癡膠雞 (荔枝角道)

营业中

休息中

之前經過太子見到有間食花膠雞米線成日都full House，今日做嘢經過附近諗住試吓，等咗兩張枱就到了！佢一開始攞咗三個爐過來，都點了火，然後個鍋上，米線鍋是分開上的，一鍋米線，一鍋湯，個湯嘅份量超級大！而且好多雞件，唔同食材，是家裏的3-4碗份量！🤩招牌花膠雞濃湯米線$68個湯底好香花膠味，有雞、雲耳、蟲草花，個湯唔會好稀，稠稠地又濃，淨係飲都好鮮甜，啲雞索晒啲湯底，唔使加任何調味料都好好食！☺️藥膳黃酒花膠雞濃湯米線$68個湯底好濃藥材味道，而且一定飲到酒味，有紅棗、雞、雲耳，真材實料，雞件索晒啲藥膳湯底， 10分入味，連埋米線一流！😎呢個係胡椒豬肚雞一份$50個湯底有胡椒味，奶白色的湯底，冬天飲好暖胃，真係正！有雲耳、紅棗、雞、豬肚，份量都唔少😍個湯底同米線食到最尾都仲係好熱，因為一直暖住，冬天食真係超級正🤩跟餐加熱飲$4 ，加凍飲$6😇經過太子朋友一定要過嚟試吓呢間！價錢實惠真材實料，值得推薦！🥰

【太子•癡膠雞】@ππππππππππππππππππππππππππππππ手拍青瓜：呢碟手拍青瓜真係好開胃！青瓜拍得夠碎，入口爽脆，蒜香味十足，加咗少少辣椒油，辣得嚟又唔會太搶，食落好清新，啱晒做前菜！芥末雲耳：芥末雲耳真係好特別！雲耳本身爽口彈牙，加咗芥末之後，味道即刻提升，嗆鼻得嚟又唔會太嗆，食落有少少刺激感，但又好過癮，鍾意食芥末嘅朋友一定唔可以錯過！招牌癡雞濃湯米線：呢碗招牌癡雞濃湯米線真係無得彈！湯底濃郁得嚟又唔會太鹹，雞肉煮得夠淋，入口即化，米線滑溜，吸晒啲湯汁，每一啖都係享受！加埋啲蔥花同埋少少辣椒油，味道更加豐富，食完真係好滿足！酸菜魚米線：酸菜魚米線真係好惹味！湯底酸得嚟好開胃，魚片嫩滑，完全冇腥味，酸菜嘅酸味同魚片嘅鮮味完美結合，米線吸晒啲湯汁，食落好有層次感。鍾意食酸嘢嘅朋友一定會愛上呢碗米線！總括嚟講，呢幾道菜都係水準之作，無論係前菜定係主菜，都令人食得好滿足！餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 204 ✨✨✨✨✨✨✨✨✨✨✨✨✨#太子美食 #癡膠雞 #web3太子癡膠雞 (荔枝角道)荔枝角道78-84

成日行過都keep 住長長嘅人龍，之前食過藥膳黃酒花膠雞濃湯米線覺得好食到驚艷,酒味四溢，好香今次下午茶時間4點幾黎，見到冇排隊，又要再同朋友擦餐飽😋$200 2個人食到飽一飽🍜椰子雞濃湯米線 $60會有個小火爐用黎煲返熱d 米線米線另上，好大兜，食落好滑嘟嘟個椰子雞湯咁鮮甜，梗係要飲多2啖, I am 真材實料，會見到一片片椰子肉，雞件數量幾多，仲啖啖肉，唔煲太耐食係超滑的！再加上幾片紅棗片，好養生🤭🍜 胡椒豬肚雞濃湯米線 $60 轉上海麵麵類可轉米粉，薯粉好香胡椒味又唔會太辣，湯底入面好多豬肚，非常有咬口，上海麵較硬身，米線相對係十分滑溜以上麵類均配熱飲，好超值小食蜜糖雞翼4隻 $42 🤩外皮脆卜卜，係好甜嘅蜜糖香味內裡嘅雞肉嫩滑帶汁，完全冇雪味，Size 適中椒鹽粟米🌽 $32份量多，粒粒金黃色，好飽滿，夠香口，勁多蒜香碎

