生龍清湯腩餐廳 (已結業)

牛腩叫咗半肥瘦好煙韌同埋夠彈牙 好好味湯底夠清又冇咩油 同牛腩好夾 湯底又冇咩油黑椒煨牛尾雖然唔夠以前重黑椒味但依然入味不過菠蘿冰有啲失望不過嚟呢度食最主要係食唔係飲

👅牛脷米粉👅牛脷都有六舊 雖然有五舊都係勁薄😅唔騷 好淋 好食既👍🏻個湯有淡淡蘿蔔味 幾清既感覺😌不過本人為左辣菜甫而黎的 落埋就唔清啦😁香口既菜甫中 仲食到蘿蔔既清甜咁 讚😋

今日 琴日 前日 lunch都係食雲呑麵(平記 民華)食左三日 今日呢碗遠遠勝岀😗雲呑粒粒有一至兩隻蝦 味道幾鮮 肥肉唔多麵冇鹼水味 爽口 夠多 唔係兩三啖食哂個啲重點係佢有辣椒油同辣菜甫係枱面任你落😍辣味係buildable既 落多啲真係辣到👍🏻為左個辣菜甫 我諗我keep住黎😂大埔有好多$30以下既野食 但試左一星期日日都伏or伏伏地 飽都唔飽下 仲要買多個包食計返都係差唔多 唔好貪平啦😅

係出面睇睇下餐牌，個staff好熱情話好好味架，入黎揀啦。見佢咁熱情，咁就入去食啦。牛腩粒米線牛腩切得細細粒，牛腩味香，但有啲細舊難夾，份量感覺偏少。麵線柔軟，不過不失。配魚肉尖椒有2舊魚肉香菇同2舊尖椒，滿滿既魚肉貼係香菇上，個菇肉質飽滿咬落有汁，個尖椒就有少少辣。

大埔既朋友唔知有冇食過呢間？正斗雲吞麵 $41好耐冇食雲吞麵，叫咗一碗雲吞麵。仲有一個餸，夾埋$41。一碗雲吞有5粒，每粒雲吞都有一至兩隻蝦，材料豐富。隔離仲有一系列嘅漿料，有勁辣榨菜，辣椒漿，紅醋等。我就習慣雲吞麵加紅醋啦，不過湯底略甜。一個餸唔知揀咩餸好，個staff就推薦我食呢個西洋菜湯，話好好飲架，咁我就決定試下呢西洋菜湯。雖然啲職員把聲好粗壯，一講嘢就全間餐廳都聽到。但我覺得佢哋都算係有禮貌，仲好nice，同啲食客吹下水。講返正題，呢個西洋菜湯好鮮甜，成碗都係西洋菜，西洋菜好新鮮，佢嘅湯底好甜，我覺得值得一試。

安格斯牛蝦籽撈麵肉好鲜嫩(多肉汁)蝦籽好足料，奈何麵，好重鹼水味(失色)清湯腩肥瘦適中(多肉汁)湯好清甜辣菜甫(勁辣)辣椒油(辣………………)茶味濃奶茶香滑安格斯牛，清湯腩味道不錯，麵係彈牙，但重鹼水味(扣分)

前幾日趁天氣唔錯，就同朋友去大埔踩單車，做下運動。出發前泥咗呢間生龍清湯腩醫肚先。餐廳有唔同嘅餐單，我覺得其中呢個滋味誘惑配都幾抵，包一款粉麵同一個小食。所以就點咗一個麵醬牛腩粒米線，再加一碟炸魚皮。落單之後，其中一個職員就走埋泥好唔好意思咁同我講，冇哂炸魚皮，叫我轉過另一碟。見我有意向揀油菜，仲好仔細咁同我介紹有邊幾款油菜，而我最終就揀咗上湯西洋菜。除咗油菜事件令我覺得餐廳職員服務唔錯之外，另一個原因是，我喺發現收據金額同餐廳餐單有出入，同職員求證之後，職員就即刻同我道歉，話餐單上嘅價錢出錯，未更新，會盡快同老闆反映。職員誠懇嘅態度，就令我欣然接受咗呢個小小嘅足。比較餐廳嘅服務態度，餐廳嘅食物就相對普通。麵醬牛腩粒比較散碎，但味道尚算濃郁，腩粒入味夠軟，而上湯西洋菜唔會煮得過久，菜葉能夠保持鮮嫩，湯底亦鮮甜，彌補到冇餐飲嘅不足。

