番茄濃湯專門店 (已結業)

這間餐廳用了蕃茄做賣點，因為蕃茄是健康的。蕃紅素也在店內的poster 介紹了。今天在附近看中醫，順道一試可能被澳洲牛奶公司寵壞了，滑蛋要真的滑才好味這兒的滑蛋是過不了關但我喜歡它的蕃茄湯，夠濃味但要是你穿白色衣服，一定不可點意粉，因為會彈到你的衣服上份量剛好給女孩子吃配菜我點了辣味牛丸，好野味，香口，是好刺激的夠彈牙總結，不會再來滑蛋有待改善

一向忠情於蕃茄的我，眼見食家大讚此店決心一試相約友人晚上運動前到小店如一眾食家所說，小店門前的大蕃茄相當顯眼店內相當精緻入坐後與友人商討便點了二人套餐選了檸檬蜜糖脆脆豬，蕃茄滑蛋漢堡扒濃湯米粉，金黃龍利柳鮮茄蓉煮意粉，附送小食併盆甜品及兩杯飲品檸檬蜜糖脆脆豬，帶點酸應該是檸檬重的關係，脆豬果然很脆，要襯熱食，待涼後會變得沒什麼口感小食併盆有煙肉車厘茄串，雞翼，薯角，煙肉車厘茄串太肥，食完個口好似用肥油潄口咁，雞翼由於無食既關係所以不加評語，薯角不錯沒炸燶友人對蕃茄滑蛋漢堡扒濃湯米粉沒有什麼不好評語，應該不錯，但因為米粉易發，友人不停分享近況，所以友人最終未能KO碗米粉至於金黃龍利柳鮮茄蓉煮意粉份糧十足，略嫌蕃茄味不夠重，也許我是蕃茄痴重口味，一向喜愛不太硬身意粉，而金黃龍利柳鮮茄蓉煮意粉對我黎講略硬，適合喜愛有口感既朋友總結無想像中好食，先入為主了期望太高不過也不錯吃，份糧十足，我同友人都食唔曬而且小店裝修整潔度高員工友善小店黎講相當唔錯

呢間大番茄店, 我上年係網上見到, 已經好想食, 因為對蕃茄食品好有興趣, 每逢蕃茄做嘅食物, 都自然覺得好似好健康咁, 所以好鍾意食蕃茄整嘅食物, 但因為呢間店舖太遠了, 所以一直未有去試食, 今日咁啱要去元朗買嘢, 終於一嘗心願, 好彩都冇令我失望, 遠都值得一試, 可惜只有我同Honey 2 個人, 只可以一人選擇一個飯, 唔可以試太多嘢食, 下次會再試食其他嘢食.鮮茄咖哩牛脷粒焗飯 : 呢個飯係我叫錯咗, 一心想食蕃茄做嘅食物, 但見到係牛脷粒就好想食, 加上淨係見到前面鮮茄2個字, 所以睇唔到咖哩2個字, 所以叫錯咗, 但都好好味, 因為平時個D牛脷, 一塊塊, 有D店舖整得唔好食會一陣羶味, 但呢度係粒, 好有咬口, 好鬆軟, 一D羶味都冇, 咖哩汁好香, 好濃味, 唔太辣, 好正, 值得一試.芝士豬扒焗飯 : 呢個唔駛講一定好味, 因為係招牌飯, 自然No.1, 鮮茄味好濃郁, 豬扒肉質鬆軟, 有D Mozzarella cheese, 但稍微覺得唔夠芝士味, 應該再加多一種有味芝士, 咁就完美, 因為Mozzarella cheese係冇味, 只係有拉絲效果, 但整體都

平日行街經過，見到嗰招牌有大大個紅蕃茄，非常吸引，於是拿張菜牌睇一睇，見到菜式和賣相都想試一試。入內環境裝飾佈置簡潔，感覺很舒服。原來樓上仲有閣樓，可以比人包場開派對。講返D嘢食，我哋叫咗二人套餐……有咖喱雞飯、蕃茄龍利柳意粉、小食拼盤、甜品。先嚟嗰小吃，內有煎雞翼、薯條、煙肉卷。D雞翼好嫩滑唔會煎都好乾身，薯條炸得好脆口，配埋茄醬一流。煙肉本身都油膩，師父配合車厘茄食後感覺無咁膩。唔錯跟著主菜咖喱雞飯和龍利柳意粉，上枱已聞到好香嘅咖喱味。D雞肉同薯仔好入味，雞不是冰鮮，好嫩唔`鞋`口。D魚煎後肉質仲好滑唔會乾身。意粉入口爽唔會好諗加埋蕃茄醬汁……正呀甜品相對份量少咗，只係一球雪糕和兩小個窩夫。不過，今晚吃得好滿意！

