盛記粥麵

营业中

休息中

粥、粉、麵、飯，廣東人四大主食，其中以粥為首，可見粥在廣府人心目中的地位！粥，又以及第粥為首；廣州麵食，又以雲呑麵為尊！這間小店，主打的是這兩款食物，傳承了廣東兩大皇牌美食～及第粥及細蓉！除了這兩款外，選擇也真不少，梗有一款啱你食！這杯招牌薏米水，不太甜，但是味清香，還有淡淡的薑味和麥香，原來店主加入了麥米同薑去煲，這是我兒時的味道呀！香茅豬扒，醃得入味、煎得香脆，大件夾抵食呢。。。必定要試試這個酥炸鯪魚球，口感彈牙，魚香十足，感覺是純魚肉做的😋細蓉（走麵），純廣州味道～大地魚湯底、一口一隻的雲吞，用料新鮮，好味叫了一碗較簡單的豬肝粥，一望～好多料呀！豬肝爽脆清鮮、配上綿滑粥底，不負期望！加上這碟充滿米香的豬膶腸粉，相得益彰！小店名字？盛記粥麵～開在白加士街！

去完童軍總會做完嘢feel到肚餓，腦海浮現咗牛腩出嚟，於是用Open Rice搜尋附近餐廳功能睇吓附近有咩好嘢食，睇咗一陣就搵到呢間盛記粥麵，見到D相覺得間餐廳企企理理就行咗過去。估唔到晏晝兩點都仲咁多人，直覺話我知我無揀錯，不過好彩啱啱有人埋單唔使等，拎起餐牌睇吓除咗牛腩外仲有咩好食。估唔到一間粥麵店都有咁多嘢食款式，雖然好多嘢都好想食，但無耐得我自己一個人，所以叫咗碟淨牛筋腩+油菜+淨雲吞，咁樣配搭食唔哂都可以拎走。牛筋腩好快就上枱，埋到嚟未食已經覺得好香，睇到都流哂口水，即刻起筷試吓舊牛腩，估唔到舊牛腩超淋之餘仲好入味；跟手再試埋舊牛筋，舊牛筋我諗無牙婆都食得，超超超級淋，簡直係有些少入口即溶嘅感覺，食咗一舊都即刻feel到個口好似有膠水粘住，好似食緊花膠嘅感覺！仲有底下嘅蘿蔔都好淋好入味，估唔到一碟牛筋腩已經咁多驚喜！雲吞味道都唔錯，一碗仲要有8粒好抵食，不過我唔記得走韭黃。食到個肚脹住走都係$129，抵食！

今日忽然之間好想食粥麵所以放工之後就嚟到呢一間雖然佐敦呢條街成條街都係食肆咁滯，而且附近仲有澳洲牛奶公司同埋出晒名嘅雲吞麵店不過呢啲店通常都係旅客生意所以都係想食返一啲傳統地道嘅粥麵店一坐低之後發現呢度原來有套餐所以就叫咗碗及第粥再加炸兩呢度嘅粥嘅份量都非常之多而且配料仲幾多足足有五款配料包括有豬肚豬粉腸豬潤豬什同埋肉丸而且每款配菜都有兩件如果粥底非常之咁綿滑唔會加咗師傅咱倆即叫即正同埋包好所以外邊係熱辣辣嘅粉皮入面係脆博博嘅油炸鬼而最開心就係呢度可以任你家長完全滿足晒我呢個食甜醬同麻將嘅慾望同行嘅朋友就叫咗碗豬手撈面佢話個面嘅質地非常之咁旦啦而且豬手炆得非常之咁林又入味我就飲咗佢少少附帶嘅大地魚湯都非常之咁鮮味之後就叫咗兩款小食包括就係炸鯪魚球同埋炸雞翼炸雞翼炸得不過不失二顯解鯪魚球就非常之咁推介魚肉味非常之咁濃郁但係個顯解就唔會一美四合非常之咁好食

