癡膠雞 (荔枝角道)

营业中

休息中

米線就食得多 但呢間米線好有特色首先佢好似一人火鍋咁 居然有個爐♨️ 米線就分開碗嚟裝建議每次將少少米線放入鍋煮1分鐘之後就食咁就唔洗林曬 保持彈牙口感 又可以入到味然後就係個湯底喇招牌癡花膠雞濃湯米線個雞湯係煲到奶白色架😍應該都係好足料地熬左好耐飲落味道濃郁因為有花膠 所以越煲個湯就越滋潤啱曬想養顏嘅女士們🤭雞就有5-6件 件件都多肉肉質都嫩滑 絕對唔係比曬雞胸肉你🍅蕃茄花膠雞濃湯米線呢個湯底蕃茄味清甜 甜甜酸酸咁好開胃😋除左花膠同雞之外配料仲好豐富有蘿蔔、木耳絲、蕃茄粒、蔬菜等等兩個米線嘅份量都好多不論男女都可以食到飽飽😋除左米線之外 仲可以揀米粉、上海麵或者薯粉我地都叫左個小食試下🦀蟹肉忌廉薯餅係新鮮炸好嘅 影完相先食都仲係熱辣辣脆卜卜裡面嘅蟹肉忌廉好creamy點埋我最中意嘅沙律醬 真係好邢惡😈總括嚟講 雖然價錢可能比普通米線貴少少但佢一D都唔普通 物超所值💰💰無論個雞湯、雞件定米線 都真係無得輸 值得推薦 我都會再回頭架!👍🏻👍🏻👍🏻

同事介紹過呢間小店既雞湯米線好好味～～前幾日放工後就黎食晚餐😋😋🍲招牌癡花膠雞濃湯米線 $68✨湯鍋下面有火熱住，米線分開上，可以慢慢食～～湯頭味道濃郁！花膠口感爽彈，滿滿骨膠原🤤🤤雞肉好嫩滑，啖啖肉冇碎骨！！米線質地滑溜，而且份量十足，食完好夠飽❤️❤️🍖五香牛𦟌 $46✨牛𦟌滷水味道好出，聞落好香🤤🤤肉質軟綿，滷得好入味，清爽唔油膩～～仲有幾片白蘿蔔墊底，索哂啲醬汁，好好味👍🏻👍🏻

💥太子性價比高既選擇📍痴膠雞｜太子📍人均消費 $ 5 X#CL太子 #CL四圍食 #CL中餐⚪️⚪️⚪️⚪️⚪️⚪️⚪️⚪️⚪️⚪️咁岩去太子買完野順便搵食👅經過呢間痴膠雞又幾多人等外賣，斷估應該唔差既😆💟花膠濃湯薯粉 💰 $ 4 2一上枱即刻試吓啖湯🥰好清甜感覺無味精，格左陣仲凝結左一層膠係湯面頭，雖然未到痴住個口但望一望個價錢先啦🤣仲想點丫🤣大約有5.6舊花膠配埋大大碗薯粉飽哂👍🏻💟口水雞重慶酸辣粉 💰 $ 4 5口水雞係另上既，雞件勁滑配埋口水汁好開胃丫✨至於本身既酸辣粉絕對唔係出面一式一樣個隻味👐配料仲有木耳、花生、腐皮，撈埋一齊食別有一番滋味💗🤟🏻不負責任點評好味道🌕🌕🌕🌕🌕🌕🌗🌑🌑🌑性價比🌕🌕🌕🌕🌕🌕🌘🌑🌑🌑回頭率🌕🌕🌕🌕🌕🌕🌗🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

做女人有時真係要補一補但近排媽媽比較忙，自己無時間煲湯。所以有時係街食飯都會揀d有湯水或燉湯既餐廳，飲返碗滋潤下有日經過太子見到呢家主打食花膠濃湯雞既小店幾吸引就入去食個晚飯。我哋兩個人叫左半隻招牌花膠雞+上海面呢到所有湯都有熱爐滾著，食到尾湯都仲係熱辣辣，上枱見到金黃色濃厚湯就個湯頭一定好濃郁原來老闆選用三黃雞浸煮方法整雞所以肉質勁彈牙幼嫩，唔係煲湯既柴口雞件，花膠量又足料，再配埋用雞肉、豬骨、鯊魚軟骨熬煮既湯底。骨膠原勁充足，飲完覺得自己皮膚都有彈性左 。如果係屋企自己煲真係好需，呢家發現左呢到得閒想飲碗濃雞湯隨時過嚟就得😋😋因為媽媽而家底碳飲食晚上盡量少食澱粉質，有藉口 叫多個小食試下🐽麻辣豬耳，爽口惹味，飽肚又低碳一啖一啖好快就食晒成碟😅

