發哥粥底海鮮火鍋 (已結業)

窮遊香港-抵食大份海鮮粥底火鍋.今日講既呢間餐廳都幾隱世 係九龍灣工廈入面有雞煲任飲任食餐但今日主要講海鮮粥底鍋.呢間粥底火鍋海鮮勁大份抵食呢日叫左⭐️龍蝦餐$278（餐牌睇圖）包左勁多野（前菜2款 湯 8款海鮮 8款火鍋料 同 安格斯牛）同埋 呢間粥底火鍋有任飲雖然野飲款式唔多 但其實淨飲竹蓆茅根都好夠仲有好多時其他火鍋 都要$10一罐汽水呢到圍番平過其他店.一開始 上左前菜👌🏻雞腳 雞皮爽口 味道唔辣得酸味 開胃既👌🏻青瓜 冇咩特別野講.之後上左 ⭐️冰鎮鮑魚 同埋 ⭐️花膠雞湯👍🏻冰鎮鮑魚 爽口 醬油調味過 加埋麻醬 好好食👍🏻花膠雞湯 高質燉湯如果片走埋 表面層厚厚雞油就完美.終於到重點啦8款海鮮👍🏻份量真係好多 基本上食完海鮮已經會覺飽既程度👍🏻龍蝦 貴妃蚌 蟶子皇 鮮甜 都勁厚肉👍🏻多寶魚肉質都好滑👍🏻黃金蜆都大粒 食極都有🤔唯一唔得既係 有2粒有沙.食完仲有8款自己揀既火鍋料（‼️每樣又係好大份 冇位放圖啦）建議叫一d可以幫個粥提鮮既例如 雞 花膠 豬潤果d肥牛就唔太建議啦最後店員幫你落埋 南瓜菜譜粒....等等精華所在 ⭐️海鮮南瓜粥 就完成啦個粥真係好好食.是日坐左好耐先食得哂

想揾個地方好好地慢慢食返餐，可以嚟呢間。位於九龍灣的廠廈區，下午是茶記，晚上變火鍋。靈活變通的香港精神。入口處都幾私密架，不過勝在人流唔算少，跟食客行啦。粥底火鍋有套餐，價格合理冇離地。二人份量的海鮮拼盤，好豐富呀！活潑的鮑魚仲響到玩薑絲，生猛到呢！龍蝦大隻，仲啖啖肉架，成 set 都係二百幾咋，真係好抵。花蟹亦好鮮甜，有蟹味架。秋風起，正是食蟹好時機。蟶子好大隻，好肉、爽口、鮮甜。粥底鍋配多寶魚其實真的幾夾，好嫰好滑，又唔會散，唔怕魚骨散落粥裡面。食得多白蟮脆鯇，轉轉口味都不錯。自家製蝦滑，認真冇得輸。食到彈牙、鮮甜、有蝦味，必食的。泰醬焗青口，上枱超級熱，小心辣親。青口夠肥啖啖肉，好滋味。燉湯每人一盎，好足料好有味，可能用左雞腳，面層油左少少，「畢」走D油就飲得。飲品除左汽水，仲有自家製竹蔗馬蹄水，清熱又滋潤，好啱呢個天時飲。

去滾，今次揀左粥底火鍋。價錢牌有呢張，每人二百幾蚊就有頭盤同靚湯，半隻龍蝦或海蟹，再加個海鮮拼盤，安格斯靚牛及八款自選火鍋配料，都幾多野食架。燉湯是螺頭雞湯，仲有幾粒瘦肉。好老火，好好味，幾有誠意的。蒜蓉泰醬焗青口，小心熱噃！還有開胃小食，醃黃瓜同泡椒鳳爪。兩款都整得好入味，唔 hea 的。泡椒鳳爪食落仲有點辣，好過癮架。I like it 過癮完，即刻要搵罐野止下辣，套餐任飲的。連楊xx 涼粉水都有 ， N 年冇飲過既童年回憶呀！返到位，主角已經急急出場，有成八款生猛海鮮的大拼盤呀！蟶子皇很大條，貴妃蚌厚肉，海蝦亦係新鮮大隻的。二人份量，都幾夠睇頭。急不及待，即刻烚返隻爆膏龍蝦。有樣你睇，新鮮到不行，肉質結實彈牙。煮五分鐘左右 ok 架啦，鮮味鮮味！花蟹亦係好鮮甜多膏的，蟹我就會選擇煲耐少少，咁樣先會令粥底更加鮮味。安格斯牛肩肉，夠淋滑又有肉味，算大片有口感。脆鯇腩，幾脆的，不過略為唔夠魚味....... 冇計啦，嘴太刁 最後仲叫埋邪惡孖寶，粉腸 and 豬膶，放入粥底滾幾滾，嘩.......邪惡孖寶加埋D芋頭同南瓜，簡直就是 perfect 池

