申子居酒屋

营业中

休息中

食盡銅鑼灣之日式 — 申子居酒屋————————————————今日lunch hour又嚟到銅鑼灣搵嘢食， 朋友介紹呢度有個lunch menu兩個人食嘅話都幾抵食因為 惠顧兩個午市套餐其中某d套餐可以有半價優惠😏🔸 廣島蠔鍋定食廣島蠔有好多隻，隻隻都肥嘟嘟😋， 入面仲有大量嘅唔同蔬菜，包括菇類同大白菜等， 配埋白飯同個鍋嘅湯一齊食，唔錯🌞🔸 蒲燒鰻魚玉子丼呢個係半價追加嘅午市套餐，鰻魚好大一條，而下面嘅玉子燒厚度驚人😮 值得一齊嘅係佢每個午市套餐都會跟一個麵豉湯同牛舌小食， 鍾意食牛舌嘅我當然so happy😝 麵豉湯亦都唔會過鹹Overall comment: 舖頭環境隱蔽，燈光比較偏暗，頗有氣氛， lunch set幾抵食🤗

好耐無黎試申子，呢次朋友由外國返黎想食日本野，所以揀左呢間超多好評又高質既日式居酒屋😎。🈹6點半前仲送2件和牛壽司🍣。🔅鹿兒島A4和牛茶漬飯 ($328)平時好少食茶漬飯，見依家出左鹿兒島A4和牛既高級版🍵茶漬飯梗係要試下😋。茶湯唔會好濃味，倒去飯都夠熱令和牛變半熟，入口即溶😍，愈食茶湯會愈香牛味🐮。🔅極上鹽燒牛舌芯 ($128)上次食過返尋味，encore之選！牛舌芯其實好易中伏，但呢到燒得好爽口彈牙又夠嫩🤤，雖然偏貴但有質素保證👍🏻。🔅日式特製鵝肝 ($198)鵝肝有微微酒香，幾入味，配埋爽口既青瓜🥒同籮白好fresh唔會膩。🔅燒飯糰(蟹肉) ($58)飯糰燒到微焦，加埋蟹肉幾足料🦀，口感唔錯，配埋高菜夠晒味🥺。🔅唐揚脆雞 ($128)睇相好吸引所以叫左🤤，炸得好香脆，雞肉仲好juicy好嫩滑，加左蛋黃醬更邪惡😈。💬隔左咁耐再幫襯都無跌watt✨，keep住人氣keep住高質😚，值得推薦既日式居酒屋。

諗住同屋企人食好西，點知中伏，又貴又難食！本身諗住申子都出名，應該穩陣，點知令屋企人失望。首先嗌咗雞皮，但炸得唔脆，而且得3細塊，超唔抵。之後嘅串燒更失望，烤大蔥豬肉，舊肉冇味，又韌，值頭韌到食唔到；雞翼又乾又冇味，皮又唔脆。另外炸天婦羅牛扒，公道講牛生熟度係幾好，但可惜完全冇牛味，完全唔知食緊乜肉！但價錢十分進取，一杯小梅酒都索價98蚊，野食都貴，但質素完全係劣嚟形容，唔推薦大家去，而且服務都唔太好，落單侍應對住每枱都黑口黑面，環境亦唔係特別好，明知咁多客每台都比較窄，但係冇好似其他餐廳咁樣提供籃俾你放低啲雜物/袋，絕對唔會再幫襯！

係旺角起家嘅申子居酒屋憑住吉列芝士豚肉🧀同和牛燒🥩俘虜唔少香港人嘅心💛開到嚟銅鑼灣依然吸引唔少捧場客。今次終於有機會試到😍穿過布簾即見到獅子山牆身。餐牌有唔少非常邪惡嘅菜式😈😈好似海膽炒飯、燒和牛、蠔鍋、吉列豚肉、串燒等等，可以叫返杯sake同朋友邊飲邊食🍶和牛壽司晚市贈送和牛壽司，和牛好軟滑有油脂香😙😙汁燒活白鱔、大蔥黑豚肉（柚子）白鱔有驚喜！值得叫😋😋超級厚身，厚肉到爆，食到香而不腥嘅鮮味😛咬落非常爽彈，魚皮仲脆脆地，口感好正🥰豚肉都係又厚又彈，調味不錯，不過有些許筋。吉列芝士千層其中一款招牌吉列芝士嘅菜式，外層好酥脆，內裡芝士多至滿瀉🥳🥳層層鹹香嘅火腿同芝士相間，口感唔錯👍🏻申子海膽和牛燒招牌必食菜式，打卡又啱📸店員會即席用火槍🔥將超大塊色澤粉嫩嘅和牛燒至剛剛熟🫶🏼包住醬油、生雞蛋、壽司飯，最後放上甘香creamy海膽同魚子醬，奢華感🆙和牛好軟腍、油花豐富、肉味又香，加上被蛋汁包裹嘅飯粒，絕配😏😏黑松露雞肉芝士雜炊飽足感滿滿又邪惡既主食🍚芝士落得滿滿，每一啖飯都可以拉絲，芝士味同黑松露味香濃，仲有唔少啖啖肉雞肉粒。人均消費：$450推介指數（10分為滿分）：8分