尋晚十點幾坐低後睇餐牌見到有宵夜套餐，每款大概3x元，連飲品，加油菜就12元，我與老公諗住叫一碗牛腩面，和一碗牛肚米，我將套餐個牌放喺枱面，方便落order，叫了一個女侍應嚟寫單，我望住個餐牌話要一碗牛腩麵，一碗牛肚米，侍應問我飲唔飲嘢，我問佢包唔包飲品，侍應答我唔包飲品，咁我話唔要了，我加了一個油菜，女侍應打單後比番張單我，我見到價錢同套餐個餐牌不乎，打了牛腩麵＄42 ,牛肚米＄32，油菜＄16，我就叫左落單個位女侍應黎問下，佢竟然答我因為我冇講明話要宵夜套餐，和我們話唔飲嘢，所以幫我地落咗正價粉面。當時我想少一事所以不跟佢理論，後來我越諗越覺得佢過分，簡直有欺騙之嫌，仲將責任賴係我度，我對住個餐牌咁樣落order佢都話我冇我話叫套餐，我已問佢包唔包飲品，如果我唔係叫緊套餐嘅我點會咁樣問，但係反被佢話我因為唔飲嘢，所以以為我哋叫正價粉面，我覺得呢間鋪頭實在太過分，員工不誠實等於鋪頭都不誠實，以後唔會再去。

清湯腩我好少食，今次介紹大埔生龍清湯腩，但我不是吃清湯腩！哈哈！餐牌上的食物很多~~這次來吃晚飯真的很難選擇~~~=.= 是次叫了 鯪魚肉釀青椒，口水雞，咖哩牛腩飯。個人覺得價錢不平民，在大埔區來說是偏貴。 晚餐有湯，個湯好熱，不似味精湯！HAHA！ 咖哩牛腩飯~~啊~~好多汁！個飯唔夠送>"<這個咖哩牛腩飯可以兩個人SHARE吃=.="牛腩是入味，而且易咬口。這個咖哩牛腩飯還有牛根！超好味~~又軟！整體這個可以啊~！ 鯪魚肉釀青椒~~ 推介！鯪魚肉釀滿整個青椒，吃下去很滿足！！大愛！ 口水雞我原本以為是成碟紅色~~HAHA！雞煮得OK，有一兩件見紅，是傳統做法！這個是普通，但喜歡吃辣的人可以多一個選擇。 鯪魚肉釀青椒是我推介！但價格就偏貴，真是吃一次也算了！

呢晚走去廣福道搵野食，想食牛腩河，見到呢度有，就入左黎。打去餐牌，見到清湯腩好似幾吸引，而且腩仲可以選「肥、瘦、半肥瘦，"淋"」，甘就叫清湯腩，仲有加多個小食豬紅蘿蔔，奶茶。(上圖) - 「清湯腩」(半肥瘦，"淋") ： 個湯底唔算好鮮，牛肉的確有牛味，不過硬，我已經要左"淋"，甘如果叫半肥瘦唔"淋"會點？  隻碗比較細之餘，上寬下窄得太緊要，結果食果時都幾難筷子同「羹」並用 (並用的好處係可以啖啖都河粉同湯一齊食)，又好難撈均打散D河粉。佢D河粉係幾滑同薄，同牛腩相比，河粉反而出色。白蘿蔔口感較實，甜味唔夠，亦無汁，好在無渣。(上圖) - 「蘿蔔豬紅」：蘿蔔味道、口感同上。豬紅幸好不腥。呢個小食僅合格。2個人，2碗粉，1個小食，1杯凍飲，$120。

北上後回港補一補，計劃先生龍清湯腩、後大少燒味飯，一定夠飽啦 ﹗Lucky 有卡位坐添，肥姐姐熱情有禮、敬業樂業、解釋詳盡細心，難得一見，非常欣賞 ﹗其間唔知邊位同事落錯單，改返正確咪算囉，四眼收銀阿姐多多說話，嘈咩啫 ﹗影響食客用餐心情，又影響環境氣氛 ﹗本想叫多幾樣野食，但諗起依餐係頭盤，轉頭去食燒味喎，都係唔好衝動，少食多滋味。好靚仔好吸引，擺位得宜又整齊，食慾即時大增 ﹗大力索一索，香氣直擊大腦，行氣活血、舒筋活絡，流晒口水喇 ﹗立刻亮出武器第一時間搶攻，大啖大啖地啜、大束大束地夾，誓要迅間消滅所有食物 ﹗崩砂腩伊麵走蔥，伊麵夾著崩砂腩直送口中，試左第一啖後已不能自拔，暴走地不停食不停咬 ﹗崩砂腩無得彈超高質滿分，瘦肉鬆化香甜軟腍腍，肉汁澎湃填滿整個口腔。崩砂位嫩滑嚥韌又黏黏膠膠，口感正到不得了 ﹗特濃湯汁浸著崩砂腩肉帶埋爽彈伊麵一家團聚，完全融合，味道提升極置，好味到不懂如何形容 ﹗蘿蔔同樣甜美，充滿水份，超正！

