番茄濃湯專門店 (已結業)

姐兒甜5pm與推著嬰兒車的妹妹和BB去試試健康的番茄*有露天放了兩枱休閒式感覺的小小餐廳。我們怕BB凍揀了室內，員工一見到我們步入已立即移動坐枱讓我們方便擺放嬰兒車，亦細心提點枱角會弄傷小孩，還跟小孩一兩句交流（點到即止）。亦像高級餐廳介紹（今天推介食品），問他有什麼招牌菜（細心推介 斯文有禮），他從我們口中聽到不是正餐時他亦不贊成再加點，結果兩人食到剛剛好飽著走。1：肉醬意粉 加多芝士的話更"正"（味道不過不失 份量滿足）2：番茄濃湯（料多，味道當然沒有家庭式的清）3：炸大蘑菇配黑松露沙律醬（推介菜式）有驚喜，炸粉薄，蘑菇不乾，調味特別，唔油膩，點少少黑松露沙律醬，完美！4：凍0茶（正常）特別嘉許員工 四眼哥哥的服務和態度他說：將心比己啫（一句 贏晒）餐廳大經營或小規模 或所有服務性行業能體會這點世界有多美好呢～

身為屯門人，多年前已經知道這家店的存在，只是當時仍然是勝香園的死硬派粉，一直沒有打算過來試試，而這位置算方便又唔算方便，除非黎開呢頭買野、睇戲，所以遲遲未有機會來。最後找住了魚子醬學校的聯校嘉年華，在旁邊的中學玩完就來這裡醫肚。門口位有陽光較為溫暖，只是忘記了會有煙民同坐，看著同校的家長，一坐低就點煙，個人還是覺得身教重於言教，唉。餐牌花多眼亂，選擇也真多，但湯粉的配料就真係配料，粟米、芝士、芝士腸、蟹柳餐肉乜都有，完全無考慮襯唔襯=o= 或者做學生生意就係咁先好掛。明顯是情意結，在這裡也點了檸蜜脆，但始終不能相比，整體蜜糖味偏重，但硬豬烘得內外鬆脆，魚子醬吃得滋味。係一堆平時宅宅ge時候先會煮ge配料內，最後都揀左芝士腸配通粉，番茄湯始終都係通粉最夾，湯底係茄膏為主的稠密質地，酸甜味好出，而本身已配滑蛋，番茄湯底也可選辣度爸爸選的意粉同出一徹，味道沒太大差異，整體出品都係家常味道，難度無乜，但番茄野一向無得輸，所以人流不絕，又唔洗特登黎食，路經坐下無妨

絕對有理由相信，蕃茄是大眾情人。試想想，在家常小菜中，不少是以蕃茄入饌的。外出午膳，不少菜式也用上蕃茄作為食材。蕃茄的酸酸甜甜加上健康形象，總是為大眾所喜愛。  不過，以蕃茄作為主題的食店，卻是在這幾年才興起的。由於受歡迎的關係愈開愈多，甚至有連鎖店的出現呢! 甚愛蕃茄的酸甜味道，這天想起久未光顧新墟這家Tomato Otamot，就來一頓簡單午餐吧!這Tomato Otamot，名字改得很妙，也早就成為這區的熱店。下午前來，一樓接近滿座。等了一會才能入座。侍應帶領到二樓，這層只是半滿。該是侍應忙不過來而未能安排入座，而非「造勢」吧! 其實這兒侍應不少，但客人也實在是不少。二樓的面積比一樓闊落，不過樓底較低一點，二人安排坐四人座位也十分舒服。走的是自然簡約的小店布局，小坐一會感覺還好，久坐就有點侷促了。  曾在開業之初光顧Tomato Otamot，餐牌選擇較少，今天前來發現選擇是多了，看來已是站隱陣腳。可選小食、蕃茄滑蛋濃湯系列、焗飯意粉，而款式也不少，不難選到心頭好。  個人甚愛喝茄湯，選了皇牌蕃茄滑蛋濃湯系列(一般配料$36，特選配料$42)，可自選配料、配意粉、通粉、螺絲粉、飯

