影片
更多
2019-10-08
56 浏览
呢排諗起粥底火鍋又想試新嘢，咁啱朋友發現九龍灣有間粥底火鍋，就即刻拍板要去試，去到真係覺得堅有新意！工廈茶記打邊爐仲要係粥底火鍋！哈哈，我本人其實都幾鐘意茶記架，不過茶記火鍋又似乎出位左啲！又不過，坐低之後驚喜陸續來！首先，睇餐牌，有龍蝦餐、海蟹餐仲有大胃王海鮮套餐！我就梗係揀龍蝦餐啦！個餐有原盅炖湯、前菜、焗青口、龍蝦、鮑魚、安格斯牛肩肉，仲有自選8款配料竹蔗水、汽水、解茶任飲，每位$278+茶芥醬油費，我就覺得價錢合理喇！開動！前菜係手切青瓜：爽脆！ 原盅炖湯：堅認真！滋潤好味！焗青口：新鮮，建議簡單蒜茸蒸，唔好加醬搶味。冰鎮鮑魚：鮮！正😍龍蝦連同其他海鮮冰盤上（原來仲有其他海鮮😍😍😍）龍蝦新鮮，新鮮到會郁架！鮮甜彈口！其他海鮮有蜆、蟶子、蚌、海蝦等等。安格斯牛肩肉：鮮，有濃香牛味。其他八款配料我哋揀咗蘿蔔、牛丸、鮮雞、脆骨腩、花膠、手打墨魚滑、手打蝦滑、雲吞。本人覺得鮮雞、墨魚滑、蝦滑一定要叫！好彈牙！最後，輪到個靈魂核心粥底啦！食到尾段，侍應過嚟話落埋啲粥料，粥料有芋頭粒、南瓜粒同粟米粒，我即時驚驚地！落呢啲？我唔鐘意架！但個侍應好耐心咁解釋話落左個粥底會綿好多同好食啲，我又未
工廈茶記打邊爐仲要係粥底火鍋！哈哈，我本人其實都幾鐘意茶記架，不過茶記火鍋又似乎出位左啲！又不過，坐低之後驚喜陸續來！
首先，睇餐牌，有龍蝦餐、海蟹餐仲有大胃王海鮮套餐！我就梗係揀龍蝦餐啦！個餐有原盅炖湯、前菜、焗青口、龍蝦、鮑魚、安格斯牛肩肉，仲有自選8款配料竹蔗水、汽水、解茶任飲，每位$278+茶芥醬油費，我就覺得價錢合理喇！開動！
前菜係手切青瓜：爽脆！
原盅炖湯：堅認真！滋潤好味！
焗青口：新鮮，建議簡單蒜茸蒸，唔好加醬搶味。
冰鎮鮑魚：鮮！正😍龍蝦連同其他海鮮冰盤上（原來仲有其他海鮮😍😍😍）龍蝦新鮮，新鮮到會郁架！鮮甜彈口！其他海鮮有蜆、蟶子、蚌、海蝦等等。
安格斯牛肩肉：鮮，有濃香牛味。
其他八款配料我哋揀咗蘿蔔、牛丸、鮮雞、脆骨腩、花膠、手打墨魚滑、手打蝦滑、雲吞。
本人覺得鮮雞、墨魚滑、蝦滑一定要叫！好彈牙！
最後，輪到個靈魂核心粥底啦！食到尾段，侍應過嚟話落埋啲粥料，粥料有芋頭粒、南瓜粒同粟米粒，我即時驚驚地！落呢啲？我唔鐘意架！但個侍應好耐心咁解釋話落左個粥底會綿好多同好食啲，我又未試過就俾佢落啦！又繼續食，食完所有配料之後侍應再來落個粥胆同菜脯，個粥睇落好吸引，但我真係飽諗住試吓算，點知好味到係咁搯！
結果大滿足到～好飽呀！好味道！下次想食粥底火鍋都會嚟呢間！臨走前睇到佢啲下午茶餐都好似好正咁，要再嚟考察吓😆
张贴