大埔開第 8 分店己有一段時間喇，初時日日排長龍、迫到爆 ﹗但今晚難得無咩食客喎，見有位就衝入黎試試啦，剩返對正大門迷你圓枱仔，是但照坐。旺角生龍唔會再去，嚴重 black list ﹗出品麻麻、服務惡劣、環境麻麻，客路主要為大陸人或自由行。首次幫襯大埔分店遁例都 scan 下個 menu 先，菜色包羅萬有多元化，粉麵、快餐、咖哩、潮州、西餐、小食、等等。如果大埔群記清湯腩唔係只開下晏幾個鐘，應該無咩機會走黎試生龍喇。睇完周森跌打成八點半多，是但就行過隔離生龍食啦，雖然試左幾次質數都強差人意，半年無幫襯睇您有無改善左。朋友們話生龍清湯腩雖然麻麻，不過但咖哩認真做得唔錯，今晚順路就試您咖哩啦。Dinner HKD59 蚊都算合理，真係物價騰貴啊 ﹗半肥瘦清湯腩麵走蔥，超強烈刺鼻鹼水麵，救命 ﹗上次食伊麵完全無問題仲好好食添，以後都都食伊麵或河粉較為穩陣。半肥瘦腩都係幾肥下，肥膏脂肪一舊舊，味道就夠晒香濃甜美，下次食瘦好一點。湯底香噴噴，但鹼水味濃烈，飲唔到呀 ﹗趕住去飛鏢比賽，求其一落車衝入黎倒碗麵落算，即閃 ﹗五寶伊麵半肥瘦走蔥，食清湯腩當然飲湯先啦，湯底係靈魂所在。嘩，好香甜濃縮牛肉

晚上7點半唔洗排隊, 只有5-6枱客, 以為因為價錢都唔平, 所以小D人幫襯, 見佢用清湯腩黎做店名, 諗住實有D料到, 但試完之後明白, 我都唔會再回頭, 完全唔值呢個價錢....招牌清湯腩河粉 ($38), 細細碗5-6片薄牛腩, 湯底湯到好似係味精粉開咁, 河粉係滑既, 但牛腩超鞋又靱, 好鬼痴牙, 味道只是非常普通, 香港仔魚蛋好過佢多多聲.......金牌巴基斯坦咖喱牛坑腩飯, 先講個汁, 完全唔辣, 老公話大家樂做得好過佢, 而牛坑腩超肥, 太多肥膏, 牛坑腩雖然好淋, 但就食唔到牛既味道, 都几失敗, 連埋杯咸檸七, 賣$67 蚊, 真係去大家樂好過喇!

生龍最出色是其清湯腩和咖喱 今次試了咖喱牛腩和釀尖椒 其咖哩含有好多「粒粒」 令咖哩口感豐富 咖哩有小中大辣選擇 薯仔煮得軟硬適中 雖說牛腩埋左咖哩之中 但牛味依然十足 可以一試 適合愛咖哩的你我 另外 釀尖椒出乎意料之外地好吃 尖椒的辣味很「出」 魚肉也很有味 不像普通街檔的釀XX 毫無魚肉味 由此 我向大家極力推介生龍的釀尖椒和咖哩 真的不錯 雖然價錢比平常茶餐廳貴一些 但真的可以一試

走進生龍，滿心期待品嘗馳名牛腩，可是失望收場。先說奶茶，奶味太重，紅茶亦不太有茶味，這杯凍奶茶整體喝上來就像一杯花奶，而且太甜，喝掉一口就不想再喝。另外，就是右手邊的「麵醬牛粒河粉」。一來，湯沒味，太少湯，吃到半路，整碗粉就像撈粉，難以進食。二來，牛粒太少，亦不像其清湯腩，牛坑腩出色，就是太少牛味！最後，吃完整碗河粉，我完全感受不到麵醬的存在，很失望！再說上菜，太慢，等這碗河粉足足等了15分鐘，而且侍應態度冷淡，減少客人食慾，其態度有待改善 .