盤子工房 (建生商場) (已搬遷) 新店位置

今次放工後試試區內一間小店。小店裝飾清新，看來是由一班後生仔主理。今次我又是遲了些，來不及六點前來點下午茶餐。下午茶餐也看來十分吸引！又抵食。沒有下午茶，我唯有叫個晚餐食。除了晚餐牌之外，餐廳的主菜是看來是熱狗餐。不過我又驚唔夠我呢個肥仔食，所以最後都係叫左一客芝士肉醬熱狗腸長通粉。餐廳名叫盤子工房，想不到上菜真的是用一個盤子上的，賣相很不錯！本來以為肉醬是普通罐頭肉醬，上菜就知道真材實料，是餐廳自製和調味的。長通粉口感彈牙調中，配上肉醬汁酸酸的，非常開胃。餐廳早已將熱狗腸切成一格格，方便食客切開。套餐包了一杯飲品，更可以選是日特飲。不過我就俾餐牌的飲品頁吸引，加5元就可以自選不同生果的梳打或沙冰。我選了一杯乳酸冰冰配芒果香橙粒，甜酸味豐富，與濃味的肉醬十分配合。下次有機會，真的要早點來，點個熱狗餐嘗嘗呢！

今日拿得多野就去輕鐵站附近食，餐廳環境唔錯，夠空間俾客人，裝潢都幾好，舒服。音樂夠輕鬆。食物即制，夠新鮮，價錢又經濟實惠，莎莎醬整得好好食！飲品都選擇不少～下次要再來試飲咖啡！

小妹一直都對這間店很好奇，這店座落在一個屋邨的商場，附近有雜貨店及中小學，在平凡中顯得很別緻。今天終於去一探究竟。侍應很友善地讓我隨便坐，我就在有墊子和cushion的座位坐下。睇一睇餐牌......這裡主打是熱狗，有十多款的選擇呢！醬汁如肉醬、莎莎醬都是自家製作的，很特別！如想更飽肚，餐牌還有長通粉、pasta等選擇。下午茶更加可以crossover d熱狗，一個價錢，吃兩種味道，好吸引！岩晒為食的我！可惜時間已經過左6:00pm下午茶時間。不過我都好快搵到我既目標啦！就是這個Hawaii菠蘿雞熱狗餐啦！佢仲可以選配薯條/薯角/雜果沙律，我選了薯角。這個餐可以免費配茶/啡/是日特飲。是日特飲是百香果，岩晒我口味！叫了都要等一會兒，因為它是新鮮製作的！放眼見到都幾多人叫外賣，店員做到唔停手，熱狗似乎都幾受歡迎，好多人叫！令我都好急不及待呀！終於到我了！店名叫"BY THE TRAY"，一直好奇是什麼原因，原來她會用木製的TRAY送上食物，非常有田園風呢！很精美！好岩女仔影相打卡呀！熱狗size比我想像中大，還有刀叉給客人方便享用，可以直接用手吃，或用刀叉吃都得。熱狗內材料充足，有熱狗脆

今日做單身狗去做一下文青🍃🍃原來屯門建生村開左間隱世Cafe👍🏻👏🏻我點左呢到主打既熱狗套餐🌭️店主好好幫我升級左特飲香檳提子梳打🍇😋呢到有好多可愛嘅壁畫同其他打卡位📸輕鐵建生站一出右手邊便見到💟.夏威夷菠蘿雞熱狗配薯角$55：鬆軟麵包熱烘烘中間夾左脆皮熱狗腸🌭️菠蘿雞肉配料分量滿滿🍍配埋熱辣辣嘅薯角加提子梳打係背景音樂之下享受美餐是樂事喔✨.📍盤子工房 @bythetray :屯門建生村建生商場地下114號鋪.

今日去開屯門，見到呢間餐廳睇落幾靚，晚餐又唔貴所以就決定試一試啦🙈🙈我同朋友都叫咗兩個餐一齊share嚟食，晚餐都係主菜加杯飲品，而因為餐湯同埋沙律要另外再加錢叫，而我哋又唔係好肚餓既關係，我地就無叫啦。卡邦尼意粉呢個意粉60蚊黎講都算唔錯，食落都好夠creamy，洋蔥嘅份量都落得夠多，所以食落口感都算豐富陸地雙併黑椒汁長通粉我哋就揀咗雞翼拼腸仔，熱狗腸嘅份量都算大，雞翼都有3隻，份量都唔少，都算抵食！

