癡膠雞 (荔枝角道)

营业中

休息中

位於太子的癡膠雞 我已光顧無數次了 👅 但早前一直忘了為它添寫食評🥵這是我最恆常點的配搭 半隻口水雞、薯粉、椒鹽豆腐/ 椒鹽粟米🌽-癡膠雞的雞真的無可挑剔✨首先它們給的份量很足 不會只斬骨位給客人 很多都是啖啖肉的👅 口水汁偏甜 不辣 我個人是可以接受啦 但倘若大家是四川妹子 就可能沒辦法😂😂😂 口水雞還有花生和青蔥 芫荽作配菜〰️更提鮮！-椒鹽豆腐即點即炸 豆腐滑嫩 撒上椒鹽 好香🥰 簡直是佐酒好菜！-薯粉就沒什麼特別的 是雞湯湯底 薯粉亦非煙韌的類型 就配著口水雞和小食吃 不錯🤣🤣-找了一段時間 找不到椒鹽粟米🌽的照片 但亦很推介大家點來吃 因為店家挑的粟米都很甜！而且店家將粟米🌽切得很小一塊 很方便客人吃😚

想試好耐，響媽咪屋企附近，見食評性價比高，想食清淡少少可以係一個好好嘅選擇。🥢金磚豆腐 $34⭐️⭐️⭐️⭐️外賣返到屋企個炸豆腐已經腍咗，但豆腐夠香滑仍然好好味，建議响膠蓋剪個窿以防倒汗水🥢椒鹽粟米 $34⭐️⭐️⭐️⭐️粟米大粒又夠香甜，椒鹽唔會落得太重手恰到好處，粟米細細件兼開半超貼心超方便食🥢明太子釀雞翼 $24⭐️⭐️呢個價錢只得一隻太離譜，雞翼只係雪藏貨返炸出嚟無乜特別🥢招牌癡花膠雞濃湯米粉 $82⭐️⭐️⭐️⭐️⭐️呢個湯好味到無得輸，雞湯香濃之餘仲一啲都唔油膩，花膠同雞各有3-4件，花膠軟腍，而雞件香滑，米粉吸盡湯精華，超好味！🥢北菇花膠蝦籽撈麵 $62⭐️呢個蝦籽撈唔ok，首先啲麵煮到腍晒，跟住啲蝦籽眼見咁少仲要黐晒响啲餸到，搞到啲麵要齋哽，完全唔係蝦籽撈麵二人共消費：$166 (外賣平台自取)

自己一個人出mk唔知食咩好，於是就行多兩步去咗太子食癡膠雞！！本人係椰子愛好者，今次呢個椰子雞湯米線湯底濃郁，好重椰子味！最特別嘅係佢會用咗一人火鍋載住啲湯，一路熱住，食咗大半個鐘會方便去熱到滾🤎🤎冬天食真係最啱唯一敗筆嘅地方係啲雞有少少老，但係佢可以加$10轉雞髀，都算係咁最後椰子雞湯米線$58,凍飲加$6 我覺得好抵！！都羅漢果茶做免費飲品，係因為本人唔好呢啲，所以就評價唔到喇間舖頭裝修係好似茶餐廳，唔知係咪因為裝修唔出色，所以好似冇乜KOL介紹過，但係呢間野真係超正！！誠心向大家推薦‼️