🕖時段-星期四夜晚7點幾到有2,3人等緊 10分鐘內入得 食食下見出面有差唔多10人排😱好彩早少少到_▫️招牌癡花膠雞濃湯米線 $68上菜時湯同米線分開 湯係有個爐坐住一路滾🥘熱辣辣🔥花膠雞湯好鮮甜好好飲 雞肉滑嫩 有4-5塊花膠😛一路滾住 愈食愈濃味🐔 _▫️藥膳黃酒雞湯米線 $60湯既藥味唔算太勁 同埋有啲甜甜地咁比較易入口 雞件無癡花膠雞個肉質咁滑 但係啖啖肉無咩骨👍🏻 _▫️熱菊花茶跟米線送 無糖健康🌼 _🍽環境餐廳有大約10張枱 啲枱夠闊落 2人枱放2個爐加2碗米線都仲有位😙

近日女同事們紛紛討論疫情期間，做facial都做少咗，令到皮膚變差，有人提議食花膠補返下，因要工作冇時間自己整，同事知太子有間雞湯麵店癡膠雞，平靚正，今晚就去試吓！招牌痴花膠雞濃湯米線，招牌花膠雞係鎮店之寶，一定要試吓！老闆選用雞味濃的三黃雞，肉質非常嫩滑，加上用秘製貴妃雞滷水浸煮，令雞肉更滑更入味。湯底用雞肉、豬骨、鯊魚軟骨大火熬製足足3個半鐘，將鮮甜味盡熬煮出來，雞湯呈微微金黃，味道清香甜美，加上重骨膠原、蛋白質豐富的冰島鱈魚膠，爽滑得令人一試難忘。米線吃前才夾到鍋中就可保持爽彈。椰子雞米線，湯頭清香入味好清甜，椰子片和木耳分量十足，爽身脆口。原鍋連爐火上枱，點住火保持温度熱辣辣，滋味又滋補！

喜歡吃貨的朋友們必定受落，無論中午或晚上用膳大人小孩一聚吃番碗完全沒難度不可不試淡淡味覺突出一飲而盡的享受，新鮮滾熱辣結合起來，碗碗上桌份量滿滿又有驚喜!加上熬製湯頭味道鮮味，鍋湯選擇別有一番滋味「椰子雞湯米線」大大碗滾成呈奶白清甜豐富之餘，濃烈得來唔膩口且帶有椰子味，不管追加米線湯汁索盡加上啖啖滑雞鮮嫩別有風味「北茹花膠湯米線」花膠真材實料厚實黏口膠質，大大片吃起來口感彈牙，難怪小店前來的人這麼多

一個人晚餐, 十之八九都係去買連鎖米線番屋企獨樂樂, 但次次番到去都要自己叮番熱, 今日心血來潮, 不如就去食個熱辣辣既米線!我食野一定要熱, 特別係湯麵或者飲湯, 依度個既米線有火爐熱住, 對我黎講真係超加分。招牌癡花膠雞濃湯米線 $68花膠雞湯顏色金黃, 眼睇都覺得濃郁, 入口啖啖鮮甜雞味, 熱辣辣真係忍唔住係咁飲! 雞件份量多, 好好肉地, 建議加$10轉脾~~ 肉滑而香, 皮位又唔會好肥, 好好食!米線口感比平時食既更煙韌, 米線本身煮熱後分開上, 咁樣配搭唔會浸腍米線之餘, 又可以食到啖啖熱辣辣!金磚豆腐 $28必點, 外皮又薄又脆, 豆腐嫩滑到入口即化, 表面有椒鹽, 超香口! 一啖一粒唔覺唔覺食哂成碟。飲埋杯自家羅漢果茶, 養生又解渴, 又有益! 學生幫襯仲有9折添!

今天辣引起， 想找辣吃。留意到這一間的店名很有趣，米線的湯底還用爐keep 住滾，很少見， 就進去一試。點了水煮牛米線、金磚豆腐、凍奶茶。水煮牛米線，肥牛的份量很多， 一般餐廳都是配菜多牛較少， 但這一間肥牛跟配菜是50:50。米粉很綿， 掛湯能力也強。湯一直在爐頭上滾著， 又熱又辣。爽👍🏻 水煮的湯底一點都不油， 辣得來也很清香。金磚豆腐， 薄脆金香的外皮， 包裹著軟滑的豆腐， 口味一流。凍奶茶用不銹鋼杯裝著， keep 住冰凍， 食完辣辣的水煮再喝一口冰凍的奶茶，正。👍🏻👍🏻

