盛記粥麵

营业中

休息中

今天下午出尖沙咀做facial，唔想逛商場，趁天氣好於九龍公園閒遊閒遊，經泳池那一邊出公園，行到去佐敦附近，是時候買晚餐返屋企。心血來潮想食粥，記得之前食過盛記，粥底靚，生滾粥水準高，馳名即製腸粉，把握機會今次幫襯佢。一於叫個粥餐配叉腸抵啲，蘿蔔牛筋腩好吸引，再加個淨鮮蝦雲吞。狀元及第粥~綿綿粥底水準keep到，返到屋企依然熱辣辣，果然招牌菜，堅係有料到，豬小腸、肉丸、豬潤、豬肚、豬腰各兩件，材料豐富又新鮮，讚。叉燒腸~久違了的點心即製腸粉，加入甜豉油，又香又滑，好食到我自己一個食咗大半。蘿蔔柱侯牛筋腩~炆得夠淋夠入味，大大盒抵食，最喜歡牛筋，入口滑捋捋，滑膠豐富又有益，牛腩 啖啖肉，大家搶住食。淨雲吞(8隻)~雲吞及上湯分開，免得浸太耐會太淋，鮮蝦爽口彈牙，正呀！跟餐飲品可加$8轉配桑寄生蛋茶，阿女想食隻蛋，自己好耐都冇食過這款糖水，且並不是周圍有得食。

突然想食雞粥 行過見到呢間小店就入嚟試吓有唔同嘅粥麵飯套餐可以揀 有得揀油菜、小食同腸粉等等第一個套餐就揀咗北菇滑雞粥加牛肉腸粉雞粥比想像中大碗 好足料味道唔錯 粥略稀 杰少少會較好腸粉新鮮 好軟好滑第二個套餐就叫咗雲吞麵同炸南乳雞翼雲吞彈牙好食 麵爽口 湯鹼水味少 唔鐘意食鹼水味太濃嘅雲吞麵 所以幾滿意南乳雞翼炸起新鮮滾熱辣 脆口好味最後叫多碗淨水餃同蠔油生菜 水餃大隻足料生菜份量適中 如果蠔油可以另上就更好 呢餐好飽好滿足等緊嘢食嘅既時候發現有小故事睇 幾有趣～

現在外賣自取九 折, 疫情期間多咗食外賣你間佐敦的小店腸粉好好味我就叫咗個鮮蝦腸粉 鮮蝦腸粉皮薄餡靚 腸粉好滑口大大粒鮮蝦喺腸粉裏面炸鯪魚頭即叫即炸 口感豐富 用上心先鯪魚肉 咬落好重鯪魚味 食落 十分之 彈牙蘿蔔炆牛筋腩 牛 筋腩 大大條好爽 滑。鮮蝦雲吞 又發鮮蝦包製 大大碌總共有八粒用上鮮蝦包製 新鮮豬肉 咬落口感新鮮爽滑食落口感豐富 我最愛的一味仲有一個叉燒腸粉 腸粉同樣係皮薄餡靚有好多豐富的叉燒做餡料 非常飽肚最後叫多兩杯薏米水 好豐富的一餐

上星期去佐敦附近辦一些事情，想起了附近有數間雲吞麵店非常有名，到了附近逛一逛反而被這一間有生滾粥和其他小食的雲吞麵店吸引，嘗試過後絕對值得推薦先說餐廳少少但是菜單款式不少，更有套餐提供，比起附近較有名氣的雲吞麵店有更高的性價比雲吞麵採用傳統做法，雲吞浸底，粉麵朝上，導致粉面入口時爽滑彈牙不會被湯浸得過淋，湯底極重大地魚香氣，非常濃厚，而且雲吞蝦肉彈牙，是一本非常高質素的雲吞麵套餐選購了炸鯪魚球，即叫即炸，入口外皮非常香脆，而且魚肉飽滿多汁，配搭醬汁非常惹味朋友點了一碗艇仔粥配搭炸兩，同樣高度推薦，粥底綿滑，豬什配料十足，另外炸兩我亦嘗試了一兩件，油炸鬼香脆，腸皮滑溜有米香，誠意之作

