影片
以上资料只供参考，请与餐厅确认详情
正垃圾 由头至尾叫佢上D牛肉 佢话一路食一路上 跟住D牛食完唔叫就一定冇人理你既 选择性无视 就算你要求佢加 都系摆你半个钟头先慢慢得上一两碟 加埋都系得个几块 同埋D串烧 落左十串都系上得个一二串 大佬写的来放题边有得咁样呃人架 以后唔会再帮衬
继续阅读
星期日晚于荃湾第一次光，食物正常，唔系差，但发生左些少插曲！感觉员工不太老实！由于想问清楚是否第二位半价，所以打去问价钱，服务生(男)清楚表达2位 total $57x (包括任食海鲜的最低消费)，服务生礼貌说如现在订位有QR code， 确保半价，当时我说要跟同伴确定一下先。1. 我们无再book位，而是直接walk in，服务员(女)礼貌说第二位是半价后入坐，并询问我们要什么汤底，但她拿出来的，全是要加$的汤底🤔，我问没有不加$的吗？！她才拿出来让我们拣。2. 然后到选肉，我问她是否$3xx的便可任食海鲜，她说是，我便说要这种。3. 结账时服务生(男)礼貌地希望我们可以用现金，因为公司现金流不足…我说尝试找找，他便忙别的走开了…可是我望到账单不是打去问的$5xx(共2张账单，一张是368加一，另一张是半价后以正价加一，我须要自己加总和，total$6xx)我问服务生(女)，为何跟先前打来问的价钱不一样，她说因为我们吃的是黑豚肉，贵30@🤣！我说: 可我不知我点的是黑豚肉，而且妳给我看的，只是有4个价钱的餐牌(是我粗心，当时一心谂住3xx的价格是任食海鲜，便不理会直接order，无谂过会有第二个餐牌 ;共8个价钱)她说: 是呀！我有问你们食唔食黑豚，你哋话食呀！所以加30@🙄(老实说，我无印象她有问)就这样，我埋单算了，反正我真系食左，而且只是相差不过$100……但感觉被骗其实食物正常ok，但这个价钱，本人觉得不算优惠，可以有其他选择，除非食最平的级数，及自己睇&问清楚价钱才order……
继续阅读
近日在FB见呢间【相马日式火锅】狂卖广告，旅是入OpenRice 订枱仲有75折，咪到荃湾一试，心觉系中伏1) 75折不适用至低级别牛肉(相片中是$248) 睇落唔肥好骨子，但全冇牛肉味。2) 我入坐20:30但炸物中嘅虾 & 鸡软骨却沽 清。3) 串烧~鸡肾过硬雪藏味重，猪脷充当牛舌。4) 丸类全冇标示，都唔知攞唔攞好。5) 庆幸冇upgrade 海鲜，因为见其他枱嘅海 鲜全是急冻货…青口、小墨鱼……6) 甜品亦冇标示，望落似装饰唔多新鲜冇 兴趣尝试。7) 饮品…可乐、雪碧，high C外，其他是 大家久违了嘅Yeo's 清凉爽、马碲爽…8) 雪糕仲差: 自助筒装只有两款不知名 (仍冇标示名称) 加埋数款Apollo 雪条。老实讲呢个价钱都冇乜期望，但今次真系有点失望。连鲜虾都冇跟每人两只，真系帮唔到佢啰。最后失败系埋单竟然唔收信用咭，只收现金啰。如果冇现金咪……死火
继续阅读
最近天气乍暖还寒，特别想食打边炉，因为疫情唔敢约朋友，就同星仔黎个二人边炉。相马系一间日式火锅，120分钟火锅放题价钱由$168至$468，分别在于牛肉种类。我地拣左美国顶级牛小排($328)，除左有猪牛鸡肉其他火锅串烧炸物料野饮甜品之外，连海鲜都有得任食。除左肉类同海鲜系order之外，其他火锅料蔬菜面食野饮甜品同酱料都系喺自助区自取。哩度嘅野饮选择唔算多，汽水凉茶韩牌饮野每样两三款。如果唔想加钱汤底有六款选择，我地拣左番茄拼泡菜，番茄酸香味几突出，泡菜辣辣地又惹味。美国顶级牛小排雪花纹好靓，口感好滑，因为牛肉比较薄身，所以即使一人一碟都仲有大把位食其他野，想回本起码每人食返一碟。除左牛小排，海鲜都系回本位，拼盘包括鱿鱼、带子、青口、蚝同大虾，全部都大大只，就算灼熟左都仲好有睇头，其中我最钟意大虾，肉质够晒结实。豚肉比较鞋口，可以不试。鸡肉几靓，肥瘦适中，灼熟左肉质都唔会太鞋。除左火锅料，相马仲有得任食串烧同炸物。我地样样叫左啲黎试。任食质素唔可以要求太高，佢地嘅串烧每串份量较少，我比较钟意有咬口嘅鸡肾同鸡软骨。炸物炸得够香脆，炸粉唔会太厚，质素都可以。其他火锅料可以喺出面自助区自己夹，我拣左啲比较少见嘅丸，其中我最钟意下面黄色圆扁形嘅沙律丸同左边嘅麻辣肉丸，麻辣味够突出好惹味。打边炉蔬菜同豆品都唔少得，全部卖相都正正常常。面类已经预先分左一碗碗，份量唔多志在过下口瘾，乌冬几软腍又够滑。甜品有雪糕同雪条，肚量有限我就只试左芝麻雪糕同抹茶雪糕，雪糕唔会太甜，雪得够冻。总结，食物质素唔错，特别系牛小排同海鲜，其他火锅料虽然唔系咩贵价货，但款式都特别睇得出有诚意。重点系餐厅座位都系卡位，坐得舒服又余又唔怕同其他食客太近，食得更放心。
继续阅读
同朋友钓完鱼好饿，所以打算去食鸡煲。系楼下睇梗鸡煲系几楼嘅时候 ，有个排梗队嘅人同我哋讲21楼第二位半价，好抵架。所以就咁被人呃左上去，原本我哋谂住睇下餐牌先再决定，点知一上到去就直接带咗埋位到简汤底。我哋叫左个黑豚同黑松露牛乳汤底，然后叫左个每位278嘅套餐。佢哋啲蔬菜，丸同配料都好少，无乜选择。叫人加肉加汤都无人应，叫左嘅野又上得慢。到埋单啦，又计错数㖞，个计法又奇怪。正常应该系：汤底138+人头278×3（因为我地4个人食）=972972×1.1(加一服务费)=1069.2但佢系：人头服务费：278×4×0.1=111.2汤底服务费：138×0.1=13.8汤底138+(278×3)+111.2+13.8=1097最初仲谂住收我地$1375，食完好不爽，又唔系话特别好食，但又收得贵。对比返，如果食鸡煲700蚊有找，仲要又饱又食得开心。
继续阅读