盤子工房 (建生商場) (已搬遷) 新店位置

一直以黎都以會屯門好少有咩好野食就算有，格調上都係爭少少但就係今日係呢到閒逛之際，比我遇上呢一間小店呢間小店只係建生輕鐵站5分鐘路程，都幾就腳店內裝修都幾別緻，而且都洋溢住文青氣息岩晒我呢種真文青黎打下卡坐住係落地玻璃前既吧台，望住出面既毛毛細雨，品嚐花盡心思製成既熱狗選擇唔算多，主打都係熱狗但係「食」，貴多不如貴精真係花心思做好幾樣有信心做既食物更好墨西哥莎莎莎莎醬熱狗，水蜜桃梳打加蘋果香檳提子粒粒平時食熱狗，多數都係肉醬呀芝士果ｄ孤陋寡聞既小弟都未見過墨西哥莎莎醬鍾意試新野既我果斷點左佢呢到既墨西哥莎莎醬係用左牛油果、蕃茄、洋蔥、檸檬同埋佢地既秘制醬汁而製成莎莎醬食落口酸酸甜甜，少少檸檬汁令到佢好清新而且有粒粒既蕃茄，爽口而微微香辛既洋蔥，仲有食落口好滑溜既牛油果，成個醬既口感好豐富雖然呢個醬冇肉冇芝士呢ｄ　ｈｅａｖｙ野但因為牛油果既關係，你食落去都唔會覺得ｄｒｙ熱狗腸都花左唔少心思外皮好脆，咬落去係「卜」一聲咁而佢應該都唔係就咁用滾水煮，可能係用高湯煮過隱約食到佢係有除左香腸本身醃料味既既香味熱狗包都烘得岩岩好貼住腸既內部香脆，包身就微暖而且鬆軟食落口仲有淡淡既麥香你以為係配角既

特別的名字，特別的餐盤，美食奉上by the tray! 位於屯門建生輕鐵站附近的誠意小店，裝修簡約別緻，假期午餐坐無虛席，同Hotdog&Burger兄打完招呼後，坐上sofa式的卡位椅子覓食😙，之後自助到點餐位置落單。午餐主打六款自家制醬汁熱狗，分別有蕃茄肉淋淋熱狗、多重浴芝士熱狗、是辣的肉細熱狗、墨西哥莎莎莎莎醬熱狗、肉食系煙肉熱狗、早安晨之美熱狗...改名用心😆👍 最後選了非常Juicy的肉淋淋熱狗，麵包軟熟肉醬充足地淋在斯華力腸上，配上香脆薯角份外飽肚👏另一主菜是自由度高的自選意粉餐，推介的雞扒蛋加上黑椒汁長通粉非常吸睛，濃濃的黑椒汁絕對足夠😋👍 同場還有其他all day breakfast，奄列，吉列扒餐，下次值得再來試試😍套餐加$5配梳打冰冰系列有八種味道，而且每天有「是日特飲」選擇，梳打中有兩種特配粒粒果肉，假期能有一個就近屋企又舒適的高質小店鬆一鬆也繼續支持💪💪

2019年3月29日（星期五）約飯腳食晏，見到有新餐廳，一於試吓！餐廳裝修簡潔，光猛通風，水泥地同牆身，令人覺得輕鬆自在。墨西哥莎莎醬熱狗配沙律另加特飲（$44 ）沙律好新鮮、好好味，賣相靚仔，份量充足。麵包軟熟、香腸皮脆肉香，特飲大大杯，仲有爽爽果粒，最重要係好飲同埋唔使加錢呀！太陽蛋煎豬扒意粉加檸茶（$44）黑椒汁味道調得好，唔杰唔稀啱啱好！豬扒有外表、有內涵，味道好、價錢平，我哋食得好開心！食物都係用木托盤送上，簡單乾淨，食物擺碟都有用心思！值得再捧場！