放工隨意經過外賣粥麵回家吃外賣自取有九折再送飲品點了兩個主食，牛筋撈麵$48和蝦籽蝦球撈麵$62蝦球超新鮮，肉質爽口彈牙，一啲都唔梅牛筋滿滿的，佔足半個盒還可以加配優惠價小食，$12-32不等每個主食只可加一款(每款+$28)南乳雞翼和炸鯪魚球是頭號心水想試不負所望，不錯！蜆蚧汁本身偏咸，我仲大大啖沾下次都是唔好貪心另外單點了炸雲吞$35/5粒和腩汁蘿蔔$20，蘿蔔清甜冇喳，讚讚讚雲吞裡的鮮蝦頂呱呱看來這店的蝦非常不錯套餐送的熱飲我揀了薏米水，原來是招牌東西！飲落有點薑汁味，內裡仲非常足料估唔到外面看來的普通粉麵店又帶來點驚喜！這樣的份量2個人食都有淨d

屋企水制漏水，搵師傅返去整完又要大清潔，所以去買個外賣返去同老公食完先開工。老公早幾日已經話想食海南雞，就買個返去比佢食下啦，餐廳現時有外賣9折，兩個人都唔使二百蚊。鳳城水餃麵水餃裏面既蝦肉新鮮爽口，還有木耳及筍等，全部都爽脆，應該加了些大地魚調味，整個水餸味道很鮮，湯底亦都是用了大地魚熬製，飲完都無口喝，完全無落味精。淨鮮蝦雲吞雲吞細細粒，正好一口一粒，每粒有兩隻新鮮爽口蝦肉，豬肉亦唔肥膩，能媲美有米芝蓮級數的麥記，誤打誤撞都比我撞中，真係好彩。海南雞黃薑飯本以為雲吞就已經係招牌啦，點知海南雞都做得不俗，雞肉嫩滑入味，黃薑飯味道濃香。蘿蔔柱侯牛筋腩蘿蔔清甜吸收了牛腩香，牛筋直情入口溶化，骨膠原豐富，牛腩炆得又腍又入味，完全無渣。最後加了$8的桑寄生蛋茶，好過自己煲。

今日去左佐敦行街，行過白加士街見到呢間盛記粥麵，店舖環境整潔企理，光線充足，除一般粉麵亦有多款小食、飯類等，一於坐底同好友食返個午餐。粥粉麵可配優選套餐，加配油菜、腸粉、小食及多款飲品，價錢經濟實惠，難怪咁多街坊幫襯!淨雲吞雲吞皮超滑溜，皮薄實淨，一口一粒剛好，蝦粒飽滿，蝦肉同豬肉比例均勻。湯底香醇，鹹淡度適中，充滿大地魚香，飲完唔會口渴。炸醬撈麵鮮紅既濃郁醬汁既甜又辣，軟嫩肉絲鋪滿幼麵上，開胃又惹味!筋腩撈麵炆得入味，牛筋軟嫩爽滑，嚼勁十足，豐腴而不膩；牛腩口感滑嫩細緻，Q彈帶筋，蘿蔔清甜無渣，幼麵爽口又彈牙，有麵味，口感一流!豬潤腸粉腸粉勁滑身，豬潤甘香有咬口，配以甜豉油更能提鮮。蠔油芥蘭芥蘭新鮮菜色鮮亮，幼嫩無渣。薏米水加入薑片，祛濕健脾，驅寒暖胃，清甜滋潤，有大量薏米好足料!桑寄生蛋茶估唔到粥麵店都有桑寄生蛋茶!獨特甘苦味順口，滋潤袪濕、寧神安眠一流~

係護協行完街街，經過見到盛記就開餐。因為門口介紹雲吞麵而入，好吸引最後見到有招牌及第粥吸引，雖然熱，但見到多人叫，即管試試嘩😍😍😍真心覺得大碗。望望材料絕對招牌。厚厚黃沙豬膶，豬肚。豬心，豬肉丸。試啖粥，綿綿粥底。一流，加小小胡椒粉，完全係完美。食到粥底都無出粥水就知真財實料。套餐配上蜆蚧鯪魚球，加上蜆蚧汁。彈牙好味。新鮮熱辣。真心掂再配上凍意米水。雖然熱熱環境下但飲杯冰凍意米米，不太甜。非常好。媽咪咁岩話想試，就再賣外賣再試買了叉燒腸，晶凝通透，好多叉燒，腸粉滑滑，落了好小豉油都足夠，正點了水餃麵，真係試了啖湯底真係非一般，麵質彈牙。無簡水味，水餃大大隻蝦，木耳，媽咪好滿意。最後媽咪試了熱桑寄生蛋茶，不甜，蛋好味。媽咪話下次帶佢去😋海南雞飯亦是一流之作。雞滑飯香，要試

