盤子工房 (建生商場) (已搬遷) 新店位置

屋村熱狗店盤子工房坐立於村屋中的西式熱狗店，附近圍繞著老化的公共屋村一個熱狗賣成幾十元！第一時間諗會唔會有冇人識欣賞多重浴芝士熱狗套餐即熱狗配沙津及飲品 $42餐牌上的圖片非常吸引見到三款唔同顏色的芝士舖滿在熱狗上單售 $30套餐$42 可配沙津/薯條/薯角+飲品當實物在眼前確實係失色左少少熱狗的包都鬆軟熱狗腸使用脆皮腸咬落有脆的聲音 夠粗身及大條而芝士都可清晰見到使用三款芝士雖然有三款芝士但食落芝士味仍較淡及味道只浮於表面沙津係沙津醬混蔬果可能一早去食 沙津偏凍注意：我入座時為早上11點幾可能早午餐轉換中所以需要等約20-25分鐘先有餐送上

區內雖然好多食肆，但常去既只係果幾間。今日途經建生，發現有間新開既早餐店，裝修亦相當型格，於是入去試下。價錢唔算太貴，而我係早上十一點前買，會有另一個仲便宜既餐牌。太陽蛋+雞扒+公仔麵+ 凍奶茶早餐來來去去都係食呢d，不過睇個餐盤就覺得間店幾有誠意，同埋賣相好吸引。餐具排列整齊，又無污穢。太陽蛋煮得好好，蛋黃完全呈太陽，蛋白夠嫩，暫時係呢區最好。雞扒落黑椒調味，我食到最後先發現黑椒係底。至於公仔麵好正常，可能出街食開重味野，覺得係有ｄ平淡，但只係個人問題。

得知附近開了新店，都急不及待去試一試～在店外給人一種悠閒感， 和這舊舊的商場增添一點生氣碰巧沒人來到， 就隨意拍拍照。 果然文青感十足不過由於下午茶時段，都慢慢開始多人， 當我想好要什麼時，都滿座七成了！今日和人各人叫了一個餐： 芝士溶熱狗， 看相片， 感覺芝士好澎湃喎我尼就試了招牌全日早餐， 由於腸胃不適， 特意還走去同廚師講太陽蛋改熟蛋，三位廚師都回應話好～正當我期待的等呀等... 連遲過我來的都有餐到了， 好奇的為何我和人的餐還沒到... 1503落餐，但... 最終1525才到人的熱狗餐， 我的呢？ 1530才到... 遲我點的都差不多食完了，感覺不是味意一接到盤， 說好的熟蛋呢？ 廚師們均異口同聲說跟單做... 但我之前不是特登走去跟三個廚師們說改熟蛋嗎？！ 這... 我有點驚訝，三個一齊應你*好*， 卻沒有一個記得做，還反問我幾時改...講番食物： 人的芝士溶熱狗餐芝士的份量 和相片比較... 比我好M記的感覺，圖實不符， 還有就是不熱的... 味道就是還可。明明咖啡有叫少冰，為何又是滿滿的冰呢？ （冰多到佔左杯的2/3） 這是少冰份量嗎？到我的全日早餐了外觀不錯， 但也是

難得放假，相約朋友食早餐，享受一個悠閒的星期日。一直想試屋企附近呢一間餐廳，今日就約咗朋友去試啦! 一直想試嘅原因係畀佢嗰個設計非常之精美嘅menu所吸引，今日入到去嘅時候發現呢間餐廳嘅選擇有好多呀，早餐可以任意配搭，有 pasta, hot dog, all day breakfast……最後我同朋友就叫咗兩份早餐，一份係英式奄列早餐，而另外一份就係吉列魚柳早餐。兩份早餐都非常之新鮮，即叫即整非常熱辣，炸物亦是新鮮炸起。英式奄列重配咗沙律同埋多士，奄列裏面有火腿同埋芝士， 配搭非常之好味，吃得出非平日茶記叫的所謂火腿奄列。而朋友嘅吉列魚柳都非常之新鮮，魚柳唔會炸到好黑，外脆內軟，裏面嘅魚柳仍然好滑！見到餐牌裏面仲有hot dog同埋pasta，下次有機會一定會試呀！餐廳服務員嘢態度都非常之好，有微微嘅陽光照射入餐廳，裏面環境都好舒服，會繼續支持小店製作!

