相馬日式火鍋 (已結業)

每次黎到，我地都會係荃灣大鴻輝中心搵食，大鴻輝中心真係荃灣既美食集中地，差不多層層都係餐廳。今日我地去相馬日式火鍋打邊爐。餐廳位於大鴻輝21樓，餐廳安排坐玻璃位置，可以望到街景。120分鐘放題，今次食美國頂級牛小排，包括豚肉、雞肉、海鮮放題湯底點左鴛鴦鍋，有牛乳同中華辣湯。牛小排肉質非常軟腍，一點都不柴口海鮮放題有蠔、蝦、帶子火鍋當然不會錯過響鈴，響鈴索晒湯汁好滋味這間疏菜類有十幾二十款，款式比較多丸類飲品任飲食到飽飽，當然唔小得雪糕

好耐冇打過邊爐，發現有間新開既日式火鍋，就約埋個朋友一齊打個邊爐啦。一上到去就見到環境舒適，日式既裝潢，就已經好滿意。坐低聽到隔離枱話有75折，原來openrice 即日訂枱就有，緊係唔執輸，厚面皮咁問下staff仲有冇啦，點知一試就有啦！圍番兩個人都係一人百五蚊！好抵啊！湯底就揀左甜豉油，同吉野家既日式濃湯係差唔多。但呢度勝在夠多菇菌類！食材仲好新鮮！最後當然唔少得甜品啦！以為係批發裝雪糕冇乜特別，但係有驚喜！芝麻好有芝麻味，咖啡好有咖啡味，係一個好完滿既終結。

早兩晚已經好想打邊爐，撞岩呢幾日涼涼地，一於就happy friday約埋肥仔男友去打邊爐😚呢座大鴻輝有勁多食肆，一到食飯時間，每次都要排長龍搭𨋢。排排下有個人問有無人上21樓，原來係個staff帶我地去行袐密通道🤫係OpenRice 訂左枱，有里數賺之餘仲有85折，真係又抵又方便👍🏻👍🏻見有折，揀左個特選牛加鹿兒島黑豚，折左每人都係二百頭，食得過🤭 不過呢個餐就唔包仼食海鮮，如果想食埋海鮮就再揀貴一級既套餐個牛望落真係幾得，食落都好食，唔會好鞋或者好似平時啲肥牛甘好油，油脂同肉既分佈都好好🤤果然係貴一級既牛肉😆雞都係仼食，不過我地唔太好雞，所以只食左一碟。但個雞值得讚既地方係，就算淥左好耐，啲肉都仲好滑好juicy👍🏻👍🏻鹿兒島黑豚黑豚都有分級數，呢個當然唔係話好靚個款啦。至少我係鹿兒島食過既黑豚唔係甘😂 之但係，二百幾蚊仼食，呢個級數都算係甘。唔好睇佢好似有片大肥膏，淥完入口一啲都唔肥家😌 但就少左個陣黑豚騷味至於配菜就同平時食shabushabu一樣，自己岀去拎。但呢度就多啲特別既款式，有蟲草花同一啲平時少見既菇(好似無牌介紹，都唔知係咩品種😅) 烏冬唔係稻庭烏冬，如果係稻庭會更

男人話打邊爐, 就喺大鴻輝揀一間, 見食評唔錯就揀"相馬"日式Shabu Shabu。 餐廳喺大鴻輝最高既一層, 出Lift右轉跟指示就會見到。坐位都好寬敞舒服, 唔似其他火鍋放題餐廳, 坐得好逼全程聽到隔離枱傾計講咩。 一人一鍋既方便又唔怕啲味撈埋一齊。店員介紹幾個不同既放題選擇, 我地揀咗, 因為牛小排幅相既雪花牛吸引咗我😂同埋有海鮮放題。 本身係包咗六款唔同既湯底, 想試特別啲可以加錢轉湯底, 黎得Shabu Shabu就揀咗比較日式既赤豚同黑豚湯底。牛肉豚肉雞肉海鮮食哂可以叫店員refill, 其他蔬菜類丸類麵類等等, 可以自己到吧枱自助夾, 飲品都算多選擇, 有我鍾意飲嘅忌廉溝鮮奶。黑豚湯底 ($18) ⭐⭐⭐⭐⭐黑蒜豚骨湯底, 好濃郁既黑蒜味, 基本上不用點醬油都好夠, 由其好鍾意食蔬菜類時吸哂黑蒜既味道非常好食。赤豚湯底 ($18) ⭐⭐⭐⭐辛辣豚骨湯底, 男人話夠哂辣, 而且豚骨湯都好濃, 辣得夠滋味。牛小排 ⭐⭐⭐⭐⭐果然同相片一樣咁雪花, 油脂分佈平均, 牛小排味道濃, 一塊接一塊咁食好快就食哂一碟, 店員亦細心收起碟同問我地仲要唔要多份。 我地最終食咗四碟, 每碟