意外地發現太子有唔少花膠雞湯米線🍜，今次是但點咗一間，估唔到有驚喜😝🌟招牌痴花膠雞濃湯米線店員先送上冇湯嘅米線，心諗：湯呢？🤣原來湯同餸菜會用另一個鐵鍋送上，仲會用小火爐一直加熱，唔怕碗米線食食下變凍。🐣雞湯呈奶白色，事後睇返資料先知原來雞肉、豬骨🐽同鯊魚軟骨🦈熬煮，難怪湯底係如此乳白濃郁，煲得越耐就越感覺到湯底嘅膠質😍 而雞件係用上三黃雞，雞肉肉質相當嫩滑，脂肪相當豐滿，雞皮都幾厚身，湯面都浮起唔少雞油。平時打邊爐同飲雞湯都不斷會片起油嘅👧🏻就忍唔住舀起啲精華啦😉每碗米線內有大概3塊鱈魚膠，煮得幾淋身👍🏻而雞件都有大概10件/🆙，好似食極都仲有好多件。米線爽口，份量就夠👧🏻食，不過同行男同事就話唔係好夠喉🤣食完米線時，店員仲上上剛剛煲好嘅羅漢果上，味道甘甜，解燥熱一流👍🏻

有點失望的體驗🥲🥲🥲因為一個人去驚食唔曬所以叫左個花膠米線🍜冇加雞點知個份量真係少得驚人🤦🏻‍♀️花膠得兩三舊 連啲米線都好少 再加白菜兩三條⋯⋯有啲dry盛惠$48原來唔加雞真係差好遠🥴後悔了另外叫左個椒鹽豆腐🐷份量幾多 而且食落熱辣辣外脆內軟呢個算合格

有一次喺instagram 見到有人介紹呢一間椰子雞湯米線！bookmark咗咁耐終於去食了😻😻😻今次同朋友兩個都係叫嘅椰子雞湯米線～材料10分充足！都有大約五至六塊雞件，份量10分足夠！而且湯底十分濃郁，又一大陣重重嘅椰奶味，非常推薦喜歡椰奶嘅朋友去試食🥳🥳🥳🥳而且每一個米線都係有一個火鍋燃料一直加熱住，所以就算食到最後都仲係熱辣辣嘅🤪🤪🤪最後更加令人驚喜嘅地方係佢有一個免費嘅羅漢果菊花茶送❤️❤️❤️

花膠是美顏聖品，一向愛美的我當然愛吃，經朋友介紹下特意去找尋此舖，第一次晚上去了深水涉分店【摸門釘】，今次去另一間分店終於能夠一試。招牌黐花膠雞濃湯米線花膠量一點都不少 ，湯底膠質濃濃 ，真的很【痴花膠】。雞保持到滑嫩，雞味濃厚，期間有爐火熱著保持溫度，愛喝熱湯的我非常滿足，米線是另上十分大碗，2人分享一碗亦非常夠飽。藥膳黃酒雞湯藥膳味道非常濃郁，亦飲到黃酒酒香，非常之暖身子。對比花膠雞，我更愛吃這個味道，湯都喝光光👍黃金豆腐炸得香口，正常水準，不太有特別之處。整家店鋪裝修非常普通， 有種港式餐廳感覺。 店員非常親切有禮， 位置不算方便但如果有時間仍會再去光顧， 價錢比起其他有花膠吃的地方更優惠優惠超值👍

朋友推薦呢間米線好味，所以就試下。入到門口發現店內唔少可愛日本動漫風poster，好可愛。之後店員就給了我們一杯羅漢果水，竟然唔係茶！（不過應該不能添飲吧）隨後我們點了每人一碗米線，我是點了招牌癡花膠雞濃湯米線，米線分開上，雞則在湯內，所以我很快就夾起，免得火爐一直煲，影響本來很滑嫩的肉質。吃完後，不太有口渴的感覺，應該是味精不多的關係。我們還點了芝士年糕和魚湯時蔬，年糕看起來好像炸饅頭，因為上面有煉奶哈哈，是挺特別的。魚湯時蔬呢，可能因為喝了雞湯，所以味道比較淡，但看上去是奶白色的，挺營養的，略顯小份了一點。最後，店員服務態度很好，會推薦朋友來的！