太子癡膠雞絕對係一間值得一試的餐廳！佢哋嘅椰子雞米線，真係好正。首先，個椰奶味非常濃郁，唔似一般嘅椰子水，飲落去非常滋潤，湯底奶白色，完全唔會覺得口渴，尤其係天氣冷嘅時候，飲一碗熱辣辣嘅椰子湯，感覺非常舒服。另外，佢哋嘅雞肉真係好嫩滑，煮得剛好，口感非常好，令人一口接一口。最特別嘅係，個湯底底下仲有火煲住，隨時保持著熱度，無論幾耐都唔怕攤凍。至於店鋪名物花膠雞，真係值得一試！大大塊花膠搭配嫩滑嘅雞肉，湯底明顯係煲出黎，飲落味道好濃郁，唔會太重調味，完全唔怕口渴，飲完暖笠笠，好舒服！最後，好彩早入去，食完出嚟已經排滿隊，想食嘅話就預早啲啦～

今次去到太子嘅癡膠雞，梗係要試佢哋主打嘅花膠雞濃湯米線啦！🍲🌟 濃湯好足料，入口超滑，帶住濃郁雞湯香氣，每啖都好滿足～花膠炆得好腍，唔會太韌，仲帶點膠質感，配埋米線，絕對係靚湯控必試之選！✨胡椒豬肚雞濃湯米線🐷🌶️ 同樣濃郁，飲落去帶住微微胡椒辛香，天氣凍飲一啖真係成個人都暖晒！豬肚處理得幾乾淨，煙韌唔鞋口，雞肉都幾嫩滑，鍾意重口味湯底嘅朋友應該會好鍾意～最後仲試咗金磚豆腐✨ 外皮炸到超香脆，內裡豆腐滑到溜入口，口感對比好有層次！點一點泰式辣醬，開胃簡單但好惹味～😋整體嚟講，米線湯底濃郁足料，小食水準都唔錯，係值得一試嘅米線專門店！👍🏻🔥

今次食真係有驚艷到！雖然要排隊😂😂但都郁得快嘅！中午排左10-15分鐘左右～～～話咁快就有得食了！！！！！！😆😆😆$68 藥膳黃酒花膠雞濃湯烏冬，勁香！烏藥膳黃酒味好出，飲落去好暖胃好舒服。（呢個set都好多食客揀！）配特濃雞湯，（仲有浮面的雞油🤣）味道好平衡。藥膳食材好多好出味，雞件想要多啲🤣🥹今次試咗米線以外嘅配搭，試吓烏冬～將烏冬加入熱鍋一齊煮，更加入味😍😍小食好大份抵食！

癡膠雞 (荔枝角道)太子荔枝角道78-84號勝興樓地下D號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：癡膠肥牛 $52，明太子雞翼 (2隻) $36，日本芝士年糕 $32，胡麻豆腐 $32，口水雞重慶酸辣粉 $48癡膠肥牛：選用新鮮的肥牛肉，肉質鮮嫩，油脂分布均勻，數量非常充足，足有半磅之多，配埋特製醬油，同重慶酸辣粉一 起食一流！😄😄😄明太子雞翼：外觀色澤金黃誘人，表面微微焦脆，讓人垂涎欲滴。明太子的鹹香與微微的辣味完美融合，為雞翼增添了獨特的風味！👍👍👍日本芝士年糕：年糕略帶甜味和米香，柔軟的質地令人愉悅。搭配的芝士提供了濃郁及鹹香的口感，加上香甜的煉奶，非常滋味！😍😍😍胡麻豆腐：有滑嫩的口感和香濃的胡麻味，豆腐切成小塊後，顯得晶瑩剔透，味道清新，入口即化，讓人食慾大增，！😋😋😋口水雞重慶酸辣粉：雞肉鮮嫩多汁，搭配上香辣的紅油和麻醬，口感滑順，辛香味十足，酸辣粉的味道酸辣適中，湯底酸爽開胃，粉條滑嫩煙靭有彈性！❤️❤️❤️

有誠意既花膠雞湯米線！在繁忙既太子，呢間舖頭6點幾已經大排長龍，大家都比花膠雞湯米線吸引了！落單之後店員就放上了火爐，因為佢地既招牌花膠雞湯米線係以邊爐火鍋既形式上枱，令到雞湯可以保持溫度，非常適合冬天寒冷既天氣。湯底十分濃厚，上枱既時候香氣四溢，令人流哂口水。雞肉同花膠既份量都幾多，雞肉新鮮嫩滑，搭配軟滑花膠，每一口都能感受到滿滿的滋補。除了招牌的花膠雞湯米線，餐廳的多款小食同樣值得一試。椒鹽粟米香脆可口，炸到金黃酥脆，同時保持到粟米既香甜，係開胃的最佳選擇。而五香牛展充滿豐富的膠質，口感豐富。除左花膠雞，餐廳還提供酸辣粉，擔擔麵等麵食，任君選擇。總的來說，太子方便花膠雞湯米線不僅在湯品上表現出色，還在小食的選擇上增添了不少驚喜，是喜愛米線和小食的食客不可錯過的美味之地。