呢間位於屯門建生裝修得好骨緻既盤子工房，地理位置方便，係正輕鐵站隔離，環境又好靚，讓我彷如置身外國，呢度可以試到各款口味既熱狗，味道重要好讚添啊！企係門口已經流哂口水，熱狗勁大條，一定爆滋味！既然今日早醒左，一於嘆個正正早餐！ 所以就黎到呢度食早餐啦！因為自己本身幾中意食辣，我就簡左呢個名好得意既是辣的肉醬熱狗配薯條餐。距呢個自家製既醬汁真係好好味，辣度適中，分量又夠，同熱狗句勁相襯，薯條炸得香脆，撒上大粗鹽，中有茄汁。另外再加多一杯士多啤利特飲，可以自選2款果肉， 啖啖簡甜，啖啖果肉，今日呢個早餐夠曬豐富啊！

位於屯門建生邨既盤子工房, 當日睇住佢開鋪. 佢地最出名係熱狗餐，今次我食中午，就試左佢地既忌兼濃雞湯系列。由於今日想食熱狗之外既食物，我就選了雞扒太陽蛋，長通粉餐，一黎到賣相好不錯哦，首先食麵包(+$2)，水準之作，外脆內軟，太陽蛋整得剛剛好啦，仲有少許蛋汁。雞扒係今日既驚喜，煎得好香，而且黑椒味是剛剛好，好好味道。相對來說，長通粉就不過不失啦, 普普通通。不得不讃，今日瘦身型既收銀妹妹服務態度幾好。好禮貌仲幫忙送餐。

今日又同big boss出去食lunch,發揮我地嘅精神：試新嘢這間餐廳係建生邨，店舖不太大，賣西餐及熱狗為主，午膳時間不是太多人熱狗餐連飲品$42起墨西哥莎莎熱狗+沙律+雪梨粒特飲$44香腸皮脆多汁，莎莎酱甜甜酸酸，好開胃，甜面包烤過，個底少少脆沙律有青瓜、紅蘿蔔、薯仔，好新鮮杯特飲有雪梨粒，夠凍好fresh豬扒太陽旦黑椒汁意粉+熱0茶$44豬扒好林同juicy ，好入味，配黑椒汁有少少辣，份量都夠下次再黎可以試下其他熱狗

今日lunch嘅時候經過呢間burger覺得幾香 望吓餐牌又幾平wo💁‍♀️ 就同男朋友入去食個午餐先💁‍♀️餐廳未夠一點已經滿座了 都幾多人食wo💁‍♀️ 好多都係一家大細！可見食物迎合埋小朋友口味 有pasta burger薯角 好吸引💁‍♂️等左十五分鐘左右就有位 坐低見到餐廳嘅佈置其實都係走簡約家居風💁‍♀️ 小店經營 但上菜速度好快💁‍♂️💁‍♂️多重溶芝士熱狗🌭️ $42賣相都ok 熱狗都幾大條 有唔少熱溶左既芝士 on top再落咗芝士粉 食多都幾漏架🙋‍♂️ 多重實至名歸啦 芝士配熱狗perfect match💁‍♂️😝 男朋友輕鬆食哂 薯角都炸得好好 唔會好油膩或者太乾💁‍♂️自選豬扒茄汁長通粉 $44男朋友見到牆上有個logo 豬扒係100% premium 應該食得過💁‍♂️ 所以我就要個豬扒太陽蛋茄汁長通粉啦💁‍♀️豬扒真係幾靚wo 就算無重手調味 一啲雪味都食唔到💁‍♀️💁‍♀️ 煎得仲好淋 好似慢煮既效果 唔會鞋 長通粉時間都煮得適中 唔會過軟💁‍♀️ $44咁大份lunch set cp值真高！💁‍♀️我要左杯士多啤梨梳打特飲 最正係有啲芒果粒粒 真係用芒果切粒架💁‍♀️ 飲既時候特別甜又f

