盛記粥麵

营业中

休息中

白天吃得有点过多，一直到晚上九点多才找地方吃晚餐。既然吃不了那么多，粥就是首选。店外餐牌有写上粥、粉、面和饭的各种配搭。反正除了粥，也会再多吃肠粉，便不假思索的进去了。不止是传统的粥面店，他们原本还有饭类供应，适合市场需要。点了一碗肉丸粥再配炸両，上菜时连同豉油、甜酱和麻酱一起上，吃多少自己加多士。但油条有点腍，这个时间也不可能是新鲜炸的，反正也不会太差。肉丸粥是写着用手打肉丸，粥内大概是有七、八粒，口感和份量算不错。最后结帐是64元，不能说很贵。但比起附近茶餐厅平均50多元的晚餐，就比了下去。

讚1.食左幾次，都覺得野食有水準得黎都穩定，粥底厚身綿滑，足料；今次叫左鳳城水餃，皮薄，餡料既筍同木耳都切得好幼身，咬落爽得黎無乜渣，豬肉餡係有肉味，打油底既麻油豬油香都好明顯，飲品果杯薏米水好鬼多料2.以粥麵店黎講，環境好闊落彈1.其中一舊水餃入面有嚿燒燶左既大地魚呢

今晚開完會過了去這間盛記食雲吞麵，每次過佐敦食粉麵一定揀盛記，主要食物質素有保證，而且比鄰街某店便宜，而且份量十足。艇仔粥：粥底綿滑，有些豬肉絲、魷魚等，完全無味精。叉燒腸粉：腸粉皮薄又夠滑，叉燒餡粉不會柴皮，亦不是肥膏，新鮮即叫即做。淨雲吞：這裏主打以大地魚湯底，湯底濃郁大地魚鮮味，還有些蝦子，雲吞正好一啖一粒，蝦肉新鮮爽口，鮮味無比。水餃撈粗：水餃裏面有筍、木耳等非常爽口，粗麵不會太重的梘水味，麵質爽彈不糊口。薑汁薏米水：超濃郁的薑汁味，除了用薏米外，還有些麥米，令口感更有咬口。

9 0 後 的 味 蕾📣貼地平民食物呀喂😁-有次夜晚10點唔想食得咁heavy。所以係佐敦揀咗呢間粥舖啦-香港地而宜粥舖愈開愈少。想食到小店既風味難上加難-出奇地呢間外貌一般般既餐廳。野食又幾好喎-由細到大都鍾意食粥。不過呀媽淨係識煲潮州粥。粒粒米都好分明-呢間餐廳既粥就係綿綿粥底。配埋一片片魚片。正呀 -識食一定要落啲胡椒粉-佢個雲吞麵算幾有誠意。粒粒雲吞自家制。入面食到啖啖蝦。落足料-連個腸粉都幾有誠意。皮薄又軟。叉燒又比足-如果佢上菜個時再熱啲應該好食過酒樓-有時想食碗粥 可以考慮下呢間。整體都好唔錯

我今日，第一次幫襯。 見啲食評寫話佢幾好食。點知，大失所望。第一次食到咁難食嘅粥，食材唔新鮮！我食咗一啖。臭嘅。及弟粥所有食材都唔新鲜，唔知你摆咗幾耐。做飲食，你做到咁樣，唔新鲜食材，賣俾客食。真係恬不知耻。及弟粥一陣怪味。我食咗两啖，已经好唔舒服。果陣怪味一路留喺个口度。你啲食材唔新鲜，就丢咗佢啦。過份！我從来都唔寫食評嘅，但盛記粥麵就難食到，我一定要将呢個真相寫出嚟，话俾大家知，呢間粥，係有幾咁難食。離曬譜！永不再幫襯！

因為無乜期望，所以特別有驚喜。就係因為無期望，所以連相都無影張😅。今晚叫左三個麵，一個口水雞，兩碟菜全走。三個麵係雲呑麵，豬潤麵，同牛肉麵。雲呑麵先飲一啖，好香大地魚味，再食一口雲呑，嘩不得了，雖然唔大隻，但更濃郁嘅大地魚味，蝦又爽，個腦海全部都係，最後一口麵，好爽，又唔硬，仲毫無梘水味，上品，一碗細蓉就可見佢嘅出品好用心。另外又試左一件豬潤，又係煮得啱啱好，超爽，全無過熟。只不過無試牛肉，但評價都係上品。到口水雞，雞嫩滑，麻辣汁好濃，食完咀唇麻晒，完全係口水雞要俾你嘅感覺。估唔到咁又試到間咁正嘅食肆。

