石鍋堂

营业中

休息中

主打石鍋飯，石鍋手打烏冬嘅小店。石鍋被燒至高溫，食嘅時候小心燙手和燙口。厚切豚肉石燒手打烏冬 魚介豚骨濃湯 $72即魚類加貝類和豬骨熬製成的湯底，端上的時候湯還在沸騰，有一股鮮香味撲鼻而來，已經流晒口水，豚肉十分厚切，半肥瘦，好軟嫩甘香，瘦嗰部份都唔會好硬同嚡。湯底調味剛好唔油膩，烏冬煙韌，索晒湯汁，正！照燒雞扒石燒手打烏冬 黑蒜油豚骨湯 $70照燒雞扒和手打烏冬是分開上的，雞扒燒至外皮香脆，雞肉嫩滑多汁，配上甜甜地嘅燒汁，好食。咁熱辣辣，當然要點一杯凍飲，我們要了蜂蜜柚子蜜，水蜜桃綠茶。最後仲有個紅豆麻薯送比你做甜品🥰

朋友話成日見大排長龍，今日我哋早咗，唔使等就入到去食，好好彩雖然地方唔大，不過乾淨，壁畫好得意餐牌好吸引，睇下有咩食先黎到就試下石鍋同串燒啦點了照燒雞扒配石鍋手打烏冬石鍋真係大過塊面，分量好多烏冬彈牙又煙靭，果然手打係唔同啲雞肉嫩滑大塊，外皮帶少少焦香安格斯牛肉手打烏冬朋友話牛肉味突出，薄片滾兩滾，好快熟仲有芝麻黑松露喺面，令湯底鮮味再提升蜜蜜芥末籽牛骰仔牛，牛味重又香，肉汁鎖哂喺入面。外層甜甜辣辣最後送的免費甜品都有驚喜係紅豆和果子嚟，好味

之前已經食過但無寫食評，今晚同個朋友喺旺角攪完公事，記得石鍋堂就喺隔離街，時間仲早應該晤洗等位，就直接行去食。叫咗個“照燒雞扒石燒手打烏冬(黑松露香菇湯)" + "鮮活蜆石燒手打烏冬(山地獄辛辣湯)"，雞扒燒完好 juicy 配埋個甜甜地嘅照燒汁👍🏻黑松露個香味，嗅到已經 暈咗真係太鍾意黑松露個香氣，湯底係好濃郁嘅豬骨味。烏冬好冧好滑，係冧但晤係爛，成個石鍋“滾”咁耐都仲係好完整晤爛。辛辣湯係大眾化嘅辣，晤會話好辣！另加咗小食"黑胡椒煮活花甲" ，依個小食我朋友半分鐘就食曬，湯都飲埋 👍🏻花甲好鮮好甜，湯底加咗胡椒同花甲嘅鮮味，一下子就飲曬！之後問個伙記，原來係每朝新鮮到貨！！🤤🤤 岩鹽燒牛舌+黑松露帆立貝，正常表現。最愛牛舌係厚身好有咬口！！好滿足嘅一餐，服務有禮貌、品質有保證、環境因為而家係疫情，所以好多板，希望快啲晤洗咁啦！💪🏻💪🏻

呢日黎到旺角，見到呢間小店石鍋堂幾吸引，就入去試一試先，好彩呢晚都比較早，唔洗等位聽個名都知呢到主打石鍋叫左小食開一開胃炸芝士年糕，外皮脆而內裹非常煙韌，一咬開入面既芝士湧出黎，好滿足！另一份係脆味軟殼蟹，好惹味，鬆軟而且蟹味突出，完全係食到停唔到吉列豬扒石燒手打烏冬(地獄辛辣湯)，一上枱已經feel到係熱辣辣吉列豬扒大大塊，份量多！烏冬好彈牙，吸收晒地獄濃湯味，不過亦唔算好辣，越食越滋味汁燒帆立貝雞扒石鍋飯，黎到見到石鍋飯出晒煙，香氣十足。帆立貝大隻肥美汁燒雞扒亦唔會太鹹，亦可以自己添加醬油，增加整體風味

