盛記粥麵

营业中

休息中

來到佐敦美食集中地，大熱天時，我真不想在門外排隊等食，經過一間粥麵店，看見食店光猛企理，便進去。看過餐牌發覺超抵食，叫了一枱食物都不用$200。<炸鯪魚球>鯪魚肉味濃彈牙，肉質鬆軟，裏面的蔥很香，一定要點不鹹的蜆芥醬一起食。<熱招牌薏米水>杯中有很多薏米，薏米味濃，還有很香的薑味。<桑寄生蛋茶>驚喜十足，桑寄生茶味濃郁，蛋有點似茶葉蛋。<蠔油菜心> 菜心爽脆，食店很細心將蠔油放在一旁，如不喜歡蠔油的人可以避開蠔油。<黃沙豬膶腸粉>豬膶不會有異味，腸粉皮頗厚。<京都炸醬撈麵>豬肉是切條有嚼口，醬汁不會過紅，微辣微甜，正合我意，麵條幼身沒有鹼水味。<招牌狀元及第粥>粥都幾大碗，熱辣辣，內裏有很豐富的材料如豬膶、豬肚、豬腸、豬肉丸和牛肉，材料新鮮，只有少許胡椒香，用腐竹去煲的粥果然不同，粥底綿滑。招牌狀元及第粥值得一試！

無意間發現呢間粥店，食過番尋味，今次又再黎。粥麵飯可以跟餐，叫左個牛筋腩麵($42)加炸兩($25)，飲品要熱薏米水($3)。同行朋友要雲吞麵店$35)加南乳雞翼($28)凍薏米水($8)。牛筋腩麵牛筋腩好林亦入晒味。薏米水好足料，好夠薑亦好多薏米。炸兩係我地最愛，成日番黎再食，腸粉皮好薄亦好軟，內裡炸兩脆卜卜。南乳雞翼都好香口，雞肉亦唔會乾身。

<好耐冇食過高質既粥粉麵>😍呢間喺佐敦既盛記 係茶記格局 主要食粥粉麵飯 整體食物質素高 水餃 湯粉 海南雞試過都正 下次有機會要試下佢既粥😍🍴蘿蔔南乳豬手 70 蚊🐷大大碟南乳豬手 好多舊豬手😆大隻得黎啖啖肉 充滿骨膠原 啜骨正👍🏻 南乳汁好香濃 咸甜適中 口感黏稠 令豬手好入味 白蘿蔔煮得好淋 夠甜冇渣吸哂 d南乳汁都好正🍴黃沙豬潤腸粉 32 蚊🐷跟餐 25 蚊豬潤腸粉有三件 , 腸粉皮薄得黎帶 d爽口 晶瑩剔透 豬潤厚切粒 夠哂彈牙 熟程度剛好 豬肉味香🐖 加 d甜豉油就好味🍴海南雞黃薑飯 48 蚊🐤海南雞係雞脾 好正 夠爽滑彈牙 外面皮夠爽 肉質嫩滑 點 d辣汁 同沙薑汁都正 黃薑飯 薑味夠香 飯粒既黃薑好入味 而且咬落有口感 同海南雞 perfect match 🍚🍴馳名鳳城水餃河粉 35 蚊🥟🍜鳳城水餃整得出色 餃皮夠爽口同夠滑 帶 d蝦子調味🦐蝦肉彈牙 仲有爽口木耳 河粉比較闊身夠爽口 湯底有蝦乾同大地魚香味 仲加左腩汁 夠哂香濃 點 d辣椒油都十分唔錯🙃🍴招牌凍薏米水 18 蚊🧊跟餐加8 蚊薏米甜度剛好 足料又有口感 飲落夠哂潤#水餃 #河粉 #鳳城水

這次在佐敦附近覓食，突然想起腸粉😆，看到這家店舖決定進去吃點東西吧。店舖同時間可以吃粥和麵食，而且還有飯可以吃，挻多元化的小店😆。💥蜜味叉燒腸 HKD$32，腸粉外皮很薄身，賣相晶瑩剔透很引🤤🤤。腸粉口感很滑，配上甜甜的叉燒挻不錯😆的很快就被我吃光了🤭。💥香脆炸兩腸粉 HKD$32，這個腸粉的外皮也是晶瑩剔透😍。雖然被我們攤放了一子女但吃的時候炸兩口感很脆口，挻喜歡這個口感😆😆。💥海南雞(例牌) HKD$70，原來例牌也很大份🤭量海南雞賣相不錯😍。雞件肉質滑身，雞皮口應爽口而不肥膩，配合醬汁來吃味道更鮮😋。💥盛記招牌雲吞麵 HKD$35，小店有麵食所以就點碗來吃吧。一碗共有三粒雲吞，蝦肉爽口挻好😆😆。麵底份量不過不失呢，麵的“梘水”味不會太重。小店食物質素不錯，最喜吃腸粉😍😍，因為很滑身又薄😆。另外點了兩杯飲品，凍檸檬茶和熱鴛鴦，飲品味道香濃，吃到口乾來一口最好不過🤭。