如果有朋友想食粥底鍋，基本上我都幾推呢間，發哥粥底，佢地喺九龍灣工廈，位置上唔算話好方便，但勝在唔會話好多好多人，靜靜地食餐飯ok嘅。最重要係價錢抵食，又慳番好多人工時間去買料佢有幾個套餐，人均二百五蚊左右，合理價位，包前菜、湯、多款海鮮、牛肉、8款自選配料，同飲品任飲。如果唔想食粥底鍋，亦都有雞煲可以選擇。醬料前菜有青瓜同雞腳，可以食住等海鮮上，前者辣辣地，又脆又開胃。燉湯非常正，湯料多有誠意蒜蓉烤青口好正，青口大隻，蒜味香，配搭泰式酸辣醬幾惹味！海鮮有海蟹、海蝦、鮑魚、蟶子王、貴妃蚌、多寶魚、蜆、沙白，非常豐富，呢D自己出去買，好難買到兩人份量全部都好新鮮，蟹肉多，又夠扎實，啖啖肉！海蝦、鮑魚爽夠彈牙，蟶子大隻又鮮甜！貴妃蚌同沙白好多汁，淨係海鮮排場都有睇頭。安格斯牛肉有板有眼，每人都有三大片，紋路平均，有肉香。其餘配料都一律收貨，份量大器，食到中段我地已經飽飽地食埋個粥底真係飽到上心口，店員仲好細心幫我地整碎D芋粒同南瓜粒，粥食落更滑同更甜。

呢輪好多商鋪都收得好早，連超市同街市亦然，我地約朋友食飯，都要預先打來餐廳確認有開門先出發。今晚食粥底火鍋，揀左呢間位於九龍灣嘅發哥粥底火鍋。呢度都幾大，估唔到平日都有唔少人，位置偏少少並冇影響佢嘅受歡迎程度。可能因為佢地日頭係茶記，夜晚做粥底，都有一班固定客人套餐形式，分4款：麻辣雞煲火鍋、龍蝦/海蟹/大胃王粥底鍋，價錢分別係238/278/428蚊，醬油每位15蚊。以我地揀嘅海蟹餐為例，每位可以有2款開胃涼菜、燉湯1盅、蒜蓉焗青口2隻。海鮮有鮑魚、海蝦、海蟹半隻、蟶子、貴妃蚌、黃金蜆、時令貝、多寶魚，仲有安格斯牛肩肉、每枱8款自選火鍋配料，最後仲包埋粥底同竹蔗水/汽水任飲。自選火鍋配料可以喺58款入面揀8款，按人頭份量提供，基本火鍋料都有齊，例如黑豚肉、滑牛肉、魚片頭、各款丸類、脆鯇、蔬茶、菇同麵食。如果唔熟悉海鮮類要煮幾耐，每枱都有張紙寫哂時間可以參考，方便起見，亦有提供計時器。青瓜辣辣地，幾爽口。泡椒雞腳幾過癮，未有野食可以妹下先。每位有一盅燉湯，熱辣辣，好足料，勁多瘦肉，仲有雞腳，清潤每位兩隻蒜蓉焗青口，超大隻，肉飽滿，質素唔錯上左鍋底就會陸續上火鍋配料，因為呢度冇特別限時，