盤子工房首先要影一影佢張餐牌先，睇得出真係花咗好多心思去整嘅早安晨之美熱狗如果單買呢就38蚊，套餐呢就50蚊50蚊嘅套餐可以揀配薯角，薯條或者什果沙律， 再加多一杯飲品， 而我呢就揀咗是日特飲: 柑桔檸檬配粒粒蘋果飲完個喉嚨都幾舒服， 而且仲有一粒粒嘅蘋果可以咬下， 呢杯特飲都幾唔錯。講返個主角熱狗先， 個熱狗包烘到非常之脆， 但係食落又唔會太乾， 唯一有少少不足嘅就係佢嘅肉醬唔夠多， 不過個流心蛋配埋個熱狗一齊食， 個味道有幾夾喎整體嚟講50蚊食到成set套餐， 都相當之唔錯。

之前上網見到呢間食熱狗既小店，屯門比較小呢類舖頭，所以放假黎左試試我地約下午一點去到，店內只有數張枱，幸好人唔多，一去到就有位坐餐牌選擇唔多，只有熱狗🌭️、意粉同全日早餐我地叫左一個蕃茄肉淋淋熱狗同三重芝士浴熱狗，兩個都配薯角，是日特飲係白桃汁先講熱狗，芝士個個熱狗除左面頭個啲芝士粉外，個汁無咩芝士味，如果係好鍾意食芝士既朋友就唔好叫、會失望另一個蕃茄肉醬就幾好，蕃茄味加香草，幾開胃薯角炸得唔錯，唔太油，份量再多小小會更好。白桃汁正常，大大杯，仲有蘋果粒粒總結食物一般，環境幾靚，支持下小店

屯門建生邨有一間食all day breakfast 同熱狗好出名既餐廳，店面不是很大，但座無虛席，而且店面裝潢好精緻，看得出是一間用心經營的事業。餐牌選擇有很多，有不同款式的熱狗、自由配撘的悥粉、all day breakfast、仲有英式奄列，總有一款緊啱你。辣肉醬熱狗配薯條連飮品辣肉醬味道好香濃，酸酸甜甜的，極之開胃，而且有陣陣香草味，味道非常配合，中間仲有一條脆皮腸，熱狗個包又熱又軟，加埋肉醬同脆皮腸，一流呀簡直，非常岩凍凍地既天氣呀。自選百撘意粉/長通粉蕃茄雞脾煎蛋意粉隻雞脾超正，即叫即炸，炸得又脆又滑，意粉又入味又有口感，加上雞脾，絕配一路食一路好多人等位，又好食，又抵食，難怪成日都滿痤，一定會再返黎食!至於English breakfast 都好有水準，最重點就係奄列，裡面仲有芝士添，簡直滑上加滑呀，薯角就相當脆口，食落感覺好relax

而家都愈o黎愈多主打熱狗、意粉o既輕食店，貪佢有d 特色之餘，仲唔使下下成大碟碟頭飯咁，適合細食人仕！呢間屋邨小店由幾位姐姐經營，略帶cafe o既裝潢，牆上畫o左d 手繪圖案。午市時間幫襯，一夠鐘就非常墟冚，坐滿學生。佢主要係賣熱狗、burger、意粉同埋all day breakfast。熱狗不同在於上面o既醬料，好似蕃茄肉碎、辣肉醬甚至有多重芝士添呀～本來我對那個多重芝士好有興趣，但因為之後會另外叫個芝士撈麵，不如試多d 唔同款式，所以點o左墨西哥莎莎醬熱狗(跟餐$42)。隻醬用上蕃茄同牛油果等釀製而成，食落清爽開胃，我亦幾喜歡佢o黎自生洋蔥粒o既嗆口感。配上牛油果相信都係幾地道o既食法，之前o係海港城一間芝士主題美國餐廳叫o既墨西哥薄餅都係咁o既配搭。包類套餐仲包埋薯角、薯條或者沙律，因為費事食咁多澱粉質啦～叫o左沙律。意粉叫法係揀餸揀粉底同揀醬汁，o益o左雞扒芝士撈麵配白汁(跟餐$44，配芝士撈麵加$5)。芝士撈麵連同頭先個莎莎醬熱狗，都係menu 上o既廚師推薦！塊雞扒結實之餘又煎得幾香，令人會想食o左佢先……個撈麵芝士o既芝士味則略嫌比白汁溝淡o左，或者下次試下配茄汁，可

