癡膠雞 (荔枝角道)

营业中

休息中

位於太子的雞湯麵食店，牆壁上貼滿動漫漫畫人物畫作，還掛著大電視。主打招牌的雞及雞湯粉麵之外，也有其他麵食，如擔擔麵、酸辣粉；小食則有手拍青瓜、椒鹽粟米、炸豆腐等。蔬菜：鮮味魚湯時蔬健康的魚湯浸菜，魚湯不帶魚腥味。小白菜多棵，還有些木耳絲，增添口感。小食：麻辣豬耳豬耳切成條狀，軟骨爽脆彈牙，沾上麻辣醬汁，餐前醒胃的小食。招牌癡雞濃湯米線 ：招牌癡花膠雞濃湯米線麵底：上海麵以小鍋放湯及料，鍋底下熱火燒著，熱熱的。湯呈奶白色，雞皮的油脂慢慢滲進滾湯頭，喝起來是淡香的雞湯，而花膠雞湯底，浸著麵條，蠻入味的。數件大大的雞件連皮帶骨；花膠片數片，很厚且有嚼勁，很滋補的食材。主食：口水雞（半隻）半隻的份量剛好，可以額外加錢，配碗麵食。麻麻辣辣的雞件，肉質嫩滑，惹味非常。

癡膠雞 (荔枝角道) (太子)📍太子荔枝角道78-84號勝興樓地下D號舖中午放飯時間，諗唔到食咩，係太子附近周圍搵，見到有間米線幾特別，自己可以開個鍋，又有花膠又有雞🤣👉🏻招牌癡花膠雞半隻$108加$10可配米粉、米線、上海麵、薯粉一個大鍋，有半隻雞，起碼有4-5舊花膠，花膠吸哂雞湯精華，湯料好清，有濃雞湯味😋，兩個人食岩岩好，再加20蚊，叫左一人一碗米線同薯粉，再叫左3個小食花膠好滑溜，花膠和雞都十分足料，好抵食👉🏻金磚豆腐$28一口豆腐，黃金炸，非常可口，有椒鹽味，好新鮮👉🏻麻辣豬耳$32有好多蘿蔔做配菜，另外有麻辣醬，豬耳爽口彈牙，加埋都有十幾舊👉🏻日本芝士年糕$28芝士年糕，有煉奶，非常魔鬼，因為好肥，不過好好味👉🏻凍柚子茶/檸檬茶各$12加錢就可以換到個餐飲📢餐廳特色：有好多用手畫既，有鬼滅之刃既粉筆動漫，位置似茶餐廳座位，中午一點入黎食都爆爆地場

#太子美食 #小蓮星呑食太子🔻 癡膠雞太子荔枝角道78-84號勝興樓地下D號舖/🧃招牌癡花膠雞濃湯米線$68花膠雞湯一上枱已經流晒口水，見到入面雞油呈金黃色，超級香，仲有個火興住，令個湯底絕對唔會攤凍，非常貼心，米線係另上，質地煙韌，非常有口感，花膠非常足料，雞件仲要係雞髀肉，非常嫩滑。/🧃藥膳黃酒雞湯米線$60一樣係米線另上，有火興住，一上枱已經聞到陣陣嘅藥膳黃酒味，而因為有火興住嘅關係，湯底嘅藥膳味變得啱啱好，唔會好似攤凍咁濃烈，感覺好滋補。/🧃明太子釀雞翼$32雞皮非常脆，咬入去啲明太子咇晒出嚟，非常惹味，又唔會乾爭爭。/🧃椒鹽粟米$28粟米炸到好脆，但係又唔會好乾好硬，仲保持到粟米原先嘅口感，灑上大量椒鹽，食唔停口。/🧃鮮味魚湯時蔬 $28食咗啲熱氣小食，當然要叫返碟菜，雞湯已經試過，一於試吓佢嘅魚湯，一樣係非常鮮甜，份量亦都充足。/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

這間專食花膠雞米線的痴膠雞，店名趣怪令人容易記起。除了招牌花膠雞米線外，還有不同款式的養生米線，重慶酸辣粉，擔擔麵及一系列的小食，價錢十分親民。招牌花膠雞米線($68)，米線及花膠雞濃湯會分開上，花膠雞濃湯亦會用熱爐滾著。我最鍾意用過橋米線的食法，令米線不會容易變淋。湯底是很濃郁的雞湯，不是味精湯。雞件大約有五-六件，雞肉嫩滑。花膠有兩塊，煮得淋身。豬肚雞米線($58)，賣相比招牌更豐富，除了有豬肚，雞件，木耳及一些養生的藥材，湯底帶點藥材香，很不錯。另外點了金磚豆腐($28)，價錢十分抵食，炸得酥脆金黃，外脆內嫩，帶有蒜香味。

