發哥粥底海鮮火鍋

早排去睇吉卜力展，無意中發現的一間海鮮粥底火鍋，雖然話工廠區，但由德福戲院行過去5分鐘唔洗，我觀塘放工過去半粒鐘内到～方便過出尖咀旺角啦～

我發覺工廠區食晚飯有個有處，就係啲人放工會流返去商場搵食，所以訂位或walk-in 都易好多！

呢度原來茶記火鍋共冶一爐😋

火鍋套餐

火鍋餐選擇：
🐤雞煲$238/🦞龍蝦$278/🦀蟹$238/大胃王海鮮（原隻龍蝦+蟹）$428

火鍋

——————————————————————
我揀左龍蝦餐，包括：
熟食：涼菜、燉湯、焗青口
海鮮：龍蝦、鮑魚、多寶魚、蝦、蚌、貝、蟶子
火鍋料：安格斯牛肩肉+只選8款
飲品任飲
最後仲有樣佢無寫嘅，就係個粥嘞！店員會於後段加入芋頭、南瓜、粟米煮，最後最後先加白粥底！

粥水底

用粥水打邊爐～

龍蝦餐

呢度係三人份量～
食落就知佢真係好新鮮，龍蝦/海蝦啲肉係彈嘅！蟶子/蚌/蜆都好甜，無沙～

超正！

落單後為你送上燉湯，好好好好飲！
啖啖精華～

前菜、醬料

有涼拌青瓜同花生小食～醬料自由配搭～

甜甜的～

上面嘅蒜蓉加咗啲醬，食落甜甜地，味道不錯

安格斯牛肩肉、多寶魚

唔試唔知，原來多寶魚打邊邊係咁好食，肉質嫩滑好不得了！

爽！彈！

鮑魚有兩個選擇，鮮鮑魚打邊爐/ 冰鎮鮑魚即食
我揀咗冰鎮，食落去帶種甜味，原來係用清酒浸！咬落爽口彈牙！原來凍食係咁好食😍😍😍

龍蝦先生原汁原味淥熟佢，什麼蒜蓉芝士都唔洗落，先能食出食材鮮味～啖啖肉新鮮彈牙！

各式火鍋料

火鍋料有58款，新鮮～仲有啲係自家制嘅～好似蝦滑墨魚滑同雲吞～

飲品

飲品任飲，無酒精飲品～

鮮甜無比！

終極大佬出場！
煲緊嘅時候一個話飽，一個又話無咩興趣，但最後食到見底囉！因為所有海鮮精華都落晒去，真係無得輸


總結：
整體食物質素高，新鮮！份量適中！不浪費是美德～
服務好，主動親切，有禮～
食店最緊要係衛生！就算只得簡樸裝修，但乾淨整理已經足夠！
價錢超值，無加一，只收每位茶介醬油$15！我食龍蝦海鮮餐，每人都係$293！我無諗過$300都唔洗囉！