次次去食嘅話都會去食佢個烏冬🤤🤤🤤真係real jeng ga🤤🤤🤤睇見都會流口水個牛肉烏冬係熱辣辣滾住咁上枱，食嘅時候真係要小心食，如果唔係會辣親個嘴🤣🤣🤣真心推薦，價錢都好平

🌸地點 :旺角通菜街2A-2P號鴻光大廈地下D號價格 : 原條鰻魚蛋包飯 $88吉列芝士豬扒 $25_評語:<原條鰻魚蛋包飯(照燒汁)>鰻魚燒得好靚,而肉質嫩滑,微焦香滑既鰻魚,令人齒頰留香😋➫ ➬<吉列芝士豬扒>即炸即上🤩一咬啲芝士流曬出黎,塊豬扒亦好多肉汁,好岩送飯食🍚.評分(5分為最高):好味指數:🌕🌕🌕🌕🌑抵食指數:🌕🌕🌕🌕🌑再食指數:🌕🌕🌕🌕🌑

今晚約了朋友出旺角。經過女人街，看到這家餐廳很多人，我們就吃這家吧。餐廳比較小，座位十分狹窄。店員十分好客有禮，效率又高。經過一番時間選擇，我們最後決定點一個烏冬和一個飯。‖ 安格斯牛肉石燒手打烏冬 (選黑松露香菇湯) ($84) ‖烏冬軟彈，口感好，帶有微微香甜味。牛肉嫩腍，牛味香濃。湯汁吃到黑松露味。‖ 蒲燒鰻魚雞扒石鍋飯 ($82) ‖石鍋飯超大碗飯，一定夠飽有餘。鰻魚和雞扒調味都好，不錯。吃到尾聲，店員遞來甜品，說是送的。woo 有驚喜😮😊。是兩粒被假葉蓋著的和菓子。外面晶瑩剔透，內裡是紅豆餡。清清甜甜，用它來作這餐完結，很nice。

我好鍾意食呢一間嘅冷烏冬，唔會煮太冧所以零舍彈牙，配埋冷麵汁和芥末蔥花等配料好清新。今次揀咗吉列號同埋牛仔骨，前者炸的酥脆但唔會好多油，而且鮮香燙咀，是剛剛炸起的； 後者鮮嫩，燒汁咸口，但配上冷烏冬恰到好處。朋友的活蜆黑松露香菇湯烏冬，因為是石鍋，所以上菜時熱火朝天食指大動，看著就覺滿足。松露味突出而且蜆好新鮮，烏冬偏軟身，我朋友很喜歡，所以食得勁滋味。加上小食炸芝士年糕，真係幾好食，唔會學一啲店舖咁一件剪開當兩件。整體下來覺得CP值蠻高，而且湯底仲有好多其他選擇，像是和風咖喱以及地獄辛辣都蠻吸引的，除了烏冬還有飯類。

係附近做完gym想食啲熱辣辣嘅野😋 朋友介紹石鍋堂，話貪佢小食選擇多喎呢個豆腐大大份！CP值好高啲汁都好夠味但係唔會咸，選用嘅豆腐唔會食到人好崩潰不停散🤣🤣，做完運動必食補充蛋白質！我最期待食嘅㷫烚烚烏冬，個人最喜歡食烏冬，佢嘅烏冬應該係日本烏冬非常彈牙，好從米味，雖然黑蒜油湯底但係非常有驚喜，飲得出係新鮮自家熬製，完全味濃而不咸膩，推介💯！事緣即刻覺得出前一丁嘅黑蒜油湯底好假😂😂😂生牛肉上，望住佢滾下滾下咁樣熟真係治癒，啲肉少少厚度都算大塊，完全唔痴牙！仲要吸收埋湯底，味道好夾，好滿足！唯一不足係牛肉份量有點少🤣🤣炒野菜採用多種類唔同嘅蔬菜！想講佢好抵食大大份，炒得好入味，呢間餐廳味道濃淡控制得好好，所有嘢做得好入味，但完全唔會鹹唔會口渴！仲會識落埋芝麻，更加香口！個人覺得蜆肉必試！佢個黑胡椒湯底，完全冇掩蓋到蜆肉嘅鮮味，好有滿足感，平民價錢食到大大隻新鮮活蜆，入口即感受到海水同蜆肉嘅鮮甜味！另外佢新鮮真係無呃人，因為真係好彈牙有口感，非常驚喜！大隻到呢另外我哋額外點咗份雞扒，雞扒肉質好嫩滑，佢冇跟汁上但巳經入晒味，好似喺日本食照燒雞扒咁！