呢間係灣仔都有分店嘅餐廳，我之前已經好想入嚟食，因為佢有我最鍾意嘅花膠，亦都有人參雞等等呢啲平時可能係出面搵到嘅食物！而佢嘅價錢都好親民，花膠米線只係$38，然後我自己因為想食下佢嘅沙薑雞，所以就加咗$48叫咗一份啦，仲要係雞脾位！首先講吓佢嘅花膠米線，湯底好濃郁，而且啲花膠有三四塊咁多，每塊都有手掌咁大，仲有啲蔬菜，真係超抵食。而我自己仲嗌多咗一份麻辣豬耳，就算我唔係好食得辣，但係呢個麻辣都唔會覺得好辣，味道啱啱好，符合香港人嘅口味，而且只係加$32，就已經有一大碟，兩個人食都夠！餐廳仲有其他選擇，包括左擔擔麵等等，無論食辣或者唔辣嘅人，都一定有一款啱你食，最重要係佢嘅花膠一定要食下，食完之後皮膚都靚啲呀！

之前試過灣仔嘅癡膠雞分店，覺得好食又抵食，其實公司附近行遠少少都有另一間太子分店，今日就同同事行過嚟，順便當做下運動。兩間舖雖然係分店，但賣嘅嘢都不盡相同，呢度仲有一幅好靚嘅黑板畫，介紹吓仲有啲咩鎮店之寶。一坐低店員先俾杯熱茶，呢杯並唔係普通嘅中國茶，而係每日新鮮煲嘅羅漢果菊花茶，非常滋陰又潤喉。招牌癡花膠雞濃湯米線當然係必要之選，雞湯非常濃味，啖啖真材實料。入面仲有一件件嘅切雞同埋花膠，材料豐富，雞件煮得啱啱好，肉質保持嫩滑唔鞋口，呢個價錢真係冇得輸。原本諗住叫藥膳，不過店員話最近多咗人叫椰子雞米線，都啱嘅，一來已經試過藥膳，二來天氣咁熱唔使咁補住，就一於揀個鮮甜啲嘅椰子雞。呢個椰子雞雖然冇花膠，但取而代之嘅就有雲耳、紅棗、椰子，一樣咁滋補。呢度嘅小食好多都只係$28，所以我都點咗幾款。呢個金磚豆腐係即叫即整，上枱嘅時候熱辣辣，而且真係做到外脆內嫩滑嘅效果，簡單灑上少少味粉同芝麻，就已經非常可口。平時椒鹽菜式就成日食，但就真係未試過椒鹽粟米，起初仲驚又鹹又甜有少少怪，但估唔到食起嚟味道又幾夾，而且粟米切成小件，食起上嚟更方便。雖然呢度主打都係雞湯，不過見呢度同時都有魚湯，所以就叫返個

📍癡膠雞📮太子荔枝角道78-84號勝興樓地下D號舖我地兩小口一向偏愛花膠雞湯, 今次等我帶🙎🏽‍♂️去食好西😌太子係我地放工既中間點, 呢間餐廳正正位於太子站附近, 行3分鐘就到, 唔怕行到出晒汗都未到啦.餐廳細細間, 坐20人左右, 收工7點幾去到果陣已經淨返2張枱, 真係行慢2步就要等位喇.餐牌上有林林總總既湯米線, 真係搞到人心大心細😆少啲堅定都落唔到單.招牌癡花膠雞濃湯米線 HKD68花膠雞湯本身係我地其中一款最愛既湯, 你話點可以唔叫呢間店最出名既花膠雞湯米線先😌侍應首先放低左個爐, 之後再放個湯上去, 等食客一路食個湯仍然keep住個熱度, 而且米線用另一隻碗分開上, 令米線唔會一直浸住個湯搞到淋晒, 淨係呢2點已經值得加分😎飲左啖湯充滿濃濃既雞湯味, 入面仲有成隻雞髀, 雞肉肉質嫩滑, 時間控制得岩岩好, 湯入面仲有3-4舊花膠, 呢個價錢邊有得輸😳椒鹽粟米 HKD28呢款小食好少係小店見到, 因為無得整定先一定要開鑊慢慢炒🤨好彩無令我失望, 粟米好惹味好有鑊氣, 啖啖都食到椒鹽既香味麻辣豬耳 HKD32豬耳好有咬口好爽脆, 唔算好辣, 下面仲有啲蘿蔔墊底鮮味魚湯時蔬 HK