已經好久沒吃粥麵，今天到尖沙咀看電影後，專誠來到這家由朋友介紹的小店買外賣回去跟男朋友一起食。現在外賣有7折，好抵。水餃撈粗水餃約有5隻，全部藏在粗麵底下，水餃餡料十足，隻隻飽滿，非常吸引。水餃皮薄且滑，蝦仁彈牙，豬肉比例剛好，木耳絲及筍絲爽口，粗麵爽彈，蠔油醬咸味剛好。布拉叉燒腸布拉腸粉很滑，晶瑩剔透，內面的叉燒若隱若現，賣相吸引，味道也不錯，叉燒足料，豉油汁惹味又不會過咸。柱侯筋腩撈麵牛筋牛腩煮得很淋，而且十分入味，份量也很多，麵身同樣爽口且彈牙，非常之好。炸鯪魚球鯪魚球入口彈牙，一點魚腥味也沒有，炸得算是不油膩，蘸上蜆蚧醬吃，更加鮮味及惹味。豬潤粥粥底加入腐竹一起煮，粥身很綿，豬膶也是爽滑，蔥絲薑絲很足料，每口粥都鮮甜。薏米水同様足料，約半杯都是料，又吃又喝，怯水腫一流。另外,撈麵的的蝦籽湯十分香，沒味精，鮮甜好喝。總括而言，這家店的食品很有質素，平凡的食品卻是不平凡的美味。

想分享一間平民美食粥麵店，雖然只是平凡的食物，但小店用心製作，真材實料，食過真的好滿足。狀元及第粥材料有豬潤、粉腸、豬腰、豬肚、肉丸各2件。全部內臟都洗淨，不臭不腥。最開心食到厚切豬潤，爽滑冇筋，有淡淡的紹興酒幽香。肉丸亦好有驚喜，超爽口彈牙，應該加了少許蝦肉，調味有層次。粥底綿綿的，伴入蔥絲蔥絲，好好味，我們吃到最後都沒生水。招牌雲吞麵有4粒雲吞，粒粒飽滿，蝦肉爽口。麵很爽滑彈牙，沒有一點鹼水的澀味。湯底很有大地魚香味，加入爽囗韮黃，香氣撲鼻。炸鯪魚球跟餐加的小食有4粒，鯪魚球炸得金黃，圓碌碌。魚肉爽口彈牙，冇幼骨，沾上蜆蚧汁，帶出鮮味。鮮蝦腸粉這亦是跟餐加的小食，腸粉呈半透明狀態，口感滑而且不笠口，有足足6大隻鮮蝦，爽口彈牙，沾上甜豉油很滋味。淨水餃我們另外還點了鳳城水餃，一碗有5大隻，水餃皮滑溜溜，餡料有我最愛的爽口蝦肉和木耳，湯底一樣是大地魚韮黃清湯，不知不覺。招牌薏米水最後飲了凍薏米水，有淡淡的薑味，薏米超多，真材實料，不愧為招牌飲品。

星期日放假約左朋友去整手作上堂前先在附近找間餐廳一起吃午餐經過這一間 — 盛記粥麵 便進來試一試蠔油芥蘭一碟大大碟 份量也不少芥蘭配上清甜的蠔油 健康又好味炸鯪魚球鯪魚球帶魚和香料香味 口感彈牙碗上潮式生醃細蜆醬 味道特別 有驚喜鮮蝦腸粉腸粉外皮透薄 晶瑩剔透 入口細滑配上鮮蝦和淋上甜醬油 不錯不錯 盛記艇仔粥艇仔粥配料豐富 有魷魚、魚片、肉絲等加上香蔥和花生 多層次味覺享受 好味道柱侯牛筋腩麵牛筋牛腩鋪滿滿在面 牛筋軟黏 腩肉綿滑配有白蘿蔔 灑上韭皇每一口彈牙幼麵都能搭著配菜 推薦凍招牌薏米水薏米水不會太甜 潤喉去濕 正