今晚同家人來食任食火鍋慶祝生日, 120分鐘任食任飲, 價錢由 $148-358, 主要選擇不同級數的牛肉而定, 貴價的有和牛, 而且有海鮮。一上到黎大門口, 有張充滿日式元素的貼牆招牌, 再入去睇到都好有日式風格的裝修鋪排, 一開始接待的店員會問客人想選擇大鍋/小鍋(一人一鍋), 大鍋的檯係窗邊較獨立同景觀好, (因為樓層高,窗外夜景開揚), 中間的長檯是小鍋的, 中間有廉可以分隔成兩檯獨立的4-6人檯。點好了湯底後(我點了豚骨湯或), 嗜肉派的我, (揀左$228, 美國特選牛肉) 當然一開始急不及待點了幾板牛肉, 豚肉和雞肉試試, 跟手就出去凍櫃拿飲品, 同自助調味醬汁。一人一鍋最過癮之處係, 鬥快滾起個湯底, 好似比賽競技甘, 最快的就可以放食材先享口福, 最慢的要出去再拎食物。蔬菜吧, 種類都很多, 有我鐘意的皇帝菜, 同好似較冷門的小紅蘿蔔,小露荀,食落幾爽口, 反而嚮鈴就唔夠脆身 (可能預你拖下湯濕吃), 各式肉丸都唔錯, 特別芝士丸好濃味, 裡面又會唔太多油爆出黎。蕃茄湯底, 配公仔麵就最夾最好味 (個人覺得!!)最後係雪櫃拎埋, 雪米滋同雪糕做甜點, 個人覺得紅色朱古

哩間放題是專門食牛肉，分左4個等級，食120分鐘，跟住就揀湯底，見有黑松露湯，平時食物加黑松露就好常見，唔知用黎做湯底效果如何試左一啖，覺得好重黑松露味又飲到牛奶味，兩者唔會互相蓋過對方味道特選牛肉級別，望下都幾新鮮，呈鮮紅色，熟左之食到黑松露味肥牛，切簿片容易咬易入口仲有豚肉和雞肉都係唔錯，同樣新鮮最重要菜類都有好多款，總有一款岩自己幼麵好食，吸晒湯汁精華豆腐同樣係容易吸湯汁既食品飲品櫃拎左好多粒雪米糍，超鐘意食，實在太令著迷

荃灣區都係美食天堂既地方，食肆眾多，依家已經3月份，趁天氣仲有d涼，約左朋友去打下邊爐，有分4個級別牛肉放題，揀左特選牛肉。環境坐得舒服闊落，而且乾淨企理。伊勢海老湯底，好多隻龍蝦仔，味道香濃。食物櫃丸類選擇比較多。疏菜類我覺得幾多選擇，生菜和菇類都係我最鐘意食。牛肉黎了，亦有豚肉，肥牛肉和脂肪分佈均勻，口感軟淋有牛肉味，起碼食左6盤以上，豚肉比較爽口。最後指定動作食返d雪糕作結尾，芝麻味都幾濃，質地夠香滑。

荃灣大鴻輝，出咗名多嘢食，我幾乎間間都試過，今日再嚟頂樓呢間「相馬日式火鍋」，當然有佢吸引嘅地方啦😬呢度坐得舒服，卡位又多，可以揀一人一窩又得，一個大鍋一齊食又得，仲有多款湯底任你選擇，識得攞埋OpenRice訂枱優惠，百零元就有交易，仲係任飲任食兩個半鐘，真係有佢咁平冇佢咁抵👍🏻自選區，食物種類繁多，蔬菜新鮮，擺放整齊企理，一睇就知道係用心經營的食肆！馬上在自選區拎咗自己最鍾意食嘅食材，服務員好快就為我們送上鴛鴦湯底，分別是番茄湯和清湯，同一時間靚靚美國進口肥牛和雞肉及豚肉都已經為我們送上了，有圖有真相，睇吓幾靚👍🏻絕對真材實料，冇花冇假！雞肉嫰滑有光澤，目測都已經知道新鮮，牛肉就更加靚，你睇吓每塊都厚薄一樣，雪花均勻，脂肪分布平均，未食都已經口水流😋特別要一提，唔係度度都有得食呢個花生芽，爽口又有益，我都食咗幾轉，不可不試😬麵食都有幾款，梗有一款啱你心意，我今日就為自己炮製左一碗濃湯鮮茄配雜丸公仔麵，淨係呢碗麵都值$100啦，仲要係獨一無二㗎😂飲品方面選擇多籮籮，我都飲咗成四罐，埋單都係唔使$200元，抵佢越夜越旺場，真係冇得頂，服務又妥當，效率快，有禮貌😬