今日工作需要嚟咗屯門個centre返工 同事介紹咗呢間幾有格調嘅餐廳 主要係食熱狗嘅 喺門口見到有好多學生哥係入面食飯 原來學生有得減十蚊 唔怪得知咁受歡迎啦😮 餐廳主要有熱狗類同意粉類嘅食物 我同同事就一人嗌咗一個餐 原來店員會將食物送上🙊 本身以為要自己拎餐我同事好鍾意食辣嘅 所以就叫左呢個辣味之選 呢個餐包括有半件厚多士 太陽蛋 鮮茄辣牛肉公仔麵 麵嘅湯底都幾夠辣 見到真係有辣椒粒🤤 但係又唔算太辣 一般人都應付到早安晨之美熱狗🌭 配薯角 熱狗上面嘅太陽蛋好吸引呀  隻蛋滑捊捊咁 肉醬既香草味好重 蛋汁配埋肉醬將個熱狗提升一個層次 薯角熱辣辣好香口😛是日特飲係柑桔汁配提子粒 唔算好甜 有埋提子粒粒令杯飲品增添好夠口感🍇四十幾蚊咁嘅質素嘅午餐真係好抵食👍🏻

屯門區美食小天使 好耐冇寫食評了 呢間小店真係值得推介 #健生邨應該 開咗有一段時間....位置不太顯眼 第一次去 環境0k啵 #坐得舒服冇壓迫咁 Good⋯⋯食物黎講雖然唔係話咩貴價食材 但係 #做得出色份量唔小味道唔差（#睇得出店長係用心出品）⋯⋯60幾蚊一個餐 絕對係超值 大眾化 份量絕對唔會偷工減料...要讚 可以一去再去 .希望店長繼續能夠保持水準 支持小店系列 平靚正好味 平靚正好味 平靚正好味 要講三次😂😂👍🏻 — 食晚餐；喺 #盤子工房

附近最近開左一間外觀幾吸引西式餐廳，原先以為重要係賣扒餐類，誰不知原來主要係輕食，量不多但夠飽。 裝修 餐牌 別具一格 味道冇乜特别，都係咁上下。但係環境同食物都擺得好靚。今朝去食個早餐，keep住成日都好有力，好少機會認真食個早餐，一係就去茶記食個餐，但係食完又趕你走，坐得又唔舒服。呢間真係坐得唔捨得走

夜晚8點幾叫左個白汁龍利柳配長通粉(60蚊)，全日味食過野希望食到餐唔錯既晚餐，見佢裝修有d時尚風格，相信餐廳對食品應該有一定要求。等左10分鐘已上齊所有食品，速度唔錯有效率。但係問題開始啦，餐湯粟米忌廉湯，點解半透明呢？首先我係一個意大利餐總廚，21歲已經當上總廚位置，先唔好講我對西餐既要求，但係至少一個普通食客見到都覺得有問題，個湯係半透明，加幾粒粟米，飲落只飲到面撈（面粉加油，主要用作打湯打汁收杰用）同雞粉水既味，完完全全係一碗味精水，奶同忌廉都冇落，餐湯已經咁既水準，我真係想像唔到主菜係咩環境。主菜上台，先試龍利柳，咸，好咸，好銀咸，一條魚落左100g鹽咁上下啦，入唔到口，唔知係唔係因為廚師有自知之明，魚整得咸其他野平均返啦，我特登浪一浪口試白汁同長通粉，白汁打得好杰，又係味精味，好淡，質感好差，好厚，到長通粉，你竟然清水煮？基本都落鑊兜一兜，俾小小調味呀，魚你就落咁多鹽，通粉你就想慳，面頭加小小鼠尾草就當調左味，的確我只係食到鼠尾草既味，我味食過一間餐廳既水準係可以低到一個咁既地步，我回憶起小學時期既學校飯盒都比佢好食，其實煮食唔難，前提係你有冇心令客人滿意，令客人覺得好味而