同阿妹去佐敦買嘢，諗住坐低食下野啦，佢話想食粥！咁突然！左行右行都唔見有粥店，唯有上OpenRice搵。一搵竟然見到隔離街就有一間盛記粥麵，近近地一於去試吓，如果唔係就要返落油麻地我哋叫咗及第粥，叉燒腸，係一個套餐嚟嘅及第粥勁多料，豬膶軟滑口感一流。粉腸好味，好耐冇食啦！粥底好綿一D都唔會鹹，最怕嗰啲成日落味精嘅粥店炸鯪魚球仲有蜆介醬俾我哋點，鹹鹹香香牛筋腩撈粗，牛筋腩炆得夠林唔會鞋口死實實，最正係舊蘿蔔淨雲吞超正原隻都爆滿鮮蝦，爽甜加埋大地魚來熬製的湯底不得了食到成枱啲嘢，攬住個肚離開，大滿足！大滿粥

前幾日係九龍公園游完水超級肚餓 於是去左白加士街果頭醫肚喇 見到「盛記」個餐牌d野都幾岩食 於是乎就入左去喇店內都幾乾淨企理做完運動要好好補充水份 飲返杯凍薏米水先佢地既薏米水除左有薏米之外 仲落左薑同蜜棗 飲落有淡淡薑味同埋蜜棗味 所以味道唔會太單調 女士們亦唔需要擔心會太過寒涼再黎既係「特級北菇滑雞粥」個粥好足料 雞肉夠晒嫩滑粥底亦夠晒綿 稀稠合度 帶有米香 再加上吸收晒d雞肉精華 味道鮮甜 好正！而且食落完全冇味精味花菇夠稔 而且好有鮮味由於做完運動真係太餓啦 再叫多左個淨水餃 水餃大大粒非常吸晴 一共有5粒 份量岩岩好水餃皮薄且餡料豐富 食落口感有層次 內裡既木耳絲簡直有畫龍點睛既效果而蝦則夠晒新鮮 食落爽口彈牙且有鮮味埋單一百蚊都唔洗 抵呀！

之前係度食過粥，覺得幾好食，雖然價錢來講一般般。但呢排想食海南雞飯，附近嘅海南雞飯都幾乎食曬，見到呢度有海南雞飯，所以就打算試下啦，因為之前試過啲粥，其實不難食，所以呢度嘅海南雞飯應該都有啲水準啦，不會太難食掛，所以就點來試下。Ok，時間到咗，去拎嘢食啦，嗯～～見到嘅外賣盒就覺得一般般啦，係度希望冇伏啦。原價48蚊一個海南雞飯，冇湯，冇飲品嘅。成個餐得一個飯盒，啲雞放係油飯上面，仲有一啲姜片係度，第一次食海南雞飯有咁大快姜片係度。逐一講啦，佢有兩個調味，姜蔥同埋紅色嘅酸辣醬？個味道係辣味多啲，但係唔辣嘅。雞係有骨嘅，而唔係無骨嘅海南雞飯，而且有啲肥，係得啲啲肥，可以接受啦，但係煮得過老，唔滑，都唔算係新鮮，好似放咗幾耐嘅feel，冇乜雞味，加睇辣醬好食啲，份量都唔多。姜係有渣嘅，而且唔好食，唔知加落佢做乜......而飯就喺太油，食完真系塑膠碗底都喺油，而且飯麻麻，食粥好過！！All in all， 4/10比到盡，喺粥舖就揀粥啦，唔好揀飯類啦。特別喺海南雞飯。