近日連續幾天落雨，天氣又涼左，即刻又想打邊爐，帶家人來食一人一火鍋，有6-8款湯底，可以自己揀喜歡口味食火鍋係一大賣點，就算同朋友來都得，十分衛生乾淨。我地一家人當然會交換食唔同湯底，我覺得一次食到幾個口味湯底，都好正好吸引。我地揀左「美國特選牛肉」$228/成人，有120分鐘任食特選牛肉、豚肉及雞肉，亦任食自助的配料、飲品及雪糕。配料主要有丸類、我個人推介牛丸，有牛味又彈牙，仲有少少筋位好好咬。而芝士丸既爆芝亦同樣美味。另外，有大量不同蔬菜，我覺得幾好，可以平衡飲食，火鍋唔使狂食牛，其中菇類有好多款式，有部份係我未見過未食過，真係好有新解感，唔使食黎食去個幾款。飲品有10多款，比較吸引有可口可樂plus，仲有果汁類。等待湯底滾起時，就出去調個醬料，有齊基本蔥、生蒜、炸蒜、辣椒....其實個湯底好夠味，唔需要醬料都得，但豚肉就要沾芝麻醬，絕配、滋味。美國特選牛肉好靚，油脂分佈平均，又唔會太油太肥，有肉感又有少少油潤，牛味都重，好正。豚肉薄切口感超好，肉質嫩彈，肉既紋理也靚，沾芝麻醬好滋味，既香又帶點開胃消膩的酸味，食多幾盤都得。雞肉厚切，嫩得黎有彈性，雞腿位置更加好食。魚皮餃亦都唔錯，

剛好做了一單生意，即刻book枱吃飯慶祝，見到荃灣的相馬日式火鍋，如果透過Openrice訂枱即可享有八折，出名"折神"的我二話不說兩下手勢就落了訂單。相馬日式火鍋身處前身是英皇集團的大鴻輝中心，這裡食肆林立，以往每次經過此處，都覺得自己是趙子龍，因為首先要大破傳單員八卦陣，手抱著阿斗左穿右插，尤其當你接過一張傳單，其它傳單員就會一哄而上，轉眼間，手上傳單厚到變成一本雜誌...終於入到大鴻輝門口，今次就算你唔詐肚痛，都需要大排長龍，因為個個都在等lift。但就算比你入到lift，不要以為從此輕輕鬆鬆自由phone，由於太多人的關係，剛才的蛇餅就會逼到你變成屎餅，此刻的我，只寧願自己是"喼神"...記得梁文道說過"火鍋是最極致的團圓，所有食材共時出現共時享用，每一種東西都染上了別的東西的味道，是徹徹底底的“你中有我，我中有你”。"此話不假，尤其是當大家的筷子都放入火鍋夾食物時，沾染上不同的口水，自然你中有我，我中有你，共同享用口水火鍋，當與不同的朋友享用不同的火鍋，亦有零舍不同的味道，所以，每次當我享用火鍋時，我都覺得從此世界大同，尤其是一班朋友聚會的時候，大家的口水就是親和人體配方，從

今日突然間想食打邊爐，有朋友介紹相馬幾好食，咁就上咗嚟試啦！荃灣地鐵站出嚟，行一陣就到啦！上樓之前有好多姐姐派傳單，入到鋪頭都面積好大，啲枱都夠大放嘢食。侍應都好有禮貌好好人，坐低就比Menu我地，同我地講可以揀雙拼湯底，揀好湯底之後，我哋就決定試埋海鮮嗰個任食。首先係啲左啲肉類先，啲味又幾好食，真係比平時食開嘅更好味！海鮮有蝦，蠔，帶子，夠晒大粒！仲有飲品同雪糕任食，出邊啲丸同菜份量都好足夠，同埋啲醬都好好味！

