盤子工房 (建生商場) (已搬遷) 新店位置

今日工作需要嚟咗屯門個centre返工 同事介紹咗呢間幾有格調嘅餐廳 主要係食熱狗嘅 喺門口見到有好多學生哥係入面食飯 原來學生有得減十蚊 唔怪得知咁受歡迎啦😮 餐廳主要有熱狗類同意粉類嘅食物 我同同事就一人嗌咗一個餐 原來店員會將食物送上🙊 本身以為要自己拎餐我同事好鍾意食辣嘅 所以就叫左呢個辣味之選 呢個餐包括有半件厚多士 太陽蛋 鮮茄辣牛肉公仔麵 麵嘅湯底都幾夠辣 見到真係有辣椒粒🤤 但係又唔算太辣 一般人都應付到早安晨之美熱狗🌭 配薯角 熱狗上面嘅太陽蛋好吸引呀  隻蛋滑捊捊咁 肉醬既香草味好重 蛋汁配埋肉醬將個熱狗提升一個層次 薯角熱辣辣好香口😛是日特飲係柑桔汁配提子粒 唔算好甜 有埋提子粒粒令杯飲品增添好夠口感🍇四十幾蚊咁嘅質素嘅午餐真係好抵食👍🏻