和牛壽司呢一度菜式係免費嘅😗 啲牛肉軟滑，真係融入咗嘅鮮味，非常好食🤍相當唔錯呀申子新卷 $248卷壽司好新鮮，仲有啲海膽魚子係度，一啖啱晒口～☺️和牛茶漬飯 $328倒入湯之後，令到飯嘅口感更加濕潤，亦都有清甜嘅感覺😙牛肉肉質超級嫩滑，令人一口接一口，實在停唔住～海膽炒飯 $238炒飯粒粒分明，加上海膽，令到分鹹香味好重😆非常惹味💖飯後飲嘅巨峰乳酸梳打同蜜桃乳酸梳打都係超級清新，啱啱好如果你係日本料理嘅粉絲，呢間餐廳絕對值得一試，有好多唔同特別嘅菜式，你絕對唔會失望嘅！😋

🤍 申子海膽和牛燒店員服務非常細心，會在席前用火槍逐面慢烤矜貴的和牛片。和牛味道略帶煙燻，特別香濃。🥰🥰🥰 然後店員會用和牛包裹住生雞蛋和飯糰，放在我們的碟上。整體的味道非常驚艷，放進嘴裡瞬間入口即溶，和牛的油香和香濃的蛋液在口腔中好吃到猶如交織出一首繞樑三日的交響曲，肉質非常juicy。陣陣香味在舌尖上緩緩飄散，讓人吃得如癡如醉.ᐟ‪‪.ᐟ 🤍海苔拖羅赤膽壽司 (兩入）超級新鮮的赤膽完全不用任何調味，僅僅是用海苔包住來吃，紫菜非常香脆，配合啖啖拖羅肥美的香味，一切滋味已經盡在不言中.ᐟ‪‪.ᐟ 🤍極上鹽燒牛舌芯牛舌味道極為濃郁，肉質爽彈，可以感受到肉汁在嘴中爆發出來.ᐟ‪‪.ᐟ 🤍日式雞鎚花蝦這道菜式的口感非常特別，雞鎚的外皮蘸滿了櫻花蝦，烤得無比酥脆，裡面則是啖啖蝦膠結合肉碎，肉汁非常豐富，簡直就是外脆內嫩.ᐟ‪‪.ᐟ 🤍和牛壽司和牛壽司的牛肉同樣高質素。和牛塊隱約滲出油脂，賣相吸引，讓人垂涎欲滴.ᐟ‪‪.ᐟ / 環境 Environment / 餐廳裝潢設計很有心思，分了幾個空間，當中用了包廂設計，非常適合多人的聚會，可以保留一定的隱私度。整體裝潢盡現型格時尚的格調，有別於一般傳

最近多咗新menu嘅申子居酒屋又係同朋友放工gathering再訪嘅好地方野食從來唔會令人失望🥢和牛壽司👉🏻最新做緊6點半前或8點9後訂座就送和牛壽司嘅優惠 🥢和牛茶漬飯👉🏻熱湯倒落去和牛飯裡 以熱湯溫煮和牛至剛熟 和牛口感保持到油嫰 加啲紫菜和芥末味道更昇華🥢極上蟹肉蟹膏燉飯👉🏻鍾意鮮味嘅必點呢款燉飯 蟹肉、蟹膏、蟹籽混合埋嘅蟹湯味燉飯 比想像中更好食 啖啖蟹味好正🥢極上鹽燒牛舌芯👉🏻每次黎都會點嘅鹽燒牛舌芯 爽口脆嫰好juicu 點海鹽/芥末都好味🥢吉列三重芝士千層豚肉👉🏻申子嘅招牌但係我第一次食到 果然係佢嘅招牌 吉列炸皮好酥脆 芝士層超澎拜嘅綿密口感 真係極邪惡

訂檯訂左6:30pm，訂個陣有100分鐘用膳時間，去到就突然被通知得90分鐘，食到7:15pm行過黎話last order☺️第二輪野食7:40pm先黎到，7:45pm就比張單你比錢埋單，準時8:00pm趕你走☺️啲野食幾好食都無用啦，成餐飯，茶永遠都無人會主動加，但就不停有人行過黎催你快啲食食完就好走啦，唔講我以為參加左居酒屋鬥快食完比賽☺️講緊3個人食埋單要$1800☺️完全明白點解唔再出街食飯☺️