好耐無食「癡膠雞」啦！今次都係晚上嚟～好彩我早到唔係就已經要排隊等位。我同家人叫咗「招牌癡花膠雞濃湯米線」，其中一份轉咗雞脾。再加咗兩個小食「癡膠肥牛」同「椒鹽粟米」。米線係原鍋上，再用爐火保溫。所以飲湯嘅時間要特別小心燙口。如果唔想用爐火嘅，都可以湯碗上。「招牌癡花膠雞濃湯米線」$68 + $10 轉雞脾湯底真係好濃郁鮮甜！花膠好滑嫩，好似浸咗牛奶咁😳！雞脾肉嫩滑不在話下，連其他部位都好滑。「癡膠肥牛（足半磅）」$52用雞湯淥熟嘅肥牛，好香。再加咗少少豉油調味。底下嘅蘿白都好甜。「椒鹽粟米」$28呢到嘅招牌，必點。粟米切成條，更容易咬。加咗椒鹽去燒嘅粟米，好惹味。仲要有埋炸蒜添，好正呀！

地方雖然唔係好大，但係都坐得幾舒服，一入到去老闆娘好熱情好客，我哋坐低咗之後攞咗兩杯羅漢果茶俾我哋，係非一般嘅羅漢果茶，用咗羅漢果同埋菊花煲既，飲完個喉嚨好舒服。我地叫左招牌癡花膠雞濃湯米線、藥膳黃酒雞湯米線、金磚豆腐、明太子釀雞翼、椒鹽粟米、雙檸樂。米線係同湯分開上，湯連爐上一路熱住，超有風味。如果驚黃酒太濃酒味，可以煲耐少少，等佢揮發左啲酒先。整體好高分，雞夠滑，食物同服務都一流👍🏻。招牌癡花膠雞濃湯米線-湯底濃濃雞味，因為花膠都多，所以個湯都好滑，果然係招牌。藥膳黃酒雞湯米線-好滋補，好足料，好似食緊醉雞鍋咁，好正！金磚豆腐-外脆內軟之餘仲好抵食，出面中式餐廳唔止呢個價。明太子釀雞翼-明太子控必食，香口惹味。椒鹽粟米-又咸又甜好過癮，完全配合。雙檸樂-呢個好正，落左半個咸檸檬🍋，飲落去有幾個層次，推介！

最近試左太子一間平民小店，店外沒有特別裝潢，但食物質素都在水準之上🥰招牌癡花膠雞濃湯米粉上菜好快，湯同米粉分開上，湯係熱鍋上面，下面點著個火熱住個湯底，食落唔會凍晒仲熱辣辣！米粉份量都唔少，湯底濃郁仲帶有少少鮮甜味，花膠大約有3至4舊，厚身又唔會淋晒，雞件都算幾滑！口水雞濃湯米線口水雞份量好多，辣汁好惹味，麻辣味重但唔算好辣，配埋米線一齊食好滋味，好抵食，絕對推介！金磚豆腐新鮮即炸，外脆內軟，要趁熱食！外皮炸得好薄非常香脆，入面豆腐仲滑嘟嘟，細細粒好快食晒成碟

在灣仔曾經試過這間的雞湯米線，覺得味道香濃，而且價錢適中，最近在網上看到原來有一分店在這裏，今晚便和太太來到了。招牌癡花膠雞半只$108，看到雞湯有一層雞油在上面，就知道這個湯底的味道一定很鮮甜美味，果然喝一口之後，就明白為什麼叫做招牌癡花膠雞了，雞肉鮮嫩可口，雞湯味道濃郁，加上酒精爐的提溫，味道就更佳。花膠爽口嫩滑，軟硬度適中。口水雞濃湯米線$42，口水醬汁味道濃郁，不會過辣。沙羗雞濃湯米線$42，沙羗味道香氣十足，令到雞肉的味道層次得意提升。米線爽滑彈牙，不過雞湯的味道較為淡一點。濃雞湯時蔬$28。凍檸樂加$8，鹹檸七喜$8。