今晚約個朋友喺荃灣見面，就上openrice睇下邊間好食，見相馬D相又好吸引，就同個friend一齊試下。一上到去，見到地方好大好舒服，店員都好有禮貌，而且安排咗個窗口位俾我地坐，估唔到荃灣餐廳都有依個view喎！☺️120分鐘放題都有幾款揀，有海鮮（蝦、帶子、蠔），我地揀咗😍美國特選牛肉😍（$148一位，星期一至四晚），包埋豬肉同雞肉。上菜上得好快，一開始就來咗肥牛、豚肉、雞肉各一盤，個樣睇落都好新鮮！煮熟咗之後一食，好驚喜，牛嘅感覺同平時百頭果D肥牛好唔同，真係好味D！豚肉同雞肉都嫩滑，記住唔好淥太耐，以免老左！湯底仲有6款揀，我地揀咗豬骨同蕃茄。D配料有柚子汁又幾得意喎！酸酸地咁好特別！😝😝😝D菜都好新鮮，其他菇類（至愛），丸果D都好齊，飲品都有好多款揀！最後，仲食埋雪糕同雪米糍，好滿足呀！😚相馬幾抵食，值得一試呀！附上環境、餐牌照片:

今日去咗鼎鼎大名嘅荃灣大鴻輝中心度食晚餐 同啲舊朋友聚一聚最好就係打邊爐 因為唔使煩食咩見到好多間餐廳都排曬長龍 於是就去咗呢間相馬火鍋餐廳度食 唔使等好耐就入得去 座位闊落 而且好有私隱度 望落去仲睇到成個荃灣夜景好有情調同一般日式火鍋放題一樣 醬料 配菜 丸類 蔬菜 前菜 飲品 雪糕 等等都係任食任拎 鍾意食乜就攞乜 十分個人化 餐廳連海鮮都係任食 有大大隻嘅帶子 蠔 同埋大蝦 食落新鮮唔錯日式火鍋最緊要梗係肉類 豚肉爽滑唔太肥 有豬味牛肉油花分佈靚 牛肉味濃 食多啲都唔怕漏

荃灣大鴻輝一向都好多放題邊爐選擇，今次試左新開無耐嘅相馬日式火鍋😍湯底有12款選擇，樣樣都想試，所以嗌左鴛鴦湯底，揀左牛腸鍋同赤豚🙈一開始驚用完牛腸鍋打邊爐會好油，但係佢嘅有份恰到好處，牛腸份量亦都好多，其他配料亦都好足，有韭菜椰菜芽菜等等，吸曬打邊爐嘅精華🤤 另外赤豚，即係辣嘅豬骨湯底，唔會太辣，好香濃嘅豬骨味。牛肉油脂分布好平均，入口即溶，好高質😍 真係叫完一碟又一碟。仲要每次嚟嘅質量份量都係一樣。另外仲加左一碟牛舌同樣好靚唔會太淋唔會太韌！餐廳仲每台送咗一個海鮮拼盤，有海蝦帶子同埋蠔，樣樣都好新鮮好鮮甜。😍其他邊爐配料款式都好多特別推薦牛丸同埋芝士丸。牛丸睇落去普普通通，但係咬落去好彈牙好多汁☺ 芝士丸唔係平時普通果隻，好好味😍飲品方面選擇都多，主要係汔水、忌廉梳打、茶類、涼茶類，夠哂啦😆雪糕有四種口味，芝麻牛奶綠茶同埋石板街😍 聽店員講好似係Milktop嚟，係Milktop啊會否太正😂😂😂四隻味都好好味，好濃，唔會太甜。雪糕收買左我，甜品控係咁encore!!!值得一提嘅係，店員服務態度好好，好有禮貌，為成間餐廳畫龍點睛🙈🙈🙈我會回頭💓💓

每年冬天最皆節目，對於我來說，就是吃火鍋，不是因為我愛吃，而是我老婆大人愛吃，所以冬天我都會陪伴她去吃火鍋。美國頂級牛小排，星期一至四$298，星期五至日、公眾假期及前夕$308，任食120分鐘。包牛小排、豚肉、雞肉，海鮮放題：蠔、蝦及帶子。飲品有拾幾款，有韓式和中式飲品。拾幾款蔬菜及丸類自取任食。雪糕有綠茶、椰子、豆腐、朱古力和芝麻，其中以朱古力和綠茶最濃郁。湯底是廣島蠔土手鍋，廣島蠔又鮮又甜，土手鍋味道偏淡。海鮮放題：蠔、蝦及帶子，以蠔最為鮮甜。雞肉，嫩滑爽口。豚肉，沒有羶味。牛小排，脂肪分佈均勻，肉味十足。冬天最皆節目丸類就以黑椒牛筋丸最有牛肉味。