相馬日式火鍋 (已結業)

呢排天氣轉冷，放工就去出名多食店的大鴻輝食返啲暖野，有間新的日式火鍋店，就去試吓。上到去就見到好日式嘅擺設，我哋坐咗係有樓景睇嘅窗邊位，都幾寬敞。放工難得食火鍋，我哋叫咗個頂級美國牛小排set慰勞下自己，包海鮮配料，自助區任食同任飲，湯底叫咗廣島蠔土手鍋。湯底好足料，有成8隻左右的廣島蠔，另附大塊新鮮味噌調味。蠔身好飽滿，令湯底充滿海洋的鮮味。另外跟set有大蝦、帶子、蠔，每件都大大塊。頂級牛小排淨係賣相已經有水準！入口係濃濃的牛肉香，啖啖牛的油脂感，雪花分佈均勻，薄薄一片入口即化。自助區有差唔多40款配料，其中最推薦拉麵、蒟蒻同冬瓜。拉麵口感彈牙，就算滾耐左都唔會太稔身。蒟蒻爽口，吸左廣島蠔鮮味。冬瓜可減肉的膩感，吸收湯汁好清新。飲品都有多款選擇，推介韓國蜜桃茶同芒果汁。唯一係雪糕的選擇比較少。雖然價錢不太平，但返工太累，忍唔住拎到成台都係野食，慰勞下自己同朋友。

好壞簡單幾點1. 環境乾淨坐得舒服2. 嘢食新鮮（特別係蝦）3. 飲品選擇多4. 部分枱係一人一鍋，啱晒同啲唔想洗筷子或者試唔同湯底嘅fd5. 上菜有點慢6. 服務尚可7. 拎丸類嗰雪櫃感覺好啲唔太乾淨，請改善8. 雪櫃嘅雪糕實到拎唔到整體而言：可以一試

去荃灣打邊爐一定非大鴻輝中心莫屬啦，最近嗰度新開咗間相馬日式火鍋喺21樓，梗係要去試下啦。一入到去已經仿如去咗日本咁，店員熱情嘅款待，非常有禮貌，我哋坐低之後，店員好耐心咁介紹每款湯底同埋每款肉嘅選擇。呢度都有好多款湯底，清湯、甜豉油、豚骨🐖、中華辣湯、蕃茄🍅、泡菜、牛乳🐄、山盛香菜鍋、赤辣豚骨湯底、鍾意食蠔就必點嘅廣島蠔土手鍋、黑蒜豚骨湯底同埋日本福崗十大必吃美食-牛腸鍋🐂。咁多款心思思，真係好難揀，不過唔緊要，呢度可以加錢嗌鴛鴦鍋🥘，咁我哋揀咗個黑蒜豚骨湯底同埋好難得先食到嘅日本福崗牛腸鍋。牛肉🐂選擇方面有4款，價錢都有唔同，最普通嘅有美國進口牛肉，跟住係美國特選牛肉、美國頂級牛小排同埋特上澳洲和牛。我哋揀咗第三級別嘅美國頂級牛小排，仲有埋海鮮放題(蠔、蝦🦐、帶子)添。另外仲會包埋豚肉同雞肉🐔，如果想升級食日本鹿兒島頂級黑豚，加少少錢就食到。美國頂級牛小排好香牛味，雪花紋排列整齊，店員好細心比咗兩款我地，一款肥啲，一款瘦啲，正呀！可以試晒兩個口感。呢度嘅牛腸鍋味道同之前喺福崗食嘅一樣咁好味，難得難得。湯底帶有少少微辣，非常醒胃，配料有大量韭菜、芽菜、乾辣椒等， 味道有啲似胡椒豬肚湯

又凍返啦! 係時候打邊爐! 老公見到大鴻輝廣場樓下有姐姐話新開張火鍋店，有折之餘，仲用澳洲和牛同鹿兒島豬，聽都覺得吸引，老公就放棄雞煲，去試新野!同呢棟大廈的其他火鍋店不同，呢度間隔好分明，位置同空間都好足夠，而且設計偏向日式，討喜之餘又舒適。火鍋湯底選擇都算多，呢度有個叫牛腸鍋，真係有牛腸的~但呢個鍋就做唔到鴛鴦鍋，因為佢真係好多料!!味道不錯，有韓國風味。D火鍋料上檯，我同老公都嚇一跳，D牛肉脂肪比例好好，而且好厚實，入口就軟化，我真係食左好多ㄚ!!我建議你地先叫一碟，吾夠再加，因為我一次過叫好多真係會好飽!!而豬肉片一睇就知高質，肉質爽口，無肥膩感，真係食肉都值回票價!!其他食物種類都不少，而且有我最愛的午餐肉同碳燒芝士園...好滿足!!!無論醬料定飲品都有不錯的質素，應該好快大排長龍....等佢hit之前食多兩次先!