探訪友人,友人帶我到這間開業半年以蕃茄作主題的餐廳,友人提議點必試的芥末牛脷粒,說非常好味,故除了點牛脷還選了鮮茄蓉煮蜆煮意粉配凍咖啡,檸檬蜜糖脆脆豬,蘋果汁。芥末牛脷粒果然沒有介紹錯,外層牛脷粒沾了芥末醬往口裡送充滿香芥末味,牛脷外層脆內裡卻非常JUICY多汁軟腍,鮮茄蓉煮蜆煮意粉充滿茄蓉味,蜆肉沒有冰雪冷藏味,意粉軟硬度亦適中,檸檬蜜糖脆脆豬,豬仔包烘脆沾了濃濃的檸檬蜜糖配搭非常清新,唯店員聽了ORDER後沒有覆單,ORDER弄錯了而且要求提供碗需要提兩次才去拿。

平日放假,總愛黎呢間番茄屋食早餐,呢度d番茄湯應該係自制冇落番膏,而且最緊要係夠熱,片多士脆口,豬扒鬆化,配埋蘋果汁真係一流!將半塊多士浸落d湯度都好好味㗎,大家不妨試下!

honey一向都勁愛食蕃茄，所以我地特地來試試呢間主打用蕃茄做既料理。我地order食物如下：火腿溏心蛋蕃茄濃湯螺絲粉$36個湯用蕃茄茸製成，因食得出用蕃茄茸及新鮮蕃茄酸甜味，本身是炒蛋加少少錢可轉溏心蛋，整體又fresh又好味~蕃茄焗豬扒飯$65呢個係招牌菜之一，份量及材料均好充足，用芝士焗蕃茄及豬扒一流，建議食家好餓時order食呢個飯，我咁大食都幾乎食唔哂,蕃茄及豬扒均是厚砌的，勁多蕃茄汁，鍾意酸酸甜甜既食客就岩哂，呢個飯既蕃茄汁我個人覺得酸過果個蕃茄濃湯螺絲粉。蜜糖芥末牛脷粒(必食！)$45想order一個snack, 便選擇試呢個蜜糖芥末牛脷粒，見到實物時同menu圖極其接近，普遍牛脷價錢較為貴但呢間係厚砌的，啲牛脷粒又入味再配淺綠色的蜜糖芥末醬極美味，好感動~~~好想encore~整體健康美味services都唔錯，絕對會再幫襯，nice!

蛋有多滑，不用說了，一看就知道，今次想說的是番茄湯。以番茄湯作招徠的食店有好多，製作得好的也不少，這家店給我的最大驚喜就是他們有指天椒粉提供！煮番茄湯的時候，多少都應該要放點辣椒才夠鮮甜，但店主十分細心，顧及到不同的客人有不同的喜好，所以就先製作一份原味湯汁，再可讓客人自行選擇要不要放指天椒粉。做美食，最重要的是用心。在這裡，感受到他們的細心了。吃起來。Dep Dep Dep♥

約咗朋友响屯門見，唔熟地埗就請佢介紹，佢話想試呢間。蕃茄唔係我＂飛弗＂，不過都係食餐飯啫　－－－－　就咁就有驚喜!!坐低，地方骨止，乾淨，清靚。朋友話好少可冇人排長龍。我一手指個餐牌個蕃茄咖喱牛脷焗飯，朋友話個二人餐有，又可以試埋招牌濃湯。二人餐：檸蜜脆朱(好脆，檸蜜夠創新，糖漿惹味）滑蛋餐肉蕃茄濃湯螺絲粉　（真係抵佢紅! 好濃又唔會太酸或太咸，夠熱，食到尾都係熱Ｏ既，蛋份量夠，又滑，螺絲粉大大粒煮得啱啱好，又多，好滿足! 清晒)蕃茄咖哩牛脷焗飯 (焗O既時間剛好夠我哋KO個脆朱同濃湯粉. perfect timing. 少辣, 又唔會太辣, 惹味啱啱好; 飯底炒得好靚, 好多蛋, 啖啖都係蛋香; 牛脷好林好入味! 啲沖又唔會多到瀉, 份量合宜. 又係食到盤底朝天)chocolate mousse (雖然冇轉到招牌心太軟, 但兩件mousse都唔細件, 有2.5吋立方, 以成個餐咁飽嚟計,份量好足, 味道亦誘人, 都係慢慢慢慢...兩件都食到冇得淨)一人一杯餐飲果汁,先上, 完全夠飲啱啱好!充滿視覺同味覺觀感O既一餐, 食得好開胃, 好滿足! 不過真係太少入屯門, 否則應該會係常客.