旺角這條街晚飯時間特別多人，每間餐廳都排著隊，這間主打石鍋燒的餐廳剛好排得不算長，於是便試試。餐牌選擇亦算多， 除了石鍋飯、燒物外，還有烏冬、燒物、蛋包飯。石鍋飯等候時間比較長，可能是即叫即造的緣故。我們分別點了雞肉和鰻魚配石鍋飯，上菜時店員提醒我們石鍋非常熱，鍋裏不斷冒起著煙，即使等了一會，石鍋亦和食物依然很熱。難怪從菜單上可以選擇食物另上而不要石鍋，我們需要一直攪拌食物，才能保持白飯不會過份炒燶，飯焦非常香口，而且粒粒分明。肉類味道不錯，但如果有蔬菜和配料會更好。 另外我們還點了一個關東冷豆腐作小菜，上面鋪滿了乾木魚和香甜醬汁，在吃熱辣辣石鍋飯時顯得非常適合，但豆腐味道沒有太大驚喜。

這晚約了友人到旺角～路過見到這家日式小店，大約8:30，幾乎坐滿！店面雖小，但Menu 好多選擇～有飯有烏冬，有小食、炸物⋯⋯真係要多來幾次先試得晒～（笑）今次就先試招牌石鍋烏冬，單是湯底已經有五款！！先來一客海鮮石燒手打烏冬，選配黑松露香菇湯石鍋熱辣辣！上菜時仲冒緊泡泡，等佢攤凍嘅時候可以相機食先～（哈）湯底好用上八種菇菌熬製，好鮮甜！黑松露香氣同口味道一樣好濃郁！海鮮份量好足料！有蝦、蜆肉、蟹柳、帶子等等，算是有誠意之作！手打烏冬用石鍋上依然煙韌彈牙，不會過熟變淋！友人點了安格斯牛肉石燒手打烏冬 配魚介豚骨濃湯牛肉由生肉到剛剛好滾熟，肉質新鮮嫩滑～柔軟多汁，讚！湯底用昆布和幾款魚乾熬製，再加上櫻花蝦，鮮而清！店內食客不斷，樓面阿姨好忙但好有禮貌～最後贈送一客紅豆和菓子，賣相好可愛！不會太甜，煙煙韌韌！整體食物質素同服務算是很對得住價錢！！最後要讚的是凳底有置物籃可以放手袋～好貼心（笑）

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝑀𝑜𝓃𝑔 𝒦𝑜𝓀店舖既門面跟足日本拉麵店既裝潢，一行入黎別有洞天。餐廳既一大幅牆身都畫左𝘥 好𝘤𝘰𝘯𝘵𝘦𝘮𝘱𝘢𝘳𝘺 又可愛既璧畫，並以黑、白、淺藍三色為主調，配上傳統日式大燈籠同射燈，比人一種非傳統拉麵店既低調俏皮感覺。雖然店面唔大，但店家好貼心咁係每個座位下提供籃仔可以放野。晚餐時間黎，9成半都坐滿左。🌟安格斯牛肉石燒手打冬 ($80)石鍋烏冬係滾住咁上枱，發出"𝘣𝘭𝘰𝘣 𝘣𝘭𝘰𝘣 𝘣𝘭𝘰𝘣"既滾燙聲，熱氣不斷冒出，已經𝘧𝘦𝘦𝘭 到佢有幾熱，好有打邊爐既感覺🍲鍋上鋪既牛肉此時都未完全熟透，有蒜片、日式魚蛋片、菜苗點綴令人未食已經覺得好吸引🤗湯底揀左黑蒜油豚肉湯，湯頭十分濃郁，將牛肉慢慢撈入湯道睇住佢由生變熟既過程非常治癒。烏冬彈牙同埋幾滑捋捋，同牛肉一齊食令人非常滿足😋🌟燒牛仔骨牛舌石鍋飯($78)石鍋飯都好有温度咁上枱，仍然聽到"嗞嗞嗞"既聲音，佢既飯上面加左白芝麻令飯更為香口，食到底又有少少飯焦，正! 加埋佢有少少醬汁更惹味。牛舌唔係我想像中好淋果種，係有少少爽，少少煙韌。牛仔骨帶少少肥，剛剛好。配菜有菜苗、西蘭花、蕃茄仔，算係營養好