粥麵舖坐落於九龍公園對面的佐敦小街， 地理環境非常優越。 首先我點了一客牛筋腩淨食。 印象分很好， 因為排碟方面整齊企理， 左邊牛腩，右邊牛筋， 涇渭分明， 上面淋上蔥花， 下面有三件大白蘿蔔， 冇渣， 一咬即溶， 軟而不爛，上品。 侯柱汁非常濃郁， 我建議大家可以將半件牛腩，半件白蘿蔔一齊放入口裏， 效果最正。 由於份量實在不少， 牛腩本身也已經有五大件， 如果三四個朋友過嚟食， 不妨叫一碟淨牛筋腩。之後叫了一碟蝦腸， 當然裏面有我最愛的韭黃， 最令我驚訝的是長長的碟， 蝦腸卻不是打橫的放， 由本來兩條橫放變成三條直放， 這樣的好處便是我們食客多了兩粒蝦。 我特地留意蝦肉的顏色， 單單從一隻蝦的角度看， 水準已經像酒樓裏的炒蝦球， 若然把它抽離腸粉外邊看， 簡直看不出那是蝦腸裏的蝦。 非常香口惹味， 有大火炒過的痕跡。最後叫了北菇滑雞粥加豬潤， 餐牌上面寫明特級， 本以為指示誇張的修辭而已， 但後來我想我應該發現了真相。 我猜那個特級是指那一隻極大的冬菇！！！ 廚師沒有把它切成冬菇片， 或冬菇粒，不， 廚師把整隻冬菇原裝奉上，非當好食。 雞肉吃上去像鮮雞， 肉質甜嫩， 而且份量十足，

早上碰巧在附近買東西，便試試這兒的午膳。店鋪環境非常乾淨，以高於成人高度的膠片隔開每枱食客，每枱的膠板也很高，每枱之間的距離也很足，完全自成一角，令人食得安心。叫了一個頭抽蝦籽蝦球撈麵，這麵極幼細，麵身超級彈牙，上面鋪滿一點點蝦粉，口感特別。頭抽的確是頭抽，味道不會太咸。蝦球其實是大大隻的原隻鮮蝦，真材實材，又滑又軟又彈牙！蒜香南乳炸雞翼有驚喜！一口咬下去，外脆內滑，南乳味由鼻子沖入，再由舌頭強化，滋味十足！蝦腸的皮非常滑，蝦肉又大又彈牙，非常抵食！桑寄生蛋茶又清又甜，每一口都感到好幸福！而且雞蛋很軟，不是煮得太而又老又硬那種。每枱女士都有叫，真是女士恩物！

炸腸:非常出色，外皮腸粉皮沾滿甜甜的豉油，加上內涵是脆脆的油條，這個配搭非常好，吃下去就是脆口中帶點軟綿綿。炸醬撈麵:炸醬甜中帶辣，非常野味，加上生麵撈在一起吃，是很美味的配搭，炸醬的肉條不是太肥但非常柔軟，可以配搭麵一口吃兩種感覺。南乳雞翼:很熱很脆，外皮很脆，肉很軟，南乳的咸香非常惹味。腩汁蘿蔔:白蘿蔔是用牛腩汁烹調，牛腩汁配搭味道清甜的白蘿蔔變得非常好味，白蘿蔔非常軟，可以用筷子夾開，又很甜，建議大家一定要點這個。薏米水:薏米水有點薑味，但沒有很辣的感覺，天氣涼涼喝非常好。

最近香港的疫情可算是沒有惡化， 香港人一定要同心協力同心抗疫，由於最近節日也吃得比較肥膩，今日一於食下生滾粥清一清腸胃.這食店在佐敦十分之有名，豬內臟處理得十分之好，豬潤十分之爽口，並沒有半點內臟味道， 粥底也十分之細滑， 水準之作.一定要嘗試一下.河粉十分之細滑加上牛腩也十分之香濃，自家製的薏米水也十分之清新.這個叉燒腸的皮十分之薄，晶瑩十足.女生最愛的甜品也水準十足和糖水店的分別也不大.因此在佐敦十分之有名.

