盛記粥麵

营业中

休息中

After i have woke up , it was already nearing lunch time. I need this long rest after a long week of stressful work. Since we were lazy to cook noodle, i decided to go down to buy some food back home. 盛記粥麵 was located at Parkes Street, couple of minutes walk from Jordan MTR.Being a traditional HK shop, it served congee, noodle and rice. For every congee, rice or noodle ordered, we can top up a little for their appetizers and drinks. Hot and cold barley water - The staff was generous with the por

今日到佐敦覆診，睇完醫生喺附近醫肚，行到白加士街好多食店，另一半想食粥於是揀左間唔起眼嘅粥店。"盛記粥麵"，舖面好普通，入到去感覺整潔光線足，坐得都算舒服，幾有人氣食客不斷！ 都好多選擇，除粥粉麵仲有牛腩飯，豬手飯，仲有多款小食;子羗皮蛋，鹵冬菇，蘿蔔牛筋腩，炸雲吞，南乳雞翼……等。 好吸引，樣樣都好想食！艇仔粥，粥底好靚！係生滾粥！''稀傑"適中，好鮮甜，料又足又靚！有滑滑鮮魚片，豬肚絲等。真係一碗靚粥！非常回味！炸鯪魚球熱辣辣！脹卜卜！好彈牙！雲吞粒粒好似條散尾金魚咁，啲皮滑脫脫，蝦肉爽口彈牙非常新鮮！我揀左比較少食嘅"鯇魚片腸粉"因爲怕腥，見依度D料咁新鮮都試一下！果然一啲都唔腥！腸粉爽口幼滑！魚片鮮甜！凍薏米水同奶茶一樣咁正！薏米粒粒滑滑+煙韌好有口感，清清甜甜，好舒服潤喉！每樣食物都咁好味！該爽就爽，該滑就是滑，該鮮就鮮！食完好回味！真係唔可以錯過嘅粥麵店！

成日都見到樓下呢間舖頭好多人食經過見到唔使排隊即刻入去試吓開頭以為呢間舖頭淨係賣粥麵原來仲有好多小食😆😆😆.淨雲吞一碗有八粒 唔算係好大粒可以一啖食一粒😂😂個雲吞皮超級薄 淡淡都係蝦肉食落去仲有啲胡椒香有驚喜.牛筋腩面呢個牛筋腩麵係我喺佐敦食過最好食嘅炆得啱啱好 唔會太過鹹份量唔算好大 所以個胃有空間可以食小食.腩汁蘿蔔蘿蔔鮮甜而且完全冇渣配上腩汁 食到停唔到口.蒜香南乳炸雞翼 4隻雖然都有雞翼等咗差唔多15分鐘但係佢係即點即炸一上枱已經聞到好香嘅香味.呢度嘅炸兩係超級出色又係即點即做腸粉皮唔會過厚油炸鬼香脆可口 嚟到呢度食嘢必點！.凍招牌薏米水十分足料 因為冇落糖漿所以唔會過甜健康得來又解渴👍🏻👍🏻👍🏻👍🏻.好想下次再嚟試吓佢嘅粥應該都唔會令我失望😙

盛記係佐敦一間街坊粥鋪，哩排食得多好野，就食下粥清下腸胃。盛記嘅粥品唔算特別多款，大路嘅款式都有，價錢由$20至$68，除左粥品，佢亦有港式湯麵同撈麵。佢地有個粥麵飯套餐，叫任何粥/麵/飯，可以用優惠價加配小食、油菜、腸粉或者野飲，都幾抵食。招牌狀元及弟粥($48) - 及弟粥都大碗，粥底綿滑，入面好足料，有粉腸、豬肚、肉丸、豬潤同牛肉。其中我最鍾意係佢地嘅豬潤，因為煮得太熟，食落仲有啲彈口。巧制手打肉丸拼鯇魚片粥($50) - 哩度嘅粥品加$12就可以雙拼，雙拼粥料份量唔係各樣一半，加$12拼嗰款粥料會少啲，所以點粥時要留意。肉丸都幾多，有五六粒，幾彈牙。鯇魚片因為係加$12雙拼，所以份量唔係好多，鯇魚片肉質都幾腍，唔會太鞋。京都炸醬撈麵($46) - 炸醬辣辣地好惹味，撈麵夠鬆唔會痴埋一舊。叉燒腸粉(跟餐加$25) - 腸粉有三大條，腸粉皮唔算特別滑，不過入面就幾多叉燒，成條腸粉都滿晒叉燒。凍薏米水(跟餐加$8) - 薏米水唔會太甜，杯底都幾多薏米。凍檸茶(跟餐加$8) - 檸茶有四塊檸檬，好足料。總結，套餐好抵食，每人一舊水唔洗已經有一粥一腸粉一野飲，野食唔差，冇飯開都係個唔錯嘅

