的澳門逸園中心。店中天花掛了兩排紅燈籠，牆壁則裝上「長江長城 • 黃山黃河」兩組霓虹燈飾，洋溢濃厚中式味道。店中的醬料枱，選擇精簡平實。每位食客另配上調和油一小瓶，洋溢搶香麻油香味，相信配上麻辣美食會有不錯的效果。雖然店家以川式火鍋聞名，但因小編不嗜辣，最後只選取了口味溫和的番茄湯底。番茄湯頭味道比預期清淡，建議追加番茄份量。肥牛屬火鍋配料的主角之一，這道「一米肥牛」更是行政總廚推薦菜。一卷卷的肥牛整齊排列，由頭至尾果真有一米長。肥牛色澤紅潤，雪花含量較預期少。放湯輕燙大半分鐘至七八成熟即可食用。因肥牛脂質含量不算高，入口仍帶一定嚼勁。肉味方面，鮮感令人滿意，肉香持平。「蝦滑」及「養生豆花」雖然不是行政總廚推薦菜，但也得到店家「爆款產品」的名銜。一客「蝦滑」以三枝小竹筒盛載，食客可依自己喜好製作不同大小的蝦丸享用。雖然吃得蝦滑的鮮味，但因口感偏軟有欠彈牙，稍稍影響了評分。「養生豆花」即是凍豆腐，中心部份像海綿一樣充滿空隙，淥煮後能吸盡湯汁精華，建議在飯餐末

銅鑼灣一個好就腳嘅地點有唔少火鍋店，其中碼頭故事一個唔錯嘅選擇。裏面裝修格局氣氛優雅，裝飾擺設得宜。火鍋湯底當然係揀鴛鴦鍋，右邊就係牛油紅火鍋比較辣，左邊就係比較大眾化嘅大骨百味湯。小菜陳皮花生呢個陳皮花生，真係非常之香，陳皮嘅味道吵到花生有增添一份風味，花生香脆可口，完全食唔停口。墨魚滑用竹筒裝住嘅墨魚滑，味道新鮮，口感彈牙黑毛豬肉響鈴每一次叫火鍋都一定要叫海玲，尤其呢個火鍋湯底夠味，要肯定嘅話就可以吸收左湯汁麻辣牛舌其中一道火鍋材料比較特別嘅就係麻辣牛舌，上碟之前已經用麻辣醬汁均勻咁樣醃好咗，牛舌切條形狀，因此可以沾滿更多嘅麻辣醬汁，煮熟好嘅牛舌清爽有口感，而且牛肉風味甚高。蜂巢豆腐蜂巢豆腐係另一個除咗響鈴應該要叫嘅豆類製品食物。豆腐清新可口，煮之前你可以問一問都會聞到大豆嘅香味。蜂巢嘅構造可以令你方便吸取更多嘅湯汁，一邊配有大豆豆腐汁嘅味道，咬落去兩種味道交替

銅鑼灣多好野食就唔駛講今次搵左間麻辣火鍋－碼頭故事試一試佢！首先入到去鋪面唔算大不過都幾靚 仲有中國風嘅裝修湯底方面因為我想試下食辣又想食其他就叫左個鴛鴦湯底一邊係豬骨湯底麻辣就要左小辣衣個真係要開波同大家講聲小辣其實食落都幾辣大家揀辣果時要注意番啦黎到大家最關心既野食啦首先邊爐必備既蓮藕同蘿白就走唔甩主要係食湯底味極推大家必定要試一試衣款料配麻辣湯真係幾！好！食！個辣味配埋衣d邊爐料夠晒香又夠晒辣之後有個私心推介鴨血！而家好興買左幾十蚊既鴨血返去自己煮黎食但衣度既鴨血配埋個麻辣湯底真係無得輸鴨血本身已經都夠晒味，正另外就叫左一d特別料首先要介紹既就係一米鴨腸咁當然我就無拉出黎度下係咪真係一米但份量真係好多佢有教你要浸30秒
但個人鍾意食爽d就剩係浸25秒度
都係果句，配埋麻辣湯底，一流！跟住叫左一米肥牛唔駛講d咩剩係一米長既木板已經夠晒打卡肥牛牛味夠肥度都適中，值得一試最後我地仲叫左份黃喉有食開牛既都知黃喉夠晒爽但唔係度度都有得食衣度就有啦！浸一陣食夠晒爽雖然衣類食材唔會太食到湯底味但有少少麻辣味已經好正總括而言衣間野價格唔算好平但真係食到邊爐好料想食好既麻辣邊爐就絕對值得一試