當文歷餅店 by Dominique Ansel (已結業)

同事同親戚都介紹過，所以今日終於離開自己個小區出去行下就選擇去尖沙咀試一試呢間新開又有香港特色甜品。堂食太多人排隊只好買走回家吃，對有有選擇困難症嘅我就可以順便買所有味回家吃。菠蘿包造型好得意，但食咗有少少椰子味，屋企人問點解無菠蘿味火腿通外表好可愛，係淡淡芝士味。牛奶罐係焦糖加冧酒，唔知係咪太熱我又住得遠，返到屋企一切開就溶。佢個packing 放乾冰只放喺一邊，所以牛奶罐喺最遠就溶咗。士多啤梨因為有薑，味道又唔係太強太辣，所以我都喜歡。皮蛋係有驚喜，榛子味，有少少果仁，皮蛋心係coffee jelly。檸檬茶係我同事同親戚都highly recommended，真係無介紹錯好香茶味中間帶少少酸味，外表同味道係一至。$58-65 一件真係唔平，但留家咁多日當獎勵一下自己

當文歷係尖沙咀開左都一段時間，之前去親一係就太多人，一係收左🥺今日終於試到啦，仲要堂食(雖然都等左多過半個鐘)同見到明星🤩紙包檸檬茶$62🧃唔好比個顏色呃左以為係檸檬味，其實係白朱古力來架，真係好精緻🥰入面有又濃又creamy嘅earl grey mascarpone mousse，最入面個個layer係佛手柑味嘅凝乳/curd，口感滑捋捋，味道甜甜酸酸咁😋中和翻外層mascarpone mousse嘅濃厚度同埋白朱古力嘅甜度。最底層係杏仁餅同脆片餅乾，脆片餅乾口感突岀，減低整體膩度。口感同味道都好有層次，一層一層嘅layer都好有驚喜感，好似尋寶咁🤩火腿通$58🥓通粉size比想像中大粒，真身係’帶有檸檬香氣嘅絲滑芝士蛋糕’，絲滑係有嘅，幾特別，唔係平時個種creamy，檸檬香唔太突岀，食落好似yogurt雪糕😂吞左之後，口腔留低嘅係濃濃嘅yougurt味，所以都幾唔似芝士蛋糕。火腿，青豆同蘿蔔嘅真身分別係白朱古力，麥提莎般嘅脆朱古力同埋棉花糖，認真玩味十足呀👍🏻

全球最佳甜點主廚Dominique Ansel來港開餅店了，有大廚作鎮，再加上餅店融合香港特色美食，令很多人來一嘗味道 紙包檸檬茶 - 伯爵茶拂手柑白朱古力和檸檬蛋糕製成的紙盒檸檬茶，像真度很高吧？飲管也很逼真，吃起來有濃郁的伯爵茶味，再加柑味奶酪，味道偏甜一點！ 炒粟子 - 粟子蓉瑪德蓮蛋糕 軟熟的蛋糕中有濃郁的粟子忌廉味，香噴噴且熱氣騰騰，以紙袋裝住更有懷舊的味道 吉列滑蛋三文治 蒸蛋炸至脆身，再加日式麵包，賣相也不錯

終於食到 😛檸檬茶係佛手柑蛋糕再加 mousse 🥰面層係白朱古力💕..菠蘿油係椰子熱情果mousse舊牛油食落真係好似牛油😛..今次仲有蝦餃同燒賣👍🏻蝦餃切開真係粉紅色因為係🍓🌹🍑mousse 😋..最鍾意係粒燒賣☺️😀pear with chocolate mousse..所有甜品都係真係真係好精緻好靚☺️朱古力外層做得好薄👍🏻好好食又唔會太甜😙絕對可以再encore 😄thanksfortherecommendation😃------👻回頭指數🍽食物: 🔘🔘🔘🔘🔘📷環境: 🔘🔘🔘🔘🔘🛎服務: 🔘🔘🔘🔘🔘💸CP: 🔘🔘🔘🔘🔘