屯門或者建生邨又一選擇!!!本來今晚係打算去建生邨食kfc或者食民華餐廳果個牛肉通，但最後阿妹話呢度有間熱狗，咁我咪上openrice望一望，見到有喎!!文青風咁~~~ trytry啦店舖環境都ok,牆壁畫左壁畫，少少怖置▪多重浴芝士熱狗$44黎到見到滿晒芝士都吸引▪香草西冷牛扒意粉$68呢個相反，塊牛扒似白拾，食左一啖真係好唔掂~~~~ 2.5分▪卡邦尼煙肉意粉$60呢個除左賣相靚，味道仲好好味~~~~ 5分完勝▪另加梳打系列$7蚊老實講，一般般唔太吸引，下次唔會再叫3杯我試左2杯，其實真係好一般~~~~~ 3分吧小食▪曳姐雞翼$25(4隻)呢個好難唔好食喎~~~~ 4.5分▪手指指吉豬$25(約10條)呢個幾得意，係最底果兩條吸晒所有油，扣左分~~~~ 4分▪羅宋湯話說加左$10蚊有配個湯，蒜蓉包一片~~~5分，一片~~~3分，鹽太重手實在太咸個湯不得了，得個辣字，胡椒太重手喇，但我相信平時唔係呢個質素~~~3分吧

放假訓到自然醒醒左係屋企做左陣運動郁下手手腳腳舒展下筋骨做完運動好肚餓就去左建生邨附近呢間西餐廳星期六下午都幾多人食喎好在入到去就有位我order左一份熱狗貪佢細細份唔會太飽蕃茄肉醬熱狗配雜果沙律加水蜜桃梳打特飲熱夠既醬汁都幾多味道不錯唔鐘意食沙律可以選薯角或薯條特飲要攪均幾好飲幾解渴又夠大杯細細間鋪見佢既環境裝飾都幾精緻除左熱狗仲有意粉、粉麵都有款式唔算太多但整體上都ok滿意有機會可以再來食呢！

近年好興文青CAFÉ☕，在生活節奏步伐這麼快的香港，我們確實需要一點喘息的空間😙。最近在屯門的屋邨有一間小CAFÉ滿吸引人注意的。雖然它座落在屯門的屋邨之內，可是裝橫卻一點也不馬虎😳。推門進去就有種惦靜的感覺🌿，裝修都是走文青簡約🌾、小清新的風格🍃，牆上有可愛的熱狗壁畫🌭。食物方面有all day breakfast、各種小食，及不同款式的熱狗🤤。黃小姐跟朋友於下午茶的時間前去盤子工房🙆‍♀，他們有Tea Time Set，由HKD$28-35等等，還可以額外加錢要小食及配特飲😋。我們點了兩個Tea Time Set。😎小食拼盤＄34✨小食拼盤分別有A及B選項，可從Ａ及Ｂ中各選一款。A: 雞脾、 雞翼拼盤、手指指吉豬B: 薯角、薯條、雜果沙律、凱撒沙律黃小姐跟朋友選了，雞翼拼盤、薯角及加了＄５多要一款小食 - 雜果沙律。雞翼拼盤十分惹味，一半辣，一半唔辣，外皮脆卜卜，內質嫩滑，並沒有因為炸過而太乾身，很好吃！薯角也同樣炸得金黃香脆，雜果沙律的水果新鮮清新。這個小食拼盤黃小姐認為是TEA TIME必點之選。盤子工房的炸物確實出色。😎熱狗雙拼系列＄35🌭兩食熱狗，對於心多多想吃不同口味的人

出面熱到我地成隻狗咁，屋企又唔開得冷氣，搵間休閒啲嘅餐廳唞一唞，食返個熱狗入面嘅環境感覺令人好舒服，好寧靜，頓時覺得冇咁熱，好寫意呀揭揭吓menu發現有乾花，真係好文青呀熱狗有太多款唔知點揀，好彩有得雙拼啫，呢個係墨西哥莎莎醬拼番茄肉淋淋，好足料胃民連梳打都要走冰，但係梳打同冰係絕配嚟㗎喎呢個係肉食系煙肉配多重浴芝士，如果啲包再烘熱啲就好喇，薯角幾好味，多啲嘅話會飽肚啲大胃杯梳打當然唔走冰啦，佢仲有生果粒，增加口感食飽喇，冷靜完後繼續走出去熱浪中暢遊

今日去朋友屋企玩，樓下屋村開左間靚仔cafe, 唔係好大間，但幾精緻，環境裝修都幾舒服。佢門口promo熱狗🌭，好似好正咁，但我同個fd入到去無試到佢啲熱狗，反而係食左佢啲意粉！🍝因為見佢啲意粉可以自己配搭幾得意，所以叫左2份。我地叫左最簡單嘅肉醬意粉，仲有黑椒汁撈公仔面，個肉醬意粉意外地幾好食，因為望落去好似麻麻，但食落又幾好，個肉醬幾濃，同我叫staff幫我加啲sause再撈下，又真係幾好食！🤩黑椒汁撈公仔面就好似dry左少少，但我地叫左塊雞排，雞排好好食，好嫩啲肉。我地仲叫左啲野飲，又係可以自選果汁再加生果，我地叫左杯芒果梳打加芒果同提子加提子蘋果！都好好飲！推介推介！😇下次黎一定要試下佢啲熱狗！🤪