想搵一間平靚正嘅食肆，呢間真係唔可以錯過！星期日兩點都2要排半個鐘 但值得⭐️佢哋嘅招牌花膠雞米線 $68，雞肉勁大隻，滑得嚟仲有花膠添，啖啖都係鮮味！落埋雲耳，口感仲加分，真係食完令人心情好好~⭐️胡椒豬肚雞米線都唔輸蝕，$60就可以攞到一碗超暖心嘅米線，紅棗雲耳一齊煮，味道一流，咁冷凍天氣一啖就滿足！⭐️再加上五香牛𦟌，$46就真係超值，肉質鮮嫩，味道濃郁，加蔥調鮮，唔試過真係可惜。⭐️記得加杯鹹檸梳打或者柚子梳打，$12就可以解膩又消暑，超級好味！無論係同朋友一齊食，定係自己一個來，都會俾你帶來滿滿嘅幸福感！=============================#食在太子 #平民美食 #花膠雞 #花膠雞米線

今日去咗太子食米線 真係勁多人排隊呀不過好彩都唔使等得好耐 雖然環境唔係好大 但係好乾淨企理同埋呢度係每人一鍋 仲有個火熱住令到個湯保持熱度 每啖都原汁原味招牌花膠雞濃湯米線 $68個湯底真係不得了 濃郁嘅雞湯配上花膠入口鮮甜 膠質十足 花膠都有好幾舊而且好足料 仲加入左蟲草花食到我哋個個都心滿意足米線嘅份量都好多 食完真係好飽好暖胃姫松茸竹笙花膠雞米線 $78呢個湯底同招牌花膠雞濃湯米線有啲唔同佢嘅湯底更加清甜 姫松茸同竹笙嘅味道好突出湯底好鮮甜 完全唔會覺得膩 仲有益腎補虛之用另外我加錢轉左雞髀 好嫩滑啖啖肉好正金磚豆腐 $42個豆腐炸得金黃香脆 一咬開入面嘅豆腐超過滑仲可以點埋泰式辣醬更惹味豆腐嘅份量都好多 夠晒我哋慢慢歎 價錢合理 份量十足 而且味道一流我地成碗湯真係飲到一滴無剩下次一定會再嚟試幫襯

癡膠雞 • 太子太子呢一間米線喺幫襯前已經見到大排長龍，非常有人氣，我哋都足足等咗差唔多半個鐘先入座。上次幫襯時對呢間舖頭嘅雞湯印象深刻，有鮮味而且香氣四溢，今次再次幫襯✅ 招牌花膠雞濃湯米線 🍜呢款湯底除咗雞味濃郁，而且加入咗女仔至愛，充滿骨膠原嘅花膠，花膠厚身，食落好有滿足感，湯底仲加入咗紅棗、蟲草花、雲耳，非常豐富✅ 椰子雞濃湯米線 🍜椰子湯底比較清甜，有淡淡椰水的香味，湯底好味到我食完米線都飲咗一半湯。雞肉嫩滑，鍾意食雞髀嘅朋友亦可以轉髀。✅ 黐膠肥牛 🐮餐牌寫明足半磅肥牛，上碟時份量應該都有2-3人份量，肥牛加入少少香油醬油調味，好食