🍍Pineapple Bun $65It looks exactly the same as the signature HK-style bun🤩 Topped with coconut mousse, there is a layer of smooth mascarpone cream with pineapple lime passionfruit jam in between, and eventually coconut dacquoise to imitate the bottom part of the bun. The bun is fluffy and rich in coconut scent with a bit of tangy taste from the jam🥥🍍-🍪HK Milk Tea Cookie Shot $48Unlike the cookie shot in Tokyo store, the cookie cup here is in yakult shape, with a little choco-made lid🍫 The milk t

前年東京旅行，已經初嚐佢既甜品，賣相相當特別，而味道也不錯。知道佢最近落戶係尖沙咀，心知應該會有好多人會排隊試，我沒有勇氣去排隊等入座，買外賣就算😝第一次外賣試咗火腿芝士通粉同檸檬茶。火腿芝士通粉的賣相很討人歡喜，食落也是滿滿的芝士還帶點陣陣的檸檬味，芝士並不是new York cheesecake那種實在，軟軟的，很不錯。至於檸檬茶的賣相也很有心思，外殼用上白朱古力，比較甜同漏，但內裏吃得出有層次，特別有我最喜歡的伯爵茶味的mascarpone mousse，很好！第二次外賣預祝男友生日，今次又試火腿芝士通粉，但冇叫檸檬茶，試咗燒賣。燒賣係朱古力mousse配啤梨啫喱，唔會太漏，反而有d清新！題外話，如果舖頭能夠提供蠟燭就會更加好，就算要額外收費也可以，免得我要行番city super買😅

窩夫10月生日的時候，蝦子餅帶窩夫去，日前蝦子餅生日，窩夫帶蝦子餅去當文歷餅店by Dominique Ansel吃「菠蘿油」蛋糕。Dominique Ansel榮獲世界50大最佳餐廳中的「全球最佳甜點主廚」，於海港城開設香港首間餅店，將香港的飲食文化融入他的甜點創作之中，在甜點櫃可以見到香港人感到很親切的「蝦餃」和「燒賣」等。(註：天生一對的「蝦餃」和「燒賣」供應期至3月31日。)窩夫一早選定了「菠蘿包」，另一件選哪件好呢？蝦子餅選了「紙包檸檬茶」($62)，一定要相機食先。外層的檸檬茶包裝用上白朱古力片，味道難免偏甜，窩夫與蝦子餅比較喜歡它的內涵，有伯爵茶馬斯卡彭慕絲、佛手柑奶酪、杏仁餅及脆片餅乾，伯爵茶的淡淡茶香跟檸檬茶的外型很夾。「菠蘿包」($65)也上桌了，窩夫覺得叫「菠蘿油」會更加貼切，同樣要相機食先，吃下去覺得味道豐富有層次，驚喜之作。菠蘿包是用椰子慕絲和達克瓦茲蛋糕造成的，中間是菠蘿青檸熱情果果醬，夾著一塊海鹽馬斯卡彭忌廉，不只看似厚片牛油，因為海鹽帶有鹹味，連味道也跟牛油有點相似。飲品方面，點了一杯熱鮮奶咖啡($48)，大大杯，味道也很合窩夫與蝦子餅的口味，配甜點一流

充滿話題性的甜點讓餅店長期排長龍，過了兩個月左右，熱度開始減退，小妹終於來到當文曆餅店！「港式奶茶曲奇杯」「炒栗子」老實講兩樣甜點都好普通，港式奶茶一啲都唔港式，感覺更似午後紅茶炒栗子就似係台式雞蛋糕內有栗子蓉，水平一般反而鹹點出色一點，「吉列滑蛋三文治」吉列滑蛋質感如布甸般滑，另外用上XO醬代替普通蛋黃醬感覺更有驚喜，硬要說的話就是吐司的質地有點偏乾不夠軟綿綿