聽朋友講，屯門新墟開左間專門食蕃茄o既食店，成日想話去試下，點知講左成年先去得成。一入到去，店員就帶我地上閣樓。閣樓都唔錯丫，冷氣夠，而且寧靜d！我點左招牌菜：蕃茄濃湯！蕃茄濃湯魚柳螺絲粉。老婆點左焗蕃茄牛脷意粉！焗意粉需時約15分鐘，所以我地先食蕃茄濃湯魚柳螺絲粉。呢碗粉果然係招牌菜，蕃茄味夠濃，完全唔似落好多茄膏煮成。啖啖都有蕃茄，絕不欺場！魚柳煎得香而唔燶！再講埋隻蛋，好夠滑，但係完全無生蛋o既感覺！我都差不多食完碗粉，焗牛脷意粉先到。雖然係遲左d，但係真係熱辣辣。牛脷完全唔會靱，總之好好味。我同老婆用餐時，咁啱撞到我父母同哥哥，令呢餐飯食得更開心！

看戲過後又到來了晚飯時間，靈機一觸之下想起了這間建在新墟戲院附近，主打蕃茄食品的一間小店，於是便與友人前去一嚐究竟。從戲劇門前走到食店所花費時間大約只需個五分鐘，縱使時間乃為晚上七時多，店內座位大約只有約二十多左右，話雖如此卻仍未見客滿跡象，不過尚未客滿就代表有位能坐，對餓了的我倆來說真是好極了。店外的招牌十分顯眼，一顆大大的紅色蕃茄既顯眼又醒目，店內則以白色簡潔的裝修為主，室內光線充足，配以純白色的桌子及椅子，可惜座位與座位之間就是有點逼挾，而左邊壁上有一塊大鏡，對正門口的正前方亦掛有一塊畫滿圖案的大黑板。坐下後店員便遞上餐牌，雖食物款式不多，但勝在夠清晰整潔，每項食品飲品都附上中英對照，部份亦印有圖片，除了主打蕃茄食品外，更有其他例如眼見鄰座那焗得金黃香脆的奶油脆豬，亦有白汁，也有芥末牛柳粒等小食，店內都有數款素食，而定價亦不屬昂貴，適合各個層面人士。值得一提是店員態度都很友善，友人要求調位也沒有質問和板著臉，照樣重新遞上餐牌和暖水，收回餐牌時店員也全程滿臉笑容問道要不要甜品和還有沒有什麼追加之類的。既然蕃茄是為主打，那怎能不點蕃茄之物呢？經一番糾結後肥妹決定要了客帆立貝意粉，意粉

午膳時間變長了，於是去屯市那邊覓食走過Vicy，見它的宣傳橫額，主力蕃茄濃湯，友人和我立刻雙眼發光😍🍎於是我們跟著它的指示，直行再左轉，在某中學附近，很容易就找到！/哈 紅通通又立體的蕃茄份外搶眼可愛 難怪店主會採用這大蕃茄作門面招牌了🍅店內採用了簡約風格 感覺乾淨企理 而且怖置甚顯心思 一邊用了大鏡 增加空間感 一邊則用了以蕃茄為主題的大掛畫和一瓶瓶的蕃茄小擺設 雖然地方不大 但聽說它有兩層高以黑板寫上推介美食 並配上工整的文字 可愛的畫功 Green Menu，感覺清新，充滿田園風味。原本想點$168的兩人套餐，好像較划算，可是只限晚市供應。其實當天亦有兩款set lunch 供應，是日分別是卡邦尼汁龍利魚柳飯丶黑椒汁香煎雞翼飯，送橙汁🍊或蘋果汁🍎一杯。但我倆對蕃茄較有興趣，於是點了兩個蕃茄濃湯系列（$36），另有辣度可選擇，這不包飲品左是時蔬（生菜）意粉，右是粟米螺絲粉。哈這個器皿盛載著太有趣了吧。先說蕃茄湯底，沒有預期的濃，酸度一般，而滑蛋表面的確滑溜溜的，可是底層並不滑，像煎蛋般的，若是全滑就好了友人的意粉太硬了，而螺絲粉則煮到過腍，烹調時，應改善下控制時間方面。幸好粟米好香

