發哥粥底海鮮火鍋 (已結業)

上次同屋企人食過觀塘嘅新店，今次同友人嚟九龍灣店再回味下。涼菜都係有青瓜，另外一樣就轉咗係沙薑雞腳。青口焗得入味，好重蒜香同牛油味。鮑魚上碟仲郁郁下好新鮮，肉厚彈牙。足料老火湯，湯料有花膠、螺頭、雞肉等，無味精好清甜。海鮮拼盤好有份量，有串蝦、蟶子皇、貴花蚌、龍蝦同埋多款貝類。每一種都好新鮮，入口唔腥，鮮甜味十足。安格斯牛肩肉肉質嫩滑，牛味夠濃。另外可以揀多八款火鍋配料，有好多款選擇，份量啱啱好。竹蔗水無限量供應，打邊爐清熱氣絕配。喺未食之前以為唔夠食，點知淨係食完一轉海鮮已經開始飽，食完呢餐真係好滿足。