放工太凍唔想煮飯，相約老公去荃灣打邊爐，之前經過大鴻輝見到呢間相馬日式火鍋放題，已經講好下次要一試。一進入店內裝修十分之日式，彷如去了日本。有四款牛肉選擇，有$168美國進口牛肉、 $208美國特選牛肉、$288 美國頂級牛小排、$338特上澳洲和牛，我們選了$208美國特選牛肉。另外湯底有多種選擇， 有牛腸鍋、，清湯、甜豉油、豚骨、中華辣湯、蕃茄、泡菜、牛乳、廣島蠔土手鍋、山盛香菜鍋、辛辣豚骨湯底和黑蒜豚骨湯底，我們選了鴛鴦鍋(牛腸鍋和辛辣豚骨湯)。湯底到喇，牛腸鍋有許多配料，有牛腸、椰菜、芽菜。 辛辣豚骨湯底微辣，味道唔錯。先來一個海鮮盤， 有蝦、帶子、蠔， 全部都好新鮮。肉類上了牛肉、豚肉、雞肉，三樣都唔錯， 牛肉不會太瘦，雞肉好嫩滑，老公話豚肉好好食。丸類放於雪櫃自取，夠晒衛生。蔬菜很新鮮， 粉麵很煙韌。飲品任飲，款式也十分之多。雪糕也有四款味道。

天氣又再轉涼，真係要打個邊爐先。荃灣大鴻輝最多選擇，今次試吓呢間新開嘅相馬日式火鍋。好，坐低揀咗鍋底先。呢個係鴛鴦鍋番茄湯加中華辣湯底，賣相唔錯喎。所有蔬菜配料，都可以出去自己夾。飲品除咗汽水可樂之外，仲有呢啲可以選擇。叫咗個美國頂級牛小排餐，附送海鮮放題，帶子生蠔大大粒，夠新鮮，好味！牛肉好靚，色澤紅潤，個雪花紋幾乎塊塊一樣，好似幅畫咁，食落牛味重，裏面帶有少少脂肪，正！豚肉食落有鮮豬肉味，而家厚度足夠，一啲都唔韌。我本來唔係好食雞肉，但呢份雞肉好滑，我都食咗兩件。出面嘅蔬菜同肉丸都keep到新鮮，種類都夠多。甜品仲有雪糕食添。

一向都知道荃灣大鴻輝中心多嘢食，假日排隊搭lift都打晒蛇餅，近日知道相馬日式火鍋嚮呢度開左分店，就即刻約朋友嚟食。呢間日式火鍋分午市同晚市，如果想平啲可以考慮午市光顧，如果想長時間啲慢慢食，就建議選擇晚市120分鐘放題。相馬日式火鍋出名特上澳洲和牛，即係下邊餐牌$348一位嗰款，當然，選擇得最貴嘅同時，你就可以隨意落單揀晒上面咁多款嘅牛肉，另外呢個套餐加埋任食嘅海鮮（鮮蝦、蠔同埋帶子）。相比起其他日式火鍋，相馬呢度有差不多10款火鍋湯底，以下幾款需要加些少收費，亦有一啲不用收費嘅湯底，例如泡菜、甜豉油、豚骨等等，可以雙拼！我同個朋友揀咗赤豚同埋山盛香菜（即係芫茜🤪）湯底，一邊濃啲一邊清啲。我哋嗌咗啲黑豚肉、上級牛小排、澳洲和牛，啲肉全部都好新鮮，切得厚薄適中，一夾落個爐淥8-10秒就食得，鮮味十足🤤。牛小排比較多肥肉，而澳洲和牛商隊肥瘦均勻，啲雪花紋好靚好平均。海鮮方面我特別喜歡海蝦，夠大隻又新鮮，食落好爽口。最後，除左肉類同海鮮，相馬亦俾左好多其他食物顧客選擇，有丸類有菜類，建議大家選擇佢嘅芝士丸芝士狗。另外一讚，相馬嘅員工反應好快，有一下我唔少心打翻左罐飲料，佢用九秒九嘅速度拎左