佐敦附近一向有幾間聳立已久的著名粉面店，可是我一直覺得有一點名不符實，始終和很多著名餐廳的弊病一樣，出了名質素難免下降，上星期剛好在佐敦附近下班，之前聽聞過朋友說這一間小店雖然比較不出名，可是粥麵有驚喜，於是我便動身過來一試，果然沒有介紹錯並值得推薦先說菜單款式並不像其他粥麵店一樣，還提供不少小食和菜式，頗有誠意聽從店員推薦點了他們的及第粥，果然沒有介紹錯，先說粥底，綿滑有米香，質感亦不像坊間粥店有加入大量生粉偽造綿滑效果，另外配料非常非常豐富，不得不提豬潤口感一流，剛好的厚度配合剛好的火候，驚喜還點了普通粥麵店沒有提供的海南雞，同樣非常驚喜，即使雞胸部份亦同樣嫩滑，帶有鹹香，另外廚師亦進行冷河處理，令到皮肉之間充滿骨膠原啫喱，十級推薦炸鯪魚球，配合套餐只要$28，入口香脆，但魚肉嫩滑，並沒有什麼可以挑剔的地方總括來說這一間餐廳比起他附近比較出名的粥麵店有過之而無不及，非常推介

今日放假，約咗幾位同事去油麻地做facial,攪掂晒出嚟個個都好肚餓，剛好見到美容院對面有間盛記粥麵，地方整潔，燈光明亮，大家都同意入座試吓！餐牌粥、粉、麵、飯都有，也小食和飲品，如果叫套餐價錢有優惠。招牌狀元及第粥：粥底綿滑，豬膶、豬肚、豬心、粉腸都爽口，肉丸鮮味。脆炸兩：腸粉是拉腸手法，薄身透明滑溜，油炸鬼仲脆卜卜，除客人喜好加入各種不同醬料，十分美味！凍鴛鴦夠凍夠濃味。盛記招牌雲吞麵：湯底用大地魚、蝦殼、豬骨、金華火腿和羅漢果熬煮而成，味道香濃鮮甜，雲吞皮薄餡鮮，每粒都有鮮蝦，十分爽口。麵質爽彈。馳名鳳城水餃麵，水餃比雲吞大隻，皮一樣薄，亦有鮮蝦，但多了木耳絲，口感更爽。飄香南乳豬手撈麵，豬手炆得林度剛剛好，夠香夠入味，麵條加咗南乳汁，又爽又惹味，撈麵還會配一碗鮮甜的大地魚湯。招牌薏米水，濃郁香甜，還有很多薏米，十分足料！

路過這間盛記小店，諗住食碗雲吞麵及腸粉簡單醫下肚，但竟然地有驚喜。環境雖然不大，但勝在地方乾淨企理，疫情關係他們都盡量安排食客坐開一些，不會撘枱，所以坐得舒服。他們主打生滾粥，雲吞麵，腸粉等，雖然價位比較高一些，但食物是即叫即做，質素不錯。雲吞麵都算大碗，一碗有4 粒大小適中的雲吞，餡料的豬肉跟蝦的比例各一半，幼麵沒有鹼水味，湯底不油膩，有一陣陣九黃香。加$3 點了一杯薏米水，薏米的份量頗多，薏米煲得淋身透明，飲落清甜有薑味。而水餃撈麵，比湯麵貴$10，撈麵會多了一碗上湯，附上蠔油來撈，其實應該要豪一點食蝦子撈麵。水餃皮薄，餡料足，都是有4大粒。炸兩腸是餐廳推介，即叫即做，熱騰騰，腸粉是手拉腸粉，做得皮薄透明，包著脆卜卜的油炸鬼，好味。