作為米線愛好者，對於唔同類型既湯底🍲同食法都會勇於嘗試。近年除左麻酸辣米線，雞湯米線都好受大眾，特別一班唔多食辣🌶既米線之友既歡迎。今次就去到朋友介紹既哩一間小鍋雞湯🐔米線，以火鍋形式翻熱住湯底，保證食到熱辣辣♨️米線之餘，又飲到熱辣辣既湯。招牌癡花膠雞濃湯米線 $68上枱既時候已經俾猛烈既火🔥吸引住，就咁睇個湯底帶淡乳白色，面頭有一層薄薄既雞油係到。先試試一啖湯🥄，果然熱到辣嘴，但味道就比預期中失色，飲落去都叫清甜，味道就偏淡雞味🐔唔算好濃郁，不過飲多都唔會話口渴。花膠大約有細塊三到四件，好淋身亦合乎性價比。雞件都有六嚿左右，部位係好隨意，有啲有肉有啲得骨🦴咁，但肉質就唔算鞋。番茄花膠雞濃湯米線 $68比起花膠雞湯，番茄湯🍅明顯更清淡，飲落都唔係好濃郁個種，略帶番茄既酸甜味。而配料就多左腐皮﹑白蘿蔔同木耳絲，整體感覺就清新啲🍃。雖然味道唔算好出色，但我覺得幾特別既係佢鍋底既賣點，到後期我都頂唔順太熱🥵熄左火，啲湯都滾到起哂泡泡。如果大家經過附近都可以一試。

前排經開太子呢間小店，見到佢地既雞湯米線好似好吸引，於是就決定試試，果然一試難忘😍😍😍😍😍😍😍😍花膠雞湯米線花膠有好多舊，湯底濃郁，超正🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰椰子雞湯米線椰子雞湯超鮮甜，令人飲極唔停😝😝😝😝😝😝😝😝😝😝😝😝😝😝😝😝😝😝😝😝小食選擇好多炸豆腐外脆內軟，熱辣辣，青瓜味道超入味😋😋😋😋😋😋😋😋

朋友介紹我食一間抵食濃湯米線🍜所以小妹特登黎試試佢😍 真材實料一坐低 店員先送上羅漢果菊花茶 非常滋潤☺️招牌癡花膠雞濃湯米線 $68大大塊花膠🤤好香好滑食落好正😋再加埋香香嘅雞濃湯花膠都充滿左雞嘅鮮香味雞肉都好滑又嫩❤️小妹轉左上海麵想試下😋麵底預先煮熟左仲可以自己話事煮幾耐😎客人可以再自己煮到軟硬度啱為止✨味道都一樣充滿香香嘅花膠雞味❤️椰子雞米線 $58好香嘅椰子雞鮮味😋個湯真係好香好濃😍而且椰子雞都好香好滑呢個小妹就揀番米線🤤因為小妹鍾意椰子雞米線✨真係好香好夾嫁❤️金磚豆腐 $28外脆內軟嘅金磚豆腐😍超推介✨✨食落好香好夠味得黎又香又滑嘅豆腐真係好正😋明太子釀雞翼 $32食落真係好香好脆嫁😋裹面包住嘅明太子味都好香濃😍加場一齊食真係好正❤️五香牛腹 $38味道食落好香⭐️好似小妹最鍾意嘅滷水味✨牛腹位置好香爽得黎😋牛味都好香好濃❤️正😍

哩間想食好耐啦，知道主打濃雞湯及魚湯湯底😝係我鐘意既滋補湯底，而米線🍜係另外用碗上，不會浸得太腍，欣賞哩份細心❤️呢度嘅服務仲要好好👍讚！招牌花膠湯米線當然不能不嗌，足料鮮甜，即叫即煮，相當新鮮滾熱喔，原來雞是用上三黃雞，所以特別有雞味，而肉質相當嫩滑，湯底真係好鮮甜，用上雞肉，豬骨，鯊魚軟骨大火熬製，所以先有奶白色的湯頭，飲落好骨膠原，好值得吃呢😜嗌左豬肚湯米線原來用上魚湯，所以是奶白色，材料有豬肚外，支竹，白果，木耳，再加上胡椒豬肚煮，所以味道特別濃厚，相當暖胃，我好喜歡喔😙而鹹菜胡椒豬肚湯米粉就多左胡椒，味道再濃郁，同雞相當夾喔😍 豬肚分量好多❤️配米粉一流🤩炮製出嫩滑可口的沙薑雞真係唔簡單，雞肉保持嫩滑，肉質十分滑，而且也十分入味，濃濃骨膠原，吃到滿口是膠🥰鮮味魚湯時蔬，煮得軟腍的菜，吸盡鮮甜的魚湯😍癡膠雞太子荔枝角道78-84號勝興樓地下D號舖