今日嚟到屯門呢邊食早餐， 餐廳細細， 但環境好靚， 裝飾簡約， 好溫馨嘅feeling！ 一個清晨已經有好多人嚟食！點咗一個蕃茄肉淋淋熱狗包， 餐牌上介紹咗呢個包嘅結構， 有呢個特製大熱狗包， 自家製肉醬， 脆皮熱狗腸， 同埋一塊小小嘅薄荷葉 ，聞落去好香，好吸引。賣相好似一個小 盆栽， 難怪呢一間叫盤子工房啦！ 一啖咬落熱狗包 就感受到脆皮腸嘅脆脆滋味， “索”一聲！ 配埋肉醬同包， 味道啱啱好！ 唔會太鹹！ 我好鍾意食呢個包， 另外套餐包括薯條， 薯條炸得好脆， 旁邊仲有一小杯嘅茄汁， 唔夠仲可以加添！至於飲品我就點咗一個柑桔檸檬梳打 ，呢個飲品酸酸地好開胃， 其實可以點選熱飲，但係我個人就比較鍾意凍飲， 呢個飲品嘅特別之處就係佢有兩種果肉， 梳打有果肉 ，令人特別鍾意飲！下一次再嚟到呢一度食飯！ 我一定會試下其他嘅飲品， 因為全部都好特別，好吸引！

難得今日咁早就起身，就想享受一個美味嘅早餐，經過一番篩選 ， 決定到屯門嘅盤子工房 by the tray 食個滋味熱狗包，滿足肚仔！盤子工房就位於屯門建生邨 餐牌上有每個熱狗包都介紹佢嘅製作，望落去好吸引，全部都好想食！呢一度嘅環境好靚，店鋪雖然好細間，但係坐得好舒服，環境好清潔， 牆上仲有一個好可愛嘅熱狗包繪圖， 好似係話畀客人知 ，呢一度最推介嘅就係熱狗包牆上有簡單嘅裝飾， 乾花乾草， 配埋柔和嘅燈光。我自己就叫咗一個早安晨之美熱狗套餐， 套餐包括有一個 熱狗包， 薯條， 以及一杯飲品 ，呢個早安晨之美熱狗包， 就係由陽光太陽蛋， 特製大熱狗包，自家製嘅肉醬 ，脆皮熱狗腸，製作而成 ，旁邊仲有一科細細嘅薄荷葉做裝飾， 好有清晨嘅感覺 ，另外， 佢嘅薯條炸得好脆， 少少鹽味， 可以自己點上茄汁進食！屋企人呢就叫咗個多重肉芝士熱狗包， 當然唔少得多重芝士， 同埋熱狗腸，腸爆脆，卜一聲， 成個包都好滋味， 仲叫咗呢個薯角！呢個係套餐包埋嘅飲品，我就選擇咗水蜜桃梳打，未攪勻之前係上下兩隻顏色，攪勻之後呢就成杯橙橙黃黃，有兩種嘅果肉，包括蘋果肉同埋芒果肉， 成杯酸酸甜甜， 特別好味！

呢度附近一向都冇咩西餐野食，近排就多咗選擇，竟然開開咗一間熱狗店！跟住星期六我地就去食咗個brunch店面佈置成小清新的簡約風，座位之間好闊落，成個感覺都好輕鬆，最啱週末黎hea下～墨西哥莎莎醬熱狗 $42莎莎醬係自家製作，有牛油果、蕃茄、洋蔥、檸檬同埋秘製醬汁，味道非常新奇，酸酸甜甜嘅醬汁中夾雜洋蔥嘅辛辣味，配埋脆皮腸同麵包一啲都唔覺得dry! 不過醬可以再多啲就好啦，最鍾意食熱狗醬爆嘅感覺。雞扒蛋意粉 $44意粉可以好個人化好隨意地點自己嘅心水款，款式都係比較basic嘅肉類同意粉汁。雞扒冇嗌錯！皮脆肉嫩好好食，太陽蛋都係煎到啱啱好，仲有最正嘅燶邊，不過白汁個味就唔係好濃個種，而係類似茶記個種～英式奄列 $45奄列餐就配咗多士同薯角，奄列裡面有火腿芝士切開一睇都幾足料幾厚！薯角又香又脆而且好重薯味，食到停唔到口呀～飲品方面就有普通嘅咖啡奶茶，不過就唔飲cafe咁多選擇。亦可加錢配特飲，每日都會有個是日特飲係唔使加錢～整體來說都好滿意！因為附近真係冇咩呢類型嘅餐廳，而且價錢都正常，所以都會再黎食，希望黎緊會有更多飲品可以揀啦！