為咗避開人多嘅地方，行到差唔多九龍公園附近，先搵餐廳食。見哩間有啲人氣咁，應該唔錯，所以就入嚟試下。雲吞麵 湯底唔會重鹼水味，麵質彈牙，煙韌。正宗食法，雲吞藏喺底，蝦肉又滑又彈牙。細細粒但高質。淨食牛筋牛腩蘿蔔 牛筋牛腩好淋好入味，牛腩無黐牙，入口就有少少溶喺口的感覺。蘿蔔吸收咗湯底的精華， 所以有淡淡的湯底味，而本身又清甜又冇渣，真係要讚下!口水雞飯雞好滑嫩， 麻麻辣辣，辣味不會持續很久，偏麻味。 好適合配白飯 。原來仲有套餐， 加少少錢可以多個油菜同飲品檸檬底薏米水清甜解渴，薏米有咬口

起碼大半年冇去過佐敦區，呢區出名食店多、按摩店多。一條白加士街食店多到令人有選擇困難症。搵下搵下來到 「盛記粥麵」中午時段，大家都要略等位，不過好快就入到去。天氣熱成咁，食粥熱辣辣，建議不如吃小食，加上有咖啡、奶茶，成件事變得好完美。打開餐牌，原來粥粉面飯乜都有，勁吖！見到差不多張限枱都有叫腸粉， 應該無死，就叫一碟試試。    $32腸粉皮夾夾令， 十分透薄， 錎料多到 BID 晒出來，很充實啊 ! 免治牛肉充滿莞茜香，富彈性， 配上甜豉油， 超好味呀，高水準  $75 四件大蘿蔔墊底，蘿蔔相當清甜；又夠鬆化，超正； 牛筋是我的至愛， 切得夠大件 ，唔會炆到散開晒， 件件都十分完整， 口感軟棉充滿膠質， 令到咀仔也黏黏的，柱侯醬完全將牛筋包圍著,  超入味， 牛腩亦同樣鬆化，但不會太多肥膏。 即點即炸  $35每不粒也大小都一樣， 鯪魚味很出， 蔥和莞茜味足，口感香脆彈牙，蘸點超惹味蘸點蜆蚧醬一起吃， 再喝一口凍奶茶，無得輸的人間美食呀! 凍央$18 、 凍奶茶$18價格較茶餐廳平宜，雖然水準不以及茶餐廳，茶香是有點不足，但可以接受。 

呢排好多飯局食多左想清清地，於是決定食粥清下腸胃。呢間粥品店冷氣夠就算天時暑熱都唔怕食到大汗搭細汗！招牌狀元及第粥 $48粉腸/豬肝/豬膶/豬肉丸/豬肚等內臟，而且大大份落足料，性價比高！美味黃沙豬膶粥$42豬膶厚身+爽口唔老，粥底方面做得非常出色，係旺區黎講非常高質！由於係即叫即煲系列記得早啲落單。蝦腸 套餐加配價$32/魚片腸 套餐加配價$25即叫即蒸腸粉，師傅在粉皮蒸煮處理不錯時間剛剛好，皮薄滑溜賣相吸引，注意減分是魚片有少量魚骨，但整體不錯！

朋友推介這間佐敦的粥店，便趁今晚有空，來到這裏一試。肉丸粥$38，加叉燒腸$25。肉丸爽口彈牙，有六粒之多，而且粥底綿綿，稱得上一碗好粥。叉燒腸粉嫩滑而爽口，不會過硬或過軟，如果叉燒的味道再好一點，絕對是一件出色的腸粉。及第粥$48，加芥蘭$16及第粥內有豬潤、豬腰、粉腸、豬肚和肉丸，清洗得很乾淨，加上酒香，沒有一點騷臭味，令人有點驚喜。芥蘭不會過硬，爽鮮而不帶苦澀味，以這個價錢，算是十分超值。海南雞例牌$70，雞肉嫩滑，雞皮爽脆，加點姜蓉或辣椒醬，味道更加出色。　