荃灣係相馬第3間分店，主打澳洲和牛，預前上網睇左價錢，比起大鴻輝其他任食火鍋，價錢非常便宜午市放題由68到238都有夜晚由168到348都有，而且係120分鐘，比其他90分鐘時間充足好多。今日閒日黎食充兩個鐘慢慢坐吹下水都冇人催依到湯底都十種咁多，可以揀大煲，雙拼兩款都可以，比較小見既泡菜湯底蕃茄湯都有。有啲檯係可以一人一細煲，即係可以自己一煲。而我地就叫左一邊辣一邊莞茜味，一邊碌肉一邊碌菜清下熱氣岩岩好肉我地揀左D個個set，即係A-D既肉類都可以叫，依個係美國頂級牛小排，脂肪比較多，入口較淋。厚簿亦都岩岩好，食落唔會太油。另外雞肉同豚肉都係任叫，一盤份量都唔少，建議唔好一次叫太多。試完牛小排到主角出場，澳洲和牛。啲脂花好靚，入口已經好濃郁牛味，口感冇牛小排咁淋比較有咬口小小，超好味。而且最塊都好大塊，碌完完全冇縮水亦都冇斷開。果然冇揀錯而我地亦都加左錢叫頂級鹿兒島黑豚，果然同原本既豚肉兩個質素，平時打邊爐好少食豬肉既我都食左半碟，而且都係加30蚊。不仿一試另外我地個set仲可以任叫蝦、蠔同埋帶子。蝦最出色隻隻都好大隻，爽口彈牙。其他菜同丸類同醬料就係出去自己拎，而依到既雪糕都唔錯，

平時打邊爐都好少食Allyoucaneat 因為總係覺得質素低啲今次黎到呢間日式Shabushabu店 係旺角觀塘殺到入黎荃灣的相馬日式火鍋係千色隔離的荃灣中心 成棟都係打邊爐咁滯 有咩驅使我最後揀左佢呢是愛還是責任？係任食特上澳洲和牛啊牛的level分左五級 最平$168 而我就揀左《特上澳洲和牛+日本鹿兒島頂級黑豚 ($368)任食特上澳洲和牛、日本鹿兒島頂級黑豚肉、雞肉同海鮮放題丸類 蔬菜 麵類 豆製品都唔少 仲有#Milktop 雪糕任食！牛肉薄切 雪花分佈均勻 低脂得黎牛味極濃刀功一流 切得夠薄 輕輕洽5-8秒已經食得另外個黑豚肉都係好高質 肉味本身好濃 豬有豬味啊喂 根本完全唔洗點醬雪糕有五款味選擇 其中推介抹茶同榛子朱古力抹茶味濃回甘味十足 榛子朱古力直頭好似食緊繽紛樂咁濃黑芝麻味都好好味 不過對我黎講高有少少偏甜第一次食任食有咁高質的雪糕相馬整體黎講係香港係好高質的日式放題店 可以Encore!

今晚約左朋友收工係荃灣大鴻輝打邊爐，去到樓下先知，原來相馬竟然新開左荃灣分店之前係荔枝角分店食過，佢既牛真係真心超正所以我地決定上21樓試下選擇豐儉由人，但黎得呢間，建議一要食美國頂級牛小排或澳洲和牛平時散點邊爐閒閒地都要百幾二百蚊碟，依家可以任食重要係180分鐘！！！絕對有足夠時間慢慢嘆多款湯底選擇地方寬敞，坐得舒服冷氣夠、有電視、乾淨衛生飲品任飲，重有milk top 雪糕任食自助區，款式貴精不貴多，質素行先我們選既係美國頂級牛小排，餐廳毫不吝嗇，一黎就兩大碟，每碟份量都很多！果然無令人失望！牛肉好靚，油脂分佈均勻，肉味濃郁、口感嫩滑重有海鮮隻蝦都幾大隻，肉質結實爽彈重有豚肉丸類質素都非常唔錯，整體食物都屬於高水準，呢個價錢抵食！

真係差到忍唔住先人生第一次打食評，可能係新開張人手不足的關係，坐低半個鐘先上個湯底，然後再食左半個鐘配料先上第一碟肉，食完幾片肉後又開始漫長的等候第二碟肉並開始打食評。食物方面肉切得偏厚，肉質同其他同價位日式火鍋差不多，湯底方面我選了甜醬油湯，第一次食到無甜味既甜醬油湯底，而醬汁味道都麻麻地，同其他價位相約既日式火鍋比除了肉切得厚外豪無優點，即使服務有改善都唔會再食過呢間野，洗左幾百蚊坐係到餓幾個鐘都係有d嬲嬲地，打完食評都仲未有第二碟肉，望下其他客人我地都唔算最慘，有d遲我地少少入，到依家都未有湯底配料都無得食。