現在假日都寧願躲在家中吃早餐，午後才出動，所以有時也要勞煩家人買外賣早餐讓我在家吃了. 這次媽媽到了番茄濃湯專門店買外賣，現在的我飲食習慣較均衡，雖然仍然喜歡吃煎炸、加工食物，但如果有煎蛋供應的話，我不會同時間吃餐肉和香腸等食物了. 煎蛋+香腸蕃茄螺絲通 配牛油多士餐 ($30) (外賣再加$1)媽媽說下單時是點了煎蛋的，不過打開外賣盒，煎蛋變了炒滑蛋，但我都喜歡吃的. 雞蛋嫩滑不過老，香腸亦不會太鹹，配上煙韌的螺絲通粉以及濃郁且酸甜的蕃茄湯底，健康又美味. 最重要是湯底不會過鹹，吃後不會有口乾的感覺.牛油多士堂食時是2片薄多士的，但不知為何，這次變了厚多士，凍了的多士味道一般.熱檸茶最後來一杯熱檸茶消消膩就適合不過了.份量很足的早餐，而且在家吃早餐很悠閒呢!屯門明藝街10號安全樓地下9822 2241

蕃茄濃湯粟米烏冬走蛋佢既蕃茄湯應該唔係用蕃膏煮，因為食得出新鮮既味道，而且好香好濃裡面加多好多香料，湯濃度剛好，夾起烏冬既時候，蕃茄湯會掛起烏冬到一邊吃烏冬, 一邊可以食埋D湯

晚餐時間，試下呢間。食左個司華力腸+意粉。份量對小弟來說絕對唔夠，但意粉，滑蛋同司華大腸食得出即整，夠熱好食。重點番茄濃湯，唔算濃，但個人黎講合口味，太濃怕口渴。下次再黎會試埋小食

二人行，特意行來，但友人突然不想食番茄湯，就轉食其他東西。 肉醬薯皮上台熱辣辣，非常香口，肉醬量十分多，肉量也多，不會太酸用來伴小食一流。 番茄蜆肉意粉意粉較硬身，不是我所愛，蜆肉無味，番茄味不香，很一般的產品。環境方面一般茶餐廳風格，比較逼。服務方面侍應速度快，有禮貌。備註:番茄湯的味道比煮意粉的好，但個人認為不要抱有太大期望來食就好。如果順路是可以一試的。總結評分味道:6/10 價錢:5/10 (50)環境:5/10服務:7/10

唔太熟悉屯門，於是見到呢間餐廳在openrice屯門排名都唔錯，就試下點了2人餐，試左佢地有名的蕃茄湯螺絲粉+白汁芥末鴨胸焗飯為主菜。先來一份前菜，係蜜糖檸檬脆豬，都唔錯，但本人覺得有d硬，沒太外脆內軟。接住就係小食，薯條雞翼，好普通，只係返熱的東西。主菜， 蕃茄湯螺絲粉，雖然應該少落甚麼添加，算原汁原味，但比預期淡味。塊滑蛋算ok吧!白汁芥末鴨胸焗飯，鴨胸過咸，芥末味太少，非常普通炒飯底。甜品，個所謂一口泡芙，完全唔得，好硬，以為係雪糕，但應該係忌廉雪硬了。加左$15，朱古力心太軟，一般吧，食了一半就有膩的感覺。總結: 有點失望，比預期差，不考慮再食。

酸酸甜甜最好味！夏天熱辣辣，又胃口大減，又唔想食生勾勾既壽司，同朋友行完Vcity 之後，就決定來吧呢間食。其實呢個位真係唔係好旺，無咩特別事都唔會黎來邊，加上附近新墟有廉宜既食肆，所以平時都唔會來來間。雖然午市，未算滿座，不過就都多人。入到去，冷氣勁，茄味濃，First Impression不錯。我地就點左三樣，(1)蕃茄濃湯配辣肉丸 8/10食完之後噴火，人手整，同機整個D完全唔一樣，特別！不過唔食得辣既人請注意！(2)檸檬蜜糖脆脆豬  5/10見到OPENRICE推介就叫左，不過個人覺得個包有點乾，脆就脆，不過係"鞋口"，邊食要邊飲野。(3)蕃茄螺絲粉唔錯，酸酸甜甜，中中上上，好開胃，咁熱既天氣我都食哂！總結，蕃茄其實我唔太好，可過見佢健康試下無妨，不過如果追求高質既食物，就唔建議，始終都係比較平民既野食。