石鍋堂我係兩年前已經食過，果陣食左佢地個黑松露菇湯既石鍋烏冬，覺得好驚喜，湯底好濃郁仲有大大pat黑松露醬🤩今次再食石鍋堂，就試左另一款湯底，再嗌多左個小食😌味道一樣都冇令我失望，朋友嗌左佢地既石鍋飯，都好好食，另外檯面仲有汁比比落落個飯到撈黎食👍1⃣️照燒雞扒石燒手打烏冬（$68）揀左配山地獄辛辣湯，湯底既味道有啲似係韓國泡菜辛辣湯既味，唔算係好辣，一上到檯既時候仲係熱辣辣，個湯仲滾緊😍烏冬食落唔算好彈牙，但係夠滑而且個湯底香濃惹味。雞扒就比較普通，燒得有啲乾，唔夠嫩滑，而且燒汁既味道淨係面頭層皮有，唔係好入味。  2⃣️岩鹽燒牛舌（$48）掛住食唔記得左影🙈牛舌好厚，食落唔會太乾，啖啖肉既口感好正😋  

喺女人街搵緊食咩好，咁啱見到依間石鍋專門店幾吸引😋 所以就入咗去食🤣同朋友各點咗一個餐👍🏻先係安格斯牛肉石燒手打烏冬（黑蒜油豬骨湯） 一上檯啲湯仲係熱辣辣🥵 滾咗差唔多5分鐘🤩牛肉份量好多，唔算薄身但食落去唔會煙韌👍🏻👍🏻烏冬好彈牙，每條都滑捋捋好好味😋黑蒜油湯唔算好濃郁，但正正因為咁先冇遮到豬骨味🤤另一個餐我地就點咗帶廣十勝豚肉石鍋飯😋 豚肉份量同樣好足夠，脂肪分佈好平均，整體豚肉偏肥但肥而不膩🤤 石鍋飯再配上特製豉油真係好開胃😋食到底仲有啲飯焦喺度😋好好味呢😍飲品方面我地點咗百香果綠茶同香芒果綠茶。兩杯嘢飲都好重水果味😋但仍然飲到綠茶香，唔會過甜，係好值得點嘅飲品呢👍🏻小食就叫咗岩鹽燒牛舌，牛舌好大塊而且好好咬口🤗最後食完店員仲好好心咁送咗個甜品比我地❤️整體間嘢性價比好高，而且地理位置咁方便，一定會再encore！地址：旺角通菜街2A-2P號鴻光大廈地下D號舖

消費消費，消費卷的原因，真係熱鬧哂，冇想過8:30食飯，還有咁多人等位，唔知係咪第二輪呢，好快就有位了。鮮活蜆石燒手打烏冬滾滾下，啲蜆大隻又多，湯底又香，見到都開胃。食了朋友1隻大蜆，真係好新鮮，勁鮮甜。我食石鍋堂海鮮石燒手打烏冬，同樣石鍋上枱後，湯還是好滾。黑蒜油豬骨湯，陣陣黑蒜香，湯底味道好濃郁。烏冬煙靱，滾煮滾煮食到尾，質地都好好。海鮮除了有大蜆，有海蝦、帶子、蠔和蟹柳，海鮮全部都好鮮，大蜆一樣咁鮮甜。海蝦爽口，好有蝦味。凍蜂蜜柚子蜜，食了滾熱辣的石鍋烏冬，飲啖冰凍蜂蜜，真係爽，味道不是太甜，淡淡柚子香，好解喝。