口痕痕見自己有一排冇食雲吞麵粥品， 就去咗佐敦盛記買外賣。點咗雲吞撈麵、炸兩、蘿蔔豬軟骨飯、鮮蝦腸粉、同埋海蝦艇仔粥。雲吞撈麵食得出係傳統廣東嘅雲吞撈麵味道，d雲吞好有細絨feel，唔係話好大粒，而係一啖一粒，但入面就超鮮甜好有蝦味，撈麵嘅湯亦都係傳統雲吞麵嘅味道，但係就比較鮮甜可能落咗好多骨同蝦殼蝦膏淆出嚟。海蝦艇仔粥粥底好綿，有幾隻海蝦當然艇仔粥嘅料亦都好齊，花生、魷魚、豬肚、魚片等等都有。炸兩超好味因為個腸粉包到油炸鬼每一分，唔會穿，點埋麻醬、甜醬食好正！蘿蔔豬軟骨都食得出淆咗好耐，因為兩樣嘢都入曬味，而豬軟骨都好有咬口。鮮蝦腸粉又係好好味，點埋佢哋嘅秘製豉油食絕對食到停唔到口，對於鍾意食蝦嘅我嚟講今餐真係好好味！

禁晚市堂食後，我同女朋友經常都要食外賣，所以搵到一間又抵食又好食既舖頭買外賣真係好重要。呢間粥麵價格親民，但食物質素好高。重點係，外賣包裝得好穩陣，就算我拎住好多野再慢慢行番屋企，都完全無倒瀉無漏汁，超抵讚！例牌海南雞雞味超濃郁，雞皮同雞肉中間係有一層啫喱膏，而且皮滑肉嫩，斬雞師傅好勁，無乜碎骨，食落啖啖肉！蘿蔔南乳豬手蘿蔔炆得好腍好入味，而且明顯有揀過，無乜渣。南乳味好夠，一打開盒未食已經聞到。豬手大大件，好抵食，不但止入味，而且膠質好豐富。豬皮上仲要無毛架，呢樣野好重要🤩馳名鳳城水餃麵外賣個湯會分開裝，番到去食之前叮番熱個湯再淋上個麵到，保持到麵質彈牙既口感。大大隻鮮蝦係水餃入面，爽口鮮味盛記招牌雲吞麵雲吞皮很薄，但饀料卻不少，雲吞內豬肉及鮮蝦的比例剛剛好，太多豬肉會掩蓋了蝦的鮮味，太少口感又不夠，這個卻恰到好處。湯底用了大地魚，令整個雲吞麵提鮮了不少

自從停左堂食後好少出街食飯今日晏晝就有空所以想食番餐好經過盛記粥麵 朋友好想食酥炸鯪魚球所以就入去試下我地兩個人都叫左幾多野海南雞飯蠔油芥蘭炸兩豬手麵酥炸鯪魚球豬手麵 兩大隻豬手好多肉又好多膠質非常入味海南雞飯 加左十蚊可以變雞脾非常嫩滑既雞肉 連皮都滑黃薑飯都好出色加埋薑蓉非常好味道酥炸鯪魚球果真好出色4 粒漲卜卜 熱辣辣點埋蜆芥醬食真係好惹味好彈牙 食唔停口炸兩腸粉好滑入面既油炸鬼仲保持到好香脆非常難得總括黎講價錢合理食物質素好 值得再黎

去佐敦食「盛記粥麵」是小店，同友人都想食中式菜式。叫粥點粥麵，腸粉 同友人share 食！「生滾豬潤粥」熱辣辣的, 師傅都是新鮮煮，粥底是綿綿的，豬潤比得好足料，沒有手軟！是清腸胃好選擇！「雲吞麵」的雲吞好多鮮蝦，放在麵底，是最正宗的煮法！值得一讚！麵是彈牙的，用料上乘！「叉燒腸粉」都好食，皮簿 叉燒粒粒分明，不會太肥，腸粉比例都剛好！也好貼心已經切好6舊，不用再分！仲叫左時菜，都是$20！有一大碟，菜心好食！友人大愛薏米水，說是真材實料，好足料同味道好濃！呢間小間性價比十足！