🇭🇰盛記粥麵·呢間我地之前食嘢嘅時候成日都經過㗎 但係唔知點解佢個門面唔係好令人睇到佢 所以一路都冇食過🤭😂😂見Steven推介呢間幾好食 所以我哋就決定買個外賣試下🤤·北菇滑雞粥$52佢個粥底都幾綿幾好味既 不過就冇話好特別反而佢啲配料超級出色🤤佢個滑雞係真係好滑 而且好多舊 之後佢個北菇雖然得一舊 但係佢係有炆過嘅 炆到好淋好入味 超正 我哋決定下次要就咁嗌一個小食 因為完全唔夠喉😍😈·盛記招牌雲吞麵$35黃沙豬膶腸粉$25佢個麵相對個粥份量就少啲啦 但係佢啲麵都仲係幾彈牙 幾好食既 啲雲吞都唔錯😎之後佢個豬潤腸粉都幾好食 佢個皮都幾薄 不過佢就唔係超滑嗰種 係有少少粗糙感嘅 而且佢勁慷慨 入面超多豬潤 啲豬潤都處理得唔錯 仲係好爽口嘅🤩·#rbyeat#rby港式#rby佐敦·📍佐敦白加士街11號地舖

天氣凍凍地想食碗粥，見到呢間餐廳keep住有人幫襯，入去試一試！牛肉粥粥底綿滑，冇味精，食落好舒服！豬潤腸粉夠滑，但豬潤份量只有幾小片，食唔到咩質感雲吞爽，可能配麵比較好味！炸兩熱辣辣，配上甜醬，不錯！可惜份量很少唔夠食

喺附近買完野，有少少餓，近近地就入咗盛記食野估唔到食物都幾唔錯，同大家分享吓😁😁食物方面選擇包括左粥，腸粉，小食，湯麵，撈麵等等。以一般族譜來講都算係幾多。佢哋嘅頭抽蝦子蝦球撈麵，超級多蝦子！非常慷慨😎😎所以香味非常勁，而且食落齒頰留香👍🏼👍🏼有少少蝦子嘅鹹香味，麵質地亦都幾彈牙，唔錯唔錯。另外叫咗艇仔粥佢哋嘅艇仔粥同出面嘅有啲唔同，落咗生菜絲，所以有浸生菜味，我個人係幾鍾意嘅☺️☺️另外仲有啲肉絲添，食落都幾特別至於炸兩，因為見到係推介，點都要試吓啦😄😄油炸鬼非常之脆外面嘅腸粉皮睇落個樣係好飽滿食落軟綿綿！都真係幾好食👍🏼

佐敦搵嘢食見到有雲吞麵又有腸粉又有粥好似好好食咁就揀咗呢間必食雲吞麵同水餃麵啲麵都好彈牙，蝦雲吞同水餃都好足料而且個湯底唔會一味死鹹，正跟住又嗌咗一碟蝦腸同埋一碟炸兩蝦腸d蝦大大隻， 而且一碟蝦腸加埋總共都有六隻大蝦，呢個價錢我覺得好抵至於個炸兩就真係不得了，碟炸兩係最最最最好食㗎!係好食到下次經過都要入嚟再食!仲有一個雙拼嘅生滾粥，堅係即叫即滾，而且啲粥底軟綿綿，食極都仲有料抵食* 無論以粥麵店或者茶餐廳黎講，呢間餐廳個衛生都算係非常唔錯，始終而家都仲係疫情期間，揀間乾淨衛生啲嘅餐廳真係好啲

星期日上完課去佐敦附近找吃的突然想吃粥和腸粉就去了這間店～餐牌有粥粉飯餐，加些錢可點小食和飲品，我點了個狀元及第粥，牛肺、腸、肉丸都很香滑，份量都不少，生滾粥熱騰騰很美味粥底夠棉滑，太熱每口都要小心不要燙到口。雲吞麵，有4-5粒雲吞，麵質有彈性，味道正宗吃得出清甜湯底可以媲美一些有名的米芝蓮店～牛肉腸粉，腸粉質感半透明，很滑溜，甜豉油更能帶出牛肉腸粉的味道～炸水餃，餡料多有大隻蝦在裡面，剛炸好所以十分香脆，讓人垂涎欲滴～蒜香南乳雞翼，舖了大量炸蒜，雞翼肉質沒有過乾，很入味～另外還點了個蠔油芥蘭，腍滑而無渣～食物水準很高，不錯不錯～跟餐加8元還有桑寄生蛋茶～出面吃都要二三十多元啦～抵吃！

出名嘅生滾粥，除了某間在上環和油麻地食到街知巷聞外，這間亦是佐敦出名的生滾粥，食過一定會再回頭！下午茶時段仍然很滿座，卡位之間做了透明大膠紙，做足防禦措施，夠衛生菜單很多選擇，最喜歡可以轉套餐，價錢優惠抵食盛記艇仔粥 $38超級足料，粥底夠厚，不是稀粥，材料與粥底各佔一半，誠意十足，掂豬潤腸粉(+$25 腸粉系列）一塊一塊厚切豬潤，腸粉夠薄，豬潤新鮮入味招牌薏米水 (+$3 套餐）正宗薏米水，色水夠濃，份量足料，驚喜加入薑絲柱候牛筋腩河 $42香濃五香牛腩湯底，牛筋腩夠入味白灼豬雜 $70必食推介！ 識食一定會食白灼！因為新鮮豬雜證明真材實料，不需要用湯底或醃製，白灼可以食出原始新鮮味道，豬雜爽口新鮮，再配秘製醬汁，簡直一流，食唔停口！炸鯪魚球 (+$28 小食系列）大大粒，即叫即炸，熱辣辣，配蜆介醬汁，彈牙爽口粥麵真材實料，值得再來