盤子工房，一出輕鐵健生站就會見到。餐廳嘅裝潢簡潔得黎又花咗好多心思，牆上畫咗熱狗、雞蛋等等嘅得意公仔。餐廳主打熱狗，仲有漢堡、意粉、全日早餐、小食任君選擇。套餐包主食+薯條/薯角/雜果沙律+茶/咖啡/是日特飲/特飲+$5。第一個係期間限定嘅魔鬼辣雞芝心熱狗($58)，可以揀香辣/魔鬼辣，熱狗非常鬆軟，香腸係一整條司華力腸，熱狗上面鋪上滿滿嘅雞粒，雖然揀咗香辣，但係估唔到都咁辣，加上芝士真係超過芝味。另一個係夏威夷菠蘿雞熱狗($55)，熱狗上有雞粒、菠蘿、洋蔥、蕃茄，夏威夷風情十足，估唔到同熱狗都咁夾。薯角同薯條係即叫即炸，熱辣辣又香口。夏日炎炎，最後加$5叫咗梳打系列，有1種水果味嘅梳打+2款水果粒，非常清新解暑一流！

餐廳走文青和簡約風，多打卡位﹗餐廳肉壁畫搞笑，有隻熱狗帶住Burger仔散步，熱狗後面仲有隻無帶頸繩小白跟住，十分搞鬼~食物即點即做，上菜速度算頗快﹗食物上枱時裝在一個木盤子上，吻合餐廳店名﹗拿破崙辣肉腸意粉$60:辣肉腸好夠辣，十分惹味，意粉彈牙，品嚐期間廚師仲問我夠不夠辣﹗套餐轉鮮果梳打系列金桔檸檬+$7:紅蘋果粒+士多啤梨粒，酸酸甜甜，十分開胃解辣﹗套餐送的蜜瓜果粒清甜爽口﹗見到有客挑戰魔鬼辣雞芝心熱狗，伙記戲言曾有客人辣到忍不住挑走中間辣辣熱狗部分，愛挑戰辣人士可以應戰~

去屯門探朋友，之後佢就帶左我過去建生村度搵食，果面都好多餐廳好集中，我地被哩間既熱九套餐吸引住，跟住入左去坐低，哩度原來除左食熱狗之外，仲有pasta可以選擇，朋友叫了魔鬼辣雞芝心熱狗，店員問想要魔鬼辣定香辣，朋友就選擇了香辣，我就叫了煙肉熱狗同拿破崙辣肉腸意粉套餐，我地一邊傾住計，大概五至十分鐘左右，熱狗很快便送上，賣相非常吸引，仲配埋薯條或薯角，正，朋友咬完一口後說都比較辣，岩哂佢口味，佢仲叫店員比埋芥末佢自行添加，真係非常識食。我的煙肉熱狗接住送上，賣相同樣吸引，第一口咬落飽底脆脆地，加上熱狗腸脆皮既外衣，新鮮、美味，我配埋個特飲提子梳打(可以自由選擇當中要配咩果粒，我就揀左芒果同提子)，飲品用量杯盛載住，很特別。最後拿破崙辣肉腸意粉套餐跟住送到，套餐除左意粉仲包埋生果同飲品，意粉食落有點辣，但Juicy 美味。餐廳佈置簡單撲素，牆上也畫了趣緻的熱狗圖畫，令人很舒服，可以輕鬆地放鬆心情去享受食物。

朋友係呢頭做野,我今日放假去左陪佢食下午茶。佢話呢間D下午茶抵食就帶了我黎啦!見佢好多餐都有30-50蚊,佢既裝修又幾別緻,好D乾花,WALL上又有好得意既圖,一個人黎可以坐HIGH TABLE望住出面既街景添呀!呢個價有咁既環境真係好抵。我叫左個豬排包,個包係奶油豬既質地,有加牛油烘,個生菜同蕃茄都好大片。加幾蚊就有特飲,我選了熱情果梳打,好夏日呀杯飲品。朋友就叫左蕃茄牛肉麵,唔想食公仔麵可選意大利長通粉,加2蚊有厚多士,個餐本身有蛋,蛋既煮法都可以自由選擇,佢個餐都幾多野食呀!下午茶時段係2點30至6點。我2點30黎,呢度差唔多坐滿晒人,如果我住呢頭都會成日黎食下午茶。我同朋友都食到好FULL。

今日經過見到有間黑色的小店，而門口大玻璃窗好吸引，收銀位上有不同的食物相好吸引，就入去食個假日午餐，而且價錢都唔貴，我和朋友一人一餐坐在窗前，食了不用十分鐘就有得食，見到都十分吸引，我叫了全日早餐，入面有多士都幾脆配牛油好香口，薯角炸得不錯幾脆口，蛋可以選擇不同煮法，而我就要了太陽蛋，蛋汁配多士最夾，仲有熱狗腸和新鮮的雜果沙侓，都夠飽肚。朋友叫的是肉醬+腸熱狗，肉醬在上面勁多味道濃郁，配上熱狗和軟熟包味道幾好。我地仲可以配飲品，食完再慢慢飲野傾下計都幾舒服。