復活節假期第三天，繼續四出覓食，吃一些平常日子不會吃到的。當然啦，早餐的話不能走太遠，這天的早餐選了在 Tomato Otamot 完成。來到的時候，地下已滿座，店員請我們稍候片刻，快快手執拾一下樓上便讓我們入坐。早餐的選擇也算多，先看餐飲︰夫君偏愛凍飲，咖啡也要冰的，他說好喝，我卻認為凍咖啡少了應有的香味。而我最近喜愛啡走，這店沖調的淡奶和煉奶比例很合我心意。很快吃的也送到了，夫君點了簡單的煎蛋生菜清湯螺絲粉，他說湯是名副其實的清淡，幸好螺絲粉不太腍有咬口，算是不過不失。我點了蕃茄湯讚歧烏冬配煎豬扒多士先說豬扒和多士，豬扒是十分好味道，煎的很香，而且預先切開了，方便人客一邊讀報一邊吃，很細心啦！美中不足是我份多士已經變腍，心想是不是預先烘好了一大批？這點若可改善會被加分的！主角應該是蕃茄湯讚歧烏冬，首先聲明，我並不特別喜愛蕃茄，在別的餐室也不會選蕃茄湯底，怕會太酸或太咸，不過蕃茄是這店的 signature，怎可不試？而這蕃茄湯是值得給 like 的，完全沒過酸或過咸，從賣相及口感相信是用新鮮蕃茄打蓉來做成的，果然不負店的名字，不過 ...... 那讚歧烏冬完全不像是讚歧烏冬，口感和

我…是…個…非…常…愛…吃…蕃…茄…的…人…有聞屯門近期（大概是半年多的事了）開了間以蕃茄作主題的小店-《TOMATO OTAMOT》，真的既興奮又期待。就趁星期六晚，與我媽媽及細妹到來探個究竟。食店位處新墟，就是區內「為人民幣服務」的新商場V City附近、Neway對面。其實在我還未認識男友之前，我可是個元朗屯門人 – 很小的時候居於元朗，小學至初出茅廬時則居於屯門。新墟Neway對我來說有不少「回憶」，只因年少時最愛跟友人一起到那裡「唱K Lunch」，貪其只需四十多元左右便可以「唱K」兼包午餐及飲品，「就算唔唱歌～齋晌度播歌嚟聽住食lunch都抵啦！（還要有獨立房間，不用於外頭跟 人『迫』啊！）」由於自問不是歌喉了得，加上隨住年紀漸長，對於「唱K」的熱衷度慢慢減退。從前把Neway視作「飯堂」，現在則數年才或會去一次，還要是友人慶生呀之類才會去。話說回來，由於早就從openrice那邊看過其他食友的照片及食文，因此對於《TOMATO OTAMOT》的門面一點也不陌生。（ps. 店名就似「鏡像」一樣，到題而充滿玩味，有趣…有趣…）雖然沒有驚喜的感覺，但那個立體蕃茄招牌確是非常可愛

再到番茄, 雖然已經過了情人節, 但還有情人節套單. 我們見價格OK, 便點了. 先來胡麻沙拉一份, 很長長的青瓜絲. 是切面機切的嗎? 圓圓長條似面條. 味道OK, 加上本人喜歡吃生青瓜, 正!小食拼, 份量不多, 但有我喜歡的車厘茄! 清甜剛平衡了旁邊油炸的WINGS & CHIPS.男友點了番茄螺絲粉, 賣相相對普通, 可能因為只有腸蛋於面吧! 螺絲粉稍硬, 味道剛好!再試龍脷柳, 已經沒有第一次吃的好味了. 失望. 不過味道是不過不失的.點品可以加錢要心太軟, 而餐裡包括的是CHEESE CAKE或CHOCO BANANA.cheese cake很一般, 不知道是自家制還是買回到的, 都硬了.choco banana則暖烘烘的, 不錯試!!