聽朋友介紹，呢間專食花膠米線的米線店。經過太子， 就黎試下佢。我叫左蟲草花花膠雞米線、金磚豆腐。蟲草花花膠雞米線 $68米線的湯底真係好好飲，有別一般的米線店，即係酸酸辣辣果隻。我可以清晒佢Ｄ湯，真係好濃郁，鹹度適中，飲得出不添加味精。米線同湯底係分開上，湯底、雞件、花膠片、蟲草花放在一人邊爐D 鍋度， 好似打梗邊爐咁。用細火keep 住個溫度，熱辣辣，飲落去真係好正，如果冬天黎食仲正呀。雞件好滑，花膠好淋，米線分量好足，如果細食D 既朋友，可以叫佢小米線呀，唔好浪費食物。金磚豆腐 $28另外，叫左金磚豆腐小食。外脆內軟，炸分又唔厚，入口即溶；調味又不會死鹹，好香口，份量足，值得推介。食物質素高，店員小姐又有禮貌，呢間小店可以再回頭呀。

會比埋個爐仔滾下滾下咁，米線另上，全程都食到熱辣辣嘅米線招牌花膠雞湯米線 $68三黃雞雞味濃郁，雞肉爽滑，浸左熱湯咁耐一啲都唔會鞋，雞肉係比較有質素嘅雞花膠份量比想像中多‼️係偏向爽口嘅花膠，大大塊食落勁滿足湯底用咗雞肉、豬骨、鯊魚骨熬製，奶白色湯底又鮮又濃，滾多2滾之後仲會更濃稠，滿滿骨膠原藥膳黃酒雞湯米線 $60藥膳雞超級滑，而且腌得入味，藥膳雞件比花膠雞件細舊，湯底有當歸、紅棗等藥材，藥膳味幾濃但不會苦，飲落順口，黃酒味都幾重，自己幾鐘意呢個湯底金鑽豆腐 $28呢個超級推介！外脆內軟，外面嘅炸粉薄薄地一層，入面係嫩豆腐，入口一咬就化開，味粉鹹度啱啱好，超好食💯店舖會提供羅漢果菊花茶，味度微甜幾好飲Ps. 店員超友善禮貌，面帶笑容對每一位客人癡膠雞 (荔枝角道) (太子)太子荔枝角道78-84號勝興樓地下D號舖

正所謂女人唔補好易老想滋補第一時間就諗起食花膠、飲雞湯位於深水埗荔枝角道嘅呢間賜教雞就一年四季都提供招牌花膠雞湯米線價錢相宜但就可以來食到滋補養顏嘅花膠雞真係超正小店坐位不多入座就會奉上羅漢果菊花茶，唔使加錢㗎我哋分別叫咗兩碗麵，兩份都用熱鍋上檯，就算慢慢食都可以keep住熱辣辣嘅溫度花膠雞湯勁濃郁雞件嫩滑、花膠大大件而且份量唔少另外一款就叫咗藥膳雞滿滿嘅藥材味道非常濃郁，雞件應該稍為醃製過，味道同口感都同招牌花膠雞有所不同，各有特色

濃郁花膠雞湯米線真係值得推介！我就嚟飲晒啲湯😛😋啲雞好嫩滑，花膠又好食😋重點係湯底超濃郁！佢好特別，湯底、雞、花膠放喺個鍋度，滾下滾下咁，好似打邊爐keep住個熱度👍🏻，米線會另上，感覺好得意好似打邊爐咁！不過重點係我未調校得好好，我一食完就即刻推介俾朋友✌🏻另外就係價錢都好抵，只係$68！另外識我嘅人都一定知我都幾食得嘢，另外仲叫咗小食，金鏄豆腐 ，超級滑，外層好脆而且炸粉唔厚，外脆內軟，我抗拒唔到招牌癡花膠雞濃湯米線$68金鏄豆腐 $28

Lunch Time就係公司附近位於太子嘅「癡膠雞」度食Lunch😊因為見公司同事話呢間非常之真材實料，所以公司同事帶我去試一試！😋果然真係相當唔錯！同事真係無介紹錯！😊招牌痴花膠雞濃湯米線 $68果然係舖頭嘅招牌菜！好濃嘅花膠雞湯😋仲可以當湯飲😋藥膳黃酒雞湯米線 $60啲雞入晒味，充滿藥膳味！仲可以連湯飲埋添😋椒鹽粟米 $28脆卜卜！炸出黎香噴噴🤤羅漢果菊花茶每位客人一杯免費，甘甜潤喉😋

呢間大胃食過幾次，佢地啲湯煲米線真係好唔錯，lunch咁趕都會專登行過嚟食今次就夜晚食，唔使咁趕之前喺冬天就食滾湯米線，而家大熱天時就試返普通嘅湯米線，但一樣係用濃雞湯做湯底奶白嘅湯色，大胃一滴都冇剩依然非常足料，北菇大大嚿花膠有好多片，仲要煲得幾腍𠻹胃民第一次嚟食，但因為怕熱，都係就咁嗌濃雞湯米線，但已經令佢好驚艷，因為湯底真係幾出色佢就配明太子雞翼，去骨去得非常俐落，一咬開係會咇汁，好入味呀大胃次次都會食佢地嘅金磚豆腐，今次就試第二啲，同樣係人氣嘅小食—椒鹽粟米，好鬼惹味，大大塊，如果有支啤酒就好喇