上次同屋企人食過觀塘嘅新店，今次同友人嚟九龍灣店再回味下。涼菜都係有青瓜，另外一樣就轉咗係沙薑雞腳。青口焗得入味，好重蒜香同牛油味。鮑魚上碟仲郁郁下好新鮮，肉厚彈牙。足料老火湯，湯料有花膠、螺頭、雞肉等，無味精好清甜。海鮮拼盤好有份量，有串蝦、蟶子皇、貴花蚌、龍蝦同埋多款貝類。每一種都好新鮮，入口唔腥，鮮甜味十足。安格斯牛肩肉肉質嫩滑，牛味夠濃。另外可以揀多八款火鍋配料，有好多款選擇，份量啱啱好。竹蔗水無限量供應，打邊爐清熱氣絕配。喺未食之前以為唔夠食，點知淨係食完一轉海鮮已經開始飽，食完呢餐真係好滿足。

呢排諗起粥底火鍋又想試新嘢，咁啱朋友發現九龍灣有間粥底火鍋，就即刻拍板要去試，去到真係覺得堅有新意！工廈茶記打邊爐仲要係粥底火鍋！哈哈，我本人其實都幾鐘意茶記架，不過茶記火鍋又似乎出位左啲！又不過，坐低之後驚喜陸續來！首先，睇餐牌，有龍蝦餐、海蟹餐仲有大胃王海鮮套餐！我就梗係揀龍蝦餐啦！個餐有原盅炖湯、前菜、焗青口、龍蝦、鮑魚、安格斯牛肩肉，仲有自選8款配料竹蔗水、汽水、解茶任飲，每位$278+茶芥醬油費，我就覺得價錢合理喇！開動！前菜係手切青瓜：爽脆！ 原盅炖湯：堅認真！滋潤好味！焗青口：新鮮，建議簡單蒜茸蒸，唔好加醬搶味。冰鎮鮑魚：鮮！正😍龍蝦連同其他海鮮冰盤上（原來仲有其他海鮮😍😍😍）龍蝦新鮮，新鮮到會郁架！鮮甜彈口！其他海鮮有蜆、蟶子、蚌、海蝦等等。安格斯牛肩肉：鮮，有濃香牛味。其他八款配料我哋揀咗蘿蔔、牛丸、鮮雞、脆骨腩、花膠、手打墨魚滑、手打蝦滑、雲吞。本人覺得鮮雞、墨魚滑、蝦滑一定要叫！好彈牙！最後，輪到個靈魂核心粥底啦！食到尾段，侍應過嚟話落埋啲粥料，粥料有芋頭粒、南瓜粒同粟米粒，我即時驚驚地！落呢啲？我唔鐘意架！但個侍應好耐心咁解釋話落左個粥底會綿好多同好食啲，我又未

早排去睇吉卜力展，無意中發現的一間海鮮粥底火鍋，雖然話工廠區，但由德福戲院行過去5分鐘唔洗，我觀塘放工過去半粒鐘内到～方便過出尖咀旺角啦～我發覺工廠區食晚飯有個有處，就係啲人放工會流返去商場搵食，所以訂位或walk-in 都易好多！呢度原來茶記火鍋共冶一爐😋火鍋餐選擇：🐤雞煲$238/🦞龍蝦$278/🦀蟹$238/大胃王海鮮（原隻龍蝦+蟹）$428——————————————————————我揀左龍蝦餐，包括：熟食：涼菜、燉湯、焗青口海鮮：龍蝦、鮑魚、多寶魚、蝦、蚌、貝、蟶子火鍋料：安格斯牛肩肉+只選8款飲品任飲最後仲有樣佢無寫嘅，就係個粥嘞！店員會於後段加入芋頭、南瓜、粟米煮，最後最後先加白粥底！用粥水打邊爐～呢度係三人份量～食落就知佢真係好新鮮，龍蝦/海蝦啲肉係彈嘅！蟶子/蚌/蜆都好甜，無沙～落單後為你送上燉湯，好好好好飲！啖啖精華～有涼拌青瓜同花生小食～醬料自由配搭～上面嘅蒜蓉加咗啲醬，食落甜甜地，味道不錯唔試唔知，原來多寶魚打邊邊係咁好食，肉質嫩滑好不得了！鮑魚有兩個選擇，鮮鮑魚打邊爐/ 冰鎮鮑魚即食我揀咗冰鎮，食落去帶種甜味，原來係用清酒浸！咬落爽口彈牙！原來凍食係咁好食😍😍