廣東美食帶到香港！最近發現到佐敦一間 盛記粥麵餐廳裝修只是一般，但粉麵確係真材實料，不錯👍🏻，今晚和朋友過來品嚐餐廳招牌美食。我們點了好幾款餐廳特別的招牌菜😋淨雲吞 $38第一時間先喝啖湯，試吓湯底如何？果然沒有令人失望，湯香味濃，真材實料嘅大地魚熬制而成，一點都不馬虎！ 雲吞以原隻海蝦包製，皮薄餡靚，保留了傳統美食文化👍🏻👍🏻。牛筋牛腩麵 $42軟綿綿的牛筋，黏口軟彈，惹味牛腩配合爽身生麵，絕對係冇得輸！及底粥 $48豬潤、牛肉、豬肉丸、粉腸、豬肚材料豐富，爽口鮮甜豬潤，果然名不虛傳！加少許胡椒粉，更提升及低粥。桑寄生蛋茶 $8幾乎不可相信的價錢，茶香蛋滑入味。凍薏米水 $8粒粒薏米夾雜着細小的薑粒，消暑解渴。豬潤腸粉 $25最後還是穏不住口，多來一碟豬潤腸粉，腸粉好像玻璃般透明，即叫即蒸。每人幾拾蚊就食到飽飽，而且品嚐到正宗廣東美食，有時間必再度一聚

這一間位於佐敦的麵店是同事力推的，今日就在無咁忙的lunchtime 到訪。店子裝修企理，座位也沒有一般粉麵店咁擠迫。今日午餐點選了幾款item: 淨雲吞、牛筋腩撈麵、牛筋腩麵和腸粉。淨雲吞$35真是份量十足！一碗有成八粒雲吞。雲吞是傳統的大小，一口一顆。餡料多以蝦肉為主伴以少量豬肉。雲吞的蝦味突出，而且口感爽彈, 雖然湯底無乜特別，但滿有樸實懷舊的味道。牛筋腩麵$42的牛筋炆得軟腍，充滿骨膠原；而牛腩軟身鬆化，肉味濃郁，不錯吧。腩汁湯色清澈，帶有淡雅的肉香，麵條不帶梘水味，口感軟中帶彈性。牛筋腩撈麵$52和剛才的牛筋腩麵味道相約，無論牛筋或牛腩都有水準，而且撈麵更加彈牙，而且不帶梘水味。最正的是蘿白，入口即化又淸甜無渣！超甜！混醬腸粉$25更是正！腸粉透薄晶瑩、入口十分滑溜，應該是鮮製的傳統布拉腸粉，加上芝麻，麻醬、甜醬和豉油，十分滋味！必試。熱奶茶$5的味道就平平，奶唔夠香滑，茶味比較濃。現在傳統的腸粉已經越來越少見，這腸粉真好吃！下次必定再訪！

在香港待了兩年，吃過的平民粥店至少也超過10多家，這家有到目前為止我吃過最好吃的豬潤粥。豬潤處理得恰到好處，不會太老，口感鮮嫩。由於這家的豬潤切的蠻厚的，咬起來特別爽，非常推薦。

呢間盛記，真心唔起眼。同事返左幾年工都唔個有幾間野係道。我之前有食過，但好快忘記左佢。今日路過入去，比到新鮮感我。佢同平時去既粥鋪好唔同。叫左魚片粥，同埋叉燒腸。個叉燒腸先係重點，係好滑，又唔會好重味。個魚片好多細骨，但係足料同鮮味既！加3蚊要左杯熱薏米水，好多薏米係杯底，野飲比較杰身。味道係好飲既~埋單六十一蚊，午餐黎講有啲貴既~地方唔算大，勝有有皮椅子，坐得舒服。EE唔會崔我落單，崔我走。好好禮貌，抵讚。