走進佐敦白加士街尾近柯士甸道 有一間不簡單的粥麵店。走進佐敦白加士街尾近柯士甸道 有一間不簡單的粥麵店。每個座位的調味料也一應俱全這樣講是因為我最初是被這店的桑寄生蛋茶和薏米水吸引的確實不多粥麵店有這兩樣提供的。當然， 食物質素也是一樣出色的，第一次試蘿蔔豬手飯，豬手色澤美美，超淋入味，一口一口感覺骨膠原注入我皮膚。蘿蔔大大舊， 沒揸，清甜蘿蔔味。淨水餃，飽滿結實，皮薄餡多很大顆芥蘭油菜 用過鹼水綠的油菜分外鮮綠， 菜梗， 葉切得分明， 蠔油均勻地淋上， 絕不馬虎鮮蝦腸粉， 薄皮，不會吃到厚厚的粉漿， 共有鮮蝦六大粒. 來到我最大愛，期待的是招牌薏米水和桑寄生蛋茶。 薏米水有淡淡檸檬味 桑寄生蛋茶足料煲， 原隻蛋上 ,最重要兩樣也不太甜。愛美，懂養生 女士必試呀！

聽說佐敦除了麥文記外，還有一間好味嘅雲吞麵舖，於是我們去了盛記。雲吞麵: 有水準，麵爽脆，雲吞都唔錯，跟麥文記不相白仲。香茅豬扒飯: 豬扒香口唔嚡，好有驚喜。炸鰒魚球: 外皮脆，魚肉滑，很好吃， 一碟四粒，兩個人吃啱啱好，同陳漢記一樣咁好食。凍意米水: 正常，特別之處係我們嗰杯只有1/5杯意米，但見到隔離枱有半杯意米。餐廳樓面員工不足，收銀落單執枱得一個人做，見到都鄧佢辛苦，我們唯有比D耐性。餐廳環境企理，我們二人埋單 $119，性價比超高，可以再幫襯。

係呢頭行左一陣，最後都係揀呢間粥麵鋪食，睇中佢有我好鍾意嘅口水雞可惜佢冇做下午茶餐，全日同一個餐牌，呢點有少少扣分口水雞 $48配埋靚仔一碗，雞好滑，賣相靚，醬汁量恰到好處，酸，鹹，麻，辣都有齊，辣度差少少，麻就係食完後上，味道水準唔錯，連汁都全部倒晒去撈飯食。頭彈一點，師傅斬雞工夫一般，大細邊雲吞麵 $35呢個價，仲要全日一樣計，我會覺得佢比得太少雲吞，四粒。。。仲要一口size，食水深不過麵質彈一番，雲吞都足餡爽彈，加上湯底算清甜，食起上黎水準之上，補足返雲吞不足呢點嘅品質唔錯，招呼郁係好嘅，有禮貌定價進取少少，如果搵佢食正餐係抵，因為全日同價，咁下午茶一定食其他野更好，而且我食完都仲覺得未飽

收工響佐敦一帶求其搵一間鋪頭醫肚, 估唔到呢間盛記有驚喜叫左個餐, 有 3款野 ： 鯪魚球粥 + 鮮蝦腸粉 + 凍奶茶粥夠綿鯪魚球夠味腸粉好滑無得彈, 比個讚奶茶唔好有期望, 始終唔係茶記埋單 $78 , 咁嘅級數我又唔覺得貴

放工買外賣回家吃，想起佐敦有間雲吞麵夠傳統好好味同好出名的。盛記招牌雲吞麵雲吞皮薄餡靚，鮮蝦夠爽又彈牙，麵底煙韌有鹼水香整碗湯底很有鮮味。秘制豬軟骨麵豬軟骨煮得非常入味又夠腍身，果然是廚師推介。美味黃沙豬膶粥新鮮黃沙豬膶大大塊，咬一啖軟綿綿嘅感覺而粥底煲得夠綿身幼滑有米香仲有乾瑤柱令粥底鮮甜味提升加埋薑絲蔥粒很夾。蘿蔔柱侯牛筋腩蘿蔔入味沒有渣，柱侯牛筋煮得腍身吃下煙煙韌韌，而牛腩很香濃牛味又夠咬口。招牌薏米水很少餐廳煲薏米水咁香濃，這杯除有很多薏米外另加上薑片一起煲，喝下啖啖薑味仲有薏米水嘅味道很開胃又暖胃。桑寄生蛋茶一喝下就知用料足，味道濃郁喝下喉嚨很舒服唔會淡淡無味，加埋雞蛋一起吃非常滋潤。