食過觀塘分店念念不忘，今次試埋九龍灣站，睇吓係咪一樣咁好食。Encore龍蝦餐，食完涼菜就上咗成盤海鮮，睇見都流晒口水。食海鮮前飲咗盅燉湯先，雞湯好香，又足料，有我最鍾意嘅螺，係正嘅。蒜蓉泰醬焗青口又係好吸引，大大隻青口，好肥美，個醬又好食！開始食海鮮，海蝦超爽口彈牙，每隻都唔細，好鮮甜。貴妃蚌大大隻，點少少醬油已經吊到個鮮味。今次試咗新鮮鮑魚，唔難咬，合格有突。龍蝦肉都好彈牙，好好食，絕無欺場。牛肩肉唔多肥膏，唔會話好肥，肉質亦唔鞋，係靚肉。仲有多寶魚。另外可以點多八樣配料，牛丸同韮菜餃都好正，要點！墨魚滑都值得一試。仲有鮮牛肉。Encore一樣咁好食，飲品又任飲，抵食！

今日約左朋友係九龍灣行下街，下完見到工廈有間食粥底火鍋，睇到食評都唔錯，一於會一會佢！係工廈入面，好在指示都算清晰，好快搵到！我地兩個人坐卡位，好闊下，位置唔錯！有幾個餐可以選，我今日好想食龍蝦，叫左龍蝦餐！正 ✌🏻首先黎左 前菜 拍青瓜，酸酸辣辣好開胃！再黎係 蒜蓉焗青口，個醬都幾野味 👍🏻呢個應該係花膠濃雞湯，勁濃呀 😱 好好味！入面仲有好多湯料 👍🏻 花膠都有兩片，唔錯！但油左少堂，隔埋就完美喇 🤣食完飲完頭盤，黎左個海鮮拼盤 😱😱 好精彩！好多野，見到個盤，我地兩個異口同聲話...真係食得哂？🤣入面有龍蝦、鮑魚、蟶子、海蝦、、多寶魚、貴妃蚌同大量既蜆！所有野都好新鮮，見到仲旭架，落粥底要小心...會增扎！仲包安格斯牛肉，牛肉好淋好濃味！豬仲好滑添，兩個都高質！呢個價錢好抵食，兩個人食唔哂！個粥食剩太多 😅 下次再黎要搵大食既朋友 😋😋

約左朋友去九龍灣工廠區食粥底火鍋，仲以為要行好遠，原來間餐廳就係其士大廈隔離，一落自動電梯就見到，不過門口就要搵搵，始於都係工廠大廈。入到去，地方都幾大，座位唔會迫迫夾，好彩我地兩個人，佢地俾左張4人檯我地，一上菜先發現多都唔夠擺。我地叫左個龍蝦海鮮餐，一黎先有前菜涼拌青瓜同花生，仲有勁足料花膠雞湯。飲品係任飲，汽水,烏龍茶,竹蔗矛根都有。好快個粥底就上左，海鮮都上埋，除左一人有半隻龍蝦，仲有鮑魚、蟶子之類，淨係食海鮮都飽。我地另外跟餐叫左8樣野，質素都唔錯。食到7788，侍應會主動幫我地加南瓜同蕃薯煮甜個粥底。到真係食哂肉，佢地仲會再加菜甫同粥，俾我地食埋個粥底。不過兩個人食，真係食唔落咁多，好飽。

喺附近返工返左咁耐，突然之間先知道原來呢度竟然隱藏左有一間粥底海鮮鍋店！我自己本身好想試粥底火鍋依樣野好耐，因為幻想起來應該都係幾好食，但係偏偏就未有機會，所以知道原來一直都係遠在天邊近在眼前，就快快手約咗朋友嚟試下啦！話說依間店係隱藏左有一橦工業大廈果度，日頭係做茶餐廳的，所以真係可能日日行過都未必知！呢度嘅點餐形式係要揀咗一個一款餐先，可以揀雞煲食雞煲，或者粥底海鮮鍋。我哋今晚嚟得就梗係揀粥底海鮮鍋啦！就揀咗海鮮鍋之後，就要揀海鮮可以決定食海蟹定係食龍蝦，當然個價錢係有唔同啦。揀好咗之後另外佢會再送埋一個海鮮拼盤，牛肉，同埋燉湯，仲有一份鮑魚扣花膠。除左依D SET好嘅野之外，仲可以再揀八款火鍋配料，最後當然有個粥底可以食啦，套餐價錢係包埋飲品任飲。所以雖然佢唔係任食，但係其實份量都好足。SET好個粥底鍋之後，海鮮就陸續來了。佢哋個龍蝦唔錯，非常新鮮，肉質非常好，彈牙鮮甜。仲有澎湃嘅海鮮拼盤，仲有其他火鍋料，都唔錯。當然最後食晒食晒啲料之後，就可以叫伙計過來煮粥，有少少似去日本食完SHABU SHABU之後整返個雜炊咁。個粥底每人可以食嘅份量都唔少 ，我地４個人食極都食唔哂。唯一要