《👅🐮人氣申子居酒屋—必食牛舌芯💕💕》相信大家對呢間嘢都唔陌生❣️分別係旺角同銅鑼灣都有分店😍一直都係超人氣餐廳 所以黎之前建議打電話book位或者去OpenRice睇吓有冇優惠🎉🎉餐廳Menu好多選擇 最近仲多咗個新menu有和牛茶漬飯等揀！💯💯‼️1️⃣❤️‍🔥🦀 極尚蟹膏蟹肉燉飯$288 （9/10）💯💯‼️大推！上枱賣相好靚！蟹蓋下面有一大堆蟹肉🦀🦀🦀🦀燉飯鮮味出 好creamy 仲有一大堆魚子銘😍全部溝埋一齊食好正!!啖啖肉擺落口❣️2️⃣ 🐮💓 和牛茶漬飯 $328 （8/10）和牛嘅雪花同埋紋理都好靚‼️😘熱熱嘅湯將和牛整熟💓食起身好嫰滑 入口即化 啲飯粒粒分明🔆🍱🍚加埋紫菜同Wasabi 食落口冇乜負擔3️⃣ 🐮👅 極上鹽燒牛舌芯 $128 （10/10）❣️❣️❣️❣️牛舌不嬲都係我最鍾意食嘅部位😆雖然份量唔多 但係燒得夠脆身💯色澤亦都好靚 咬落去軟綿綿得黎又帶少少彈牙 好chewy😘💕加上蔥花、檸檬汁同鹽 仲有一個類似薑蓉嘅嘢🤣令味道更加突出同埋多層次❤️4️⃣ 🐟❣️ 燒銀鱈魚 $198 （8/10）銀鱈魚有兩舊😆性價比比較低但係煮得好好味 油脂味香😘魚肉香口嫩滑 加埋沙律醬食 邪惡！！————————

⭕哈哈，為左慶祝我last day，我又做返自由人，所以我去左同大佬食餐好既😚😎呢間餐廳我應該係第三次食，之前頭兩次都係喺旺角食，估唔到銅鑼灣都一樣咁正👍🏻❣️🔻和牛壽司每日每日book枱嘅時段係6-9pm，每台都會送和牛壽司🍣🔻申子海膽和牛燒 $378👍🏻呢個一定要叫，我見隔離枱都有叫😎超級正，和牛入面包住蛋汁同埋飯，面頭仲有海膽😎😚有師傅幫你燒埋，佢會問你食幾多成熟，我就叫咗五成，感覺剛剛好😎完全做到齒頰留香🔻廣島蠔鍋 $158👍🏻呢個鍋都係超級正，我係超級鍾意食蠔🦪佢入面幾重清酒味🍶麵豉湯底，有啲菜清清地，我地直情係飲曬成煲湯😎🔻鮮蟹肉粥 $168依然都係海鮮，叫咗個鮮蟹粥，因為呢度冷氣都有啲大，打算叫啲熱辣辣啲嘅嘢暖下個身😚兜粥比想像中大兜，食落去唔係味精粥，唔會越食越鹹，好重蟹鮮味🦀🔻汁煮左口魚裙邊 $148佢嘅左口魚我都唔係第一次食，佢啲魚係好好食嘅🐟食落去好滑好fresh, 我自己會覺得佢個豉油就鹹咗少少，但放埋落個粥到就剛剛好👍🏻

@kan.teen呢間日式居酒屋由旺角開到銅鑼灣 之前有睇過節目介紹佢💛日本旅行翻黎之後成日都好掛住日本嘅味道 係香港比較少居酒屋類型餐廳，今次黎到銅鑼灣試下先！叫左個十分搶眼嘅海膽和牛燒，一黎到有一大片和牛，油脂分布好靚仔，食落好肥美😋店員會係我哋面前即席整火焰和牛，用和牛一層一層包住飯團🍙最後燒到恰當嘅熟度，加上海膽同魚子，相當精緻。極上蟹膏蟹肉燉飯，呢個對於我呢啲蟹痴黎講簡直係大滿足！有蟹肉、蟹膏、蟹子撈飯，每一啖都有齊咁多樣野，好鮮味😍不過呢道菜候餐時間比較耐，由落單到上菜都等左一個鐘。最後當然有叫居酒屋必嗌嘅燒牛舌。佢哋嘅牛舌以粒狀呈現，厚切。燒得好靚，牛舌芯邊燒到焦香，咬落爽彈。比起居酒屋，我覺得佢哋似一間食正餐嘅日本野多啲🤣菜式都好花心思去製作，不過環境始終少左啲日式居酒居嘅氣氛感🏮。-📍申子居酒屋 銅鑼灣#kanteen香港 #kanteen銅鑼灣#kanteen日

