生龍清湯腩餐廳 (已結業)

中午時間和太太去新街市買餸經過生龍，見入面約八成客不用等；於是入去試下佢既牛腩得唔得先。我們原本想叫坑腩粉既，但未有供應，聽店內的阿姐介紹，改試貴少少的爽腩河粉。據開牛爽腩是在牛肚腩位的位置，得好細塊所以較矝貴。由於夾著有塊薄軟膠質，吃來爽軟不硬。端來的睇來真的是爽腩，份量都幾多，大大件約有成六、七件咁多；牛腩夾著筋膜，肉質有點油脂而且半肥半瘦的。吃起來爽得來肉質鬆化，但又唔韌，滿口盡是滿滿的牛肉味，加上肉質好fresh，口感十足，清湯好鮮甜，河粉淥得剛好唔會好淋，呢碗嘢有水準喎。另外加13元配的清湯腩汁菜心，色澤綠油油很新鮮，莖和叶都很清甜、無渣，食哂、唔錯！跟單送的奶茶都唔錯幾滑，送嘅更要俾多少少分啦我就最怕等位排隊等位嘅，呢度食完可以多的時間去街市慢慢逛街買餸。

留意到此店的餐牌，早餐款式挺多，好奇的試試。要了兩款早餐，火腿通粉、餐飽和奄列，配凍奶茶；豬膶米粉、餐飽、煙火腿炒蛋，配凍檸茶。通粉和奄列中的火腿份量豐富，令人十分滿意；奄列和炒蛋大份夠滑；煙火腿夠香不油膩；餐飽新鮮軟綿。通粉和米粉煮得軟而入味；豬膶軟熟，但鮮味一般。飲品方面，凍奶茶奶味較重，但還是挺滑的；凍檸茶甜漿較多，但喝到茶味還是不錯的。總的來說，早餐份量挺豐富，如能加一些蔬菜會較好；飲品的用料不錯，但味道略欠平衡，仍算是有特色和用心之作。

之前試過深水埗同旺角分店都唔錯~今次係第一次喺大埔店食(亦係最後一次)，緊係要食我最鍾意既清湯牛坑腩湯飯啦~男服務員有禮地問坑腩要肥d定瘦d，我地話要半肥瘦，結果……餸同飯係分開上既，成碗餸個底有成五、六舊勁大舊既白蘿蔔墊底，裡面有幾條白色既牛筋，但我根本分唔到牛筋同腩肉，因為成碗野都係白雪雪既，d肉…唔係…係d肥膏佔左每舊肉既8-9成，幾乎要入口先知邊件係筋、邊件係肥膏，真正既肉只佔每舊所謂既坑腩大約10-20%！我真係未食過咁肥既肉！應該話係幾乎食唔到肉，坑腩仲要加5蚊添！根本成碗肥膏上俾客人食！碗咁既野仲要$53！之前食過幾次清湯牛坑腩湯飯都幾好，但呢間分店完全唔掂！到埋單時我放左張100蚊紙喺收銀枱面，我企左喺個四眼收銀亞姐面前起碼15秒，但佢居然坐係度郁都唔郁望都唔望，好明顯佢係知道有人企喺佢面前但佢唔想郁，我企咁耐佢就只係掛住望住枱底，我諗佢應該喺度玩緊手機，我真係想開口鬧佢！最後我頂佢唔住講左句：唔該！(真係想加多句：你捨得收錢未？)佢先斯斯然收錢咋~唉…呢間野唔使錢請我都唔會再黎！

曾經是常客，但食物的品質和服務嚴重降低.  今天，大約上午11點我和美國朋友到那裡吃東西，因他們想吃牛腩河，只得到了5-6個人客，足足等了超過30分鐘，催了三數次，冇人理。叫了廋牛腩，但 3/4 都是肥羔。不知所謂！

烹調咖喱是一門學問，品嚐咖喱也算是藝術吧。到訪不同咖喱店，做法各具特色，透過加入不同香料，每次品嚐總具新鮮感。而且並不是貴才可嚐到美味咖喱，很多十分大眾化的咖喱店也能烹調出令人回味嘅味道。生龍清湯腩喺大埔設了分店，經常坐無虛席。店面裝潢整潔新淨，食物種類亦不少，除了清湯腩外，有不少飯麵小食供選擇。巴基斯坦咖喱亦是招牌菜，聲稱以30多種香料及秘方配製而成，有大中小辣之分。咖喱雞扒飯-大辣一碗滿滿嘅咖喱汁，雖然唔屬於稠身的醬汁，但可看見汁內有不少香料及洋蔥蓉。先嚐一口，感覺唔太辣，但確有濃郁香料及咖喱味道，味道複雜有層次。正當我打算加點辣油之際，一股辛辣的aftertaste慢慢湧現，而且愈吃愈辣，相當刺激，十分滿足。雞扒有一大塊，微微煎過，調味適中，唔會搶過咖喱味道。飯軟硬適宜，配合咖喱汁吃，真是啖啖滋味。以呢個價錢及質素，難怪吸引不少食客。個人認為呢度嘅咖喱比國際咖喱館更美味，但當然種類則不及國際繁多。

在悶熱天氣下，不想吃得太飽，選擇到"生龍"吃晚飯。老公選了咖喱牛腩飯，我就吃牛三寶米，另要一碟腐乳通菜。咖哩牛腩飯選了半肥瘦牛腩，但來了一些大肥的腩! 咖哩要小辣的，很香，味道不俗。牛三寶米，侍應沒問我便給我半肥瘦的，同樣是來了大肥的，吃不下去。猶幸牛舌和牛肚表現正常!腐乳通菜大大碟，味道正常，只是菜梗有點老。整體表現是不過不失吧!

今晚係特登來試下, 因為之前路過嗅到好香curry味~~我見到有1個curry拍擋餐: curry牛腩配飯 + 青檸7 ($58), curry牛腩好大碟, 好香curry味, 半肥瘦牛腩...咬落唔un唔肥, 仲有入曬味的薯仔, curry有大量洋蔥碎粒，......超正白飯大碟, 夠熱,而且好有趣地有粒蕃茄仔, so cute跟餐加$12有得order菜, 我要西洋菜, 好大碟,好美味, 灼得剛好!!服務方面很有禮貌，廁所都乾淨。值得再來~