天氣太熱了，午餐都不想食得太油膩，粥麵其實是最佳選擇。佐敦一帶大大小小都有好幾十間粥麵店，同事提議來了呢間。店舖雖然不大，但坐位與坐位間有距離的，舒適。從小到大都好喜歡粉麵之類，清清地。雙拼雲吞，水餃河，湯底清徹，非常甜美，相信絕無味精。河粉幼小滑溜。雲吞小巧的一粒粒，蝦隻爽彈。水餃餡料豐富，有口感。炸鯪魚球，爽口有彈性，最重要炸得不油膩，好吃。祛濕最好飲番杯薏米水，材料十足，味道濃郁，夏天最佳飲品。

來到佐敦美食集中地，大熱天時，我真不想在門外排隊等食，經過一間粥麵店，看見食店光猛企理，便進去。看過餐牌發覺超抵食，叫了一枱食物都不用$200。<炸鯪魚球>鯪魚肉味濃彈牙，肉質鬆軟，裏面的蔥很香，一定要點不鹹的蜆芥醬一起食。<熱招牌薏米水>杯中有很多薏米，薏米味濃，還有很香的薑味。<桑寄生蛋茶>驚喜十足，桑寄生茶味濃郁，蛋有點似茶葉蛋。<蠔油菜心> 菜心爽脆，食店很細心將蠔油放在一旁，如不喜歡蠔油的人可以避開蠔油。<黃沙豬膶腸粉>豬膶不會有異味，腸粉皮頗厚。<京都炸醬撈麵>豬肉是切條有嚼口，醬汁不會過紅，微辣微甜，正合我意，麵條幼身沒有鹼水味。<招牌狀元及第粥>粥都幾大碗，熱辣辣，內裏有很豐富的材料如豬膶、豬肚、豬腸、豬肉丸和牛肉，材料新鮮，只有少許胡椒香，用腐竹去煲的粥果然不同，粥底綿滑。招牌狀元及第粥值得一試！

無意間發現呢間粥店，食過番尋味，今次又再黎。粥麵飯可以跟餐，叫左個牛筋腩麵($42)加炸兩($25)，飲品要熱薏米水($3)。同行朋友要雲吞麵店$35)加南乳雞翼($28)凍薏米水($8)。牛筋腩麵牛筋腩好林亦入晒味。薏米水好足料，好夠薑亦好多薏米。炸兩係我地最愛，成日番黎再食，腸粉皮好薄亦好軟，內裡炸兩脆卜卜。南乳雞翼都好香口，雞肉亦唔會乾身。

<好耐冇食過高質既粥粉麵>😍呢間喺佐敦既盛記 係茶記格局 主要食粥粉麵飯 整體食物質素高 水餃 湯粉 海南雞試過都正 下次有機會要試下佢既粥😍🍴蘿蔔南乳豬手 70 蚊🐷大大碟南乳豬手 好多舊豬手😆大隻得黎啖啖肉 充滿骨膠原 啜骨正👍🏻 南乳汁好香濃 咸甜適中 口感黏稠 令豬手好入味 白蘿蔔煮得好淋 夠甜冇渣吸哂 d南乳汁都好正🍴黃沙豬潤腸粉 32 蚊🐷跟餐 25 蚊豬潤腸粉有三件 , 腸粉皮薄得黎帶 d爽口 晶瑩剔透 豬潤厚切粒 夠哂彈牙 熟程度剛好 豬肉味香🐖 加 d甜豉油就好味🍴海南雞黃薑飯 48 蚊🐤海南雞係雞脾 好正 夠爽滑彈牙 外面皮夠爽 肉質嫩滑 點 d辣汁 同沙薑汁都正 黃薑飯 薑味夠香 飯粒既黃薑好入味 而且咬落有口感 同海南雞 perfect match 🍚🍴馳名鳳城水餃河粉 35 蚊🥟🍜鳳城水餃整得出色 餃皮夠爽口同夠滑 帶 d蝦子調味🦐蝦肉彈牙 仲有爽口木耳 河粉比較闊身夠爽口 湯底有蝦乾同大地魚香味 仲加左腩汁 夠哂香濃 點 d辣椒油都十分唔錯🙃🍴招牌凍薏米水 18 蚊🧊跟餐加8 蚊薏米甜度剛好 足料又有口感 飲落夠哂潤#水餃 #河粉 #鳳城水