期待已久嘅人氣居酒屋🤩位於銅鑼灣嘅「申子居酒屋」嘅裝潢以獅子山為主題，一入門口見到以原木呈現獅子山輪廓的座位背板。餐廳主打日式料理，提供各款刺身、壽司、丼飯、日式燒物和小食。申子海膽和牛燒 $378必食推介！居酒屋選用咗日本鹿兒島既A4和牛，切成5至7毫米的和牛薄片🐮和牛紋理細緻，油花分佈均勻，店員即席在桌上用火槍炙燒，再用和牛薄片包住蘭王雞蛋同日本米飯，和牛反起再多燒一會，熟得更平均，最後係卷好嘅和牛燒面放上海膽同黑魚子。和牛嘅肉汁都滲入飯中，每一口都擁有濃郁的牛肉香氣，肉質嫩而多汁，加埋海膽同黑魚子，非常鮮味。極上蟹肉蟹膏燉飯 $288超推介！超足料蟹膏同蟹肉❤️燉飯偏濕潤有啲似意大利飯嘅感覺，用蟹蓋蓋住蟹膏、蟹肉同蟹籽，將蟹膏、蟹肉同蟹籽拌入燉飯中撈混，蟹膏鮮味極為濃郁，蟹籽又令口感更豐富，每啖飯都好濃蟹味！申子新卷 $248申子新卷壽司飯團上面鋪左吞拿魚蓉，海膽同三文魚籽，非常鮮味☺️而卷物入面包住脆魚皮，食落口有多重口感。海葡萄冰菜沙律 $148主要由海葡萄同冰菜搭配而成的沙律，菜嘅份量亦不少，冰菜入口爽脆清甜，海葡萄帶有淡淡鹹鮮味道而口感脆卜卜，混和芝麻醬一齊食好開胃。和牛壽司

好多人都認識銅鑼灣呢間居酒屋揀咗"極尚．午市割烹"第二份 "嚴選．午市割烹" 就有半價✨牛肉壽喜燒定食跟埋味噌湯．米飯．漬物好鍾意壽喜燒清甜嘅味道豚肉/牛肉之中．都係鍾意食牛厚薄適中．5成熟就啱啱好加埋隻蛋入去更好味裡面仲有菜同雜菌．份量充足✨明太子山芋底層白色嘅山芋，口感清爽上面舖上芝士同明太子增添口感同味道✨明太子燒飯糰厚厚嘅飯糰燒得外脆內軟包著香脆紫菜一齊食更滋味環境舒適．食物有水準．一定有下次

二訪銅鑼灣呢間申子居酒屋，每次同朋友嚟都食得好開心🤩 呢度無論氣氛服務食物都非常到位，真係好鍾意🥰🌟和牛壽司 （6:30pm前/8:45pm後入座免費贈送）真係勁開心，竟然有咁高質嘅和牛壽司送俾我哋😍 和牛好大片，入口即溶，好幸福😚🌟鹿兒島A4和牛茶漬飯 $328鍾意食和牛嘅我哋點會錯過呢一個新Menu 🤩 一見到啲咁靚嘅和牛已經心心眼😍 和牛油脂豐富，牛味濃郁，入口即化🥰 茶漬湯非常好味，我哋將成壼湯倒晒落去😂 湯撈飯真係一流🤩 🌟蓬鬆玉子 $108呢個每次必點，因為實在好好味😂 而且賣相好靚打卡一流👏 最鍾意佢配埋沙律醬同埋燒汁，甜甜地勁好食😍🌟廣島蠔鍋 $158鍾意食蠔嘅朋友仔，呢個真係必點😎 每隻號都大大隻煮完都唔會縮水👍而且個湯真係好鮮甜😚呢個價錢真係好抵😌🌟洋風雞肉卷 $168呢個超有驚喜🤩 雞皮捲住嫩滑嘅雞肉，賣相好靚之餘，估唔到味道一樣咁正😍 特別佢個汁甜甜地，同雞肉好夾，份量亦都唔少，必食👍 🌟酒精飲品買一送一😎🌟 白桃酒 🌟 白真弓純柚子酒買一送一咁抵我哋梗係飲啦🤩 呢兩杯都好適合女仔，果實味好香甜，好鍾意🥰 呢間申子居酒屋真係非常適合朋友聚會，氣氛極好，真心推介🥰

申子海膽和牛燒見好多人點呢個店員喺你面前幫你燒好和牛肥美肉質嫩滑入面卷咗飯同日本蛋汁最尾放上海膽同魚子醬😌極上鹽燒牛舌芯👅爽口juicy！調味有柚子胡椒、鹽同檸檬汁俾你揀洋風雞肉卷🐔醬油風味醃得夠入味，好好食😋汁燒蒜片牛柳粒汁煮左口魚裙邊以上兩款都唔錯