從佢個名就知，佢主打蕃茄濃湯，甘到底佢係用鮮蕃茄整定濃湯寶定蕃茄罐頭加水溝成呢?　見佢有ＯＵＴＤＯＯＲ　枱，放假就帶埋隻狗一齊去食早午餐。安安全全揀左個漢堡扒，諗住就算個湯幾甘化學都好，都有塊漢堡扒頂下肚。份量有D小，當早午餐一齊食，有D勉強，男士們會建議食飯OR其他野，唔係好似陣風甘，好快餓。而我比較天真，我覺得個湯底佢地真係用鮮蕃茄煲成。唔會好茄汁FEEL… … 食到蕃茄肉，同佢話無加肉係個湯到，所以個湯底唔會好油，好幾清，如果ON DIET 又想食街外野，依到係個不錯既選擇。同埋加小小錢就多杯野飲，當個餐甘食，都幾抵。要食好野，真係要搵小店先得!

一般般啦 首先個脆脆包唔好食 大快活脆脆包仲好食過佢 寧願食返多士都唔加五蚊轉呢個 佢個包乾曾曾 唔抵加五蚊其次個湯 一般般 個味有啲似玻璃樽整意粉果隻茄醬再者 蘋果汁一飲就知係果汁先生。。不過算啦野飲就

晚上去食, 坐上樓上感覺幾好。叫左蕃茄濃湯配辣肉丸, 肉丸好易散, 應該係自己整, 冇出面見過類似既, 都真係幾辣下, 唔食得唔好叫。但食得辣既可以試下，係辣得黎香果隻，搞散佢同啲湯一齊食幾正蕃茄湯FRESH，好濃蕃茄味，感覺落左好多蕃茄，食到蕃茄蓉蘋果汁OK, 酸酸地, 唔係鮮榨, 係買番黎果D, 但都幾好飲。

入左屯門搵fd順便去左新墟搵野食，見到有間好似幾好食既番茄專門店，朋友其實唔係幾好番茄，但因為諗唔到食咩好，所以決定試下。入去叫左個二人set，包前菜主食甜品同果汁，都幾多野食下。 前菜有豬仔包，上面有甜甜地既蜂蜜，幾新鮮既感覺，除此之外仲有小食拼盤，但唔係幾夠熱。 主菜叫左豬柳滑蛋螺絲粉同埋番茄焗豬排飯，兩個都好濃番茄味，但唔太酸，朋友都接受到，仲覺得幾好食，豬排飯上面加滿芝士，比平時食開既豬排飯好味，份量亦都幾恰當，下次一定會再叫。

要係屯門搵食…主要都係黎市中心一帶…要搵間似樣d既早餐…其實都幾難…咁啱朋友最近樣樣野都要求要健康…所以就推介呢間蕃茄專門店…呢度感覺似茶餐廳與西餐廳之間…餐牌好簡單…由於野食係以蕃茄為主…所以只係選配料…話咁快就選定啦…餐飲包果汁…橙汁+蘋果汁…當然唔係鮮榨…朋友選左蕃茄湯意粉+雞扒+牛油脆豬…而我就選左蕃茄湯螺絲粉+豬柳+牛油多士…蕃茄湯底十分足料…仲見到蕃茄籽係湯裡面…唔酸唔甜好有蕃茄味…豬雞都炸脆左…唔油唔乾幾香口…不過加$轉既牛油脆豬就比較一般…同食多士分別唔大lor…朋友罕有地食哂成個早餐…野食健康…價錢都好健康…>，<…

屯門雖然大,但食店分得太散,今次勤奮又注重健康的友人提議去食健康蕃茄早餐,在屯門找了幾圈,終於找到,蕃茄湯餐比較簡單,只選唔同粉麵加入蕃茄湯,加錢可轉油朱,但可惜不是奶油,我地分別點了雞同豬,不過我發現次次都係呢個組合 先說湯底,很濃,好鮮蕃茄味,我選了意粉,由於太濃,好似變左薈意粉,友人要了扭扭粉,外觀一般豬扒幾脆,但不夠大件,雞扒也炸得香口,都係得3件,件數比較少 多士得牛油也比較單調,不過幾脆,飲品可選鮮橙汁,有橙渣,應該唔鮮都係真橙做成,尚可.總結蕃茄湯唔錯,但多士加錢轉油朱其實分別不大,味道不過不失啦