唔知幾耐無食過任食邊爐 因為覺得質素無保證今次黎到荃灣#相馬日式火鍋 係旺角觀塘都有分店火鍋價錢根據牛的質素加上去 最平$168有交易湯底好多選擇我就揀左甜豉油同豚骨鴛鴦！我就揀左《特上澳洲和牛+日本鹿兒島頂級黑豚 ($368)任食特上澳洲和牛、日本鹿兒島頂級黑豚肉、雞肉同海鮮放題當然唔少得丸類 蔬菜等 同飲品任飲是基本吧抵讚的係仲有#Milktop 雪糕任食！講返啲牛 望到啲雪花分佈已經流晒口水🤤低脂得黎牛味極濃又突出 切得好薄 輕輕洽5-8秒已經食得另外個黑豚肉都係 肉味本身好濃 根本完全唔洗點醬雪糕的#抹茶 #榛子朱古力 #黑芝麻 味都好高質第一次食任食有咁高質的雪糕任食🍦整體黎講係好高質的日式放題店 可以Encore！

平常光顧日式火鍋，來來去去都是那兩間，今次就找了間新的試試。荃灣店是新開的，店員說現在有八折，所以我們就選了第三等級的"美國頂級牛小排" ,而且這個還包括任食海鮮！ 除了肉類，其他配料都是自助的，主要都是丸類，蔬菜和粉麵。湯底我們要了甜豉油和牛奶鍋。牛小排很肥美，肥瘦分佈都均勻，每碟的份量都不少呢。輕輕放入湯底，淥幾秒就可以吃。因為牛小排脂肪都多，所以入口很嫩滑，我們叫了很多碟呢！ 豚肉和雞肉都不錯。 海鮮有大蝦，帶子和生蠔，全部都很新鮮，其中我最喜歡大蝦，它的肉質很彈牙，不錯吃！丸類我就至愛芝士丸，每次打邊爐必吃！重點之一！有Milktop的雪糕，而且還有4款口味！外面一杯起碼都要$20,這裏是任食，再飽也要吃多兩球

荃灣大鴻輝中心一向都多邊爐、放題，我地今日食呢間叫相馬，喺21樓，因為仲係新，所以好整齊，但估唔到已經有咁多人知。我地被安排到窗邊位，卡位好闊落，佢除左日式火鍋，都有唔少人食緊一人鍋，幾得意。我地選擇左澳洲和牛set，首先可以揀湯底，揀左芫茜拼蕃茄，入面有勁多芫茜同蕃茄粒，好過好多同類型火鍋店啦。首先店員好快送上牛肉、豚肉、雞同同海鮮，之後可以無限追加，好豐富。海鮮有大蝦、蠔同埋帶子，冰底上，大蝦好新鮮，meet殼就知，食落脆嘅，帶子都好鮮甜，蠔夠大隻澳洲和牛嘅質素當然比一般美國牛肉好，畢竟價格都唔一樣。但我見到人地食其他套餐，啲牛睇落都唔錯呀。牛肉雪花均勻，而且食落好嫩。豚肉都唔錯雞肉我地食左好多件，食落幾滑。佢仲有好多其他配料自取，擺放整齊衛生。蔬菜類超多。飲品都係任飲啦，有汽水，烏龍茶、韓式食飲品等。

我都唔知一個月內我會打幾多次邊爐，今日同友人食飯，揀左呢間超新嘅火鍋店，相馬日式火鍋位於荃灣大鴻輝中心，來過呢度用餐應該知道，成棟大廈餐廳多，如果食飯時間搭電梯非常多人，雖然有兩邊電梯分流，但都要有心理準備要等，訂座位就預早少少到喇餐廳喺21樓，同其他樓層唔同，比較闊落，日式火鍋店裝潢，幾企理舒適，加埋大玻璃窗，坐窗邊位都好舒服。中間嘅座位呢係一人一鍋用，幾特別。晚市分幾款套餐，美國進口牛/特選牛/頂級牛小排/澳洲和牛，價錢係168蚊起，我地揀左特上澳洲和牛套餐，每位368(星期一至四)，包左澳洲和牛、海鮮(蝦、蠔、帶子)、豚肉、雞肉、日本鹿兒島頂級黑豚任食，仲有自助區配料、雪糕、飲品任飲。首先揀湯底，清湯/甜豉油/辣湯/泡菜/蕃茄/豚骨/牛乳等，雙拼加18，仲有D特別嘅湯底例如牛腸鍋、香菜鍋等。我地揀左蕃茄、芫茜雙拼。鐘意食牛舌，仲可以每位加28蚊任食。湯底都ok嘅，唔會話好淡，蕃茄果邊都有好多蕃茄粒；芫茜果邊如果可以加D皮蛋啊咁就更好。肉類、海鮮好快上枱，蠔都幾大隻，唔會縮水得好緊要，帶子幾有彈性，最讚係大蝦喇，夠新鮮澳洲和牛好靚仔，整齊，紋路平均，唔會好肥，入口嫩腍，完全唔乾豚肉