痴膠雞依間小店好似越做越出名, 身邊唔少朋友都推介過, 佢近期好似仲開埋分店添! 今晚近近地去太子本店試下先。招牌癡花膠雞濃湯米線第一次黎食基本上都唔洗諗, 一定係叫招牌花膠雞啦! 黎到係用火爐滾住保持溫度, 正合我心意, 飲湯一定要滾熱辣! 雞湯濃郁唔會過於油膩, 好鮮甜, 未食米線之前已經忍唔住係咁飲! 切雞件肉好嫩滑, 我冇加錢轉到雞脾都比左脾位我, 花膠份量亦不少, 堅料!蟲草花花膠雞米線另外叫左個, 原本以為差唔多味, 但依個因為加左紅棗, 蟲草花, 成個湯多左陣甜味, 仲有淡淡紅棗香味, 但又唔會好似藥膳湯咁重味, 女仔好岩飲! 除左雞件外仲有木耳, 蟲草花增添口感。依度除左米線外仲有小食, 小食都係水準之作, 叫左個金磚豆腐, 麻辣豬耳同埋魚湯菜。金磚豆腐即叫即整炸, 絕對係外脆內嫩又香口! 本身菜都可以跟雞湯, 但米線已經有雞湯, 一於試下佢個魚湯, 入口清甜, 配上蔬菜同脆口既木耳絲, 好味! 麻辣豬耳脆口, 豬耳十分入味, 麻辣汁調得剛好, 朮辣味好香唔會TOO MUCH, 好食!賣單唔洗250蚊, 好抵食, 會為左依個熱辣辣雞湯回頭幫襯!

今日同阿媽係太子行花墟，之後肚餓係附近見到呢間有花膠雞湯就被吸引左入去試一試！餐牌除左招牌花膠雞湯仲有擔擔湯，，酸辣粉，小食等招牌痴花膠雞(半隻) 加米線湯用鐵鍋上，用細火一直保溫呢點可見餐廳非常細心因為花膠湯一涼就會凝固咁樣一直加熱客人就可以慢慢享用花膠湯好濃郁，花膠同雞既味道好夾雞件嫩滑新鮮，食得好滋味~明太子釀雞翼雞翼外脆內軟，加上滿滿的明太子味道好豐富有層次金磚豆腐豆腐大小好迷你，剛好一口一粒亦係外脆內軟廚師功力好厲害

朋友介紹經開呢頭黎試佢個花膠雞濃湯麵， 仲要轉埋雞脾睇下係咪真係咁好食。✨五香牛𦟌（$38)：食落爽口，牛味幾夠，加上甜甜既醬汁同蔥花都幾香，鋪底既蘿白仲索晒醬汁好入味。✨花膠雞濃湯上海麵：加$10轉左雞脾，啖啖肉都好嫩滑。個湯感覺無味精，味道好清甜。上海麵質地彈牙，不過就咁加湯落去食就唔係好索味，最好就係直頭放埋落去滾，個湯愈滾雞味愈濃愈香，咁食就最正。✨花膠我就鍾意煲到最後先食，煲到夠腍夠膠質。✨魚湯時蔬: 最後食埋碟菜，有白菜同黑木耳，配埋魚湯清清地就夠晒健康。