9月生日既我 緊係令盡優惠 發哥粥底海鮮火鍋 🎂由8，9月生日每5 位即可享一位免費，每位奉送開胃涼菜2小碟每位時令燉湯一盅每位2隻蒜蓉泰醬焗青口大家可選新鮮鮑魚/冰鎮鮑魚當日我屋企人加男朋友 岩岩好5個人去試試佢海蟹餐 一開枱 就手拍青瓜同黑木耳 各一碟味道普普通通 不過不失再試足料湯 係螺頭花膠湯好鮮湯！ 媽媽都話正👏🏻之後上海鮮拼盤 我地就揀左新鮮鮑魚海鮮全部都好出色 連條魚都係！係個新鮮牛肉就大失所望之後因該係5人餐 打邊路配料只可以係Menu 58款 揀5款！係5款！話10人先可以任叫！🤔😰但佢由頭到尾都冇講到 連宣傳都冇講係之後比張單叫同我地講 只可以揀5樣 會足5人份量好啦 咁之後點左 墨魚滑、蝦 滑、脆鯇骨腩、台灣腸、生菜都唔係5人份量咖！屋企人都岩岩好但男朋友係唔飽☹️粥底 (粥膽、南瓜粒、芋頭粒、粟米粒)，人頭份量飲品任飲 但冇酒牌關係 所以要自己買酒！價錢方面如下：海蟹餐星期一至四 $238星期五至日 $248當日係星期六 所以$248加一 $272.8/位生日每5送1Total $1901 我覺得唔係好低啦☹️☹️☹️

朋友聚會，呢次嚟到九龍灣區嘅工廈食海鮮粥底火鍋。呢到日頭係茶餐廳，夜晚搖身一變成為火鍋店，除咗有海鮮粥底火鍋，仲有任飲任食雞煲！我地呢日揀咗發哥豪華海鮮套餐，有三個唔同價錢：👉🏻龍蝦餐(每位半隻)$278/位👉🏻海蟹餐(每位半隻)$238/位👉🏻大胃王海鮮餐(原隻龍蝦+原隻海蟹)$428/位最後我地揀咗龍蝦餐🦞套餐包咗開胃涼菜2小碟、時令燉湯一盅、蒜蓉泰醬焗青口；海鮮盤：龍蝦(半隻)、新鮮鮑魚/冰鎮鮑魚(二揀一)、多寶魚、海蝦、貴妃蚌、黃金蜆、蟶子王、時令貝；仲有一碟安格斯牛肩肉，同可以每枱任選八款火鍋配料。坐低冇耐，店員好快手，即刻拎左醬料/前菜/飲品俾我地：醬料分別有葱、芫荽、生蒜蓉、辣椒、炸蒜油、辣椒油。拍青瓜酸辣開胃。花生脆卜卜，一邊傾計一邊過口癮啱哂。自家制竹蔗水夠哂清甜；呢到除左有汽水任飲之外，連竹蔗水都有得任飲。仲有張粥底打邊爐海鮮時間表同電子計時器。開始打邊爐之前繼續有其他小食，包括：冰鎮鮑魚 - 鮑魚彈牙，味道鮮甜，配埋芝麻醬好清新。花膠雞螺頭燉湯 - 個湯好足料！好滋補！蒜蓉泰醬焗青口 - 青口爽彈，配埋蒜蓉泰醬，令人胃口大開！海鮮盤霸氣上場！有龍蝦，多寶魚，海蝦，