感覺傳統嘅生滾粥店，廣東麵店買少見少。連鎖品牌嘅粥品店也不是遍布各區 ，而且味道千篇一律。這家位於佐敦白加士街嘅『盛記粥麵』 有人氣嘅生滾粥，腸粉，炸兩， 廣東雲吞麵， 非常期待！店舖內籠唔算寬闊， 但光猛整潔，冷氣都好充足！雖然限四人一檯， 但同一張枱都會再用間板以防太closed 👍我很期待的『狀元及第粥』， 很夠份量大大碗，粥底很棉， 冇漿糊果種稠招牌材料：豬心，豬粉腸，豬肚，豬潤，和兩粒豬肉丸～ 已調味所以也不用蘸豉油， 豬肚，豬心好爽👍 手打肉丸也特別好吃！屋企人点了豬潤粥， 豬潤勁多， 夠厚又爽口煑得啱啱好， 加咗薑絲我覺得特別好味。招牌雲吞撈麵。 餛飩真係名不虛傳， 皮夠薄 ，餡料見到原隻鮮蝦，彈牙鮮甜，木耳爽囗！撈麵極幼身， 夠爽口， 有蛋香 ，旁邊嘅蠔油太鹹唔適宜撈勻。 附設嘅湯以大地魚熬製， 鮮甜濃郁 ，韭黃味香。所有粥，麵，飯都可以套餐價追加小食或飲品。酥炸鯪魚球 加$28魚肉好彈牙，大大粒， 蘸上蜆介醬汁夠曬滋味。牛肉腸 加$25可能加咗熟油，佢嘅豉油特別香～ 腸粉即叫即做， 軟滑有米香， 腸粉和牛肉餡比例 啱啱好！薏米水 加$3真材實料，極多薏米仲見有蜜棗，

朋友整完牙，牙齒只能吃一些清淡較軟的食物，於是提議是日去粥店吃。本來對粥店的餐牌飲食種類沒有抱有期望，反而又有些許驚喜。這兒不只有一般的腸粉粥品食，還有牛什蔬菜面飯及特色飲品喝呢！是粥和粉面店的合體。盛記招牌雲吞麵雲吞麵面質爽脆，雲吞細細粒但口味不欺場，豬肉多，和蝦比例恰好，不帶肉腥，有明顯的胡椒味，正好一口一粒。鮮蝦腸粉餐布拉腸粉的粉皮質地沒過厚，豉油份量剛好，蝦肉和韮黃爽口，大件滿足啖啖肉，十分新鮮，腸粉豉油不過咸，沒掩過蝦的原味。淨鮮蝦水餃🥟餃皮滑溜溜，木耳有咬口，豬肉不死實，加了量不少且好大隻的彈牙蝦肉，味道高過預期。蘿蔔柱候牛腩份量真材實料，是我喜歡的正方牛腩，沒有一點肥膏，牛味濃，肉質軟糯。蘿蔔甜無渣，吸收了柱候腩汁，十分入味。菜心莖粗葉綠，加上蠔油，簡單卻健康滋味。熱招牌薏米水一上桌，陣陣姜香，夠軀寒。清新不過甜，薏米又美白。養顏桑寄生蛋茶甜甜的，幾特別，似龜苓膏味，感覺既養生又補血。食後感：區位好，坐位舒服，自成一各。

運動過後特別肚餓，要快快醫肚先得。行經ㄧ間粥店突然好想食，ㄧ於入內光顧。餐牌上好多選擇，粥、粉、麵、飯、小食，樣樣俱全。宜且點任何粥/麵/飯還可以優惠價配小食和飲品，真細心。我點了(魚腩粥+豬潤腸粉+桑寄生蛋茶)魚腩粥非常棉蜜，雪白的魚腩肉質扎實，十分新鮮。腸粉好滑，豬潤粉嫩，沒半點騷味。桑寄生蛋茶，飲下順喉，又不會苦澀，真係不錯的甜品。朋友點了(蘿蔔牛筋腩飯+炸鯪魚球+桑寄生蛋茶)蘿蔔清甜又無根，牛筋和牛腩炆煮得味道剛好，軟硬適中又帶點煙韌口感，用來配白飯，好正!!炸鯪魚球ㄧ客有四大粒，外層炸得金黃香口，內層鯪魚球爽口彈牙，再配上碟旁的蜆蚧，多添一重鹹香鮮味。另外，還點了淨雲吞，ㄧ碗有八粒，泡在大地魚上湯內，薄薄的雲吞皮在浮動，好像金魚在水中游。咬ㄧ口，內餡飽滿，豬肉和蝦比例剛好，真係好味!今日冇意思中被我發現一間又抵食又好食嘅食店，真係好開心。