係佐敦白加士街，淨係呢條街已經好多餐廳，雖然好多間我都會試，但呢間我已經嚟過幫襯幾次喇，次次嚟我都係叫呢個「蘿蔔牛腩飯」架，實在好岩我胃口，因為個汁係夠晒味又唔會過咸，腩肉味幾香架，蘿蔔好鬼淋呀，索晒汁，而且份量幾好加埋喜歡佢白飯同餸係分開上的，熱辣辣，好正。另外，佢仲有樣我好鐘意既飲品，薏米水，加錢就有得飲，勁多薏米，仲要有加薑去煲，薑味好夠（如果飲唔到薑辣就唔好叫喇），大愛呀，哈哈。食物整體滿意，有機會會再嚟食的。

腸胃不太好，本來理應要食粥清一下，但平常間唔中都會食下粥，食得多就容易見生厭。今天就頑皮一點，就想明知不太舒服底下，也要來碗廣府式，味偏濃的河粉來作午飯....隨便走入這所看似其貌不揚，普普通通的粥粉麵舖，料不到其出品又有不俗的水平....又係點我最喜歡叫的水餃牛筋腩河。前者隻隻漲卜卜甚見飽滿，饀內見鮮甜且木耳絲下得夠重手，咬落爽脆；後者炆得入味又軟熟夠晒膠口，腩位亦同十分軟淰絕無黐牙之弊，是典型美味牛筋腩的代表....可恨今天胃口不佳，就算面對如斯有水準的粉麵，最後也不能吃畢一碗，浪費了師傅的一番心機，真是罪過....

店鋪位於白加士街，人流比大馬路少，若不是有介紹，就肯定錯過這間高質素粉麵。下午茶時間，不用等位，翻過一會兒餐牌，就想好了要吃牛筋腩河。原本可以加三元飲薏米水或桑寄生茶，但不合我口味，所以沒有點。嘩! 果然高質素，首先兩大塊白蘿蔔，十分清甜，沒有根沒有渣。湯底據稱是大地魚做的，沒有味精的味道，不會很鹹，所以可沒有負擔的喝下去。再來是兩大條牛筋，及四、五塊牛腩，都很嫩滑，牛味很濃郁，還有充分吸收了大地魚湯及牛筋腩味道精華的河粉，份量不少，非常好味。因蠻喜歡重口味的, 還加了辣椒油，但不是普通辣椒油，而好像是有XO醬成份的有小蝦米在裡面，不是一般的鹹+辣，而是有層次的鲜、香、微辣。埋單有打折，四十元有找。如此質量，物有所值。

返工之前想食個快餐，經過依間粥麵檔，就入叫咗個招牌雲吞麵本身冇做過任何research隨便入去食，都冇乜期望嘅，但係我覺得佢嘅雲吞面整得俾好多地方都好味雲吞皮好薄，然後入面嘅蝦同面底都好彈牙，令到成個面嘅質感都好好所以依個雲吞麵係值回票價嘅（$35）下次會再嚟食其他野食望一望啲圖解，店主話湯底係用左大地魚湯嘅，係咪大地魚就唔識啦，但係湯底係濃郁啲同有甜味（食唔出味精）趕時間食粥麵檔就最啱，20分鐘就已經食完走人啦

今日路經佐敦白加士街，被這間盛記粥麵吸引著，提供的下午茶竟然可以跟糖水。還要是特別的桑寄生蛋茶。二話不說即刻走入去試試牛筋河全部都是牛筋，蘿蔔超入味。配埋桑寄生蛋茶都只是36元太超值了

店內地方光猛潔淨，睇餐單除單點外，亦有特選套餐，粥粉麵飯任配都得，自由度很大。如吃得較多的人，應是套餐抵啲。最後選了皮蛋瘦肉粥+豬潤腸，送熱薏米水。皮蛋瘦肉粥都很大碗，粥底亦綿，粥較多，但料就不算太多，ok啦！但一定夠飽。豬潤腸，皮薄兼滑，相中都可看到有幾透明了。覺得即製腸粉勝過粥了。豬潤一小塊一小塊的，蒸得剛剛好，熟得嚟咬落仲有些爽口的。熱薏米水，有很多料，除薏米外，仲有蜜棗和薑片一起煲出來的，唔太甜且帶有薑味，很暖胃。

無心插柳光顧此店，走傳統廣東粥面路線。叫了雲吞米，牛腩米，鯪魚球。牛腩面有誠意，肉淋味香，有陣陣陳皮香，精彩在那兩片蘿蔔，非常好食。牛腩面都有蘿蔔，可看到其用心。雲吞大細適中，廣東細蓉風味，湯頭香。本來想叫河粉，但已賣晒，下次再試。鯪魚球新鮮炸起，可口推介意米水、足料、仲要免費跟餐未試粥，下次再來光顧佐敦區新店推介之選