今日得11度，冷到入心入肺，梗係要搵返啲暖笠笠嘅嘢食！朋友介紹咗太子嘅癡膠雞，話佢哋嘅米線又暖胃又滋補，於是衝去試下。雖然排咗30分鐘隊，但真心值得！一坐低，即刻落單！招牌癡花膠雞濃湯米線（$68）我哋試咗招牌癡花膠雞濃湯米線，湯底濃郁得嚟有天然雞味，加埋彈牙嘅花膠，超級滋補！雞肉都好嫩滑，一啲都唔鞋。米線連住個火爐一齊上枱，煙韌嘅米線配埋滾住嘅熱湯，超暖！最重要係，湯底完全冇味精，飲得健康又放心。 胡椒豬肚雞米線（$60）另一款胡椒豬肚雞米線亦好正，胡椒味辛香滲透湯底，豬肚煮得又腍又入味，飲咗整個人都暖晒！癡膠肥牛（$52）我哋仲加咗一份小食癡膠肥牛，肥牛俾足半磅，底仲有白蘿蔔，肥牛吸滿湯汁，每口都係滿滿嘅精華，真係一流！ 雙檸樂（跟餐+$12）、凍檸茶（跟餐+$6）飲品方面，點咗雙檸樂同凍檸茶，酸酸甜甜，啱晒解膩！ 整體嚟講，癡膠雞真係天寒地凍必去嘅好選擇，食物又暖胃又健康，湯底無敵！下次一定再嚟試其他菜式！

排半個幾鐘，食45分鐘。叫左個招牌米線花膠雞，兩塊花膠仔好似酒樓雞扎入面舊魚肚咁細舊，啲肉又少，食完完全唔覺飽重要未食完個店員就話要收我地個爐，好似吹緊我哋走咁。環境方面，餐枱有點太細，我們三個人嗌咗三個煲，上完野食張枱幾乎無位。另外嗰日間舖頭見到有三個後生女同個店員有口角，眼見有一個女仔成身濕晒，估計係個店員倒瀉咗啲嘢落去，坐喺一邊聽聽到個女仔叫個店員道歉，但個店員一直都唔肯。整體嚟講感覺呢間舖頭唔係賣食物質素，亦都唔係賣服務質素，只係賣gimmick，有個火鍋煲吓咁嘅噱頭。好失望，試完一次絕對唔會再食下一次

【🐤癡膠雞｜🔥暖笠笠嘅選擇】好耐之前已經俾佢個店名吸引🤩「癡膠雞」好易記起就是食花膠雞嘅餐廳，次次行過都大排長龍，今次朋友肯陪我排隊，排咗半個鐘終於到我食喇！天氣凍食癡膠雞真係好暖！步驟：首先揀喜歡口味，配米線或其他麵食，店員會細心地遞上小火爐，一人一鍋咁邊熱住雞湯邊放入米線食，我喜歡硬少少嘅米線，又怕熱湯太熱，我將湯加入米線食。因為排隊嘅人都幾多，快快脆影兩張相就食了。.🐤招牌癡膠雞濃湯米線加$10有雞髀位，啖啖肉，雞滑，多肉關係好易飽咗。雞湯濃，我重口味，再加胡椒粉錦上添花！花膠都幾多份量，感覺滋補。.🐤藥膳黃酒花膠雞湯米線黃酒味好香，有紅棗等藥材味，我哋無加錢轉雞髀，但雞件表現出色，新鮮滑溜，有雞香甜味，而且連花膠都吸晒藥材味道，飲完湯成個人暖晒！

香港人向來熱愛米線🥰除了重口味的酸辣麻辣米線，清淡養生的湯底亦不乏支持者😇這間「癡膠雞」就主打香濃雞湯🐤而且還供應火爐保持雞湯溫度🔥浮誇得來十分貼心🫶🏻———————————————————————雞湯賣相非常金黃✨雞味十分突出，表面的雞油不算太多👌🏻是令人舒服的味道☺️雞件方面有7-8件🐔每件都有一定肉量，雞味頗濃😋肉質雖不算嫩滑但亦不會韌🙂而且有少許調味，味道不會太淡太寡😁而花膠就有4件，雖然每件都是小小一片🤏🏻但質感頗滑有彈性😋以這個價位來說絕對做到應有的質素🤓另外餐廳有將米線分開另上，未會浸在雞湯中，不用擔心米線會因不斷加熱而愈煮愈爛👍🏻金磚豆腐size的骰🤌🏻賣相平平無奇，入口卻令我驚艷不已🤩豆腐外皮炸粉極薄，卻依然十分香脆😜豆腐本體則非常嫩滑😚而且有豆香，能將如此軟滑的豆腐製作成這麼層次豐富的炸物，廚師絕對功架十足👍🏻調味方面，炸豆腐表面撒了椒鹽味粉，帶有鹹香味道😃另外亦配有甜酸醬，不過我個人認為味道與豆腐就未算配合😗———————————————————————癡膠雞這「打邊爐式」的擺盤看似浮誇😂但其實能讓鮮甜的雞湯保持着最佳的品嘗狀態👍🏻既是噱頭又相當實用🫶🏻有如此細心的