自從上次在八月堂品嚐過牛角包後，便對有特色的麵包產生濃厚的興趣🤣前陣子在網上留意到一間紐約甜品店在香港開分店，當中他們售賣的法式甜酥麵包令我印象很深刻🤤今天襯着下午出外見客，有一點空餘的時間，買了一個試下🤤🙈-這間店鋪售賣很多賣相精美的麵包和甜品，有些還是香港地區限定。由於今次時間倉猝，只買了甜酥麵包來吃，唯有等下次約朋友們來品嘗其他的甜點🤦🏻‍♂️-1️⃣DKA (Dominique’s Kouign Amann) $38這個DKA的外層是焦糖脆皮，焗得很酥脆，而內裏是一層一層的麵包，非常鬆軟😋在口感上，比牛角包更多層次，如果同樣是焦糖口味，我會選擇這個DKA😋

DKA 😋 4.5/5DKA (Dominique Kouign Amann) 嘅焦糖外層金黃香脆，內層嘅酥皮鬆化，柔軟煙韌，充滿濃郁嘅牛油味，食完飽肚感十足，果然係招牌，值得一試😋港式奶茶曲奇杯 😋3/5 奶茶都算幾滑，奶味比較重，味道唔算係港式，所以飲落係香多過濃，而且飲兩round 好快無晒。個曲奇杯形狀好明顯係扮益力多，聞落好香好重牛油味，非常邪惡😈形態做得非常神似仲好厚添，內層仲有朱古力coating，整體味道係偏甜，飲晒奶茶之後齋食曲奇杯係比較滯😣 老實講要將地道美食轉化為另一種形態演繹出黎係唔容易，chef Dominique 嘅創意係加分嘅👍 大部份甜品賣相吸引但係味道偏甜定價亦偏高，好唔好食真係見仁見智

大師級甜品店Dominique Ansel bakery ，實力同名氣不容置疑，黎到香港當然要試一試😍疫情期間，堂食唔使排，於是一餐過試埋咸點🍽試咗DKA (全球熱賣產品wor ) , 同芝士奄列疏乎厘， 火退通，波蘿包🍍DKA 係好鬆化，但唔夠香口，$38 真係有少少唔值芝士奄列疏乎厘雖然明顯外層過哂火，（正常收到尼個價位，餐廳見到咁唔會送上枱俾客，要扣D分）不過我哋趕時間，冇同餐廳要求搵（製作需時20分鐘），雖然佢賣相唔好，但係全餐最好食，滿滿芝士，濃厚蛋香帶香草味😋 火退通，波蘿包🍍 又係因為期望太高，有所失望，味道唔錯，外型充滿香港特色，可惜我覺得同一啲高級餅店買到嘅差唔多質素，唔似世界級甜師大師旗下分店品，總結：係值得一試，影下相打卡都值，如果冇定期出新款式，好難吸引回頭，蛋糕價錢同附近五星酒店差唔多，但環境同服務就差少少🤏

網上見到一間是世界熱潮甜品當然要去一試，平時好多人排隊，22/3當日就去朝聖一下，竟然唔洗排隊🥰甜品外觀都好靚好有香港特色食物為題材，我就叫左4樣嘢，魚旦，炒滑蛋蘿蔔糕英式鬆餅，法式芝士梳乎厘奄列，自家冷萃奶茶(店員推介)，食物到咗，首先係魚旦味道都唔錯，外面好似糯米糍皮燒焦糖真係好似魚旦🍡，入面係紅豆雪糕外暖內凍都幾好😋，之後到鬆餅味道好似有啲五仁月餅味道感覺然後入面係滑蛋有少少奇怪，唯有快啲等梳乎厘補償番，點知梳乎厘外觀已經有啲出入，再食埋就更失望😞外面蛋好老有啲燶已不討好，入面係一啲泡泡同碎芝士，淨係食到芝士味但係啲泡好怪，但不想浪費食物當然要努力食完，然後杯奶茶冇乜特別好淡😕好似加左好多水好淡嘅奶茶咁嘅味😑，跟住望到隔離枱，佢哋叫咗檸檬茶，通粉但係每樣都食剩半個，聽到佢哋話好甜，我諗我都冇信心試佢其他嘢，如果去影相或者食串魚旦就可以🤫