已經食過幾次早餐，價錢係偏貴左少少，但想支持下d小店。Ok喇 好！今次轉3點3先黎食，試埋呢間舖既熱狗+pasta 墨西哥莎莎醬熱狗 ($42、單叫$30) 是即叫即整，所以要耐心等候。 熱狗包經烤焗過，熱辣辣脆卜卜 醬汁溝入切碎既牛油果、蕃茄、洋蔥。。等。真係好好食 薯角又係即炸 無野再講，食野 雞扒煎蛋長通粉 ($44)雞扒都唔錯，都好juicy唔乾身。長通粉煮得岩岩好，不過好快凍。如果熱力可以keep耐少少就好勒~ 不過不失喇總括黎講，小店食物做得好有心，座位坐得舒適，空間亦好。

裝修係靚  但食物種類太少用早餐爲例 條腸𠝹幾刀都可以做一個餐同其他茶餐廳無左粉麵之後既常餐有碟多士加蛋一樣咁又唔係all day breakfast 咁有唔同既野例如waffle之類就咁多士 蛋 香腸 都$4x 寧願再貴d例如$5x$6x 都唔好係屋企10分鐘搞掂既野食呀真係試一次就算 屋企整都唔難（係因為個餐太簡單 多個粉麵之類就話廢時屋企整姐）不過公道講 服務好 環境好 但食物完全唔吸引 完全其他地方都食到 仲有只得熱狗叫 正餐略覺不足 有漢堡薯條會唔會好d?

去開屯門， 記得朋友介紹過建生邨有間 幾舒服嘅cafe， 於是過去開餐。 餐廳在建生商場，旁邊是輕鐵站， 非常方便。 星期日嘅下午，人好多， 等位大概等咗15分鐘， 先至可以入座。餐廳提供西式輕食，主要是熱狗及全日早餐。選擇咗A2全日早餐，包括芝士火腿奄列、薯角及多士。 由於食物即叫即製，需要耐心等候。 芝士火腿奄列煮得恰到好處，奄列嫩滑， 芝士火腿配合比例剛剛好，有夠美味。 多士烘得夠香，配以牛油，簡簡單單就是幸福。 薯角不算太多， 但勝在唔會油膩， 點茄汁享用更加美味。飲品轉了特飲，是熱的柑桔檸檬汁，聽起來味道很像好酸，但其實非常甜美，加點粒粒果肉，更有口感。 呢餐消費45蚊。

陪媽媽到良景買海鮮做冬, 順便食個tea, 原本打算在良景食, 但真的食到有點厭了, 反正輕鐵會經建生站, 倒不如在建生覓食啦!剛下車, 發現有一班小朋友正在跑來跑去, 原來是基督教團體開了一個小型嘉年華~此時, 給我發現了附近有間美美的餐廳, 主要賣熱狗, All Day Breakfast和意粉, 感覺很不錯, 而且可以坐在窗邊位看著一班可愛的小朋友玩耍, 所以我們的tea就在【盤子工房】解決!熱狗有6款, 每款都很吸引, 最後我們選了多重浴芝士熱狗~而大愛雞蛋的我見到All Day Breakfast中的煎蛋真的超美, 所以選了一個All Day Breakfast全日早餐 配 熱朱古力《$45》※ 推薦指數: 4/5全日早餐有牛油厚多士, 雜果沙律, 薯角, 熱狗腸和太陽蛋~太陽蛋煎得美美的, 蛋邊脆卜卜, 蛋味濃! 而熱狗腸的皮不會太厚, 口感一流!熱朱古力味道普普通通, 如果濃一點會更好!多重浴芝士熱狗餐 配 柑桔檸檬汁《$45》※ 推薦指數: 4/5多重浴芝士熱狗超新鮮, 用了3種芝士, 味道超豐富!而且熱狗包有焗, 所以夠熱而且微脆香, 整體很不錯而柑桔檸檬汁因為是當日