裝修緊嘅時候見到間舖頭幾得意已經想試下，不過男朋友lunch唔中意食熱狗🤷🏻‍♀今次終於捉到佢嚟陪我食下午茶😍屋企附近好少可有呢啲餐廳，裝修幾可愛，牆上畫咗啲好qq嘅公仔😗呢度主要係食一啲輕食，有all day breakfast同熱狗等等😛#多重浴芝士熱狗 (套餐 $42)😋好味指數：(7.5/10)薯角/薯條/雜果沙律麵包食落去都幾鬆軟，側邊有少少脆🍞上面有好多芝士同埋芝士粉，不過芝士味唔算好濃，所以食落唔會覺得濟😛加埋脆皮熱狗腸，好滿足呀🤤#吉列豬扒餐 ($43)😋好味指數：(7/10)多士+太陽蛋+薯角/沙律今次就揀咗薯角，不過份量就比較少同埋偏淋😣不過份吉豬真係好正😍又大塊又炸到脆扑扑😎另外叫咗杯蘋果粒粒飲🤔底下嘅糖漿有啲難搞混，所以要努力搞勻先好飲，如果飲到尾就會偏甜😗不過有啲蘋果粒係度，都幾健康😎後記💁🏻💁🏻‍♂見到佢地有一個魔鬼辣雞芝士熱狗，本身都想試下不過店員話好辣😨後尾同男朋友各試咗粒辣雞，真心勁辣，仲有小小出汗😂條脷辣咗10幾分鐘🌶真係食得辣先好嗌😩

記得以前返學日日落的建生輕鐵站，好久沒有回來了，今日回來附近同朋友聚舊，今日回來，很多餐廳都已經改頭換面了，而今日朋友就帶我到這家”盤子工房”嘆Lunch。看看餐牌，餐廳主打特色創意熱狗、pasta、All Day等等，都很有特色。早安晨之美熱狗 套餐 $50凍香檳提子梳打+$7在多款熱狗中，我選擇了這款，當中有陽光太陽蛋，特製大熱狗包，配香草和自家製肉醬新鮮豬肉製作。脆皮熱狗腸外脆內軟，肉味香濃，整體十分汁潤，味道豐富。茄汁芝士肉醬長通粉 $44凍紅蘋果梳打+$7而朋友就食Pasta，賣相吸引，醬汁極香濃，舖滿半個盤子，整體不錯。下次再光臨小店試其他款式。

近日一間文青小店進駐了公屋商場兩個月，相當別樹一幟。這食肆主打各式熱狗、漢堡及意粉等美食，以客人自助取餐式經營。坐位雖不多也坐得舒服，除了對坐2人位，還有一排單邊位面向輕鐵路軌開揚空地，加上牆身繪有玩味插圖壁畫，氣氛特別悠閒 。我們早上來到，由於貓人個胃還未瞓醒，早晨套餐對我來說實太heavy，於是特意向一眾散叫的熱狗埋手 （熱狗套餐要11時後才供應）。細看設計精美的餐牌，立即揀了其中一款「早安神之美熱狗」（HK$38）。將太陽蛋加持在經典的香腸熱狗上，猶如黃袍加身，即時爆趣滿fun^^盪漾的太陽蛋吹彈即破，慢慢流入酸酸甜甜的脆皮腸熱狗裡，一口咬落去，蛋汁爆發，令熱狗加添了滑溜感，味蕾指數即場飇升至恒指3萬點，好·滿·足 !貓人的餓底朋友則揀了一個早餐（HK$35），包含太陽蛋、鮮茄辣味牛肉連公仔麵及飲品。隻太陽蛋上面更融入Q版蕃茄點綴，特別醒神又健康 !惟店內小型廚房採開放式設計，室温似乎相對較熱，如果抽氣系統可改善就更理想。 

平時下午茶都係食茶仔或者連鎖店，今日去試間喺屯門新開的熱狗專門店。店內地方不大，但算坐得舒服。熱狗種類幾多，仲有奄列同意粉選擇。肉醬汁味道ok，薯角即炸，幾香脆。奄列內有炒香的火腿及芝士，但芝士味不算濃。原本點了辣肉腸肉腸奄列，但結果來了火腿，試不到辣肉腸有點失望！特飲可加五蚊轉鮮果梳打系列，可揀一款果汁及兩款果粒，味道似糖水多啲，無咩果汁味，好在唔太甜。四五十蚊一個下午餐算有點貴，間中歎下就無妨。