Dominique Ansel Bakery 係全球最岀名嘅甜品麵包舖，被譽為「一生一定要去一次的麵包店」。黎到香港開分店，身為吃貨達人又點會錯過呢，感覺就好似Channel岀新款要買包包同一道理😋。但香港分店竟然唔賣招牌牛角包冬甩，而係以香港特色美食為主題，製作甜品，如菠蘿包、檸檬茶、咖喱魚蛋等等，係美國一定食唔到！🥧🥧🥧🥧🥧🥧🥧🥧🥧🥧🥧🥧🥧🥧🥧菠蘿包-椰子熱情果蛋糕 $65 (8/10)賣相同一般現實嘅菠蘿油真係似模似樣，平時見到呢啲扮嘢甜品，都會覺好睇唔好食。點知，一食入口好香椰子味，係咬到一粒粒嘅椰絲係入面，食到入面嗰層，熱情果醬嘅味道慢慢岀左黎，酸酸甜幾開胃，果然係全球最岀名嘅甜品店🤤👏🏻紙包檸檬茶-伯爵佛手柑蛋糕 $62 (8.5/10)最外嗰層紙包檸檬茶，係白朱古力整嘅，偏甜但接受到，冇生日快樂塊牌咁過份。之後就有伯爵茶嘅mousse，好香濃嘅茶味，底層就係佛手柑蛋糕幾清新，又唔會搶過伯爵味，幾特別！🍰🍰🍰🍰🍰🍰🍰🍰🍰🍰🍰🍰🍰🍰🍰當文歷餅店嘅甜品除左設計特別，味道配搭都好新奇，椰子配熱情味、伯爵配佛手柑，未食之前總會好奇真係好食？食完又岀奇地覺得都幾夾🤭。我下次一定會再食

被喻為「餐飲界凡高」全球最佳甜點師 Dominique Ansel主理的當文歷餅店在尖沙咀開店了👏🏻！Dominique特地為香港店創作以港式茶餐廳和小食為主題的甜品，身為甜品控一定要來試一試！.紙包檸檬茶：基乎是每枱必點的，外型做得很仔細，連吸管的細節位都有做到，其實它是佛手柑伯爵茶蛋糕，外層由白巧克力片組成，中間夾著伯爵茶mousse，伯爵茶味突出不過整體超甜😪沒有檸檬茶的味道.棉花糖熱朱古力：又一個每枱必點的，店員很貼心的叫大家手機準備好拍攝才會把花型🌼的棉花糖放到熱朱古力上，一遇熱棉花糖就會開花，超好看。不過我覺得超甜而且味道怪怪的，可能是棉花糖的關係，我喝到油油的感覺🧐沒辦法喝完一杯.黑白淡奶：巧克力外層包住奶凍，一向喜愛焦糖海鹽的我也覺得這個很甜😪，甜味完全蓋過海鹽的味道，中間有冧酒蛋糕，太濕。.港式奶茶曲奇杯：益力多外形很有趣，倒入奶茶後可以喝一口奶茶再吃一口曲奇，玩味十足。奶茶茶味不夠濃，奶味很重，曲奇杯較硬身味道普通.通心粉：可愛的火腿通心粉造型其實是一個檸檬芝士蛋糕，也是本日最好吃的甜品😋檸檬味偏淡，但酸酸甜甜的配上cheese cake味道剛好！.📍當文歷餅店 b

之前見好多人黎食，好出名咁，所以黎試試下午茶時間，咁岩唔洗等位，可以慢慢坐，Staff仲好貼心野食賣相同創意係💯味道就見仁見智，我覺得港式奶茶曲奇杯係唔錯，奶茶同曲奇都唔太甜呢包紙包檸檬茶就太甜啦，佢係cake黎，味道ok，但係甜到好漏