番茄濃湯專門店 (已結業)

同朋友打算去Vcity行一行，的士正好係條冷行落，未食野就行左入去望下，見呢間鋪係專食蕃茄湯麵，門面幾靚就試下。叫左蕃茄雞扒麵、蕃茄鴨胸米粉同一個炸蘑菇。有得加辣，轉蘋果汁都只係加一蚊。個湯底好濃，除左有蕃茄味、仲有洋蔥、香草味，唔係一般中式蕃茄湯，得蕃茄加個荽咁。至於雞扒同鴨胸就不過不失。炸蘑菇配黑松露醬，呢個幾特別，巨菇夾埋個醬好有香味，又無沙，好多時食都有沙。鋪頭好新淨，食物有心思，兩個人都唔使百五蚊，飽左大半日囉。

屯門一向甚少特色餐廳，得知新墟新開一間以蕃茄為主題的餐廳，所以便和太太去試試午餐，結果一試難忘。我們點了一款鬆軟豬扒蕃茄滑蛋濃湯意粉及蕃茄咖哩焗雞扒飯。首先，蕃茄咖哩焗雞扒飯，蕃茄同咖哩的味道配合得好，酸辣程度剛剛好，沒有掩蓋另外一種味道，雞扒亦十分入味，份量亦充足。此餐跟一杯蘋果汁或橙汁，如果可以跟多一款蕃茄湯則更佳。而鬆軟豬扒蕃茄滑蛋濃湯意粉，這個鮮蕃茄濃湯十分好，真的十分濃及鮮，味道特別，在別處吃不到，酸甜度亦配合得好。滑蛋亦是一絕，蛋味濃郁，混合在湯裡吃，又有另一種變化。豬扒亦十分入味及鬆軟，但蕃茄湯意粉更吸引我。份量方面十分足夠，一個男士亦夠飽，此餐跟一杯蘋果汁或橙汁。

琴日好難得同男朋友去屯門,去左VCITY行陣,行完就睇下OPENRICE附近有咩野食,見到有間食蕃茄既舖頭,個外觀有個好大個蕃茄,都好注目下入到去坐位唔多,望幾望先見到原來樓上都有坐位,多人先會開,而間舖裝修好時尚,周圍都見到好多蕃茄!!!坐底後就睇下有咩食,正當我好苦惱既時候,有個女服務員埋黎推介,佢推介蕃茄蛋湯底既面,好多野可以配,又介紹牛脷飯,我揀左蕃茄蛋湯底,要意粉,配香煎雞扒,男友要左個鮮茄咖喱牛脷飯,2個都送杯橙汁或者apple汁,我同男友揀左橙汁!蕃茄蛋湯底意粉好好味,食得出個湯底係用新鮮蕃茄整成,因為完全食唔到有茄膏既味,好多時出面都係用茄膏煮成,而e個食落好蕃茄,個蛋好好味,可能因為我好like食蛋既關係香煎雞扒e個係配個意粉既,煎到個皮脆脆地,又唔係好膩鮮茄咖喱牛脷飯e個好好味,辣辣地,值得一讃個牛脷,好腍,個汁又好味鮮茄辣味雞翼好好好好味,我雖然唔係好食得辣,但e個我都食唔停口,$34有5隻,我覺得值呀,因為真係好好食,一定會再食e個!!!仲食左個炸蘑配黑松露沙律醬,但因為一黎到已經係甘食,所以唔記得影相,個蘑我唔舍知係咩蘑,但配個醬就超好食,個醬有好濃既黑松露味