-🔸金磚豆腐 $28🔸炭燒雞肉串 $32🔸墨丸花膠米線 $48🔸招牌癡花膠雞 $108/半隻🔸凍鹹檸梳打 +$8🔸凍柚子茶 +$6-琴晚去花墟行街買花同盆栽佈置新居，搵到依間食花膠雞嘅米線專門店，身為雞精嘅我緊係要去試啦！同細妹兩個人食就叫咗半隻雞，成個鑊仔咁上，下面仲會點火keep住煲湯熱辣辣，好細心。除咗半隻雞之外，花膠份量都唔少架，食極都仲有，超足料！細妹嘅墨丸花膠米線都係用花膠湯，墨丸仲有5粒𠻹，都係抵食之選。小食必食金磚豆腐，新鮮即炸，外脆內滑嘟嘟，正啊！

呢排OT得好勁，返到屋企已經好夜，冇心機煮飯，所以今日同屋企人響屋企附近街食晚餐。行過癡膠雞，比d手畫鬼滅作品吸引住，就入去試下。不出所料，成間店都係動漫同人手畫😍貼地親民。我地一坐低，店員就一人一杯羅漢果茶我地飲。應該係自家煲的，很有菊花味。睇menu d野食唔貴，反正肚餓，就點左幾樣野食:🤜🏻招牌癡花膠雞半隻+米粉🐔一個大鍋分量十足。湯底濃郁，係煲左好耐先有呢個效果花膠份量十足，都有一隻手咁大塊雞煮得洽到好處，唔un又夠彈牙，又新鮮😋🤜🏻藥膳黃酒雞湯米線🐤個人對黃酒煮雞情有獨鍾藥材味十足，黃酒湯底鮮甜暖胃雞非常有黃酒中藥味🤜🏻金磚豆腐🍞外皮金黃煎香，豆腐非常鮮嫩外脆內軟，煮得非常有技巧先得加上黑芝麻撒上面，非常搶口，送米線一流😁🤜🏻五香牛𦟌🐮冷盤薄切，口感一流醬汁洽到好處，唔會太咸同甜配菜蘿蔔都好入味冇諗過隨便入去試下，都撞到唔錯嘅水準碰巧我地叫的雞，都係一個火鍋咁上遲d凍返少少🤏黎食一流屋企附近又多一間飯堂選擇了😁

一直都有聽聞痴膠雞米線🍜，但街坊V仔一直未有行動去試。今日終於去試吓。結果係喜出望外，五六十蚊食到花膠雞濃湯，無味精真材實料，仲想點呢。痴膠雞比較多人贊嘅有花膠雞，椰子雞同埋黃酒雞。第一次就一定試左花膠雞先，同黃酒雞米線，每款鍋米有普通份量，半只雞或者一只雞份量。想試多啲可以先叫普通份量試吓。花膠雞半只份量，建議先等湯滾起左一兩分鐘先熄咗個爐，雞湯熱先好飲，唔好滾太耐，會令啲雞太老，就唔好食。不過都可以按個人口味，要濃啲滾耐一陣都可以。再加份米線度，就會熱辣辣，雞味十足。花膠係值得一贊，淋滑真材實料，足以值回票價。另外，個黃酒雞，藥味非常濃，黃酒同雞好夾，藥味酒味加雞湯，係一絕。黃酒雞特別在少少酒甜令個湯一飲再飲。下次再次擔擔面同椰子雞，食過番尋味。

今日去左太子個邊見到有間舖頭個名好搞笑🤣🤣叫做「癡膠雞」所以就簡左黎試下😆一坐低服務態度已經好好 仲會免費比羅漢果水比客人飲 甜甜的😚keep住有客人入黎食 仲推介左我地食「招牌癡花膠雞濃湯米線」🍜每一個鍋都係一人一鍋咁樣 衛生得黎又更加新鮮😋啲雞好嫩滑 爽口既花膠😋😋椰子雞米線🍜🥘湯底清甜 椰子等配料都勁足料 一d都唔馬虎 幾十蚊食到依個質數😍👍🏻加$10可以轉脾架癡膠肥牛😳足半磅 份量認真多 平時食米線我都好鍾意叫肥牛做配料😜炭燒雞肉串🍡好甜🤣d肉質都好嫩 好快就食唒😆蟹肉忌廉薯餅🫔好脆口 點埋個沙律醬 正！