盤子工房 (建生商場) (已搬遷) 新店位置

今日嚟到屯門呢邊食早餐， 餐廳細細， 但環境好靚， 裝飾簡約， 好溫馨嘅feeling！ 一個清晨已經有好多人嚟食！點咗一個蕃茄肉淋淋熱狗包， 餐牌上介紹咗呢個包嘅結構， 有呢個特製大熱狗包， 自家製肉醬， 脆皮熱狗腸， 同埋一塊小小嘅薄荷葉 ，聞落去好香，好吸引。賣相好似一個小 盆栽， 難怪呢一間叫盤子工房啦！ 一啖咬落熱狗包 就感受到脆皮腸嘅脆脆滋味， “索”一聲！ 配埋肉醬同包， 味道啱啱好！ 唔會太鹹！ 我好鍾意食呢個包， 另外套餐包括薯條， 薯條炸得好脆， 旁邊仲有一小杯嘅茄汁， 唔夠仲可以加添！至於飲品我就點咗一個柑桔檸檬梳打 ，呢個飲品酸酸地好開胃， 其實可以點選熱飲，但係我個人就比較鍾意凍飲， 呢個飲品嘅特別之處就係佢有兩種果肉， 梳打有果肉 ，令人特別鍾意飲！下一次再嚟到呢一度食飯！ 我一定會試下其他嘅飲品， 因為全部都好特別，好吸引！